ராணுவ ரீதியாக வளர்ச்சியடைந்துள்ள நாடுகளையே பிரமிக்க வைத்துள்ள ஈரான்

Iran has amazed the militarily developed countries

ஈரான் ட்ரோன்கள் உலக அளவில் பேசுபொருளாக ஆகியுள்ளது என்பதை நாம் அனைவரும் அறிவோம்.

இத்துறையில் மட்டுமல்லாது எல்லாவிதமான நவீன ஏவுகணைகள், போர் விமானங்கள், நீர்மூழ்கி கப்பல்கள் போன்ற துறைகளில் ஈரான் இஸ்லாமிய குடிரசு அடைந்துள்ள முன்னேற்றம், ராணுவ ரீதியாக வளர்ச்சியடைந்துள்ள நாடுகளையே பிரமிக்க வைத்துள்ளது.

பல தசாப்த காலமாக தொடரும் கடுமையான பொருளாதாரத் தடைகள், தனிமைப்படுத்தல்கள், ராணுவ அச்சுறுத்தல்கள் போன்ற அனைத்து சவால்களையும் முறியடித்து, ஈரான் அடைந்துவரும் முன்னேற்றம் அனைத்து இஸ்லாமிய உலகிற்கும் பெருமையாகும். இஸ்லாமியப் புரட்சிக்கு நன்றி

ஈரான் ஆளில்லா விமானங்களை எவ்வாறு பறக்க வைப்பது என்பது குறித்த பயிற்சிக்காக உள்நாட்டில் தயாரிக்கப்பட்ட முதல் சிமுலேட்டர் (விமானத்தின் செயல்பாட்டின் யதார்த்தமான மாதிரி) ராணுவ தரைப்படை தளபதி பிரிகேடியர் ஜெனரல் கியூமர்ஸ் ஹைதரி முன்னிலையில், புதன்கிழமை காட்சிப்படுத்தப்பட்டது.

ராணுவ தளபதிகள் மற்றும் ஆளில்லா விமான நிபுணர்கள் கலந்து கொண்ட நிகழ்ச்சியில், ஜெனரல் ஹைதரி உரையாற்றுகையில், "இன்று, ராணுவத்தினரின் தற்காப்பு மற்றும் போர் சக்தியை ஊக்குவிப்பதில் ட்ரோன்கள் முக்கிய மற்றும் தீர்க்கமான பங்கை வகிக்கின்றன, மேலும் இது மிகவும் மதிப்புமிக்க சாதனையாகும்.

ஆளில்லா விமானங்களைத் தயாரிப்பதில் இராணுவத்தின் தரைப்படைகள் வியத்தகு நிலையை எட்டியுள்ளதாகத் தெரிவித்த தளபதி, “இராணுவத்தின் தரைப்படைகள் நிறுத்தப்பட்டுள்ள நாட்டின் அனைத்து எல்லைகளும் உளவு ட்ரோன்கள் மூலம் கண்காணிக்கப்பட்டு கட்டுப்படுத்தப்படுகின்றன” என்றார்.

"UAV பைலட் பயிற்சி சிமுலேட்டரின் பங்கை UAV விமானிகளின் பயிற்சி மற்றும் கல்வியில் முக்கியமான கூறுகளில் ஒன்றாகக் கருதி, "இன்று, நாம் (எமது பாதுகாப்புக்காக) எதையும்  வடிவமைத்து தயாரிக்க முடியும் என்ற நம்பிக்கையை அடைந்துள்ளோம். இதற்கு இந்த சிமுலேட்டர் ஓர் உதாரணம். இது முற்றிலும் உள்நாட்டில் தயாரிக்கப்பட்ட நூற்றுக்கணக்கான இராணுவ உபகரணங்கள் மற்றும் இராணுவத்தின் தரைப்படைகளில் உள்ள முக்கிய ஆயுதங்களில் ஒன்றாகும், இது உள்நாட்டு நிபுணர்களால் வடிவமைக்கப்பட்டு தயாரிக்கப்பட்டது" என்பது எமக்கு பெருமை சேர்க்கிறது என்று குறிப்பிட்டார்.

சிமுலேட்டரை காட்சிப்படுத்தும் வைபவத்தில், ஜெனரல் ஹைதரி முன்னிலையில் ஹஸ்ரத் வலி அஸ்ரின் UAV குழுவில் பல கட்டுமான மற்றும் நலத்திட்டங்கள் துவக்கி வைக்கப்பட்டன. 

https://en.mehrnews.com/news/199956/Iran-army-unveils-1st-locally-made-drone-flight-simulator

இது இவ்வாறிருக்க, ஈரானிய கடற்படையும் அதன் திறமையை வெளிக்காட்டி வருகிறது.

நவீன கடற்கொள்ளையர்களின் அச்சுறுத்தல்களை முறியடிப்பதற்காக ஒரு நாட்டின் பிராந்திய கடல்களை பாதுகாப்பதற்கு மட்டுமல்ல, சர்வதேச கடல்களில் கடல் வர்த்தக பாதைகளின் பாதுகாப்பை உறுதி செய்வதற்கும் ஒரு வலுவான கடற்படை முக்கியமானது என்பதை உணர்ந்து ஈரான் செய்யப்பட்டு வருகிறது.

