யேமெனில் மீள முடியாது மூழ்கி தவிக்கும் சவூதி அரேபியா

Saudi Arabia Drowning in Yemen - Ambassador

அரேபிய தீபகற்ப வறிய, பலம் குன்றிய  நாடான யெமனுக்கு எதிராக சவூதி அரேபியா தொடங்கிய பேரழிவுகரமான யுத்தத்தின் எந்த நோக்கங்களையும் அது அடையத் தவறியதால் அதிலிருந்து வெளிவர வழி தெரியாது விழிபிதுங்கி தவிக்கிறது.

ஐந்து ஆண்டுகளுக்கு முன்பு யேமன் மீது படையெடுப்பை கட்டவிழ்த்த போது சவுதிகள் பல உள்நாட்டு மற்றும் பிராந்திய இலக்குகளை அடைவதற்கு பல முயற்சிகளை மேற்கொண்டுவந்ததாக ஈரான் இஸ்லாமிய குடியரசுக்கான யெமனிய தூதுவர் இப்ராஹிம் முஹம்மது அல்-தைலமி ஒரு பிரத்யேக நேர்காணலில் கூறினார்.

சவுதி முடிக்குரிய இளவரசர் முஹம்மது பின் சல்மான் - எம்.பி.எஸ் என்றும் அழைக்கப்படுகிறது மற்றும் ஏமனுக்கு எதிரான இராணுவ பிரச்சாரத்தின் சூத்திரதாரி என்று கருதப்படுகிறது - ஆரம்பத்தில் "பிராந்தியத்தில் அமெரிக்க திட்டங்களை நிறைவேற்றுவதற்கான பிரதான முகவராக மாறுவதற்கும் பிராந்திய நிறுவனங்களை எதிர்கொள்வதற்கும் தனது நாட்டை ஒரு பிராந்திய சக்தியாக மாற்றுவதற்கும் திட்டமிட்டிருந்தார்" என்று அவர் கூறினார்.

"இருப்பினும், யேமனில் அவருக்கு ஏற்பட்ட தடுமாற்றம் சவுதிகளுக்கு ஒரு பிராந்திய சக்தியாகவும், அப்பகுதியில் அமெரிக்க-சியோனிச திட்டத்திற்கான முகவராகவும் மாறுவதில் தாமதத்தை ஏற்படுத்தியது, அவரது திட்டம் நிறைவேறியிருந்தால் அனைத்து மட்டங்களிலும் சியோனிச எதிரியுடன் உறவுகளை ஏற்படுத்த வழிவகுத்திருக்கும்", என்று அவர் கூறினார்.

அன்ஸாருல்லாஹ் போராளிகளின் பதில் தாக்குதல் இந்தளவு மூர்க்கமாகவும் தீர்க்கமாகவும் இருக்கும் என்று சவூதி ஒருபோதும் எதிர்பார்த்திருக்கவில்லை.

"அவர்கள் ஒரு சில வாரங்களில் அல்லது ஒன்று முதல் இரண்டு மாதங்களில் விரைவான வெற்றியை அடைய முடியும் என்று எதிர்பார்த்தனர். இருப்பினும், ஐந்து ஆண்டுகள் கழிந்த நிலையில், சவூதி அரேபியா யேமனில் தத்தளித்து மூழ்கி வருகிறது," என்றும் அவர் கூறினார்.

"அரேபியர்களின் பாதுகாப்பை காரணம்காட்டி,  ஈரான் இஸ்லாமிய குடியரசிற்கு எதிரான அதன் சாத்தானிய தந்திரோபாயங்களைப் கொண்டு பயமுறுத்திய போதிலும் அல்லது தனது இராணுவ பலத்தை காட்டுவதற்கும் எம்மீது படையெடுத்து பாதுகாப்பு வெற்றிகளைப் பெற முடியும் என்ற படத்தைக் காட்ட முயற்சித்த போதிலும், இன்று அது யேமனில் இருந்து புறமுதுகு காட்டி ஓடுகிறது, ஏனெனில் எம்மை வெற்றிகொள்ள முடியும் என்ற நம்பிக்கையை அது இழந்துவிட்டது."

"யேமனைப் பிளவுபடுத்துவதும், அதன் மக்களிடையே தேசத் துரோகத்தைத் தூண்டிவிடுவதும்" என்ற அதன் முக்கிய நோக்கத்தை அடைய சவூதி இராச்சியம் தவறிவிட்டது என்றாலும் யேமன் தேசம் இவர்களது இந்த ஆக்கிரமிப்பை தொடர்ந்து எதிர்கொள்கிறது,"என்றும் யேமன் தூதர் மேலும் கூறினார்.

சவுதியின் இந்த சட்டவிரோத ஆக்கிரமிப்பு யுத்தத்துக்கு ஐக்கிய அமேரிக்கா, பிரித்தானிய மற்றும் இஸ்ரேல் ஆகியன  உடந்தை என்பதை அவை சவுதிக்கு வழங்கிவரும் நவீன ஆயுதங்கள், தளவாடங்கள் மற்றும் உளவுத்தகவல்கள் ஆகியவற்றைக் சுட்டிக்காட்டி குறிப்பிட்டார். 

யேமனில் உள்ள மனிதாபிமான நிலைமையை "கல்லறை" என்று விவரித தைலமி, சுதந்திரம் விரும்பும் அனைத்து மக்களுக்கும் சவுதிகளையும், எமிரேட்டுகள், அமெரிக்கர்கள், சியோனிஸ்டுகள் மற்றும் பிரிட்டிஷ் உட்பட அவர்களின் ஆதரவாளர்களையும் பொறுப்புக்கூற குரல் எழுப்ப வேண்டும்" என்று அழைப்பு விடுத்தார்.

றஸூலுல்லாஹ்வின் ஆசீர்வாதத்தைப் பெற்ற யேமென் நாட்டின் மீது தாக்குதலை நடத்துவதற்கு வூதி அரேபியா நியாயமான எவ்வித காரணத்தையும் இதுவரை முன்வைக்கவில்லை.

முன்னாள் ஜனாதிபதி அப்துல் ரபு மன்சூர் ஹாடியின் அரசாங்கத்தை மீண்டும் ஆட்சிக்கு கொண்டு வந்து அன்சாருல்லாவை நசுக்குவதை நோக்கமாகக் கொண்டு சவூதி அரேபியாவும் அதன் பல பிராந்திய நட்பு நாடுகளும் 2015 மார்ச் மாதம் பிராந்தியத்திலேயே வறிய நாடான யேமனுக்கு எதிராக பேரழிவு தரும் யுத்தத்தைத் தொடங்கின.

பல மேற்கத்திய நாடுகள், குறிப்பாக யு.எஸ்., பிரான்ஸ் மற்றும் பிரிட்டனும், ரியாத் ஆட்சிக்கு நவீன அழிவு ஆயுதங்கள் மற்றும் இராணுவ உபகரணங்கள் மற்றும் தளவாட மற்றும் உளவுத்துறை உதவிகளை வழங்குவதால் நடந்துகொண்டிருக்கும் ஆக்கிரமிப்புக்கு அவையும் உடந்தையாக இருப்பதாக குற்றம் சாட்டப்பட்டுள்ளது.

ஐக்கிய அமெரிக்காவில் அமைந்துள்ள  Armed Conflict Location and Event Data Project (ACLED) என்ற ஒரு இலாப நோக்கற்ற மோதல்-ஆராய்ச்சி அமைப்பு, சவுதி தலைமையிலான போர் ஜனவரி 2016 முதல் 60,000 க்கும் மேற்பட்ட யேமன்களின் உயிரைக் கொன்றுள்ளதாக மதிப்பிடுகிறது.

இந்த யுத்தம் யேமென் நாட்டின் உள்கட்டமைப்பு, மருத்துவமனைகள், பாடசாலைகள் பள்ளிவாசல்கள் மற்றும் தொழிற்சாலைகளை போன்றவற்றிற்கு பெரும் பாதிப்பை ஏற்படுத்தியுள்ளது. 24 மில்லியனுக்கும் அதிகமான யேமனிகளுக்கு மனிதாபிமான உதவி தேவைப்படுவதாக ஐ.நா. கூறுகிறது.

