ஈரான் இஸ்ரேலைத் தாக்க நாடினால் உலகில் எந்த நாடும் இஸ்ரேலை பாதுகாக்க முடியாது

 Iran op. bolstered Resistance, weakened 'Israel': Marandi

ஈரானிய உயர்மட்ட இராஜதந்திரி முஹம்மத் மராந்தி இஸ்ரேலிய அத்துமீறல்களை எதிரான ஈரானிய தாக்குதல்கள் பாலஸ்தீனிய விடுதலை போராட்ட குழுக்களை வலுப்படுத்திய அதேவேளை இஸ்ரேலிய ஆக்கிரமிப்பை பலவீனப்படுத்தியும் உள்ளது என்று அடிக்கோடிட்டுக் கூறினார்.

லெபனானில் ஆகட்டும் அல்லது சிரியாவில் ஆகட்டும், அதன் நிலையங்கள் அல்லது அதிகாரிகள் மீதான எந்தவொரு தாக்குதலுக்கும் ஈரான் பதிலளிக்கும் என்று ஈரானிய பேச்சுவார்த்தைக் குழுவின் தலைவரும் தெஹ்ரான் பல்கலைக்கழக பேராசிரியருமான முஹம்மத் மராந்தி ஞாயிற்றுக்கிழமை அல் மயாதீனிடம் கூறினார்.

"இஸ்ரேல் ஈரானை எங்காவது தாக்கினால் கண்டிப்பாக அது ஈரானால் தண்டிக்கப்படும்" என்று அவர் வலியுறுத்தினார்.

ஆக்கிரமிக்கப்பட்ட பாலஸ்தீனத்தில் இஸ்ரேலிய இலக்குகள் மீது ஈரான் நடத்திய தாக்குதல் பற்றி குறிப்பிடுகையில், "ஈரானிய நடவடிக்கை மட்டுப்படுத்தப்பட்டதாகவும், பழைய ட்ரோன்கள் மற்றும் பெருமளவில் நவீனமயப்படுத்தப்படாத ஏவுகணைகளைக் கொண்டே தாக்குதல் நடத்தப்பட்டதாகவும் அவர் கூறினார். அவற்றுள் மேம்பட்ட அதிநவீன ஏவுகணைகள் 12 மட்டுமே இருந்தன.

இவற்றைத் தடுத்துநிறுத்த இஸ்ரேல் ஒரு பில்லியன் அமெரிக்க டாலர்களுக்கும் அதிகமாக செலவிட்டது, அதேவேளையில் ஈரான் ஒரு சில மில்லியன்களை மட்டுமே செலவிட்டது; ஈரான் வேண்டுமென்றே இவ்வாறு செய்தது. இஸ்ரேலிய ஆக்கிரமிப்பாளர் அதிக விலை கொடுக்கும் திட்டத்துக்கு அமையவே ஈரான்  மலிவு விலை ஆளில்லா விமானங்களை அனுப்பியது, ஆகவே இந்த தாக்குதல் இஸ்ரேலுக்கு நிதி ரீதியாகவும் தார்மீக ரீதியாகவும் கொடுத்த விலை அதிகமானது என்பதை சுட்டிக்காட்டினார்.

அமெரிக்கா, ஐக்கிய இராச்சியம் மற்றும் பிரான்ஸ் ஆகியவற்றால் விநியோகிக்கப்படும் பாதுகாப்பு அமைப்புகள் மிகவும் விலை உயர்ந்தவை மற்றும் உக்ரேனில் நிகழ்ந்ததை போல விரைவாக தீர்ந்துவிடும் என்றும் அவர் கூறினார்.

இந்த நடவடிக்கையின் மூலம் ஈரான் தனது தளங்களை நடத்தும் அமெரிக்கா மற்றும் வளைகுடா நாடுகளுக்கு ஒரே நேரத்தில் இரண்டு செய்திகளை அனுப்ப விரும்புவதாக மராந்தி கூறினார். அதாவது இஸ்லாமிய குடியரசிற்கு எதிராக கூறப்பட்ட தளங்களை பயன்படுத்தினால் அவை நிச்சயமாக தாக்கப்படும் என்பதை வலியுறுத்தினார்.

ஈரானின் தாக்குதல்கள் சந்தேகத்திற்கு இடமின்றி பாலஸ்தீனிய எதிர்ப்பின் நிலையை வலுப்படுத்தும் மற்றும் இஸ்ரேலிய ஆக்கிரமிப்பை வலுவிழக்கச் செய்யும் என்று அவர் வலியுறுத்தினார்.