பாரசீக வளைகுடா, ஓமான் வளைகுடா, செங்கடல் மற்றும் இந்தியப் பெருங்கடலின் வடக்குப் பகுதியின் நீர்நிலைகளில் அமெரிக்க மற்றும் பிற மேற்கத்திய ஆட்சிகளின் அசுர ராணுவ அமைப்புகள் இருந்தபோதிலும், ஈரான் இஸ்லாமிய குடியரசு அதன் மூலோபாய இருப்பிடத்தைக் கருத்தில் கொண்டு ஒரு சக்திவாய்ந்த கடற்படையை உருவாக்குவதற்கும், மேற்கு ஆசியாவில் முதன்மையான கடல்வழி சக்தியாக வெளிப்படுவதற்கும் கிடைக்கும் எந்த சந்தர்ப்பத்தையும் விட்டு வைக்கவில்லை.

ஈரானின் போர் கப்பல்கள் மற்றும் நீர்மூழ்கிக் கப்பல்களில் அதிநவீன மின்னணு கண்காணிப்பு அமைப்பு பொருத்தப்பட்டிருக்கவில்லை என்றால், கடந்த வாரம் ஹார்முஸ் ஜலசந்தி வழியாக திருட்டுத்தனமாக நுழைய முயன்ற அணுசக்தியால் இயங்கும் அமெரிக்க நீர்மூழ்கிக் கப்பல் கண்டுபிடிக்கப்பட்டு மேற்பரப்புக்கு வந்து அடையாளம் காட்டுமாறு கட்டாயப்படுத்தப்பட்டிருக்காது.

இன்று, ஈரானின் கடற்படை இருப்பு மேலே குறிப்பிட்டுள்ள சர்வதேச கடல் பாதைகளுக்கு மட்டும் மட்டுப்படுத்தப்படவில்லை, அட்லாண்டிக் மற்றும் பசிபிக் பெருங்கடல்களுக்கு பரவியுள்ளது.

உதாரணமாக, ஜனவரி 2023 இல், ஈரானிய கடற்படையானது பசிபிக் பிராந்தியத்திற்கான அமைதி மற்றும் நட்புறவு செய்தியுடன் ஆஸ்திரேலிய பிரத்தியேக பொருளாதார மண்டலத்திற்கு (EEZ) அருகில் பயணம் செய்தது.

சம்பந்தப்பட்ட கப்பல்கள் IRIS Makran மற்றும் IRIS Dena என்ற போர்க்கப்பல் ஆகும், இவை இரண்டும் ஈரானிய கடற்படையின் 86வது புளோட்டிலாவை சேர்ந்தவை. இந்த கப்பல்கள் அதே ஆண்டு செப்டம்பரில் ஈரானை விட்டு வெளியேறிய பின்னர் நவம்பர் 2022 இல் இந்தோனேசியாவில் நிறுத்தப்பட்டன.

டிசம்பரில், குறிப்பிட்ட இரண்டு கப்பல்களும் இந்தியப் பெருங்கடலில் இருந்து பசிபிக் பெருங்கடலுக்குப் பயணித்து, பிரெஞ்சு பாலினேசியாவைக் கடந்து, தெற்கு மார்க்வெசாஸ் தீவுகளுக்குச் சென்றன.

ஓசியானியா-பசிபிக் பிராந்தியத்தில் ஈரானிய கடற்படை இருப்பு, சர்வதேச அரங்கில் பலமுனை கூட்டாண்மைகளை நாடுவதன் மூலம் அமெரிக்க மேலாதிக்க செல்வாக்கிற்கு எதிராக தெஹ்ரானின் கிழக்கு மூலோபாயத்தை மீண்டும் உறுதிப்படுத்துவதை நோக்கமாகக் கொண்டுள்ளது.

இஸ்லாமிய குடியரசு ஆப்பிரிக்கா மற்றும் லத்தீன் அமெரிக்காவை உள்ளடக்கிய பல பரிமாண வெளியுறவுக் கொள்கையை மற்ற பிராந்தியங்களில் போல் பின்பற்றுகிறது. ஆசியாவில், ஐக்கிய நாடுகளின் பாதுகாப்பு கவுன்சிலின் நிரந்தர உறுப்பினர்களான ரஷ்யா மற்றும் சீனா போன்ற மேற்கத்திய நாடுகள் அல்லாத நாடுகளுடனும் ஈரான் தனது உறவுகளை வலுப்படுத்துவதை நோக்கமாகக் கொண்டு செயல்படுகிறது.

வேறு வார்த்தைகளில் கூறுவதானால், லத்தீன் அமெரிக்கா மற்றும் தென் பசிபிக் போன்ற அமெரிக்க நல மண்டலங்களாக கருதப்படும் பகுதிகளில் அமெரிக்காவின் செல்வாக்கை முறியடிக்க தெஹ்ரான் விரும்புகிறது.

இந்த மூலோபாயம் பனாமா கால்வாய் போன்ற மூலோபாய ஜலசந்திகளில் ஈரானிய கடற்படையின் இருப்பை அடிப்படையாகக் கொண்டது. இதனால், இந்திய, அட்லாண்டிக் மற்றும் பசிபிக் பெருங்கடல்களுக்கு ஈரான் கடற்படை கட்டளை மையங்கள் அமைக்கப்பட்டுள்ளன.

