ஊழல் நிறைந்த உலக ஒழுங்கிற்கு சவால் விடும் இஸ்லாமியக் குடியரசு

 Palestinian Resistance and Hezbollah are victorious

ஆயிரக்கணக்கான முன்னாள் வீரர்கள் மற்றும் புனித பாதுகாப்பு மற்றும் எதிர்ப்பின் செயல்பாட்டில் உள்ள உறுப்பினர்களுடனான ஒரு சந்திப்பில், இஸ்லாமிய புரட்சியின் தலைவர் இமாம் காமனேயி, திணிக்கப்பட்ட போர் தொடங்கியதன் பின்னணியில் உள்ள காரணங்களை கோடிட்டுக் காட்டினார். இஸ்லாமிய குடியரசின் "புதிய செய்தி" மற்றும் "ஈர்ப்புகளின்" முக்கியத்துவத்தை அவர் வலியுறுத்தினார், இது ஊழல் மற்றும் பொய்யான உலக ஒழுங்குடன் அப்பட்டமாக முரண்படுகிறது.

புனித பாதுகாப்பு வாரத்தை முன்னிட்டு 25.09.2024 புதன்கிழமை இமாம் கொமெய்னி ஹுசைனிய்யாவில் இடம்பெற்ற கூட்டத்தின் போது, இமாம் காமனேயி "புனித பாதுகாப்பு, தாயகத்தின் மதிப்புமிக்க பாதுகாப்பாக இருப்பதோடு, மதத்தின் பாதுகாப்பு மற்றும் இறைவனின் பாதையில் போராடுவதும் ஆகும். இது இஸ்லாமுக்கு புத்துயிர் கொடுத்துள்ளது, ஈரானிய தேசத்தை கௌரவித்துள்ளது, நாடு முழுவதும் ஆன்மீக உணர்வை வளர்த்துள்ளது." என்று கூறினார்.

இஸ்லாமிய புரட்சியின் தலைவர் பாலஸ்தீனம் மற்றும் லெபனானில் தற்போதைய நிகழ்வுகளை புனித பாதுகாப்பு சகாப்தத்தின் நிகழ்வுகளுக்கு ஒத்ததாக விவரித்தார், அவை "இறைவனின் பாதையில் ஜிஹாத்" வடிவத்தை பிரதிநிதித்துவப்படுத்துகின்றன என்பதை வலியுறுத்தினார்.

பாலஸ்தீனம், ஒரு இஸ்லாமிய நாடு, உலகின் மிகவும் தீய காஃபிர்களால் அபகரிக்கப்பட்டுவிட்டது என்று அவர் கூறினார்.

"பாலஸ்தீனம் மற்றும் அல்-அக்ஸா மசூதியை முஸ்லிம்கள் மற்றும் அதன் உண்மையான உரிமையாளர்கள் மீட்டெடுக்க முயற்சிப்பதும் அதற்காக உதவுவதும் ஒவ்வொருவரின் மீதும் கடமையாகும்" என்று அவர் வலியுறுத்தினார்.

"காஸாவுக்காக எழுந்து நின்று, இந்த கசப்பான நிகழ்வுகளைத் தாங்கிக்கொண்டிருக்கும் லெபனானின் ஹிஸ்புல்லா அமைப்பு, இறைவனின் பாதையில் போராடுவதில் ஈடுபட்டுள்ளது" என்று இமாம் கூறினார்.

தற்போதைய போருக்கும் (இஸ்லாமிய குடியரசின் மீது) எட்டு ஆண்டுகளாக திணிக்கப்பட்ட போருக்கும் இடையிலான ஒற்றுமைகளை சுட்டிக்காட்டிய தலைவர், "இந்த போரில், காஃபிர்கள் மற்றும் தீய எதிரிகள் சிறந்த வளங்களைக் கொண்டுள்ளனர். அமெரிக்கா அவர்கள் பின்னால் உள்ளது. அமெரிக்கர்கள் தாங்கள் சம்பந்தப்படவில்லை என்றும் விஷயங்களைப் பற்றி தமக்குத் தெரியாது என்றும் கூறுகின்றனர், இது உண்மையல்ல. அவர்கள் இதனை நன்கு அறிவார்கள் மற்றும் அதனுடன் சம்பந்தப்பட்டும் இருக்கிறார்கள் என்பது மட்டுமல்ல, அவர்களுக்கு சியோனிச ஆட்சியின் வெற்றியும் அவசியப்படுகிறது."

