காஸா விடயத்தில் இந்தியா போடும் இரட்டை வேடம்

 India Suppresses Pro-Palestine Voices in Dramatic Shift

மேற்கத்திய தலைநகரங்கள் முதல் முஸ்லிம் நாடுகள் வரை, இஸ்ரேல்-ஹமாஸ் போர் குறித்த எதிர்ப்பு பேரணிகள் தலைப்புச் செய்திகளாக மாறியுள்ளன. ஆனால் பாலஸ்தீனத்திற்கு ஆதரவான நிலைப்பாட்டிற்கு பெயர் போன ஒரு இடம் வெளிப்படையாக அமைதியாக உள்ளது: அதுதான் இந்தியாவின் கட்டுப்பாட்டில் உள்ள காஷ்மீர் ஆகும்.

முஸ்லிம்கள் பெரும்பான்மையாக வசிக்கும் காஷ்மீரில் எந்தவொரு பலஸ்தீன் ஆதரவு போராட்டத்திற்கும் இந்திய அதிகாரிகள் தடை விதித்துள்ளனர், மேலும் முஸ்லிம் மத போதகர்கள் தங்கள் சொற்பொழிவுகளில் மோதலைக் குறிப்பிட வேண்டாம் என்று கேட்டுக்கொள்ளப்பட்டுள்ளனர் என்று குடியிருப்பாளர்கள் மற்றும் மதத் தலைவர்கள் தி அசோசியேட்டட் பிரஸ்ஸிடம் தெரிவித்தனர்.

சர்ச்சைக்குரிய பிராந்தியத்தில் புது தில்லியின் ஆட்சியை முடிவுக்குக் கொண்டுவருவதற்கான கோரிக்கைகளாக மாறக்கூடிய எந்தவொரு போராட்ட வடிவத்தையும் கட்டுப்படுத்துவதற்கான இந்தியாவின் முயற்சிகளின் ஒரு பகுதியாக இந்த கட்டுப்பாடுகள் உள்ளன. பாலஸ்தீனியர்களுக்கான நீண்டகால ஆதரவில் இருந்து விலகி, பிரதமர் நரேந்திர மோடியின் கீழ் இந்தியாவின் வெளியுறவுக் கொள்கையில் ஏற்பட்ட மாற்றத்தையும் அவை பிரதிபலிக்கின்றன என்று ஆய்வாளர்கள் கூறுகின்றனர்.

வரலாற்று ரீதியாக - இரு நாடுகளுக்கும் நெருக்கமான உறவுகளைக் கொண்ட இந்தியா நீண்ட காலமாக சண்டையிடும் இரு தரப்பினருக்கும் - பலஸ்தீன் - இஸ்ரேல் - இடையில் ஒரு இறுக்கமான உறவைக் கொண்டுள்ளது. ஆனால் முஸ்லிம் பெரும்பான்மை காஷ்மீரில் அமைதியாக இருப்பது பலருக்கு வேதனை அளிக்கிறது.

"முஸ்லிம்களான எமது கண்ணோட்டத்தில், பாலஸ்தீனம் எங்களுக்கு மிகவும் முக்கியமானது, அங்குள்ள ஒடுக்குமுறைக்கு எதிராக நாம் முக்கியமாக குரல் கொடுக்க வேண்டும். ஆனால் நாங்கள் அமைதியாக இருக்க வேண்டிய கட்டாயத்தில் உள்ளோம்" என்று முக்கிய எதிர்க்கட்சித் தலைவரும் முஸ்லிம் மதகுருவுமான மிர்வாய்ஸ் உமர் பரூக் கூறினார். போர் தொடங்கியதில் இருந்து ஒவ்வொரு வெள்ளிக்கிழமையும் தான் வீட்டுக் காவலில் வைக்கப்படுவதாகவும், காஷ்மீரின் முக்கிய நகரமான ஸ்ரீநகரில் உள்ள பிராந்தியத்தின் மிகப்பெரிய பள்ளிவாசலில் வெள்ளிக்கிழமை தொழுகைக்கு அனுமதி மறுக்கப்பட்டிருப்பதாகவும் அவர் கூறினார்.