-------------

ஈரான் தன்னை முக்கிய பிராந்திய நாடாக ஆக்கிக் கொண்டது

ஒரு பிரபலமான எழுத்தாளரும் முன்னாள் கடற்படை அதிகாரியுமான ஸ்காட் ரிட்டர் (Scott Ritter), அல் மயாதீனிடம் ஈரான் அமெரிக்காவிற்கு ஒரு செய்தியை அனுப்பியுள்ளது என்று குறிப்பிட்டு, அது இஸ்ரேலிய அதிநவீன வான் பாதுகாப்பை மீறும் திறனை ஈரான் கொண்டுள்ளது என்பதே அந்த செய்தி என்று கூறினார்.

மத்திய கிழக்கில் அதன் தகைமைகள் வீழ்ச்சி அடைந்து வருவதை வாஷிங்டன் காணத் தொடங்கி உள்ளது என்பதையும் இது முன்னாள் அமெரிக்க ஜனாதிபதி டொனால்ட் ட்ரம்பின் கீழ் ஒரு அமெரிக்க ஆளில்லா விமானத்தை ஈரான் சுட்டு வீழ்த்தியதில் இருந்து தொடங்கியது, என்பதையும் அவர் சேர்த்துக் கொண்டார்,

இப்பிராந்தியத்தில் அமெரிக்காவின் திறன்களது வீழ்ச்சியின் குறிகாட்டிகளில் ஒன்று செங்கடலில் யேமனின் நடவடிக்கைகளை நிறுத்த இயலாமையாகும் என்று அவர் சுட்டிக்காட்டினார்.

இந்த பிராந்தியத்தில் அமெரிக்காவால் இனி எதுவும் செய்ய முடியாது என்று கூறிய ரிட்டர், அதே நேரத்தில் , மறுபுறம் ஈரான் அதன் திறன்களை வளர்த்து வருகிறது மற்றும் வாஷிங்டனுக்கு அதனால் தீங்கு விளைவிக்க முடிகிறது என்றும் குறிப்பிட்டார்.

ரிட்டர் அமெரிக்கா இஸ்ரேலிடம் அதனை பாதுகாக்கும் ஆனால் ஈரான் மீதான தாக்குதலில் அதை ஆதரிக்காது என்று கூறுவதன் பொருள் என்ன? என்று மேலும் வினவினார்.

முன்னாள் மரைன் கார்ப்ஸ் அதிகாரியான ரிட்டர், ஈரான் பல வாரங்களுக்கு இஸ்ரேலை டிரோன்களைக் கொண்டு தாக்கினால், அது அதன் நிலையை முற்றிலுமாக அம்பலப்படுத்தும் என்று வலியுறுத்தினார், ஈரான் இஸ்ரேலைத் தாக்க நாடினால் உலகில் எந்த நாடும் இஸ்ரேலை பாதுகாக்க முடியாது என்றும் குறிப்பிட்டார்.

ஈரானிய நடவடிக்கையின் பாதிப்பு பற்றிக் குறிப்பிட்ட ரிட்டர், இஸ்ரேல் அதிர்ச்சி நிலையில் உள்ளது என்றும் தாக்குதலை மட்டுப்படுத்த பிரச்சாரத்தை நம்பியுள்ளது என்றும் அதேவேளை இப்பிராந்தியத்தில் ஈரான் தன்னை ஒரு முக்கிய பங்களிப்பாளராக ஆக்கிக் கொண்டுள்ளது என்றும் கூறினார்.

காஸா மற்றும் பிராந்தியத்தில் தற்போதைய இஸ்ரேலிய அரசாங்கத்தின் கொள்கை தற்கொலைக்கு ஒப்பானது என்று அவர் வலியுறுத்திய அவர், "இஸ்ரேல்" தொடர்ந்து ஆக்கிரமைப்பைத் தொடரும் என்று குறிப்பிட்டார். நெதன்யாகு மீது பைடனின் அழுத்தம் எதுவும் ஈடுபடுவதில்லை, என்றார்.

காஸாவில் சமீபத்திய நிகழ்வுகள் காரணமாக அமெரிக்க இயல்புநிலை மற்றும் குறுங்குழுவாத வழிகளில் பிளவை நிறுவுவதற்கான அதன் திட்டம் இனி சாத்தியமில்லை என்பதை வலியுறுத்தி ரிட்டர் முடித்தார்.

ஞாயிறன்று வோல் ஸ்ட்ரீட் ஜேர்னல் (Wall Street Journal) அறிக்கை ஒன்று, இஸ்ரேலுக்கு எதிரான ஈரானின் பதிலடித் தாக்குதல் அதன் நடவடிக்கைகளில் "புதிய தீவிரப்படுத்தும் அபாயங்களை" சந்திக்க விருப்பம் கொண்டிருப்பதைக் காட்டுகிறது மேற்கத்திய நாடுகளின் கவலைகளை விவரித்தது.

https://english.almayadeen.net/news/politics/exclusive--iran-op--bolstered-resistance--weakened--israel