"வரவிருக்கும் (அமெரிக்க) தேர்தல்கள் காரணமாக, தற்போதைய அமெரிக்க நிர்வாகம் சியோனிச ஆட்சியை ஆதரித்தது மற்றும் அது வெற்றியை அடைய உதவியது என்பதை நிரூபிக்கும் தேவை அவர்களுக்கு உள்ளது. எனினும், அவர்களுக்கும் முஸ்லிம்களின் வாக்குகளும் தேவைப்படுவதால், அவர்கள் (இந்த போரில்) சம்பந்தப்படாதது போல் நடிக்கிறார்கள்.

இஸ்லாமிய புரட்சியின் தலைவர் சியோனிச எதிரிக்கு கணிசமான நிதி ஆதாரங்கள், ஆயுதங்கள் மற்றும் உலகளாவிய பிரச்சாரத்தை அவர்கள் வழங்கிவருவதை சுட்டிக்காட்டினார். "விசுவாசிகள் மற்றும் முஜா-ஹிதீன்களின் உபகரணங்கள் மற்றும் வளங்கள் எதிர் தரப்பினரிடமும் உள்ளன என்பது உண்மையே. ஆயினும்கூட, இறைவனின் பாதையில் போராடுபவர்களுக்கு, அதாவது பாலஸ்தீனிய எதிர்ப்பு மற்றும் லெபனானின் ஹிஸ்புல்லா ஆகியோருக்கு நிச்சயம் வெற்றி உள்ளது" என்று அவர் கூறினார்,

இமாம் காமனேயி எதிர்ப்பு முன்னணியின் வெற்றிகளுக்கு சியோனிச ஆட்சியால் இழைக்கப்பட்ட குற்றங்களும் காரணம் என்று கூறினார், அவற்றில் அப்பாவிகள், பெண்கள் மற்றும் குழந்தைகள் பெருமளவில் படுகொலை செய்யப்பட்டது, பாடசாலைகள் மற்றும் மருத்துவமனைகள் மீதான குண்டுவீச்சுக்களும் அடங்கும். இவற்றை சியோனிச ஆட்சி காஸா, மேற்குக் கரை அல்லது லெபனானில் போராளிகளை தோற்கடிக்கும் திறன் என்று கூறிக்கொண்டு இருக்கிறது. அவ்வாறான மேலாதிக்க போலித் தோற்றத்தை காட்டும் வழிவகையாக இத்தகைய கொடூரமான செயல்களில் இஸ்லாமிய போராளி அமைப்புகள் ஈடுபடாது என்று அவர் வலியுறுத்தினார்.

இஸ்லாமிய படைகள் மீது தொடுக்கப்பட்ட தாக்குதல்களும் லெபனானின் ஹிஸ்புல்லாவின் திறமையான மற்றும் மதிப்புமிக்க தலைவர்களின் உயிர்த்தியாகமும் வீரமிக்க இந்த குழுவிற்கு ஒரு இழப்பு அல்ல "இந்த இழப்புக்கள் ஹிஸ்புல்லாஹ்வை ஒருபோதும் மண்டியிட வைக்காது, ஏனெனில் அதன் அமைப்பு அவ்வாறானது, மேலும் அவர்களது இராணுவ வலிமை, அத்துடன் அதன் அதிகாரம் இவற்றைவிட மிக உறுதியானது" என்று அவர் சுட்டிக்காட்டினார்.