இந்தியாவிற்கும் பாகிஸ்தானுக்கும் இடையில் பிரிக்கப்பட்டு, இரு நாடுகளாலும் முழுமையாக உரிமை கோரப்படும் இமயமலைப் பகுதியில் இந்தியாவுக்கு எதிரான உணர்வு ஆழமாக உள்ளது. 2019 ஆம் ஆண்டில், புது தில்லி காஷ்மீர் பிராந்தியத்தின் அரை சுயாட்சியை நீக்கியது, சகல வகையான கருத்து வெளியீட்டு சுதபத்திரம், சிவில் உரிமைகள் மற்றும் ஊடக சுதந்திரங்களை கடுமையாக கட்டுப்படுத்தப்பட்டுள்ளன.

காஷ்மீரிகள் நீண்ட காலமாக பாலஸ்தீனியர்களுடன் வலுவான ஒற்றுமையை காட்டியுள்ளனர், மேலும் காஸாவில் இடம்பெற்ற முந்தைய சண்டைகளின் போது பெரும்பாலும் இஸ்ரேலுக்கு எதிரான பெரும் போராட்டங்களை நடத்தினர். அந்த போராட்டங்கள் பெரும்பாலும் தெரு மோதல்களாக மாறி, காஷ்மீரில் இந்தியாவின் ஆட்சியை முடிவுக்குக் கொண்டுவருவதற்கான கோரிக்கைகள் முன்வைக்கப்படும்.

இஸ்ரேலுக்கு உடனடியாக ஆதரவு தெரிவித்த முதல் உலகத் தலைவர்களில் தீவிர இந்து தேசியவாதியான மோடி ஒருவர்.

காஸாவில் இஸ்ரேலின் காட்டுமிராண்டித்தனமான ஆரம்பித்து இரண்டு வாரங்களுக்குப் பிறகு, காஸாவில் மனிதாபிமான போர்நிறுத்தத்திற்கு அழைப்பு விடுத்த ஐக்கிய நாடுகள் பொதுச் சபை வாக்கெடுப்பின் போது இந்தியா அதை புறக்கணித்தது, இது அதன் வழக்கமான வாக்களிப்பு முறையில் இருந்து வேறுபட்டது.

"இது அசாதாரணமானது" என்று வில்சன் மையத்தின் தெற்காசிய நிறுவனத்தின் இயக்குநர் மைக்கேல் குகெல்மேன் கூறினார்

"காஸா மீதான இஸ்ரேலின் தாக்குதலை இஸ்ரேல் மோதலைப் பார்ப்பது போலவே ஹமாஸை ஒழிப்பதற்கான ஒரு பயங்கரவாத எதிர்ப்பு நடவடிக்கையாகவே இந்தியா பார்க்கிறது, அது பாலஸ்தீன குடிமக்களை நேரடியாக குறிவைக்கவில்லை என்று இந்தியா கருதுகிறது" என்று குகெல்மன் (Kugelman) கூறினார். புது டெல்லியின் கண்ணோட்டத்தில், "மனிதாபிமான போர்நிறுத்தங்களுக்கு இதுபோன்ற நடவடிக்கைகள் இடைநிறுத்தப்படுவதில்லை" என்று அவர் மேலும் கூறினார்.

மோடியின் அரசாங்கம் காஸாவின் முற்றுகையிடப்பட்ட குடியிருப்பாளர்களுக்கு மனிதாபிமான உதவிகளை அனுப்பியிருந்தாலும், புதுதில்லியில் ஆளும் கட்சி இந்த மாதம் பல மாநில தேர்தல்கள் மற்றும் அடுத்த ஆண்டு முக்கியமான தேசிய தேர்தல்களுக்கு தயாராகி வரும் நேரத்தில் இஸ்ரேலுடனான அதன் சித்தாந்த ரீதியான ஒருங்கிணைப்பு பலனளிக்கும் என்று பல பார்வையாளர்கள் கருதினர்.