சவுதியின் இந்த ஈனச் செயலுக்கு எதிராக, நீதி நியாயத்தை மதிக்கும் அனைத்து மக்களும் குரல் எழுப்பவேண்டும்.

http://kayhan.ir/en/news/74425/ambassador-saudi-arabia-drowning-in-yemen

சக்திவாய்ந்த இஸ்லாமிய உலகை உருவாக்க ஒத்துழையுங்கள்: இஸ்லாமிய நாடுகளுக்கு ரூஹானி

Rouhani invites Islamic states to cooperate to create powerful Islamic world

மேம்பட்ட இஸ்லாமிய சமுதாயத்தை உருவாக்க தங்களுக்குள் ஒத்துழைப்பை அதிகரிக்குமாறு ஈரானிய ஜனாதிபதி ஹசன் ரூஹானி இஸ்லாமிய அரசுகளுக்கு அழைப்பு விடுத்தார்.

"ஒத்துழைப்பு மூலம் முஸ்லீம் உலகின் முன்னேற்றத்திற்கு பங்களிக்க முடிவு செய்யும் நாள் இன்று, நாங்கள் ஒருவருக்கொருவர் ஒத்துழைப்பு வழங்கி, ஒன்றிணைந்து செயல்பட வேண்டிய காலகட்டத்தில் இருக்கின்றோம். இஸ்லாமிய உலகில் ஒன்றுபட்டு செயல்பட பல துறைகள் இன்று உள்ளன. எங்களுக்குள் விவேகமான, முதிர்ந்த புரிந்துணர்வுடன் ஒத்துழைப்பை வளர்த்துக் கொள்வது மிகவும்  முக்கியமாகும்,” என்று கோலாலம்பூர் உச்சி மாநாட்டில் ‘வளர்ச்சியின் முன்னுரிமை மற்றும் சவால்கள்’ பற்றிய முதல் வட்டமேசை அமர்வில் ரூஹானி கூறினார்.

இஸ்லாமிய நாகரிகத்தின் வீழ்ச்சி துரதிர்ஷ்டவசமாக, இஸ்லாமிய நீதித்துறைக்குள்  முரட்டு பிடிவாதம் ஊடுருவியதும், அவர்களில் சிலர் மனித ஞானத்தின் பங்கையும் சமூகங்களை நிர்வகிப்பதில் அனுபவத்தையும் புறக்கணித்தபோது தொடங்கியது, அதே நேரத்தில் இஸ்லாம் எங்களுக்கு அறிவுறுத்துகிறது 'நாங்கள் உங்களுக்கு அருளை வழங்கியுள்ளோம் உங்கள் வழிகாட்டுதளுக்காக, அவற்றில் ஒன்று ஞானம், மற்றொன்று இறைத் தூதர் (ஸல்).

துரதிர்ஷ்டவசமாக, பிற்போக்குத்தனமான கருத்துக்கள் தான் இஸ்லாமிய சமூகங்களை முன்னேற்றத்திலிருந்து விலக்கி இஸ்லாமிய சமூகத்தில் ஒரு தீவிரவாத யோசனையை வளர்த்தன, இது நமது நாகரிகத்திற்கும் முன்னேற்றத்திற்கும் தீங்கு விளைவித்தது, மேலும் இஸ்லாத்தின் உண்மையான முகத்தை சேதப்படுத்தியது.

ஞானம், பகுத்தறிவு மற்றும் பிறரின் அனுபவத்திலிருந்து தீவிரவாதத்தை தடுத்துக்கொள்ள முயல்வதற்கு  பதிலாக,  மேற்கத்திய மாதிரிகளை முழுவதுமாகப் பின்பற்றுவதைத் தவிர்த்து, நமது தேசிய மரபுகளிலிருந்து நம்மைத் திசைதிருப்ப முயற்சிப்பதைத் தவிர முன்னேற்றத்திற்கு வழி இல்லை என்று சொன்ன மற்றொரு தீவிர பார்வை.

இந்த இரண்டு தீவிரவாத கருத்துக்களால் இஸ்லாமிய சமூகங்கள் அதிக விலை கொடுத்தன.

வரலாற்று மதிப்புகள் மற்றும் மத நம்பிக்கைகள் ஆகியவற்றில் கவனம் செலுத்தாமல் வளர்ச்சியை நோக்கி நகர்வது நம் சமூகங்களில் மிகவும் அழிவுகரமான விளைவுகளை ஏற்படுத்தும் என்பது இன்று அனைவருக்கும் தெளிவாகிவிட்டது.

இஸ்லாமிய உம்மா அது இருக்க வேண்டிய தகுதியான ஒரு இடத்தைப் பற்றி சிந்திக்க வேண்டிய நேரம் இது. நட்பை வளர்த்து, முஸ்லிம்களை பகைமை, கோபம் மற்றும் வெறுப்பின் சங்கிலிகளிலிருந்து விடுவித்தாலன்றி இஸ்லாமிய உம்மா அதன் உண்மையான இடத்தை அடைய முடியாது.

ஈரான் இஸ்லாமிய குடியரசு மற்ற முஸ்லீம் நாடுகளுடன் ஒத்துழைக்க தயாராக உள்ளது. உயர்கல்வியில் விரிவான முதலீட்டின் பலன் மற்றும் நமது இளம் விஞ்ஞானிகளை வளர்ப்பது அதிர்ஷ்டவசமாக நமது நாட்டை பிராந்திய மற்றும் உலகளாவிய ரீதியில்  விஞ்ஞானத்தின் மிக உயர்ந்த மட்டத்தில் வைத்திருக்கிறது. அதிர்ஷ்டவசமாக, நனோ மற்றும் உயிரி தொழில்நுட்பம், அறிவாற்றல் அறிவியல் மற்றும் அமைதி பயன்பாட்டுக்கான அணு அறிவியல் போன்ற துறைகளில் பல சிறந்த சாதனைகளை எட்டியுள்ளோம்.

கடந்த 41 ஆண்டுகளில் வல்லரசுகள் நமது சுதந்திரத்தையும் இறையாண்மையையும் சேதப்படுத்த முடியாதிருப்பதற்கான முக்கிய காரணம் ஜனநாயகம் மற்றும் மக்கள் அதில் ஆர்வத்துடன் இருப்பதால் தான். கடந்த 40 ஆண்டுகளில், நாங்கள் பல தேர்தல்களை நடத்தியுள்ளோம், அதில் மக்கள் அதிக எண்ணிக்கையில் கலந்து கொண்டனர்.

ஒத்துழைப்பின் மூலம் முஸ்லீம் உலகின் முன்னேற்றத்திற்கு பங்களிக்க முடிவு செய்யும் நாள் இன்று, நாம் ஒருவருக்கொருவர் ஒன்றிணைந்து செயல்பட வேண்டும். இஸ்லாமிய உலகில் ஒன்றுபட்டு செயல்பட பல துறைகள் இன்று உள்ளன. விவேகமான, முதிர்ந்த சிந்தனையுடன் ஒத்துழைப்பை வளர்த்துக் கொள்வது நமக்கு முக்கியம்.

பொருளாதாரத்தின் ஐந்து துறைகளில் நாம் ஒருவருக்கொருவர் நெருங்கி செயல்பட முடியும் என்று நாங்கள் நம்புகிறோம்.

முதல் துறை நிதி, நாணய, வங்கி மற்றும் காப்பீட்டு ஒத்துழைப்பு. இன்று, நமது பொருளாதார முன்னேற்றங்கள் பல வெளிநாட்டு காப்பீடு மற்றும் பெரும் நாடுகளை நம்பியுள்ளன என்பதை நாங்கள் அறிவோம், அதே நேரத்தில் இஸ்லாமிய நாடுகளான நாங்கள் காப்பீட்டில் முதலீடு செய்ய வல்லமை பெற்றவர்கள்.