"இன்று வரை, எதிர்ப்பு முன்னணி வெற்றி பெற்றுள்ளது, அல்லாஹ்வின் கிருபையால், இந்த போரில் இறுதி வெற்றி எதிர்ப்பு முன்னணிக்கு சொந்தமாகும்." என்று இஸ்லாமிய புரட்சியின் தலைவர் வலியுறுத்தினார்,

இமாம் காமனேயி தனது உரையின் இன்னோர் இடத்தில், 1980 இல் ஈரானிய தேசத்திற்கு எதிரான சதாம் ஹுசைனின் போரின் பின்னணியில் உள்ள உந்துதல்களை விரிவாக விளக்கினார். "ஈரானின் எல்லைகள் மீதான தாக்குதலுக்கான உத்வேகம் சதாம் ஹுசைன் மற்றும் பாத் கட்சியுடன் மட்டும் மட்டுப்படுத்தப்பட்ட ஒன்றாக இருக்கவில்லை, மாறாக, அந்த நேரத்தில் உலக ஒழுங்கின் தலைவர்கள், அதாவது அமெரிக்கா, சோவியத் ஒன்றியம், மற்றும் அவர்களின் கூட்டாளிகளுடன் சேர்ந்து, படையெடுப்புக்கு வலுவான உந்துதல்களை வழங்கியிருந்தன," என்று அவர் குறிப்பிட்டார்.

முன்னோடியில்லாத பிரபலமான ஈரானியப் புரட்சியின் மீது வல்லரசுகளின் விரோதப் போக்கை அதன் புதிய சித்தாந்தம் மற்றும் செய்தியின் "தாங்க முடியாத" தன்மைக்கு அவர் காரணம் என்று கூறினார். "இஸ்லாமியப் புரட்சி என்பது உலகில் நிலவும் பொய்யான மற்றும் அழிவுகரமான ஒழுங்கிற்கும் ஏகாதிபத்திய அமைப்பிற்கும் எதிரான ஒரு தெளிவான குரல் என்ற உண்மையிலிருந்து அவர்களின் பகைமை உருவானது, இது உலகை ஒடுக்குபவர்கள் மற்றும் ஒடுக்கப்பட்டவர்கள் என்று பிரித்து, ஒடுக்குபவர்களின் கலாச்சாரத்தையும் கருத்துக்களையும் பிற நாடுகளின் மீது திணிக்கிறது."

இஸ்லாமியப் புரட்சியின் புதிய செய்தியை ஏற்க வல்லரசுகளின் விருப்பமின்மையை எடுத்துக்காட்டி - நாடுகள் முழுவதும் பரவலான ஈர்ப்புக்கான சாத்தியக்கூறுகளைக் புரட்சி கொண்டிருந்தது - இதன் காரணமாக "இந்த நாடுகள் ஈரான் மீது தாக்குதலை நடத்த எந்த வாய்ப்பையும் பயன்படுத்த தயாராக இருந்தன. அதே நேரத்தில், ஒரு அதிகார வெறியராக, பேராசை, சண்டித்தனம், அடக்குமுறை மற்றும் பொறுப்பற்ற நபராக இருந்த சதாம், வல்லாதிக்க சக்திகளுக்கு இந்த வாய்ப்பை அளித்து, அவர்களைத் தூண்டி, ஈரானுக்கு எதிரான தாக்குதலைத் தொடங்கினார்” என்று தலைவர் குறிப்பிட்டார்.

இன்று, பல்வேறு துறைகளில் ஈரானிய தேசத்தின் உறுதியான மற்றும் செயலூக்கமான பங்கேற்பு காரணமாக, எந்தவொரு எதிரியும் ஈரானின் எல்லைகளைத் தாக்கத் துணியவில்லை என்று இமாம் கமேனி வலியுறுத்தினார். "இன்று, அவர்கள் வேறு வடிவத்தில் குறும்புத்தனம் மற்றும் விரோதத்தில் ஈடுபட்டுள்ளனர், மேலும் அவர்களின் பகைமைக்கான காரணங்கள் அணுசக்தி, மனித உரிமைகள் அல்லது பெண்கள் உரிமைகள் போன்ற சாக்குப்போக்குகளில் உள்ளவை அல்ல என்பதை நாம் ஆழமாக புரிந்து கொள்ள வேண்டும். மாறாக, ஊழல் நிறைந்த உலக ஒழுங்கிற்கு சவால் விடும் இஸ்லாமியக் குடியரசின் புதிய கொள்கைக்கு அவர்களின் எதிர்ப்பில் இருந்து உருவானது,” என்று அவர் வலியுறுத்தினார்.

