மேற்கின் அழுத்தங்களால் ஈரானின் முன்னேற்றத்தை தடுத்து நிறுத்த முடியாது - சீன பேராசிரியர் வூ செங்

West not able to stop Iran: Chinese Prof Wu Cheng

Professor Wu Cheng

"தெஹ்ரான் பரஸ்பர மரியாதை மற்றும் சமத்துவம் ஆகியவற்றின் அடிப்படையிலேயே உலகுடன் நெருக்கமான உறவுகளை கொண்டிருக்க முயல்கிறது. மேற்கின் அழுத்தங்களால் ஈரானின் முன்னேற்றங்களைத் தடுத்து நிறுத்த முடியாது" என்று  ஈரானியலாளரும்  கிழக்கு சீனாவின் ஹென்னன் பல்கலைக்கழகத்தின் சர்வதேச ஆய்வுகள் பேராசிரியருமான வூ செங்  (Professor Wu Cheng ) தெரிவித்தார்.

"தொடர்ச்சியான நெருக்குவாரங்களும் சவால்களும் இருந்தபோதும் ஈரான் அபிவிருத்தி திட்டங்களை நோக்கி நகர்ந்து கொண்டிருக்கிறது. மேலும்  பொருளாதார, சமூக மற்றும் கலாச்சார முன்னேற்றத்தில் உலகிற்கு ஒரு முன்மாதிரியாக உருவாக்கவேண்டும் என்று திட்டமிட்டு செயல்படுகிறது" என ஈரான் இஸ்லாமிய புரட்சி வெற்றியின் 40 ஆண்டு நிறைவையொட்டி, ஈரான் தேசிய செய்தி நிறுவனமான IRNAவுக்கு வழங்கிய பேட்டியின் போதே பேராசிரியர் வு செங் இவ்வாறு தெரிவித்தார்.

'இஸ்லாமிய ஆட்சி' என்ற புத்தகத்தின் ஆசிரியரான வூ செங் இஸ்லாமிய குடியரசு அதன் கௌரவத்தினதும் வெற்றியினதும் உச்சக்கட்டத்தில் இருக்கும்போது தனது 40 வது ஆண்டு நிறைவு விழாவை கொண்டாடப் போவதையிட்டு தனது மகிழ்ச்சியைத் தெரிவித்தார்.

“இஸ்லாமியப் புரட்சியின் மூலம் இஸ்லாமிய நாகரிகத்தில் பெரும் மாற்றங்கள் ஏற்பட்டன; இஸ்லாமிய உலகின் எந்த ஆய்வாளரும் ஈரானை அலட்சியம் செய்ய முடியாது, ஈரானைப் பற்றிய எந்த ஆராய்ச்சியும் இந்த பெரிய மாற்றங்களை கருத்தில் கொள்ளாமல் நிறைவடையாது. அமேரிக்கா தொடர்பான ஈரானின் கடுமையான எதிர்ப்பு வாஷிங்டனை தோல்வியடையச் செய்துள்ளது” என்று அவர் மேலும் கூறினார்.

“அமெரிக்காவினது சதிகளையும் மீறி, தம் வழி பிசகாமல் ஈரான் அதன் பயணத்தைக் தொடர முடிந்தது; பல நாடுகள் வாஷிங்டனின் அழுத்தத்தையும் பொருட்படுத்தாது ஈரானுடன் நெருக்கமான நல்லுறவைக் கொண்டடுள்ளன” எனவும் அவர் குறிப்பிட்டார்.

“உலகம் நிறைய மாறிவிட்டது; நாடுகள் பல சவால்களை எதிர்கொண்டுள்ளன. எனவே அவை தன்னிச்சைவாதத்துக்கு பதிலாக பன்முகத்தன்மையை தக்கவைத்துக்கொள்ள பெருமுயற்சி செய்து வருகின்றன. அதேசமயம் பூகோளமயமாக்கலுடன் தன்னை தகவமைத்துக்கொள்ள ஈரானால் முடிந்துள்ளது” என்றும் அவர் தெரிவித்தார்.

'ஈரான் இந்த நான்கு தசாப்தங்களுகளில் முன்னெப்போதையும் விட வலுவாக உள்ளது; மற்றும் நாளுக்குநாள் சிறந்த முன்னேற்றத்தை நோக்கி அது நகர்கிறது. இந்த முன்னேற்றத்தை ஈரானின் எதிரிகளால் எந்த வகையிலும் தடுக்க முடியாது' எனவும் அவர் குறிப்பிட்டார்.

ஈரானை 'சுயாதீனமான' மற்றும் 'சுதந்திரம் தேடும்' நாடாக விவரிக்கும் வு செங், 'இஸ்லாமிய குடியரசு பிராந்தியம் மற்றும் உலகம் முழுவதும் பெரும் அபிவிருத்தியைக் கொண்டுவந்துள்ளது.' என்கிறார்.

பேராசிரியர் வு செங் ஈரான் பற்றியும் ஈரான் இஸ்லாமிய குடியரசின் தந்தை இமாம் கொமெய்னி பற்றியும் ஈராக்கினால் ஈரான் மீது திணிக்கப்பட்ட யுத்தம் பற்றியும் மற்றும் மத்திய கிழக்கில் போர்கள் மற்றும் மோதல்களை உருவாக்கும் அமெரிக்க நோக்கங்கள் பற்றியும் பல ஆய்வு நூல்களை எழுதியுள்ளார்.

http://www.irna.ir/en/News/83182541?fbclid=IwAR19OVeuKBKufbGCq__yQItoVjLZxoHyXjyPMEd5UNPUjNBQUAoMeXplMwc