மற்ற துறையானது நவீன தொழில்நுட்பங்கள், இதில் இஸ்லாமிய நாடுகள் கணிசமான முன்னேற்றங்களைக் கொண்டுள்ளன. நவீன தொழில்நுட்பங்களின் பல துறைகளில், நாங்கள் எங்கள் சொந்த காலில் நிற்கக்கூடியவர்கள்.

மூன்றாவது புலம் வர்த்தகம். முஸ்லீம் உலகில், குறிப்பாக ஹலால் பொருட்கள் மற்றும் சேவைத் துறைகளில் நாம் ஒருவருக்கொருவர் நெருங்கி செல்படமுடியும்.

மற்ற சுற்றுலா துறை. முஸ்லீம் உலகில், சுற்றுலாத்துறையை வளர்ப்பதற்கு நாம் ஊக்குவிக்கக்கூடிய கலாச்சாரம், வரலாறு, கலாச்சார பாரம்பரியம், கைவினைப்பொருட்கள் மற்றும் வானிலை ஆகியவற்றின் அடிப்படையில் சுற்றுலாவுக்கு நல்ல வாய்ப்புகள் உள்ளன.

புதிய தொழில்நுட்பத்தின் தோற்றத்துடன், நமது மத்திய வங்கிகளின் பங்களிப்பு மற்றும் ஒத்துழைப்புடன் நமது சொந்த கிரிப்டோகரன்ஸியைக் உருவாக்கலாம், மேலும் திரு மகாதீர் முகமது கடந்த ஆண்டு இஸ்லாமிய தினாரைப் பற்றி குறிப்பிட்டிருந்தார், நாணயத்தில் ஒரு புதிய வடிவத்தை உருவாக்க முடியும் இஸ்லாத்தின் உலகம் மற்றும் டிஜிட்டல் நாணயங்களிலிருந்து பயனடையலாம்.

நான் குறிப்பிட விரும்பும் மற்ற தலைப்பு கலாச்சார மற்றும் சமூக துறைகளில் ஒத்துழைப்பு. சுற்றுலா வலையமைப்பு, இஸ்லாமிய நாடுகளிடையே ஒரு தகவல் வலையமைப்பு, செயற்கை நுண்ணறிவுத் துறையில் கூட்டு ஆராய்ச்சி மற்றும் இஸ்லாமிய நாடுகளின் கலாச்சார மற்றும் ஊடக தயாரிப்புகளுக்கான சந்தையை நிகழ்ச்சி நிரலில் நிறுவுதல் என்ற தலைப்பை வைக்குமாறு நான் பரிந்துரைக்கிறேன்.

ஒரு குறுகிய கால மற்றும் இடைக்கால செயல் திட்டத்தை நாங்கள் ஒப்புக் கொள்ளலாம் மற்றும் ஒரு யதார்த்தமான தீர்வைக் கண்டறிவதற்கான, சிக்கல்களை தொடர்ந்து கண்காணிப்பதற்கான ஒரு பொறிமுறையை வழங்க முடியும்.

ஐ.டி.எஃப் என்று நாம் அழைக்கக்கூடிய இந்த புதிய நடவடிக்கையின் குறிக்கோள் முஸ்லிம் சமூகங்களின் முழுமை என்பதை அனைவருக்கும் தெளிவாக அறிந்துகொள்ளட்டும்.

https://en.mehrnews.com/news/153520/Rouhani-invites-Islamic-states-to-cooperate-to-create-powerful

நம்பிக்கை ஒளியூட்டும் மலேசிய உச்சி மாநாடு

Malaysian Summit Illuminating Hope

இஸ்லாமிய நாடுகள் எதிர்நோக்கியுள்ள முக்கிய பிரச்சனைகளை அடையாளம்கண்டு அவற்றுக்குரிய தீர்வுகளை ஒன்றுபட்டு எடுப்பததற்காக மலேசியப் பிரதமர் மகாதீர் முஹம்மது உச்சிமாநாடொன்றை ஏற்பாடு செய்தார். இம்மாநாட்டில் கலந்துகொள்ள அழைக்கப்பட்ட நாடுகளில் துருக்கி, ஈரான் இஸ்லாமிய குடியரசு, சவூதி அரேபியா, பாகிஸ்தான், கட்டார் மற்றும் இந்தோனேசியா போன்றனவும் அடங்கும்.

சவூதி அரேபியா இவ்வழைப்பை ஏற்றுக்கொள்ளவில்லை என்பது மட்டுமல்லாமல், இம்மாநாட்டை தடுப்பதற்கான எல்லா முயற்சிகளையும் எடுத்தது கவலையளிக்கும் விடயமாகும்.

ஆரம்பத்தில், இந்த நிகழ்வில் கலந்துகொள்வதை உறுதிப்படுத்திய பிரதமர் இம்ரான் கான், அவரின் சவூதி விஜயத்தைத் தொடர்ந்து தனது முடிவை மாற்றிக்கொண்டார். முன்னதாக இந்த நிகழ்வில் பேச்சாளராக பட்டியலிடப்பட்ட இந்தோனேசிய ஜனாதிபதி ஜோகோ விடோடோவும் மாநாட்டுக்கு சமூகமளிக்கவில்லை என்பது குறிப்பிடத்தக்கது..

இஸ்லாமிய ஒத்துழைப்பு நாடுகள் அமைப்புக்கு இது போட்டியாக அமைந்துவிடும் என்று காரணம்காட்டி சவூதி அரேபியா இம்மாநாடு நடக்கவிடாமல் செய்வதற்கு தம்மாலான அனைத்து முயற்சிகளையும் மேற்கொண்டிருந்தது. (பலஸ்தீன் பிரச்சினை, காஷ்மீர் பிரச்சினை, ரோஹிங்கியா முஸ்லிம்கள் பிரச்சினை, உய்குர் முஸ்லிம்கள் பிரச்சினை போன்ற எதற்கும் OIC உருப்படியாக எதனையும் செய்யாது, முஸ்லீம் நாடுகளுக்கு எதிராக அமேரிக்கா மற்றும் மேற்குலகள் மேற்கொண்ட ஆக்கிரமிப்பு நடவடிக்கையின் போது அரபு நாடுகள் ஆக்கிரமிப்பாளர் சார்பாக முடிவுகளை மேற்கொண்டனர் என்பதுவே கசப்பான உண்மையாகும்).

இம்மாநாட்டை துவக்கிவைத்து உரையாற்றிய மலேசிய பிரதமர் மகாதீர் மொஹமட், முஸ்லீம் உலகம் ஒரு "நெருக்கடி நிலையில்" இருப்பதாகவும்,  "செயல்படுத்தக்கூடிய" தீர்வுகளுக்கு முஸ்லீம் பெரும்பான்மை நாடுகளின் தலைவர்களுக்கு  அழைப்பு விடுத்தார்.

ஈரானிய ஜனாதிபதி ஹசன் ரூஹானி, துருக்கிய ஜனாதிபதி ரெசெப் தயிப் எர்டோகன் மற்றும் கட்டாரி எமிர் ஷேக் தமீம் பின் ஹமாத் அல் தானி ஆகியோர் தங்களது உரைகளில் பல தசாப்தங்களாக இஸ்ரேலிய ஆக்கிரமிப்பின் கீழ் பாலஸ்தீனியர்களின் அவல நிலையை எடுத்துரைத்திருந்தனர், அவற்றுக்கு உரிய நடவடிக்கை எடுப்பதற்கு  மகாதீர் அழைப்பு விடுத்தார்.

"முஸ்லிம்களும் அவர்களின் மதமும் மற்றும் அவர்களின் நாடுகளும் நெருக்கடி நிலையில் உள்ளன என்பதை நாம் அனைவரும் அறிவோம். எல்லா இடங்களிலும் முஸ்லீம் நாடுகள் அழிக்கப்படுவதை நாங்கள் காண்கிறோம், அவர்களின் குடிமக்கள் தங்கள் நாடுகளை விட்டு வெளியேற நிர்பந்திக்கப்படுகிறார்கள், முஸ்லிம் அல்லாத நாடுகளில் தஞ்சம் பெற வேண்டிய கட்டாயத்தில் உள்ளனர்" என்று மகாதீர் கூறினார்.