ஈரானின் இராணுவ உபகரணங்கள் மற்றும் போர் அமைப்பின் அடிப்படையில் திணிக்கப்பட்ட போரின் ஆரம்ப நாட்களில் ஈரானின் சாதகமற்ற சூழ்நிலைகளைப் பிரதிபலிக்கும் வகையில், “கணிப்புக்கள் மற்றும் வழக்கமான பொருள் தரநிலைகளின்படி, சதாமின் ஆக்கிரமிப்பு படைகள் ஒன்று முதல் சில வாரங்களுக்குள் தெஹ்ரானை அடைந்திருக்க வேண்டும். இருப்பினும், ஒரு வருடம் கடந்த பிறகு, ஆரம்பத்தில் பின்தங்கிய நமது துருப்புக்கள் குறிப்பிடத்தக்க வெற்றிகளைப் பெற்றன மற்றும் சதாமின் நன்கு ஆயுதமேந்திய இராணுவத்திற்கு மரண அடிகளை வழங்கின. இறுதியில், எட்டு ஆண்டுகளுக்குப் பிறகு, அவர்கள் நம் நாட்டின் எல்லைகளில் இருந்து விரட்டியடிக்கப்பட்டனர். இந்த வெற்றிக்கு அடிப்படையாக இருந்த முக்கிய காரணிகள் ஈமான் என்னும் நம்பிக்கை மற்றும் போராட்டம்.

போர் தேசத்தின் பாதுகாப்புடன் மட்டுப்படுத்தப்பட்ட ஒன்றல்ல  என்ற உண்மையை எடுத்துக்காட்டி, இது ஒரு உன்னத முயற்சி. மட்டுமல்ல, அது ஒரு புனிதமான கடமை, இஸ்லாத்தைப் பாதுகாத்தல், மற்றும் "இறைவனின் பாதையில் போராடுதல்" என்று அழைக்கப்படும் குர்ஆனிய கட்டளையை நிறைவேற்றுதல் என்று இஸ்லாமிய புரட்சியின் தலைவர் குறிப்பிட்டார்.

இது, புரட்சியையும் இஸ்லாத்தையும் உயிர்ப்புடன் வைத்திருப்பதில் புனித பாதுகாப்பு கருவியாக இருந்தது என்று இமாம் கமேனி வலியுறுத்தினார். "இதன் விளைவாக, போர்க்களங்கள் வழிபாட்டுத் தலங்களாகவும், பிரார்த்தனைகளாகவும், துஆக்களாகவும், நள்ளிரவு அழுகையாகவும், தன்னலமற்ற சேவையாகவும் மாறின. இந்த ஆன்மீக ஆர்வத்தின் காரணமாகவே எல்லாம் வல்ல இறைவன் ஈரானிய தேசத்திற்கு கண்ணியத்தையும், உதவியையும், வெற்றியையும் வழங்கினான்.

https://english.khamenei.ir/news/11114/Palestinian-Resistance-and-Hezbollah-are-victorious 

 

 

சிறந்த நாளைக்கான பலதரப்பு தீர்வுகள் - ஐ.நா.வில் பெஜெஷ்கியான்

Pezeshkian at UN calls for end to Israeli occupation, apartheid in Palestine and truce in Gaza

ஈரான் ஜனாதிபதி மசூத் பெஜெஷ்கியன் செப்டம்பர் 23, 2024 அன்று நியூயார்க்கில் ஐக்கிய நாடுகளின் எதிர்கால உச்சி மாநாடு: 
சிறந்த நாளைக்கான பலதரப்பு தீர்வுகள் உரையாற்றுகிறார். (படம்: president.ir)

பாலஸ்தீனத்தில் இஸ்ரேலிய ஆக்கிரமிப்பு மற்றும் நிறவெறிக்கு முற்றுப்புள்ளி வைக்குமாறும், 11 மாதங்களுக்கும் மேலாக இனப்படுகொலை போரை நடத்தி வரும் காஸா பகுதியில் உடனடியாக போர் நிறுத்தத்தை அமல்படுத்துமாறும் ஜனாதிபதி மசூத் பெஜெஷ்கியான் அழைப்பு விடுத்துள்ளார்.