சுதந்திர உலகின் நலன்களைப் பாதுகாக்கும் இந்தக் கொள்கையின்படி, ஈரான் ரஷ்யா, சீனா மற்றும் பிற சுதந்திர நாடுகளுடன் கூட்டு கடற்படைப் பயிற்சிகளையும் ஈரான் நடத்தி வருகிறது.

சீனாவைப் பொறுத்தவரை, ஈரானுடனான கடல்சார் உறவுகள், தென் சீனக் கடல் பிராந்தியத்தில் அமைதியை சீர்குலைக்க முயற்சிக்கும் அமெரிக்காவிற்கு ஒரு தெளிவான செய்தியை அனுப்புகின்ற அதே நேரத்தில், ஈரான் ரஷ்யா மற்றும் சீனாவுடன் மட்டுமல்லாமல் இந்தோனேசியா போன்ற பிற நாடுகளுடனும் கடற்படை இராஜதந்திரத்தை வளர்க்க விழைகிறது.

சர்வதேச ஆய்வாளர்களின் கூற்றுப்படி, இந்த கடற்படை இராஜதந்திரம் ஈரானின் பிரிக்ஸ் அமைப்பில் (பிரேசில்-ரஷ்யா-இந்தியா-சீனா-தென்னாப்பிரிக்கா முகாம்) சேரும் நோக்கத்தை முன்னெடுத்துச் செல்வதை சாத்தியமாக்குகிறது, மேலும் அமெரிக்க மற்றும் மேற்கு ஐரோப்பிய ஆட்சிகளின் சட்டவிரோத பொருளாதாரத் தடைகளைத் தவிர்ப்பதற்கான மூலோபாயத்தை உருவாக்குகிறது.

https://kayhan.ir/en/news/114381/iranian-navy%E2%80%99s%C2%A0-international-strategy

 

ஈத் அல்-ஃபித்ர் - இஸ்லாத்தின் உலகளாவிய சகோதரத்துவ உணர்விற்கு மற்றொரு அற்புதமான எடுத்துக்காட்டு.

Eid-ul-Fitr – Another wonderful example of Islam's spirit of universal brotherhood

மூலம்: செய்யத் அலி ஷாபாஸ்

“ஓ மக்களே! உண்மையாகவே உங்களின் இந்த நாள் நல்லோர்களுக்கு வெகுமதி அளிக்கப்படும் நாளாகும். நீங்கள் (உங்கள் இறைவனின் முன்) நிற்கும் நாளுக்கு நிகரான நாளாகும். எனவே, நீங்கள் உங்கள் தொழுகை இடங்களுக்குச் செல்வதற்காக உங்கள் வீடுகளை விட்டு வெளியே வரும்போது, உங்கள் இறைவனிடம் செல்வதற்காக நீங்கள் (உங்கள் ஆன்மாக்கள்) உங்கள் உடலிலிருந்து வெளிவரும் நாளைப் பற்றி உங்களுக்கு நினைவூட்டுங்கள். நீங்கள் தொழும் இடங்களில் நிற்கும்போது, உங்கள் இறைவனின் முன்னிலையில் (தீர்ப்பு நாளில்) நீங்கள் நிற்பதை நினைவூட்டுங்கள். நீங்கள் உங்கள் வீடுகளுக்கு (தொழுகைக்குப் பிறகு) திரும்பும்போது, நீங்கள் சொர்க்கத்தில் உங்கள் வீடுகளுக்குத் திரும்புவதைப் பற்றி உங்களுக்கு நினைவூட்டுங்கள்.

மேற்கூறிய பகுதி ஈத் அல்-பித்ர் நிகழ்வில் ஒரு பிரபலமான பிரசங்கத்தின் ஒரு பகுதியாகும், அருள்மிகு ரமலான் மாதத்தின் இறுதியில், தெய்வீக விருந்தின் ஆன்மீக மகிழ்ச்சியில் பங்கேற்க மற்றொரு வாய்ப்பை வழங்கியதற்காக மகத்துவமிக்க இறைவனுக்கு நன்றி செலுத்துவதாக விசுவாசிகள் ஒன்றுகூடுகிறார்கள்.

இது சிறப்பான ஈத் அல்-பித்ர் தொழுகையின் போது சர்வவல்லமையுள்ள இறைவனின் இறுதித் தூதரான முஹம்மது நபி (ஸல்) அவர்களின் வாரிசு, உதாரணப் புருஷர், விசுவாசிகளின் தலைவர், நம்பிக்கையின் சிகரம், ஞானத்தின் நுழைவாயில், விசுவாசிகளின் தளபதி, இமாம் அலி இபினு அபி தாலிப் (அலை) அவர்கள் வழங்கிய உரையின் ஒரு பகுதியாகும்.