94 வயதான பிரதமர் மகாதீர் இரண்டாம் உலகப் போரினால் பேரழிவிற்குள்ளான பிற நாடுகள் மீண்டு வளர்ச்சியடைந்துள்ள நிலையில், பல முஸ்லீம் நாடுகள் நிர்வாகத்திறமை குறைபாட்டினால், அபிவிருத்தி அடையாது, வளமிழந்து காணப்படுவதை சுட்டிக்காட்டினார்.

மகாதீர் சகோதர்ச் சண்டை, உள்நாட்டுப் போர்கள், தோல்வியுற்ற அரசாங்கங்கள் மற்றும் பல பேரழிவுகள் முஸ்லீம் நாடுகளையும் இஸ்லாத்தையும் எதிர்கொண்டுள்ள முக்கிய பிரச்சினைகளாகும். அவற்றை முடிவுக்குக் கொண்டுவருவதற்கோ குறைப்பதற்கோ அல்லது மதத்தை உயிரோட்டமுள்ளதாக ஆக்குவதற்கோ எந்தவொரு தீவிர முயற்சியும் எடுக்கப்படாமல் இருப்பதை சுட்டிக்காட்டினார்.

ஆனால் அந்த பிரச்சினைகளுக்கு தீர்வு காண முஸ்லீம் பெரும்பான்மை நாடுகளிடையே ஒரு ஒருங்கிணைந்த குரலை அவர் நாடியபோதும், சவூதி அரேபியா மற்றும் பாகிஸ்தான் உட்பட சில  நாடுகள் கூட்டத்தில் கலந்து கொள்ளவில்லை என்பது கவலைத்தரும் விடயமாகும்.

இம்மாநாட்டில் கலந்துகொண்டு உரையாற்றுகையில் ஈரான் இஸ்லாமிய குடியரசு ஜனாதிபதி ஹசன் ரூஹானி முஸ்லீம் உலகமும் மத்திய கிழக்கும் எதிர்கொள்ளும் "கடுமையான பாதுகாப்பு அச்சுறுத்தல்களுக்கு "சியோனிச ஆட்சி" மீது குற்றம் சாட்டினார். பலஸ்தீன் மக்கள் மீது இஸ்ரேல் கட்டவிழ்த்துவிட்டுள்ள காட்டுமிராண்டித்தனத்தை அவர் வன்மையாகக் கண்டித்தார். பாலஸ்தீனியர்களின் அவலநிலை முஸ்லீம் உலகில் மிக முக்கியமான பிரச்சினையாக உள்ளது என்று ரூஹானி கூறினார்.

சவூதி அரேபியாவைப் பற்றி ஒரு மறைமுகமான விமர்சனத்தில், சில முஸ்லீம் நாடுகளில் "மன மற்றும் நடத்தை தீவிரவாதம்" மத்திய கிழக்கில் "வெளிநாட்டு தலையீடுகளுக்கு வழி வகுத்துள்ளது" என்று ரூஹானி கூறினார்.

"சிரியா, யேமன் மற்றும் ஈராக், லெபனான், லிபியா மற்றும் ஆப்கானிஸ்தானில் ஏற்பட்ட கலவரம் மற்றும் கொந்தளிப்பு ஆகியவை உள்நாட்டு தீவிரவாதம் மற்றும் வெளிநாட்டு தலையீட்டின் கலவையாகும்" என்று அவர் கூறினார்.

முஸ்லீம் நாடுகள் வங்கி மற்றும் நிதி ஒத்துழைப்புக்கான சிறப்பு வழிமுறைகளை நிறுவ முடியும், மேலும் வர்த்தகத்தில் தேசிய நாணயங்களைப் பயன்படுத்தலாம். ஈரான் 2018 முதல் அமெரிக்க பொருளாதாரத் தடைகளுக்கு உட்பட்டுள்ளது, மேலும் பிற நாடுகளுடன் வர்த்தகத்தை மேற்கொள்ள சர்வதேச நிதி முறையைப் பயன்படுத்த தடை விதிக்கப்பட்டுள்ளது.

ஈரானை "எதிர்ப்பின் மாதிரி" என்று குறிப்பிட்ட ரூஹானி, அமெரிக்க டாலர் மற்றும் அமெரிக்க நிதி ஆட்சியின் ஆதிக்கத்திலிருந்து தம்மை விடுவித்துக்கொள்வதற்காக முஸ்லிம் உலகம் அதன் சொந்த பொருளாதார கட்டமைப்பை உருவாக்க வேண்டும் என்றும் வலியுறுத்தினார்.

துருக்கி ஜனாதிபதி தய்யிப் எர்டோகன் உரையாற்றுகையில் இந்த உச்சிமாநாட்டின் வெற்றி, தற்போதுள்ள தலைவர்களிடையே ஒப்புக் கொள்ளப்பட்ட "திட்டங்களை செயல்படுத்துவதும்" ஆகும், முஸ்லீம் நாடுகள் தங்கள் தோல்விக்கான காரணங்களை சரியாக அடையாளம் கண்டு கொண்டு குறிப்பாக மத்திய கிழக்கில் மற்றும் பிற இடங்களில் மோதல்களைத் தடுப்பதில் "விதிமுறைகளுக்கு வர வேண்டும்" என்று கூறினார்.

"உள் சச்சரவுகளில் நாங்கள் எங்கள் சொந்த சக்தியை வீணடிக்கிறோம் என்பது துரதிர்ஷ்டவசமானது" என்று அவர் முஸ்லிம் உலகில் தற்போதைய நிலைமையைக் குறிப்பிட்டுக் காட்டினார்.

ஐ.நா.பாதுகாப்புச் சபையின் நிரந்தர உறுப்பினர்களாக அமர்ந்திருக்கும் ஐந்து உறுப்பு நாடுகள் உட்பட 1.7 பில்லியன் முஸ்லிம்களின் தலைவிதியை மேற்கத்திய சக்திகளின் கைகளில் முஸ்லிம் நாடுகள் விடக்கூடாது என்று அவர் கூறினார்.

"உலகம் இந்த ஐந்து நாடுகளை விட பெரியது" என்று எர்டோகன் கூறினார். சர்வதேச அமைப்பின் நிரந்தர உறுப்பினர்களைப் பற்றி அவர் மறுபரிசீலனை செய்தார், அதன் வீட்டோ அதிகாரம் சிறிய நாடுகளுக்கு தீங்கு விளைவிக்கும் என்றும் அவர் கூறினார்.

ஐ.நா. பாதுகாப்பு கவுன்சில் "அதன் காலாவதி தேதியை கடந்துவிட்டது" என்று அவர் குறிப்பிட்டார்.

கத்தார் எமிர் ஷேக் தமீம் உரையாற்றுகையில் பாலஸ்தீனத்தின் ஆக்கிரமிப்பு "எங்கள் பிராந்தியத்தில் ஸ்திரமின்மைக்கு மிக முக்கியமான காரணங்களில் ஒன்றாகும்" என்று கூறினார்.

பாலஸ்தீனிய நிலங்களை பலாத்காரமாக இணைத்தல், சட்டவிரோத குடியேற்றங்கள் மற்றும் "ஜெருசலம் நகரத்தின் அரபு தன்மையைத் துடைத்து, யூதமயமாக்கல் ஆகியவை எல்லா இடங்களிலும் அரேபியர்கள் மற்றும் முஸ்லிம்களின் உணர்வுகளைத் தூண்டும் செயல்களாகும்”, என்றார்.