நியூயோர்க்கில் திங்களன்று நடைபெற்ற ஐக்கிய நாடுகளின் எதிர்கால உச்சி மாநாடு: சிறந்த நாளைக்கான பலதரப்பு தீர்வுகள் என்ற தலைப்பில் உரையாற்றிய தலைமை நிர்வாகி இந்த கருத்துக்களை தெரிவித்தார்.

"பாலஸ்தீனத்தில் [இஸ்ரேலிய] ஆக்கிரமிப்பு மற்றும் நிறவெறி ஆதிக்கம் முடிவுக்கு கொண்டுவரப்பட்டு காஸாவில் உடனடியாக போர் நிறுத்தம் ஏற்படுத்தல் ஆகியன சர்வதேச வளர்ச்சி மற்றும் அமைதிக்கான முன்நிபந்தனைகள்" என்று அவர் கூறினார்.

"காஸாவில் பொதுமக்கள் ஈவிரக்கமின்றி கொல்லப்படும் ஒரு உலகில், கண்மூடித்தனமான அரச பயங்கரவாதம் குழந்தைகள் மற்றும் பெண்களின் இரத்தத்தை சிந்திக்கொண்டு இருக்கிறது மற்றும் இனப்படுகொலை மற்றும் மனித படுகொலை (சில நாடுகளால்) ஆதரிக்கப்படுகிறது, (இது தொடர்பாக விடுக்கப்படும்) எந்தவொரு ஆவணமும் அமைதி மற்றும் வளர்ச்சிக்கு உத்தரவாதம் அளிக்க உதவாது" என்று ஜனாதிபதி கூறினார்.

இஸ்ரேலிய ஆட்சி 1948 இல் மேற்கத்திய ஆதரவுடன் நடந்த போரின் போது பிராந்தியத்தின் பெரும் பகுதிகளை ஆக்கிரமித்தது. 1967 இல் நடந்த மற்றொரு போரில் கிழக்கு அல்-குத்ஸ் மற்றும் காசா பகுதி உட்பட மேற்குக் கரையை (சர்வதேச சட்டங்களுக்கு முரணாக) கைப்பற்றியது.

அப்போதிருந்து, அது மேற்குக் கரையில் நூற்றுக்கணக்கான குடியிருப்புக்களை கட்டியெழுப்பியதன் மூலமும், அங்கு பாலஸ்தீனியர்களின் நடமாட்டங்கள் மீது மிகவும் ஆக்கிரோஷமான கட்டுப்பாடுகளை விதித்ததன் மூலமும் ஒரு நிறவெறி முறையை அமல்படுத்தி வருகிறது. டெல் அவிவ் 2005 ஆம் ஆண்டில் காஸாவிலிருந்து வெளியேறியது, ஆனால் அது பிராந்தியத்தை விட்டு வெளியேறிய ஒரு வருடத்திலிருந்து கடலோர பிரதேசத்தை ஒரு முழுமையான தரை, வான்வழி மற்றும் கடற்படை முற்றுகையின் கீழ் வைத்திருக்கிறது.

அதன் பிறகு இந்த ஆட்சி காஸாவை பல போர்களுக்கும் உட்படுத்தியுள்ளது, அவற்றில் மிகச் சமீபத்தியது கடந்த அக்டோபரில் தொடங்கியதில் இருந்து இன்னும் வெறித்தனமான சீற்றத்துடன் தொடர்கிறது. இந்த மிருகத்தனமான இராணுவத் தாக்குதல் காரணமாக இதுவரை குறைந்தபட்சம் 41,455 பாலஸ்தீனியர்களின் உயிரைப் பறித்துள்ளது, கொல்லப்பட்டவர்கள் பெரும்பாலும் பெண்கள் மற்றும் குழந்தைகள், மற்றும் 95,878 மற்றவர்கள் காயமடைந்துள்ளனர்.