மோடிக்கும் அவரது பாரதிய ஜனதா கட்சிக்கும் முக்கிய வாக்கு வங்கியை உருவாக்கும் இந்தியாவின் இந்து தேசியவாதிகள் மத்தியில் இஸ்ரேலின் ஆக்கிரமிப்பு ஆட்சிக்கு பரந்த ஆதரவுடன் அரசாங்கத்தின் மாற்றம் ஒத்துப்போகிறது. ஆக்கிரமிக்கப்பட்ட பாலஸ்தீனத்திலிருந்து போர் குறித்து இந்திய தொலைக்காட்சி சேனல்கள் ஒளிபரப்பும் செய்திகளில் இது எதிரொலிக்கிறது. கடந்த காலங்களில் மோடியின் கட்சியின் எழுச்சிக்கு உதவிய முஸ்லிம் எதிர்ப்பு உணர்வைத் தூண்டுவதற்கு சமூக ஊடகங்களில் இந்து தேசியவாதிகள் பயன்படுத்திய வர்ணனைகளுடன் இந்த அறிக்கை பெரும்பாலும் ஒத்துப்போவதாக பார்க்கப்படுகிறது.

சர்வதேச நெருக்கடிக் குழுவின் மூத்த பகுப்பாய்வாளர் பிரவீன் டோந்தி கூறுகையில், மற்ற உலகளாவிய மோதல்களைப் போலல்லாமல், அதன் பெரிய முஸ்லிம் மக்கள்தொகை காரணமாக இந்தியாவில் இந்த போர் உள்நாட்டு தாக்கத்தை ஏற்படுத்தக்கூடும், ஏனெனில் இந்தியாவில் சுமார் 200 மில்லியன் முஸ்லிம்கள் வாழ்கின்றனர், அவர்கள் இந்துக்கள் பெரும்பான்மையாக வாழும் நாட்டின் மிகப்பெரிய சிறுபான்மை குழுவாக உள்ளனர்.

"இந்தியாவின் வெளியுறவுக் கொள்கையும் உள்நாட்டு அரசியலும் இந்த பிரச்சினையில் ஒன்றிணைகின்றன" என்று டோந்தி கூறினார். "புது தில்லியின் இஸ்ரேல் சார்பு மாற்றம் வழக்கமாக முஸ்லிம்களை குறிவைக்கும் நாட்டின் வலதுசாரி சுற்றுச்சூழல் அமைப்புக்கு ஒரு புதிய காரணத்தை வழங்குகிறது."

இந்தியாவின் வெளியுறவுக் கொள்கை வரலாற்று ரீதியாக பாலஸ்தீனத்தை ஆதரித்து வந்துள்ளது.

1947 ஆம் ஆண்டில், இஸ்ரேலை உருவாக்குவதற்கான ஐக்கிய நாடுகள் சபையின் தீர்மானத்திற்கு எதிராக இந்தியா வாக்களித்தது. 1970 களில் பாலஸ்தீன விடுதலை அமைப்பை பாலஸ்தீனியர்களின் பிரதிநிதியாக அங்கீகரித்த முதல் அரபு அல்லாத நாடு இதுவாகும், மேலும் இது 1980 களில் குழுவுக்கு முழு இராஜதந்திர அந்தஸ்தை வழங்கியது.

பி.எல்.ஓ இஸ்ரேலுடன் ஒரு உரையாடலைத் தொடங்கிய பின்னர், இந்தியா இறுதியாக 1992 இல் சியோனிச நிறுவனத்துடன் முழு இராஜதந்திர உறவுகளை நிறுவியது.

1999 ஆம் ஆண்டுக்குப் பிறகு அந்த உறவுகள் ஒரு பாதுகாப்பு உறவாக விரிவடைந்தன, காஷ்மீர் மற்றும் இஸ்ரேல் தொடர்பாக பாகிஸ்தானுடன் ஒரு வரையறுக்கப்பட்ட போரை நடத்தியது, இஸ்ரேல் புது டெல்லிக்கு ஆயுதங்கள் மற்றும் ராணுவ தளபாடங்கள் வழங்கி உதவியது. ரஷ்யாவுக்கு அடுத்தபடியாக இந்தியாவின் இரண்டாவது பெரிய ஆயுத சப்ளையராக இஸ்ரேல் மாறியுள்ள நிலையில், இந்த உறவு பல ஆண்டுகளாக சீராக வளர்ந்துள்ளது.