உச்சிமாநாட்டில் கலந்து கொண்ட பாலஸ்தீனிய குழு ஹமாஸின் முன்னாள் தலைவரான காலித் மேஷால் கோலாலம்பூரில் நடந்த இந்த மாநாடு முஸ்லீம் உலகில் "எந்தவொரு தேசத்துக்கும் இடையே பகைமையை உருவாக்குவதற்காக அல்ல" என்று அல் ஜசீராவிடம் கூறினார்.

தொழிநுட்ப வளர்ச்சியை நோக்கி ஈரானின் அசுர பாய்ச்சல்

Establishment of new civilization in 2nd phase of the Islamic Revolution

இஸ்லாமிய புரட்சி கடந்த 40 ஆண்டு கால வரலாற்றில் பெற்றுக்கொண்டுள்ள மகத்தான வெற்றிகளை அடுத்து கடந்த பிப்ரவரியில் தொடங்கிய இஸ்லாமிய புரட்சியின் இரண்டாம் கட்டத்தைப் பற்றிய இஸ்லாமிய புரட்சியின் தலைவர் அயதுல்லா சையத் அலி கமேனியின் அறிக்கையில் முக்கிய தலைப்புகளில் ஒன்று அறிவியல் மற்றும் ஆராய்ச்சி ஆகும்.

ஈரானிய தேசம் கடந்த நாற்பது ஆண்டுகளில் வெற்றியின் உச்சங்களை நோக்கிய அதன் பயணத்தில் ஏராளமான தடைகளைத் தாண்டி, பல்வேறு அறிவியல் துறைகள் உட்பட பல அரங்கங்களில் வியக்கத்தக்க முன்னேற்றத்தை அடைந்துள்ளது. இஸ்லாமிய புரட்சியின் தலைவர் இந்த பிரகாசமான மற்றும் நம்பிக்கைக்குரிய பாதையைத் தொடர்வதற்கு முக்கியத்துவம் அளித்துள்ளார், அதே நேரத்தில் ஈரான் இஸ்லாமிய குடியரசின் மேலும் வளர்ச்சி மற்றும் முன்னேற்றத்திற்கு ஏற்ப முக்கிய ஜிகாத்துக்கான பல பரிந்துரைகளை முன்வைத்தார்.

1979 ஆம் ஆண்டில், மகா புருஷர் இமாம் கொமெய்னி (ரஹ்) அவர்களின் வெற்றிகரமான தலைமையுடன், இஸ்லாமிய புரட்சி கஜார் மற்றும் பஹ்லவி வம்ச காலங்களில் நாட்டின் நீண்ட கால பின்தங்கிய நிலையை முடிவுக்குக் கொண்டுவந்தது. வேறு வார்த்தைகளில் கூறுவதானால், புரட்சிக்கு பிந்தைய காலத்தில் ஈரான் குறிப்பிடத்தக்க வளர்ச்சியையும் முன்னேற்றத்தையும் அடைந்துள்ளது.

இஸ்லாமியப் புரட்சியின் வெற்றியின் பின்னர், அமெரிக்கா தலைமையிலான உலகளாவிய ஆணவம் ஈரானிய தேசத்தின் மீது சட்டவிரோத பொருளாதாரத் தடைகளை விதித்தது; ஈராக்கின் அடக்குமுறை ஆட்சியாளர் சதாம் ஹுசைன் 1980 செப்டம்பரில் வாஷிங்டனின் உத்தரவின் பேரில் தொடங்கிய 8 ஆண்டு யுத்தம் உட்பட இஸ்லாமிய குடியரசு அமைப்பை கவிழ்க்க அல்லது குறைந்த பட்சம் ஈரானின் முன்னேற்றத்தையும் பல்வேறு துறைகளிலும் அபிவிருத்தியை நிறுத்த எடுக்கப்பட்ட முயற்சிகளில் சிலவாகும்.

இஸ்லாமிய புரட்சியின் தந்தை இமாம் கொமெய்னியின் நுண்ணறிவு மற்றும் தொலைநோக்கு நம்பிக்கை எனும் சுவாசத்தை புகுத்தியதன் காரணமாக ஈரானிய மக்கள், குறிப்பாக இளைஞர்கள் தைரியம் மற்றும் தன்னம்பிக்கையை வளர்த்து, அவர்களில் மறைந்துள்ள திறன்களை வெளிக்கொணர அவர்களுக்கு பெரிதும் உதவியது.

அதன்பிறகு, ஈரானிய இளைஞர்கள் விஞ்ஞான துறைகளில் ஒரு ஜிகாதி இயக்கத்தைத் தொடங்கினர், அச்சுறுத்தல்கள் மற்றும் குறைபாடுகளை முன்னேற்றத்திற்கும் வளர்ச்சிக்கும் ஒரு வாய்ப்பாக மாற்றி, அதன் மூலம் அறிவியல் மற்றும் தொழில்நுட்பத்தின் பல்வேறு கிளைகளில் குறிப்பிடத்தக்க வெற்றிகளைப் பெற்றனர்.

தற்போது, அணுசக்தி எரிபொருள் சுழற்சி, ஸ்டெம் செல்கள், நானோ-தொழில்நுட்பம் மற்றும் உயிரி தொழில்நுட்பம் போன்ற பல்வேறு வகையான அறிவியல் துறைகளில் ஈரான் முதலிடத்தில் உள்ளது.

பல விஞ்ஞான அரங்கங்களில் ஈரானின் மேன்மை, மருத்துவத் துறையில் அதன் பளபளப்பான செயல்திறன், முன்னேற்றத்தின் பிற எடுத்துக்காட்டுகளுக்கு மேலதிகமாக, ஈரானிய தேசத்தின் கூட்டு முயற்சிகள் மற்றும் தேசத்தை கட்டியெழுப்ப வேண்டும் என்ற தணியாத தாகம், அவர்களை வெற்றிப்பாதையில் இட்டுச்செல்கிறது. இஸ்லாமிய புரட்சியின் வெற்றிக்கு நன்றி.

இஸ்லாமிய புரட்சியின் தலைவர் ஆயதுல்லா சையத் அலி கமேனி தனது விவேகமான மற்றும் புத்திசாலித்தனமான பரிந்துரைகளில், தேசிய வலிமை மற்றும் கௌரவத்தை பராமரிப்பதற்கான அவசியமாக, அறிவியல் மற்றும் ஆராய்ச்சியில் ஈரானின் வளர்ச்சியைத் தொடர்வதற்கு முக்கியத்துவம் அளித்துள்ளார்.

விஞ்ஞானத்தின் பல கிளைகளில் ஈரான் உலகளாவிய தரவரிசையில் உயர்ந்த நிலையில் உள்ளது. ஈரானிய தேசத்திற்கு அமெரிக்கா விதித்த சட்டவிரோத அறிவியல், நிதி மற்றும் பொருளாதார தடைகளை எதிர்கொண்டு இந்த வியக்கத்தக்க சாதனைகள் செய்யப்பட்டுள்ளன.

இஸ்லாமிய புரட்சியின் வெற்றியைத் தொடர்ந்து நவீன அறிவியலைப் பயன்படுத்துவதன் மூலம் பல நோய்களுக்கான சிகிச்சை; புதிய மற்றும் மூலோபாய மருந்துகளின் சுதேசமயமாக்கல் மற்றும் உற்பத்தி; இஸ்லாமிய ஈரானில் தொடங்கப்பட்ட அறிவியல் இயக்கத்தின் சாதனைகளின் ஒரு பகுதியாக உபகரணங்கள் உற்பத்தி மற்றும் பல ஆய்வுகள் செயல்படுத்தப்படுகின்றன.

மருத்துவத் துறையில், குறிப்பாக கடந்த ஆறு ஆண்டுகளில் செய்யப்பட்டுள்ள எண்ணற்ற சாதனைகளைப் பற்றிய ஒரு பார்வை, ஈரான் இந்த அறிவியல் துறையில் ஒரு மாபெரும் பாய்ச்சலை எடுத்துள்ளது என்பதைக் காட்டுகிறது.