எந்தவித முன் நிபந்தனைகளும் இன்றி பேரழிவு ஆயுதங்களை அப்பகுதியில் இருந்து அகற்ற வேண்டும் என்று ஈரான் கோருகிறது என்று பெஜெஷ்கியன் கூறினார்.

"ஈரான் ஒரு வலுவான, ஐக்கியப்பட்ட, பாதுகாப்பான மற்றும் நிலையான பிராந்தியத்தை கோருகிறது, அங்கு பிராந்திய நாடுகளின் வளங்கள் பொருளாதார மற்றும் சமூக வளர்ச்சியை [உணர்தல்] மற்றும் பொதுவான பிரச்சினைகளை அகற்றுவதற்கான தனது ஒருங்கிணைந்த சக்தியை பயன்படுத்தப்படுத்துகிறது" என்று அவர் மேலும் கூறினார்.

பிராந்திய ஸ்திரத்தன்மைக்கு ஈரானின் பங்களிப்பின் ஒரு உதாரணத்தை மேற்கோள் காட்டி, இஸ்லாமிய குடியரசு பயங்கரவாதத்தை எதிர்த்துப் போராடுவதில் ஒரு முன்னணி சக்தியாக பணியாற்றியதைக் குறிப்பிட்ட அவர், தீய சக்திகளுடனான "உண்மையான மோதலுக்கு" இதேபோல் மற்ற நாடுகளுடன் ஒத்துழைக்க ஈரான் தயாராக உள்ளது என்றார்.

'பொருளாதாரத் தடைகள் நிலையான வளர்ச்சியைத் தடுக்கின்றன'

இதற்கிடையில், அமெரிக்கா மற்றும் அதன் நட்பு நாடுகளின் தரப்பில் இஸ்லாமிய குடியரசு மற்றும் வேறு சில நாடுகள் மீது விதிக்கப்பட்டுள்ள ஒருதலைப்பட்ச பொருளாதாரத் தடைகள் குறித்து ஜனாதிபதி பேசுகையில் "ஒருதலைப்பட்சமான பொருளாதாரத் தடைகள் நிலையான அபிவிருத்தி இலக்குகளை அடைவதை தடுக்கின்றன," என்று கூறிய அவர், "இந்த உண்மை எதிர்காலத்திற்காக தயாரிக்கப்படும் எந்த ஆவணத்திலும் சேர்க்கப்பட வேண்டும்," என்பதையும் சேர்த்துக் கொண்டார்.

ஐ.நா. பொதுச்செயலாளர் அன்டோனியோ குட்டெரெஸ் பொருளாதார நடவடிக்கைகளுக்கு உட்பட்ட நாடுகளின் ஒத்துழைப்புடன் தொகுக்கப்பட்ட பொருளாதாரத் தடைகள் குறித்த பிரச்சினை குறித்த விரிவான அறிக்கையை உலக அமைப்பின் பொதுச் சபையில் சமர்ப்பிக்க வேண்டும் என்று பெஜெஷ்கியன் முன்மொழிந்தார்.

வெளியுறவு மந்திரி அரக்சி, "மீண்டும், அமெரிக்காவும் இ3 உம் தவறான உளவுத்துறை மற்றும் குறைபாடுள்ள தர்க்கத்தின் அடிப்படையில் செயல்படுகின்றன" என்று கூறினார்.

"அமைதி மற்றும் வளர்ச்சியை அடைவதற்கு நாடுகளின் வளர்ச்சிக்கான உரிமை மற்றும் நியாயமான கொள்கைகளை ஏற்றுக்கொள்ளுதல் மற்றும் வளரும் நாடுகளுக்கு வளர்ந்த நாடுகளின் கடமைகளை செயல்படுத்துதல் ஆகியவை அவசியம்" என்று அவர் வலியுறுத்தினார்.