ஈத் அல்-பித்ர் என்பது ஈமான் கொண்டோர் அவர்கள் செய்த நல்ல அமலுக்காக அலங்கரிக்கப்படும் நாளாகும். உண்மையில் புனித குர்ஆனில் கூறப்பட்டுள்ள அல்லாஹ்வின் கட்டளைக்குக் கீழ்ப்படிந்து, நடைமுறையில் நபிகள் நாயகம் (ஸல்) அவர்களும் அவரது குடும்பத்தாரும் காட்டியபடி, நோன்பு நோற்றவர்களை விட வேறு யாரும் இதை நன்கு புரிந்து கொள்ள மாட்டார்கள். இந்த மாதத்தில் அவர்கள், பகல் நேரங்களில் உணவு, பானங்கள் மற்றும் பிற சட்டபூர்வமான இன்பங்களை இறைவனுக்காக துறந்து, ஒழுக்கம் மிக்க  நேர்மையான சமூகங்களை உருவாக்குவதற்கான முயற்சிகளின் ஒரு பகுதியாக, இறைவனின் திருப்தியை நாடி நல்ல செயல்களில் தங்களை ஈடுபடுத்திக் கொண்டார்கள்.

ரமழானில் நோன்பு நோற்க முடியாது போனோர், அதற்காக இரக்கமுள்ள இறைவனின் அவையில் மன்னிப்புக் கோரி மனம் வருந்தி மன்னிப்புக் கோராதவர்கள், இந்தச் செய்திக்கு செவிசாய்க்காதோர் அதன் விளைவாக அவர்களின் கெட்டுப்போன ஆன்மாக்கள் தங்கள் மோசமான உடலை விட்டு வெளியேறும்போது அவர்களின் முட்டாள்தனத்தின் மோசமான விளைவுகளைச் சுமக்க நேரிடும்.

எவ்வாறாயினும், விசுவாசிகள், கடுமையான சீதோஷ்ணம் மற்றும் பொருளாதார சிக்கல்கள் உட்பட எந்த சூழ்நிலையிலும், நிலையற்ற உலகின் குறுகிய வாழ்க்கையில் நோன்பைக் கைவிட மாட்டார்கள், அதன் விளைவாக, அவர்கள் சொர்க்கத்தின் பேரின்பத்தைப் பெறுகிறார்கள்.

இமாம் அலி (அலை) அவர்கள் "ஒருவர் பாவம் செய்யாத அவருக்கு அது ஈத் (மகிழ்ச்சி) நாளாகும்" என்று கூறியது மிகவும் பிரபலமானது.

தனது ஈதுல் பித்ர் பிரசங்கத்தில் மேலும் கூறினார்:

“அல்லாஹ்வின் அடியார்களே! உண்மையில் (ரமழானில்) நோன்பு நோற்ற ஆண்களுக்கும் பெண்களுக்கும் கிடைக்கும் குறைந்தபட்ச வெகுமதி ஒரு வானவர், ரமலான் மாதத்தின் கடைசி நாளில் அவர்களை அழைத்து: "ஓ அல்லாஹ்வின் அடியார்களே! உங்கள் முந்தைய பாவங்கள் அனைத்தும் மன்னிக்கப்பட்டன என்ற மகிழ்ச்சியான செய்தியில் மகிழ்ச்சி அடையுங்கள்" என்பார்.

"ஃபித்ர்" என்ற வார்த்தையால் குறிப்பிடப்பட்டுள்ளபடி, ஈத் "ஃபித்ரா" அல்லது "ஃபித்ரியே" என்று அழைக்கப்படும் ஏழைகளுக்கு சிறப்பு அன்னதானம் வழங்குவதன் மூலம் ஈத் தொடங்குகிறது. கோதுமை, அரிசி, பார்லி அல்லது பேரிச்சம்பழம் போன்ற முக்கிய உணவுகளால் ஆனது; மூன்றரை கிலோ அல்லது அதற்கு சமமான பணம். சமூகத்தின் ஏழைப் பிரிவினரின் நிலையை உயர்த்த பாடுபடும் இஸ்லாத்தின் உலகளாவிய சகோதரத்துவ உணர்விற்கு இது மற்றொரு அற்புதமான எடுத்துக்காட்டு.

தெஹ்ரான் மற்றும் பிற நகரங்களில், சிறப்பு ஈத் அல்-பித்ர் தொழுகைக்கு முன்போ அல்லது நேரத்திலோ விசுவாசிகள் இந்தக் கடமையை நிறைவேற்றும் வகையில், இந்த சிறப்பு தர்மம் அடங்கிய பெட்டிகள் தேவையுடையோர் எடுத்துச் செல்வதற்கு வசதியாக முக்கிய இடங்களில் வைக்கப்படுகின்றன.

ஈரானில், முடியாட்சி, இராணுவ ஆட்சி அல்லது தாராளவாத ஜனநாயகம் போன்ற மிகவும் குறைபாடுள்ள அமைப்புகளைப் போலல்லாமல், இஸ்லாத்தின் சக்திவாய்ந்த சட்டங்களால் நிர்வகிக்கப்படுகிறது, ஈத் அல்-பித்ர் தொழுகை மற்றும் பிரார்த்தனை நாட்டின் அதி உயர் மத மற்றும் அரசியல் தலைவரால், இஸ்லாமியப் புரட்சியின் தலைவர் ஆயத்துல்லாஹ் செய்யத் அலி கமேனி அவர்களால் தலைநகர் தெஹ்ரானில் நடத்தப்படும். நபிகள் நாயகம் (ஸல்) மற்றும் உத்தம இமாம்களின் பணிவான ஊழியர், ஆழ்ந்த நுண்ணறிவுடன் இறையச்சம் கொண்ட மற்றும் உள்நாட்டு, பிராந்திய மற்றும் சர்வதேச பிரச்சினைகளை முழுமையாக அறிந்த அவர் உள்நாட்டிலும் வெளிநாட்டிலும் மக்களின் பொது மனசாட்சியை தட்டி எழுப்பும் சந்தர்ப்பமாக தனது பிரசங்கங்களை ஆக்கிக் கொள்கிறார். பார்வையாளர்கள் மிகுந்த கவனத்துடன் அதை செவிமடுக்கின்றார்கள்.