இதற்கிடையில், மதிப்புமிக்க சர்வதேச அறிவியல் பத்திரிகைகளில் ஈரானிய விஞ்ஞானிகள் எழுதிய கட்டுரைகளின் வெளியீடு; ஈரானிய அறிவியல் நிறுவனங்களின் குறிப்பிடத்தக்க வளர்ச்சி; உலகளவில் ஈரானின் அறிவியல் ஒத்துழைப்பின் வளர்ச்சி; எதிர் வரும் ஆண்டுகளில் விஞ்ஞான ஆராய்ச்சியில் மேலும் முன்னேறும் நோக்கத்துடன் ஈரானின் மிகவும் திறமையான மனித வளங்களின் கல்வி இஸ்லாமிய குடியரசின் முக்கிய சாதனைகளின் ஒரு பகுதியாகும்.

உலகளாவிய திமிர்த்தனத்தின் மிகத் தீவிரமான சதிகளுக்கு முகங்கொடுத்து நான்கு தசாப்த கால வெற்றியை விட்டுச் சென்ற இஸ்லாமியப் புரட்சி, மேலும் வெற்றிகளின் வாக்குறுதிகளுடன், இப்போது அதன் இரண்டாவது 40 ஆண்டு கட்டத்திற்குள் நுழைந்துள்ளது.

இஸ்லாமிய குடியரசு அதன் விஞ்ஞான வளர்ச்சியை மேலும் முன்னேற்றுவதில் உறுதியாக உள்ளது. இது இஸ்லாமிய புரட்சியின் ஆற்றலைப் பற்றி பேசுகிறது, மேலும் இஸ்லாமிய புரட்சி தலைவர் ஆயதுல்லா கமேனியின் இரண்டாவது 40 ஆண்டு கட்டத்திற்கான  முக்கியமான பரிந்துரைகளில் ஒன்றாகும்.

நன்றி https://messageofwisdom.blogspot.com/2019/12/establishment-of-new-civilization-in.html?

ஈரானில் ஆர்ப்பாட்டங்கள் - உண்மை நிலை அறிவோம்

Protest demonstrations in Iran – let us know the reality

ஈரான் இஸ்லாமிய குடியரசின் ஒரு சில பகுதிகளில் அண்மையில் ஆர்ப்பாட்டங்கள் இடம்பெற்றதை நாம் அறிவோம். பெட்ரோல் விலையில் 50% அதிகரிப்பே இந்த ஆர்ப்பாட்டங்களுக்குக் காரணம் என்று கூறப்பட்டது. 

இதனைத் தொடர்ந்து, ஈரானுக்கு எதிராக திட்டமிட்ட அடிப்படையில் மேற்கொள்ளப்பட்ட பிரசாரங்களை பார்க்கையில், இஸ்லாமிய குடியரசு முற்றுமுழுதாக முடங்கிப்போயுள்ளது போன்றும்  இஸ்லாமிய அரசு ஒருசில நாட்களில் வீழ்ந்துவிடும் என்பது போன்றும் ஒரு பிரம்மையை ஏற்படுத்த சில வெளிநாட்டு சக்திகள் ஊடகங்கள் மூலமாக மேற்கொண்ட முயற்சி தெளிவாகத் தெரிகிறது.

றஸூலுல்லாஹ்வின் மீலாத் தினத்தை முன்னிட்டு இஸ்லாமிய குடியரசில் வருடாந்தம் ஏற்பாடு செய்யப்பட்டு வரும் 'சர்வதேச இஸ்லாமிய ஒற்றுமை வாரம்' நிகழ்ச்சிகளில் பங்குகொள்ள விடுக்கப்பட்ட அழைப்பை ஏற்று இவ்வருடம் இலங்கையில் இருந்து நானும் சகோதரர் அஸ்-ஷெய்க் எஸ்.எல்.மதனியும் அங்கு விஜயம் செய்திருந்தோம். உலகின் 93நாடுகளில் இருந்தும் சுமார் 350க்கும் அதிகமான பேராளர்கள் இதில் கலந்துகொண்டனர். பலஸ்தீன் விடுதலை உட்பட இஸ்லாமிய உலகு எதிர்கொண்டுள்ள சவால்களை முறியடிப்பது தொடர்பாக இங்கு விசேடமாக ஆராயப்பட்டது.

இவ்வார்ப்பாட்டங்கள் இடம்பெற்ற காலப்பகுதியில் (நவம்பர் 13-23) நாங்கள் ஈரான் இஸ்லாமிய குடியரசின் பல நகரங்களுக்கு விஜயம் செய்தோம். அதிகாரிகளையும் சந்தித்தோம் பொதுமக்களையும் சந்தித்தோம். பல விடயங்களையும் கேட்டு அறிந்துகொண்டோம். சிலர் அதிருப்தியுற்று இருப்பதையும் காணக்கூடியதாக இருந்தது.

மக்கள் வாழ்வதற்கு அவசியமான அனைத்து பொருட்களும் அங்கேயே உற்பத்தி செய்யப்படுவதால் மக்கள் அதிகளவில் பாதிக்கப்பட்டுள்ளதாக நான் அறியவில்லை. (ஆனால் வெளிநாட்டு ஆடம்பர பொருட்களுக்கு பன்மடங்கு அதிக விலை கொடுத்துத் தான் ஆகவேண்டும்). அப்படியிருக்க இந்த ஊடக பிரசாரங்களை பார்க்கையில் எனக்கே வியப்பாக இருந்தது. அங்கு எங்கும் சகஜ வாழ்க்கை பாதிக்கப்பட்டதாக நான் அறியவில்லை.

எமது நாட்டிலும் நாம் அடிக்கடி ஆர்ப்பாட்டங்கள் நிகழ்வதையும் அதுவே கலகமாக மாறுகையில், வன்முறையாக மாறுகையில், அத்துமீறல்கள் இடம்பெறுகையில் போலீசார் உரிய நடவடிக்கை எடுப்பதையும் சர்வ சாதாரணமாக காண்கிறோம். இதுவே அங்கும் இடம்பெற்றது.

இவ்வார்ப்பாட்டங்களுக்கு பின்னணியில் வெளிநாட்டுக் கரங்கள் இருந்து செயல்பட்டு வந்துள்ளது இப்போது அறியவந்துள்ளது. சின்ன பிரச்சினையையும் ஊதி பெரிதாக்கி நாட்டில் கலவரங்களை ஏற்படுத்த ஈரானின் எதிரிகளால் மேற்கொள்ளப்படும் சதி என்றே ஈரானிய தலைமைத்துவம் அதனை அடையாளம் கண்டுள்ளது.

இவ்வார்ப்பாட்டங்கள் இடம்பெற்றத்தைத் தொடர்ந்து உரையாற்றிய இமாம் ஆயத்துல்லாஹ் காமனேயி பொதுச் சொத்துக்கள் சேதப்படுத்தப்படுவதை கண்டித்த அதேவேளை பாதுகாப்பு அதிகாரிகள் பொறுமையை கடைபிடிக்க வேண்டும் என்றும் கேட்டுக்கொண்டார்.

ஈரானில் கருத்து வெளிப்பாட்டு சுதந்திரம் அரசியமைப்பு ரீதியாக அங்கீகரிக்கப்பட்டு, உத்தரவாதப் படுத்தப்பட்டுள்ளது. எதிர்ப்பு ஆர்ப்பாட்டங்களுக்கு அங்கு எந்த தடையும் கிடையாது. அங்கு ஆர்ப்பாட்டங்கள் இடம் பெறுவது இதுவே முதல் முறை அல்ல. இதுபோன்ற ஆர்ப்பாட்டங்கள் பலவற்றை ஈரான் சந்தித்துள்ளது. இவ்வார்ப்பாட்டங்களுக்கு எதிராகவும் மக்கள் பேரணிகளை நடத்தி, இஸ்லாமிய அரசுக்கு தமது விசுவாசத்தை தெரிவித்து வருகின்றனர் என்பதை அங்கு காணக்கூடியதாக உள்ளது.

