இஸ்லாமிய புரட்சி, அமெரிக்கர்களுக்கு ஒர் அரசியல் அதிர்ச்சி: ஈரானிய பிரிகேடியர் ஜெனரல்

Islamic Revolution, a political shock to Americans: Iranian cmdr.

Brigadier-General Ahmad-Reza Pourdastan

"1979 ஆம் ஆண்டு இஸ்லாமியப் புரட்சியின் வெற்றி அமெரிக்கர்களுக்கு ஒரு அரசியல் பேரதிர்ச்சியாக இருந்தது, ஏனென்றால் அது அவர்களின் அனைத்து சமன்பாடுகளையும் மாற்றியமைத்தது"  என்று இராணுவத்தின் மூலோபாய ஆய்வுகள் மையத்தின் தலைவர் புதனன்று (23-01-2019) தெரிவித்தார்.

பிரிகேடியர் ஜெனரல் அஹ்மத்-ரெசா பூர்தாஸ்டான் (Brigadier-General Ahmad-Reza Pourdastan) ஈரானிய இராணுவத்தின் 40 ஆண்டுகால சாதனைகளை நினைவுகூறும் ஒரு விழாவில் உரையாற்றுகையிலேயே இவ்வாறு தெரிவித்தார்.

"இரண்டாம் உலக யுத்தத்துக்குப் பிறகு, அமெரிக்காவும் சோவியத் ஒன்றியமும் உலகை பிரித்தாண்டன. ஈரான் மீது அமெரிக்கா தமது  தலைவர்களுக்கு நன்மைகள் ஏற்படும் விதத்தில்  ஆதிக்கம் செலுத்தியது.

பாரசீக வளைகுடாவில் சக்தி வள சந்தையிணை கட்டுப்படுத்துவதும் சோவியத் ஒன்றியத்தை எதிர்ப்பதற்காக வட ஈரானில் ராடார் அமைப்பதுவதும் அமெரிக்க உற்பத்தி பொருட்களுக்கு பெரிய சந்தையாக ஈரானை மாற்றியமைத்து நன்மைப் பெறுவதும் அவர்களது முக்கிய குறிக்கோளாய் இருந்தது.

இஸ்லாமியப் புரட்சிக்கு முன் ஈரானிய இராணுவத்தின் கடமைகளில் ஒன்று ஷாவின் சிம்மாசனத்தை பாதுகாப்பதாகும். அதேவேளை பிராந்திய நாடுகள் அமெரிக்க நலனுக்கு எதிராக செயல்படாதவாறு பார்த்துக்கொள்வதுமாகும்.

இஸ்லாமியப் புரட்சியின் வெற்றிக்கு பின்னர் அமேரிக்கா பெற்றுவந்த இந்த நன்மைகள் அனைத்தும் இல்லாமல் போயின. எனவே இஸ்லாமிய ஆட்சி முறைக்கு எதிராக அதன் முதல் நாளிலிருந்து அவர்கள் திட்டமிட்டனர்.

எமது எல்லைகளை பாதுகாப்பதில் ஈரான் மிக உறுதியாக இருக்கிறது. ஈராக்கில் செயல்பட்டுவந்த தாயேஷ் பயங்கரவாதக் குழு இப்போது நலிவடைய செய்யப்பட்டுள்ளது. ஆயினும் இன்னும் கொஞ்சப்பேர் தியாலா மாகாணத்தில் எஞ்சியுள்ளனர்; இருந்துவிட்டு பயங்கரவாத நடவடிக்கைகளிலும் ஈடுபட்டு வருகின்றனர்.

ஈரானுக்கும் ரஷ்யாவிற்கும் அழுத்தம் கொடுப்பதற்காக கிட்டத்தட்ட 6,000 தாயேஷ் பயங்கரவாதிகள் ஆப்கானிஸ்தானில் நிறுத்தப்பட்டுள்ளனர். சவூதி அரேபியாவும் எமிரேட்ஸும் இவர்களுக்கு நிதி வழங்கி வருகின்றன. இருப்பினும், அவர்கள் ஈரானிய எல்லைக்கு அருகே நிலைக் கொண்டிருக்கவில்லை.