தலைவர் மற்றும் பிற தகுதி வாய்ந்த உலமாக்களின் ஈத் அல்-பித்ர் பிரார்த்தனை சொற்பொழிவுகள், மக்கள் தங்கள் நம்பிக்கையை வலுப்படுத்த அல்லது இறைவனின் பாதைக்குத் திரும்புவதன் மூலம் தங்கள் நடத்தையை சரிசெய்யவும், அதே நேரத்தில் தாயகத்தையும் முஸ்லிம் உம்மத்தையும் அச்சுறுத்தும் பெரிய சாத்தான், அமெரிக்கா மற்றும் சட்டவிரோத சியோனிச அமைப்பு உட்பட அதன் பிசாசு கும்பல்களின் சதிகளின் ஆபத்துகளை நன்கு அறிந்து கொள்ளவும் ஒரு பொன்னான வாய்ப்பாகும்.

துரதிர்ஷ்டவசமாக, இந்த ஆண்டு ரமழான் சியோனிஸ்ட் முஸ்லிம் நிலமான பாலஸ்தீனத்தில் கசப்பான மற்றும் சோகமான சம்பவங்களைக் கண்டது, அங்கு புனித அல்-அக்ஸா மசூதியின் புனிதம் இஸ்ரேலிய ஆட்சியின் ராணுவத்தாலும் ஆக்கிரமிக்கப்பட்ட இஸ்லாமிய புனித நகரமான பைத் அல்-முகத்தஸில் சட்டவிரோதமாக குடியேறிய உலகின் பிற பகுதிகளில் இருந்து யூதர்களின் கொலைகார கும்பலாலும் இழிவுபடுத்தப்பட்டது.

இந்த நம்பிக்கையற்ற சக்திகள் இஸ்லாத்தின் மூன்றாவது புனிதமான தலத்தின் வளாகத்திற்குள் ஆசீர்வதிக்கப்பட்ட ரமழான் மாதத்தில் நோன்பு நோற்ற முஸ்லிம்கள் தொழுகையிலும் பிரார்த்தனைகளிலும் ஈடுபட்டிருந்த வேளையில், அத்துமீறி தாக்கினர். இதன் விளைவாக முதியவர்கள் உட்பட ஏராளமான பாலஸ்தீனிய ஆண்கள் மற்றும் பெண்கள் காயமடைந்தனர் மற்றும் நூற்றுக்கணக்கானவர்கள் தடுத்து வைக்கப்பட்டு சிறையில் அடைக்கப்பட்டனர். இனவெறி மற்றும் பயங்கரவாதத்தின் இந்த காட்டுமிராண்டித்தனமான செயல்களை அமெரிக்கா வெளிப்படையாக ஆதரிக்கிறது.

நைஜீரியாவில் தலைநகர் அபுஜாவில் ஏப்ரல் 14ஆம் தேதி சர்வதேச குத்ஸ் தினத்தையொட்டி நடைபெற்ற அமைதிப் பேரணியின் போது, பாலஸ்தீன விடுதலைக்கான போராட்டங்களுக்கு ஆதரவளிப்பதற்குப் பதிலாக ராணுவப் படைகள் தங்கள் சொந்தக் குடிமக்கள் மீது துப்பாக்கிச் சூடு நடத்தி, சில அப்பாவிகளின் உயிர்களை பறித்து, பலரை காயப்படுத்தி, அமெரிக்கா மற்றும் இஸ்ரேலை மகிழ்ச்சிக்கு உள்ளாக்கினர்.

உலகம் முழுவதையும் சீர்குலைக்கும் அமெரிக்கர்கள், சியோனிஸ்டுகள் மற்றும் அவர்களின் ஏஜெண்டுகளின் இத்தகைய பேரழிவுகளிலிருந்தும், சாத்தானிய சதிகளிலிருந்தும் முஸ்லிம்களை விடுவிக்க எல்லாம் வல்ல இறைவனிடம் பிரார்த்திப்போம்.

இமாம் அலி (அலை) தனது புகழ்பெற்ற ஈத் அத்-பித்ர் பிரசங்கத்தின் இறுதிப் பத்தியில் கூறியதை இங்கே குறிப்பிட்டு முடிக்கின்றேன்:

"அல்லாஹ் உங்களை நினைவில் கொள்வதற்காக நீங்கள் அவனை நினைவில் வையுங்கள், ஏனென்றால் அவன் உண்மையில் அவனை நினைவுகூருபவர்களை நினைவு கூர்கிறாரன், மேலும் அல்லாஹ்வின் கருணைக்காகவும் அருளுக்காகவும் மன்றாடுங்கள், ஏனென்றால் அவன் அவனிடம் மன்றாடுபவர்களை ஏமாற்ற மாட்டான்."