சர்வதேச நிதி நிறுவனங்களின் ஆளும் கட்டமைப்பை உடனடியாக சீர்திருத்த வேண்டும் என்றும், முடிவெடுக்கும் மற்றும் நெறிமுறை உருவாக்கும் செயல்முறைகளில் வளரும் நாடுகளை உள்ளடக்குவதை உத்தரவாதப்படுத்தவும், அந்த நாடுகளின் நிதித் தேவைகளுக்கு பதிலளிக்கக்கூடிய ஒரு நியாயமான அமைப்பை உருவாக்கவும் பெஜெஷ்கியன் கோரிக்கை விடுத்தார்.

தற்கால, எதிர்கால சர்வதேச சவால்கள்

சர்வதேச சமூகம் எதிர்நோக்கும் தற்போதைய மற்றும் எதிர்கால சவால்களை வெற்றிகரமாக எதிர்கொள்வதற்கு உலக நாடுகள் நீதி மற்றும் நேர்மையின் அடிப்படையில் ஒத்துழைப்பு மற்றும் தொடர்புகளை மேற்கொள்ள வேண்டும் என்று ஜனாதிபதி ஆலோசனை வழங்கினார்.

பன்முகத்தன்மையின் அடையாளமாக விளங்கும் ஐக்கிய நாடுகள் சபையின் பங்கு மற்றும் நிலைப்பாடு மற்றும் உலக அமைப்பின் சாசனத்தின் இலக்குகள் மற்றும் கோட்பாடுகளுக்கு மதிப்பளிக்கும் பற்று ஆகியவற்றில் இத்தகைய பொதுவான முயற்சிகளில் கவனம் செலுத்த வேண்டும் என்று அவர் கூறினார்.

"நமது குழந்தைகளுக்கு நியாயமான மற்றும் வளமான எதிர்காலத்தை உருவாக்குவோம்," அத்தகைய எதிர்காலத்தை அடைவதை நோக்கமாகக் கொண்ட கூட்டு முயற்சிகள், போர், பாகுபாடு, வறுமை மற்றும் பட்டினி போன்ற சவால்களை அவற்றின் வேர்களிலேயே சமாளிக்க உதவும் பன்முகத்தன்மையின் சர்வதேச அமைப்பை வலுப்படுத்துவதை அடிப்படையாகக் கொண்டிருக்க வேண்டும்" என்று பெஜெஷ்கியன் கூறினார்.

நிகழ்கால மற்றும் எதிர்கால யதார்த்தங்களுக்கு ஏற்ப சர்வதேச ஒத்துழைப்பை மாற்றியமைக்கும் நோக்கத்துடன் திங்களன்று இடம்பெற்ற ஐ.நா உச்சிமாநாட்டில் உலகத் தலைவர்களிடையே ஏற்றுக்கொள்ளப்பட்ட எதிர்கால ஒப்பந்தத்தில் இஸ்லாமிய குடியரசு தனது நிலைப்பாட்டை (தெளிவாக) உள்ளடக்கியுள்ளது என்று அவர் கூறினார்.

பெஜேஷ்கியன் தன்னுடைய நிர்வாகத்தின் நடைமுறை முன்னுரிமைகளை பின்வருமாறு பட்டியலிட்டார்.

சுகாதாரம், கல்வி, நலன்புரி, சம வாய்ப்புகளை உருவாக்குதல், முறையான வருமானப் பகிர்வு, வறுமை மற்றும் பாகுபாட்டைக் குறைத்தல், பெண்கள் மற்றும் இளைஞர்களுக்கு மேலும் அதிகாரமளித்தல் போன்ற பிரச்சினைகளில் கவனம் செலுத்தப்பட்டது என்று அவர் கூறினார்

https://www.presstv.ir/Detail/2024/09/23/733850/Iran-President-Pezeshkian-address-United-Nations-New-York-Israel-occupation-apartheid-Palestine-ceasefire-Gaza-sanctions