கிழக்கு எல்லைகளில் எமது இராணுவப் படைகள் முழு கட்டுப்பாட்டையும் கொண்டிருக்கின்றன. எமக்கு எதிராக அவர்கள் பயங்கவாத நடவடிக்கைகளில் ஈடுபட்டால், எமது பதிலடியின் வீரியத்தை புரிந்துகொள்வர்” என்றும் தளபதி அஹ்மத்-ரெசா பூர்தாஸ்டான் கூறினார்.

http://www.irna.ir/en/News/83181938  

நவீன மருத்துவ அறிவியல் - முஸ்லிம்களின் பங்களிப்பு

Muslims’ Contribution to Modern Medical Science

இஸ்லாமிய நாகரிகம் ஆன்மாவை கவனிப்பது போலவே உடலையும் கண்ணுக்கு இமை போல் காத்து நிற்கும். இஸ்லாம் உடல் அறிவு, ஆன்மா ஆகிய மூன்று பகுதிகளிலும் சமநிலை பேணுகிறது. எனவே உடலை பாதுகாப்பதில் இஸ்லாம் முக்கிய கவனம் செலுத்துகிறது. காரணம் சுவரில்லாமல் சித்திரம் வரைய முடியாது.

மருத்துவத்துறையை முன்னிலைப்படுத்தி பேசுவற்கு காரணம் இன்று மருத்துவ வளர்ச்சியின் விளைவுகள் குறித்தும், மருத்துவ முறைகள் குறித்தும் அதிகம் பேசப்பட்டு வருவதுதான்.

மருத்துவத் துறையில் முஸ்லிம்கள்

மருத்துவத் துறையில் உலகமே இருட்டில் இருந்த போது அத்துறையை வளர்த்து அதில் கொடிகட்டிப் பறந்தவர்கள் முஸ்லிம்களே. நோய்க்கு மருந்து செய்யக் கூடாது என்று கிறிஸ்தவ உலகம் நம்பியிருந்த காலத்தில் இஸ்லாம் மருத்துவம் பற்றி பேசியது என்பது இங்கு குறிப்பிடத்தக்கது.

முழு ஐரோப்பாவும் நோயாளியை இறைவனால் சபிக்கப்பட்டவன் என்றும் தீண்டத்தகாதவன் என்றும் ஒதுக்கிய காலத்தில் முஸ்லிம்கள் நோயாளிகளுக்கு தனியறைகள் அமைத்து தனித்தனி தாதிகள் (செவிலியர்) நியமித்து மிக உயர்ந்த மருத்துவச் சேவையை அறிமுகம் செய்தனர்.

இஸ்லாமிய உலகில் மருத்துவம் சேவையாகச் செய்யப்பட்டது. பணம் வாங்குவதற்குப் பதிலாக குணமடைந்து வெளியேறுவோருக்கு பணம் வழங்கப்பட்டது. நோய்க்காக ஓய்வெடுக்கும் காலப்பகுதில் தனது வாழ்வை கௌரவமாக கொண்டு செல்வதற்காக அந்த சலுகை அறிமுகமானது என்பதும் இங்கு குறிப்பிடத்தக்கதாகும். அப்போது முஸ்லிம்கள் மனித சமத்துவத்தை மருத்துவமனைகளிலும் எடுத்துக்காட்டி மகத்தான சேவை புரிந்தனர் என கலாநிதி முஸ்தபா ஸிபாஈ (Mustafa al-Siba'i) அவர்கள் தனது ‘நமது நாகரிகத்தின் தலைசிறந்த படைப்புகள்’ என்ற நூலில் குறிப்பிடுகிறார்.