ஈத் அல்-ஃபித்ர் பெருநாளை கொண்டாடும் உலக முஸ்லிம்கள் அனைவருக்கும் எமது இதயபூர்வமான வாழ்த்துக்கள்.

https://kayhan.ir/en/news/114194/the-glories-of-eid-al-fitr

கொடுங்கோல் சியோனிச ஆட்சி அழிவில் முடிவடையும்

The tyrannical Zionist regime will end in destruction

Forum for Justice and Peace அமைப்பினால் ஏப்ரல் 12, 2023 அன்று ஏற்பாடு செய்யப்பட்டிருந்த சர்வதேச குத்ஸ் தின மாநாட்டில் இலங்கைக்கான ஈரான் இஸ்லாமிய குடியரசு தூதுவர் ஹாஷெம் அஸ்ஜாசாதே ஆற்றிய உரையின் தமிழாக்கம்.

சர்வ வல்லமையுள்ள அல்லாஹ்வின் பெயரால்....

இஸ்லாத்தின் மகத்துவமிக்க மாநபி இவ்வாறு கூறுகின்றார்:

مَن سَمِعَ رَجُلا یُنادی یا لَلمسلمین فَلَم یُجِبهُ فَلَیسَ بِمُسلِم

“நீதி கேட்கும் ஒடுக்கப்பட்டவர்களின் குரலைக் கேட்டு உதவிக்கு வராதவன் முஸ்லிம் அல்ல”.

ஒரு முஸ்லிமாக நீங்கள் "குத்ஸ் இ ஷரீப்" என்ற வார்த்தையைக் கேட்டிருப்பீர்கள்; இஸ்லாமிய புரட்சி வெற்றிபெற்று ஒரு சில நாட்களிலேயே ஈரான் இஸ்லாமியக் குடியரசின் நிறுவனர் இமாம் கொமெய்னி (ரஹ்) அவர்கள் புனித ரமலான் மாதத்தின் இறுதி வெள்ளிக்கிழமையை சர்வதேச குத்ஸ் தினமாக பிரகடனப்படுத்தினார். இந்த தீட்சணமிக்க நடவடிக்கை சட்ட விரோத, அடக்குமுறை சியோனிச ஆட்சிக்கு எதிராக ஒடுக்கப்பட்ட பாலஸ்தீனியர்களின் போராட்டத்தில் ஒரு திருப்புமுனையாக அமைந்தது. அல்-குத்ஸ் ஆக்கிரமிப்பிலிருந்து விடுவிப்பு மற்றும் ஒடுக்கப்பட்ட பாலஸ்தீன மக்களுடனான எமது ஒருமைப்பாட்டின் அவசியம் பற்றியும் மிக முக்கியமான உலகளாவிய நெருக்கடி பற்றி உலகெங்கிலும் உள்ள அனைத்து மக்களுக்கும் நினைவூட்டும் நாளாக சர்வதேச குத்ஸ் தினம் அமைந்தது. எனவே, குத்ஸ் தினம் என்பது முஸ்லிம்களுக்கு மட்டுமல்ல, உலகில் அடக்குமுறையை எதிர்த்துப் போராட உறுதிபூண்டுள்ள அனைவரின் ஒற்றுமைக்கான களமாகவும் உள்ளது என்பதை கவனத்தில் கொள்ள வேண்டும்.

பாலஸ்தீனம் 75 ஆண்டுகளாக இஸ்ரேலின் பயங்கரவாத ஆட்சியின் ஆக்கிரமிப்பில் உள்ளது, ஆனால் இன்று முஸ்லிம்களுக்கும் உலகில் உள்ள அனைத்து ஒடுக்கப்பட்டவர்களுக்கும் இடையிலான ஒருமைப்பாட்டின் தேவை முன்பை விட அதிகமாக உணரப்படுகிறது, மேலும் சியோனிசம் எனும் இந்த புற்றுநோய் கட்டியை மற்றும் தீங்கிழைக்கும் ஆட்சியை சாதாரணமாக எண்ணிவிடக்கூடாது; அதற்கு ஒரு முற்றுப்புள்ளி வைக்கவேண்டும்.  இது உலகின் சுதந்திர வேற்க்கைக்கொண்ட அனைத்து மக்களினதும் கடமையாகும்.

ஏழு தசாப்தங்களுக்கும் மேலாக பாலஸ்தீனிய பிரதேசங்களை ஆக்கிரமித்துள்ள சியோனிச ஆட்சி, இந்த நிலத்தின் உண்மையான உரிமையாளர்களுக்கு எதிராக தொடர்ச்சியான அத்துமீறல்கள் மற்றும் குற்றங்களைச் செய்து வருகிறது. சியோனிச நிறவெறி ஆட்சியின் மனித விரோத நடவடிக்கைகள் மனித உரிமைகள் மற்றும் சர்வதேச சட்டத்தின் மறுக்க முடியாத கோட்பாடுகளுடன் முற்றிலும் முரண்படுகின்றன.

சியோனிசக் குடியேற்றங்களின் கட்டுமானம் மற்றும் விரிவாக்கம், ஒடுக்கப்பட்ட பாலஸ்தீனிய மக்களைக் கொன்று வெளியேற்றுவது, அனைத்து மதத்தினருக்கும் புனிதமான இடமாக அல்-அக்ஸா மசூதியை இழிவுபடுத்துதல் மற்றும் படுகொலை செய்தல், காசா பகுதி முற்றுகை, கோலன் நிலங்களை இணைத்தல், மேலும் கடந்த 22 ஆண்டுகளில் 2,000க்கும் மேற்பட்ட குழந்தைகள் கொல்லப்பட்டது இந்தக் குற்றங்களின் ஒரு பகுதி மட்டுமே.