அமெரிக்க மற்றும் மேற்குலக நாடுகளின் ஈரான் மீதான மனிதாபிமானமற்ற பொருளாதார தடை, அதிகபட்ச அழுத்தம் ஆகியவற்றுக்கு மத்தியில் பொருளாதார கஷ்டங்கள் ஏற்பட்டுள்ள போதிலும் உலகிலேயே அதிகுறைந்த விலையில் மக்களுக்கு எரிபொருளை வழங்கும் நாடு ஈரான் என்பது குறிப்பிடத்தக்கது.

மலிவு விலை காரணமாக ஒருசிலர் அண்டை நாடுகளுக்கு எரிபொருளை பாரிய அளவில் கடத்தும் சட்டவிரோத நடவடிக்கைகளில் ஈடுபட்டும் வந்துள்ளனர். பெட்ரோல் விலை அதிகரிப்புக்கு இதுவும் ஒரு காரணம் என்று ஈரானிய அதிகாரிகள் தெரிவிக்கின்றனர்.

- தாஹா முஸம்மில் 

முஸ்லிம்களின் கண்ணியத்தை மீட்டு தரவல்லது இஸ்லாமிய ஒற்றுமை மட்டுமே

Islamic Unity is the only thing that can restore 

the dignity of Muslims

இன்றைய முஸ்லிம்கள் ஏராளமான சிக்கல்களால் பாதிக்கப்பட்டுள்ளனர், அவர்களின் அவலநிலைக்கான அடிப்படைக் காரணங்களாக புனித குர்’ஆனின் உண்மையான போதனைகளில் இருந்து தூரப்பட்டிருத்தல், மார்க்கப் பற்றின்மை, கல்வியில் அசட்டை, தேசியவாதம், பிரதேசவாதம், குறுங்குழுவாதம், குரோத மனப்பான்மை, மத தப்பெண்ணங்கள், அதிகார மோகம், சகிப்பின்மை, தீவிரவாதம் மற்றும் பொருளாயத நலன்கள் பால் அதிக கவனம் என்பவற்றோடு; எல்லாவற்றுக்கும் மேலாக ஒற்றுமையின்மை எனலாம். இவை அனைத்தும் முஸ்லிம்களின் வீழ்ச்சிக்கான காரணங்களாகும். இதனால் எல்லா வளமும் இருந்தும் முஸ்லிம்கள் இன்று மரியாதை இழந்து, கௌரவம் இழந்து மற்றும் தம்மிடமிருந்த அதிகாரம் அனைத்தும் இழந்தது இஸ்லாத்தின் எதிரிகளிடம் தஞ்சமடையும் நிலை உருவாகி உள்ளது.

மறுபுறம், இஸ்லாத்தினதும் முஸ்லிம்களினதும் எதிரிகள் ஒன்றுபட்டுள்ளனர். முஸ்லிம்களின் பலவீனத்திலேயே அவர்களின் வல்லாதிக்கம் தொடர முடியும் என்பதை அவர்கள் மிக நன்றாக அறிவார்கள். எனவே அவர்கள் முஸ்லிம்களைப் பிளவுபடுத்துவதற்கான சதித்திட்டங்கள் தீட்டுவதில் சளைக்காது, தொடர்ச்சியாக ஈடுபட்டு வருகின்றனர்.

இவர்களது சதித்திட்டத்தில் சிக்கியுள்ள முஸ்லீம் நாடுகளின் தலைவர்கள் இஸ்லாம் வலியுறுத்தும் ஒற்றுமையை உதாசீனம் செய்து சகோதர முஸ்லிம் நாடுகளுடன் சண்டையிட்டு அந்த நாட்டு மக்களையும் வளங்களையும் அழிவுக்குள்ளாக்கிக் கொண்டிருப்பது மட்டுமல்லாமல் தமது வளங்களையும் அழித்துக்கொண்டிருப்பத்தை காண்கிறோம். இதனால் முழு இஸ்லாமிய உலகும் பலவீனம் அடைந்து காணப்படுகிறது.

ஐ.நா.சபையில் பெரும் எண்ணிக்கை கொண்ட அங்கத்துவம் இஸ்லாமிய நாடுகளுக்கே உண்டு. இருந்தும் என்ன பயன்…? தமக்குள் ஒற்றுமை இல்லாததன் காரணமாக செல்லாகாசுகளாக சிதறி கிடக்கின்றன. இதன் விளைவாக எல்லா நாடுகளிலும் முஸ்லிம்கள் சீண்டப்பட்டு, அச்சுறுத்தல்களுக்கு ஆளாகியுள்ளனர்.

புனித குர்ஆன் எமது ஒற்றுமையை வலியுறுத்துவதோடு எதிரிகளிடமிருந்து விலகி இருக்க வேண்டும் என்றும் எமக்கு எச்சரிக்கை விடுக்கின்றது.  ஆயினும் இன்றைய இஸ்லாமிய உலகு, முஸ்லிம்களிடமிருந்து தூரப்பட்டு, இஸ்லாத்தின் எதிரிகளிடம் மண்டியிட்டு இருப்பதையே காண்கிறோம்.

எந்தவொரு சமூகத்தினதும் வெற்றி அதன் உறுப்பினர்களிடையே உள்ள பரஸ்பர ஒற்றுமை மற்றும் நல்லிணக்கத்திலேயே பொதிந்துள்ளது. ஒரு வலுவான ஐக்கிய சமுதாயம், வெல்ல முடியாத சக்தியாக மாறி, அவர்களின் வழியில் வரும் எந்த ஓர் இடையூறினையும் சமாளிக்கக் கூடிய வல்லமையைத் பெறுகிறது. அத்தகைய ஒன்றுபட்ட சமுதாயத்தை எதிர்ப்பதற்கு யாரும் துணிவதில்லை.

அல்லாஹ் அவனது அருள் மறையாம் புனித குர்ஆனில் இவ்வாறு குறிப்பிடுகின்றான்:

     “இன்னும், நீங்கள் எல்லோரும் அல்லாஹ்வின் கயிற்றை வலுவாக பற்றிப் பிடித்துக் கொள்ளுங்கள்; நீங்கள் பிரிந்தும் விடாதீர்கள்; அல்லாஹ் உங்களுக்குக் கொடுத்த நிஃமத்களை (அருள் கொடைகளை) நினைத்துப் பாருங்கள்; நீங்கள் பகைவர்களாய் இருந்தீர்கள் - உங்கள் இதயங்களை அன்பினால் பிணைத்து; அவனது அருளால் நீங்கள் சகோதரர்களாய் ஆகிவிட்டீர்கள்...” (புனித குர்ஆன் 3:103).

புனித குர்ஆன் எமது ஒற்றுமையை வலியுறுத்தும் அதேசமயம் பிரிவினால் ஏற்படும் விளைவு பற்றியும் எமக்கு எச்சரிக்கை விடுக்கின்றது.

 “இன்னும் அல்லாஹ்வுக்கும், அவனுடைய தூதருக்கும் கீழ்படியுங்கள் - நீங்கள் கருத்து வேறுபாடு கொள்ளாதீர்கள்; (அவ்வாறு கொண்டால்) கோழைகளாகி விடுவீர்கள்; உங்கள் பலம் குன்றிவிடும்…” (புனித குர்ஆன் 8/46)

இந்த புனித வசனங்களை நாம் பயான்களிலும் குத்பாக்களிலும் கேட்டுக்கொண்டுதான் இருக்கின்றோம்; சன்மார்க்க புத்தகங்களில் படித்துக் கொண்டும் இருக்கின்றோம்; இருந்தும் முஸ்லிம் சமுதாயம் பிளவுபட்ட சமுதாயமாகவே இருந்து வருகிறது.

இஸ்லாத்தின் எதிரிகள் முஸ்லிம் உம்மாவை ஷியா-சுன்னி என்று பிரித்து அவர்கள் ஒருவருக்கொருவர் மோத வைப்பதில் கண்ணும் கருத்துமாக உள்ளனர்.