கடந்த 2014-ம் ஆண்டு மோடி முதல் முறையாக வெற்றி பெற்ற பிறகு, 2017-ம் ஆண்டு பாலஸ்தீனத்துக்குச் சென்ற முதல் இந்தியப் பிரதமர் என்ற பெருமையைப் பெற்றார். இஸ்ரேல் பிரதமர் பெஞ்சமின் நெதன்யாகு 2018ல் புது தில்லிக்குச் சென்று புது தில்லிக்கும் டெல் அவிவுக்கும் இடையிலான உறவை "சொர்க்கத்தில் செய்யப்பட்ட திருமணம்" என்று அழைத்தார்.

மோடியின் விமர்சகர்கள் இப்போது அவரது அரசாங்கத்தையும் இஸ்ரேலின் அரசாங்கத்தையும் ஒப்பிட்டு, சிறுபான்மை முஸ்லிம்களுக்கு எதிரான "கூட்டுத் தண்டனையின்" ஒரு வடிவமாக வீடுகள் மற்றும் சொத்துக்களை இடிப்பது போன்ற சில நடவடிக்கைகளை அது மேற்கொண்டுள்ளதாகக் கூறுகின்றனர்.

காஷ்மீருக்கு வெளியிலும் கூட, மத நல்லிணக்கத்தையும் சட்டம் ஒழுங்கையும் பராமரிக்க வேண்டியதன் அவசியத்தைக் கூறி, போர் தொடங்கியதிலிருந்து பாலஸ்தீனியர்களுடன் ஒருமைப்பாட்டை வெளிப்படுத்தும் போராட்டங்களை இந்திய அதிகாரிகள் பெரும்பாலும் கட்டுப்படுத்தியுள்ளனர்.

எதிர்க்கட்சிகள் ஆளும் மாநிலங்களில் கூட பாலஸ்தீன ஆதரவு போராட்டங்களில் பங்கேற்றதற்காக சிலர் போலீசாரால் கைது செய்யப்பட்டுள்ளனர். பாலஸ்தீனத்திற்கு ஆதரவான மிகப்பெரிய போராட்டங்கள் நடந்த ஒரே மாநிலம் இடதுசாரி அரசாங்கத்தால் ஆளப்படும் தெற்கு கேரளா மட்டுமே என்பது குறிப்பிடத்தக்கது..

ஆனால், காஷ்மீரில் கட்டாய மௌனம் என்பது கருத்துச் சுதந்திரத்தை மீறுவதாக மட்டுமல்லாமல், மதக் கடமையில் தலையிடுவதாகவும் பார்க்கப்படுகிறது.

காஷ்மீர் மதத் தலைவரான ஆகா சையத் முகமது ஹாதி, "இஸ்ரேலின் அப்பட்டமான ஆக்கிரமிப்பிற்கு" எதிராக ஒரு கண்டன பேரணியை நடத்த விரும்புவதாக அவர் கூறினார். இதன் காரணமாக வீட்டுக் காவலில் வைக்கப்பட்டு இருந்ததால் கடந்த மூன்று வெள்ளிக்கிழமை தொழுகைகளை அவரால் வழிநடத்த முடியவில்லை. இதுபோன்ற வீட்டுக் கைதுகள் குறித்து அதிகாரிகளிடம் கேட்கையில் அவர்கள் கருத்து ஏதும் தெரிவிக்கவில்லை.

"இஸ்ரேலின் அட்டூழியங்களை பள்ளிவாசலுக்குள் கண்டிக்க போலீசார் ஆரம்பத்தில் எங்களை அனுமதித்தனர். ஆனால் கடந்த வெள்ளிக்கிழமை அவர்கள் மசூதிகளுக்குள் கூட (பாலஸ்தீனியர்கள் பற்றி) பேசுவதற்கு அனுமதி இல்லை என்று கூறினார்கள், "என்று ஹாதி கூறினார். "நாங்கள் பாலஸ்தீனத்திற்காக மட்டுமே பிரார்த்தனை செய்ய முடியும் என்று அவர்கள் கூறினார்கள் - அதுவும் அரபு மொழியில், உள்ளூர் காஷ்மீர் மொழியில் அல்ல."

https://kayhan.ir/en/news/121262/india-suppresses-pro-palestine-voices-in-dramatic-shift

தமிழில்: தாஹா முஸம்மில்