சமீபத்திய நாட்களில், அல்-அக்ஸா மசூதியில் நோன்பாளிகளுக்கு எதிராக இந்த ஆட்சியின் அதிர்ச்சியூட்டும் குற்றங்கள், அதன் வழக்கமான ஆதரவாளர்களின் கண்டனங்களை கூட எதிர்கொண்டன; இந்த குற்றச் செயல்களின் வெளியிடப்பட்ட படங்கள் இதயத்தைப் பிழிவது போல் உள்ளன மற்றும் அவை சுதந்திரத்தைத் தேடும் ஒவ்வொரு நபரின் மனதையும் நிச்சயமாக புண்படுத்தும்.

சியோனிச ஆட்சியின் மிருகத்தத்திற்கு எல்லைகள் என்பதே கிடையாது. இந்த ஆட்சி பயங்கரவாத அரசாக மாறி, உலகெங்கிலும் உள்ள தனது எதிரிகளை படுகொலை செய்ய முயற்சிக்கிறது. இந்த நாசகார ஆட்சி ஈரானிய விஞ்ஞானிகள் கொல்லப்படுவதில் நேரடி பங்கை வகித்துள்ளது என்பது தெளிவாகத் தெரிகிறது.

சியோனிச ஆட்சியின் குற்றங்களை விசாரிக்கும் போது, இரண்டு முக்கியமான காரணிகளை புறக்கணிக்க முடியாது, அவற்றின் குற்றங்கள் இந்த குழந்தை-கொலைகார ஆட்சியின் குற்றங்களை விட குறைவானதல்ல. முதலாவதாக, சியோனிச ஆட்சிக்கு அரசியல், பொருளாதாரம், ராணுவம் என முழு ஆதரவை அளித்து, இந்த ஆட்சியின் குற்றங்களில் முக்கியப் பங்காற்றிய சில நாடுகளை, குறிப்பாக அமெரிக்காவைக் குறிப்பிட வேண்டும். அநீதியான "நூற்றாண்டின் ஒப்பந்தம்" திட்டத்தை செயல்படுத்துவதற்கான முன்னோடியாக ஜெருசலேமுக்கு தனது தூதரகத்தை மாற்றுவதில் அமெரிக்க அரசாங்கம் மேற்கொண்ட நடவடிக்கை அவமானகரமானது, அபகரிக்கும்/ஆக்கிரமிக்கும் சட்டவிரோத சியோனிச ஆட்சியினது மனிதாபிமானமற்ற நடவடிக்கைகளில் அமெரிக்காவின் ஒத்துழைப்பு முதன்மையானதாகக் கருதப்படுகிறது

அடுத்தது, அநீதிக்கு துணைபோகும் ஊடகங்கள் வகிக்கும் முக்கிய பங்கையும் நாம் புறக்கணிக்க முடியாது, ஊடகங்களின் இரட்டை நிலை அணுகுமுறைகளால் ஆக்கிரமிக்கப்பட்ட பிரதேசங்களில் சியோனிஸவாதிகள் செய்துவரும் அட்டூழியங்களைக் கண்டும் காணாதது போல் இருக்கும் ஊடகங்கள் உலகின் பிற பகுதிகளில் நிலவும் மிகச்சிறிய பிரச்சினைகளை பூதாகாரமாக்கும் அதேவேளை சியோனிச ஆட்சியின் மிகக் கொடூரமான செயல்களுக்கு முற்றிலும் பாராமுகமாக இருக்கின்றன.  ஆனால்  அரசியல் கண்ணோட்டம் எதுவாக இருந்தாலும் உண்மைகளை மட்டும் வெளியிட வேண்டிய ஊடகங்கள் இந்த பயங்கரவாத ஆட்சிக்கு உடந்தையாக இருந்து அதனது குற்றங்களை மூடி மறைத்து வருகின்றன.

இந்த இரட்டை நிலை அணுகுமுறை ஊடகங்களால் மட்டும் மேற்கொள்ளப்படவில்லை, துரதிர்ஷ்டவசமாக, பல நாடுகளும் கூட இப்போது சியோனிச ஆட்சிக்கு அதன் குற்றங்களைத் தொடர உதவுகின்றன. இது மறுக்க முடியாத சர்வதேச மனித உரிமைகளைப் புறக்கணிப்பதாகும்.