இந்த சதித்திட்டத்தை சரியாக புரிந்துகொண்ட ஈரான் இஸ்லாமிய குடியரசு முஸ்லிம் உலகை ஒன்றுபடுத்த அனைத்து முயற்சிகளையும் மேற்கொண்டு வருகிறது.

ரபீயுல் அவ்வல் மாதம் 12ம் நாளை ரசூலுல்லாஹ் (ஸல்) அவர்களின் பிறந்த தினமாக சுன்னத் வல் ஜமாத்தைச் சேர்ந்த நாம் நினைவு கூறும் அதேவேளை ஷியா முஸ்லிம்கள் 17ம் நாளை ரசூலுல்லாஹ் (ஸல்) அவர்கள் பிறந்த தினமாக நினைவு கூறுகின்றனர்.

வரலாற்றுரீதியாக பிரிந்திருக்கும் இவ்விரு இஸ்லாமிய சமூகங்களும் தமக்கிடையில் புரிந்துணர்வை ஏற்படுத்திக்கொண்டு, ஒன்றுபடும் சந்தர்பமாக ரபீயுல் அவ்வல் மாதம் 12-17 ஐ ஒற்றுமை வாரம் என்று ஈரானிய தலைவர்கள் பிரகடனப்படுத்தி, உலக முஸ்லிம்கள் மத்தியில் ஒற்றுமையை வலியுறுத்தும் மாநாடுகளையும் வருடாந்தம் நடாத்தி வருகின்றனர். (றஸூலுல்லாஹ்வின் மீலாதை கண்ணியப்படுத்த இதைவிட சிறந்த வழி வேறு என்ன இருக்க முடியும்).

பாலஸ்தீன், ஆப்கானிஸ்தான், ஈராக், லிபியா, எகிப்து, சிரியா, லெபனான், யெமன், பஹ்ரைன், மத்திய ஆபிரிக்கா, பாகிஸ்தான், இந்தியா, காஷ்மீர், மியன்மார் மற்றும் இதுபோன்ற எத்தனையோ இடங்களில் முஸ்லிம்களுக்கு எதிராக இடம்பெற்றுவரும் அநியாயங்களை எண்ணி கவலைப் படுகிறோம், அழுகிறோம், ஒப்பாரி வைக்கிறோம். இவை எமது உணர்வுகளின் வெளிப்பாடு தான் ஆயினும், வெளிப்படும் உணர்வுகளால் மாத்திரம் எமது பிரச்சினைகள் தீர்ந்துவிடப் போவதில்லை என்பது உணரப்பட வேண்டும்.

பிரச்சினைகளின் மூல காரணங்களை அறிந்து, அதற்கான தீர்வுகள் கண்டறியப்பட வேண்டும் என்பதே தற்போது எம்மத்தியில் இருக்கும் பிரதான சவால்.

எம்மிடையில் ஒற்றுமை இன்மையே பிரச்சினைகளின் மூல காரணங்களில் பிரதானமானது என்பதை எம்மில் பலர் அறிவோம். எமக்குள் இருக்கும் சிறிய வேற்றுமைகளை வளர்ப்பதில் இஸ்லாத்தின் எதிரிகள் கண்ணும் கருத்துமாய் உள்ளனர் என்பதை ஏனோ நாம் உணரத் தவறிவிடுகிறோம்.

முஸ்லிம்கள் மத்தியில் எதிரும் புதிருமாகச் செயற்பட்டுக் கொண்டிருக்கும் அல்லது சண்டையிட்டுக் கொண்டிருக்கும் இரு தரப்பினரையும் போஷிக்கும் 'மறைகரம்', அனேகமாக, ஒன்றாகவே இருக்கும் என்பது சற்று ஆராய்ந்தால் புரிந்து கொள்ள முடியும். அமேரிக்கா சுன்னிகள் மத்தியில் தீவிரவாதிகளை உருவாக்கி போஷித்துவரும் அதேவேளை பிரித்தானியா ஷியாக்கள் மத்தியில் தீவிரவாதிகளை உருவாக்கி போஷித்து வருகிறது. இதற்காக அவர்கள் கோடிக்கணக்கான டொலர்களை செலவிட்டு வருகின்றனர். முஸ்லிம்கள் ஒன்றுபட்டுவிடக்கூடாது என்பதே இவர்களது நோக்கம் ஆகும். துரதிஷ்டம் என்னவென்றால் முஸ்லிம்களில் சில தரப்பினர் இவர்களது இந்த சூழ்ச்சி வலையில் சிக்குண்டு இருப்பதாகும்.

"அமெரிக்க சியோனிச பிசாசுகளை துரத்தியடிக்கூடியது இஸ்லாமிய ஒற்றுமை மட்டுமே. முஸ்லிம்கள் மத்தியில் பிரச்சனைகளை உருவாக்க அமேரிக்கா சுன்னிகளைத் தூண்டுகிறது, பிரித்தானியா ஷியாக்களைத் தூண்டுகிறது. இரண்டுமே ஒரு கத்தரிக்கோலில் உள்ள இரண்டு கத்திகளை போன்றது." - ஆயத்துல்லாஹ் காமேனி

இந்த சதித் திட்டத்தை முறியடிப்பதற்கு இப்போதுள்ள ஒரே வழி, இஸ்லாமிய நாடுகள் தம்மிடையே உள்ள பிணக்குகளை தாமே பேசி தீர்த்துக் கொள்ள வேண்டும். அவற்றுக்கிடையில் புரிந்துணர்வு ஏற்பட வேண்டும்.

முஸ்லிம் நாடுகள் மத்தியில் இவ்வாறான ஒரு சுமுக நிலை ஏற்படுமாயின், இஸ்லாமிய உலகு முகம் கொடுத்துள்ள ஏராளமான சவால்களை சுலபமாக வெற்றி கொள்ள முடியும். முஸ்லிம்கள் இழந்துள்ள செல்வாக்கையும் கண்ணியத்தையும், மிகக் குறுகிய காலத்துள் மீளப்பெறவும் முடியும்.

இந்த இஸ்லாமிய வழிமுறையை விட்டுவிட்டு இஸ்லாத்தின் எதிரிகளிடம் மண்டியிடுவதால் பிரச்சினை பூதாகார உருவெடுக்குமே அல்லாமல், தீரப்போவதில்லை என்பதை உலக நிகழ்வுகள் துல்லியமாக காட்டிக்கொண்டு இருக்கின்றன.

இங்கே "ஒற்றுமை" என்பதன் மூலம் முஸ்லிம்கள் அனைவரும் அவர்கள் சரியென்று ஏற்றுக்கொண்டுள்ள ஹனபி, ஷாபி, ஹம்பலி, மாலிகி, ஜாபரி, ஸைதி போன்ற அனைத்து சிந்தனை பள்ளிகளையும் கைவிட்டு ஒரே கொள்கையை ஏற்றுக்கொள்ள வேண்டும் என்று அர்த்தமல்ல. இவை அனைத்திற்கும் அடிப்படையாக இருப்பது புனித குர்ஆனும் ஹதீஸுமாகும். கண்ணியத்துக்குரிய ஸஹாபாக்கள், இமாம்கள் மத்தியிலும் கருத்துமுரண்பாடுகள் இருந்துள்ளன. இஸ்லாத்தில் கருத்துமுரண்பாடுகள் வரவேற்கத்தக்க விடயமாகும். ஒற்றுமை என்பதன் மூலம் இங்கு நாம் எதிர்பார்ப்பது மற்றவர்களின் கருத்துக்களுக்கு மரியாதை கொடுக்கும் பரந்த மனப்பான்மை இருக்க வேண்டும் என்பதாகும்.

இந்த அடிப்படையில் முஸ்லிம்கள் மத்தியில் ஒற்றுமையை வலியுறுத்தவேண்டியது உலமாக்களினதும் முஸ்லிம் அறிவுஜீவிகளினதும் கடமையாகும்.

- தாஹா முஸம்மில்