ஈரான் இஸ்லாமியக் குடியரசு நிறுவப்பட்டது முதல் அது உலகில் ஒடுக்கப்பட்ட மக்களுடன் எப்போதும் இருந்து வருகிறது. ISIS க்கு எதிராக ஈராக் மற்றும் சிரியா மக்களுக்கும், உள்நாட்டுப் போரின் போது இலங்கை அரசாங்கத்திற்கும் நாங்கள் அளித்த ஆதரவு ஈரான் இஸ்லாமியக் குடியரசின் இந்த அடிப்படைக் கொள்கையை விளக்குகிறது. அதேநேரம் பாலஸ்தீனம் ஒரு விசேட இடத்தைப் பெற்றுள்ளது. ஈரான் இஸ்லாமியக் குடியரசு பாலஸ்தீனப் பிரச்சினையை இஸ்லாமிய உலகின் முக்கியப் பிரச்சினையாகக் கருதுகிறது மற்றும் இந்த மனிதாபிமானமற்ற சியோனிச ஆட்சியின் ஆக்கிரமிப்பிற்கு எதிராகப் போராடுவதற்கு மதம் மற்றும் நம்பிக்கையைப் பொருட்படுத்தாமல் முஸ்லிம்கள் மற்றும் உலகில் உள்ள ஒடுக்கப்பட்ட அனைவரின் ஒற்றுமை மற்றும் ஒருமைப்பாட்டின் அவசியத்தை வலியுறுத்துகிறது.

இந்தப் பிராந்தியத்தில் உண்மையான அமைதி மற்றும் முழுமையான ஸ்திரத்தன்மையை திரும்பப் பெறுவதற்கான ஒரே வழி, இந்த ஆக்கிரமிப்பு ஆட்சிக்கு  முற்றுப்புள்ளி வைப்பதும், இடம்பெயர்ந்த மக்கள் அனைவரும் அவர்களின் மதம் மற்றும் இனம் வித்தியாசமின்றி அவர்களது சொந்த நிலங்களுக்குத் திரும்புவதும், இந்த நிலத்தில் உள்ள அனைத்து உண்மையான குடியிருப்பாளர்களின் பங்கேற்புடன் பொதுவாக்கெடுப்பு நடத்துவதும் மட்டுமே ஒரே வழி என்று ஈரான் கருதுகிறது.

இந்நிலையில், அல்-அக்ஸா பள்ளிவாசல் மீதான தாக்குதல் சம்பவத்தில் சியோனிச ஆட்சியின் அண்மைக்கால குற்றங்களை கண்டிக்கும் வகையில் இலங்கையின் வெளிவிவகார அமைச்சு மற்றும் கௌரவ அலி சப்ரி ஆகியோர் சரியான நேரத்தில் எடுத்த நடவடிக்கைகளுக்கு நன்றியும் பாராட்டும் தெரிவிப்பது அவசியம் என கருதுகிறேன். நிச்சயமாக, உங்களுக்குத் தெரியும், இந்த நடவடிக்கைகள் இந்த விடயத்திற்கு மட்டும் மட்டுப்படுத்தப்படவில்லை மற்றும் ஐக்கிய நாடுகளின் பொதுச் சபையின் சமீபத்திய அமர்வில் ஒடுக்கப்பட்ட பாலஸ்தீன மக்களுக்கு ஆதரவாக அவர் நேரடியாகப் பேசியது இலங்கையின் வெளியுறவுக் கொள்கையில் நீதியின் மையத்தை சுட்டிக்காட்டுகிறது.

இந்த சியோனிச கொள்கைகளில் உருவான  ஆட்சியை ஆளும் கட்டமைப்பையும், எதிர்ப்பைத் தவிர இந்த முட்டுக்கட்டையிலிருந்து வெளியேற வழி இல்லை என்பதை நிரூபித்துள்ளது. இந்த பயங்கரவாத ஆட்சி மற்றும் அதன் ஆதரவாளர்களுடன் செய்யப்பட்ட எண்ணற்ற பேச்சுவார்த்தைகள் மற்றும் ஒப்பந்தங்கள் அனைத்தும் மீறப்பட்டுள்ளன. இந்த கொடூரமான ஆட்சிக்கு எதிராக ஈரான் இஸ்லாமியக் குடியரசின் கொள்கை துல்லியம் மற்றும் நியாயத்தன்மையை இது நிரூபிக்கிறது. இந்த ஆட்சியை சமாளிக்க எதிர்ப்பைத் தவிர வேறு வழியில்லை என்பதும் தெளிவு. எனவே, இந்த ஆட்சியுடன் உறவுகளை இயல்பாக்கிய நாடுகள் விரைவில் வருந்தும், உண்மையில், சியோனிச ஆட்சியும் அதன் முடிவில்லாத விரிவாக்கக் கொள்கைகளால் வருத்தப்படும்.

” و سَیعلَمُ الّذینَ ظَلَموا أَی مَنقَلَبٍ ینقَلِبونَ”

மேலும் அடக்குமுறையாளர்கள் என்ன தண்டனைக்குத் பெறுவார்கள் என்பதை விரைவில் அறிந்துகொள்வார்கள்”, இறைவனின் வாக்குறுதி நிறைவேற்றப்படும் என்றும் அடக்குமுறை என்றும் நிலைக்காது என்றும் ஆக்கிரமிப்பு மற்றும் கொடுங்கோல் சியோனிச ஆட்சி அழிவில் முடியும் என்றும் நான் உறுதியாக நம்புகிறேன்.

====================

சட்டத்தரணி மர்ஸூக் தலைமையில் நடைபெற்ற இந்த மாநாட்டில் பாராளுமன்ற உறுப்பினர் விஜித ஹேரத், சட்டத்தரணி டீ. கே. அஸூர், விஜித மொரகஸ்வெவ தேரர், சிரேஷ்ட ஊடகவியலாளர் லக்ஷ்மன் குணசேகர ஆகியோரும் சிறப்புரை வழங்கினர்.