மருத்துவத் துறைக்குப் பங்காற்றிய அறிஞர்கள்

மருத்துவத் துறையின் வளர்ச்சிக்குப் பங்களிப்புச் செய்த முஸ்லிம் மருத்துவ மேதைகளுள் அர்ராஸி Abū Bakr Muhammad ibn Zakariyyā al-Rāzī, இப்னு ஸீனா (Ali Ibn Sina), இப்னு நபீஸ் ( Ibn al-Nafis), அஸ்ஸஹ்ராவி (Al-Zahrawi), ஹுனைன் இப்னு இஸ்ஹாக் (Hunayn ibn Ishaq) ஆகியோர் சிறப்புற்று விளங்கினர்.

அர்ராஸி : இவர் எழுதிய 12 பாகங்களை உள்ளடக்கிய பிரசித்தி பெற்ற நூலான அல்ஹாவி என்ற நூல் ‘மருத்துவத்தின் கலைக்களஞ்சியம்‘ என போற்றப்படுகிறது. இதைப்போன்ற ஒரு மருத்துவ நூல் இதுவரை உலகில் இல்லை என கருதப்படுகிறது. அர்ராஸி மகப்பேற்று மருத்துவம், பெண் மருத்துவம், கண் மருத்துவம், அறுவை சிகிச்சை போன்ற துறைகளிலும் ஆராய்ச்சிகளை மேற்கொண்டிருந்தார். அறுவைச் சிகிச்சையின் போது தையல் போடுவதற்காக முதன் முதலில் மிருகங்களின் குடல் இழைகளைப் பயன்படுத்தியதும் இவரேயாவார்.

அலி இப்னு ஸீனா: மருத்துவத் துறையில் அலி இப்னு ஸீனாவின் பங்களிப்பும் மகத்தானதாகும். அவர் எழுதிய ‘மருத்துவ விதிகள்’ (The Canon of Medicine) என்ற நூல் மிகவும் பிரபல்யமானதாகும். இந்நூல் 17ம் நூற்றாண்டு வரை ஐரோப்பாவின் பல்கலைக்கழக பாடப்புத்தகமாக இருந்தது.

மருத்துவத் துறையை ஊக்குவித்த இஸ்லாம்

முஹம்மது நபி (ஸல்) அவர்களின் சொல், செயல், அங்கீகாரம் ஆகியவற்றின் தொகுப்புகளில் ஒன்றான ஸஹீஹுல் புகாரியில் மட்டும் ‘மருத்துவம்‘ என்ற அத்தியாயத்தில் சுமார் 30 ஹதீஸ்கள் மருத்துவம் பற்றி பேசுகிறது.

‘நோய் வந்தால் மருந்து செய்யுங்கள்’ என்றும் ‘எல்லா நோய்களுக்கும் மருந்துண்டு’ என்ற ஹதீஸும் ‘நோய்க்கான மருந்து சரியாக அமைந்து விட்டால் அல்லாஹ்வின் உதவியால் குணமடைவான்’ என்ற நபி மொழியும் மருத்துவத்துறையை ஊக்கப்படுத்திய நபி வாக்குகளாகும்.

மருத்துவத் துறையில் பெண்கள்

போர்க்களத்தில் பெண்கள் பல்வேறு பணிகளை ஆற்றியுள்ளனர். உதாரணமாக, போர் வீரர்களுக்கு தண்ணீர் புகட்டுதல், கொல்லப்பட்டவர்களையும், காயமுற்றவர்களையும் களத்திலிருந்து அப்புறப்படுத்துதல், போர்க்கருவிகளை எடுத்துக்கொடுத்தல், படையினருக்கு உணவு தயாரித்தல், அடக்கம் செய்யக் குழிதோண்டுதல், கபனிட்டு அடக்கம் செய்தல், போர்வீரர்களுக்கு உற்சாகமூட்டல் என பல அரிய தொண்டாற்றினர்.

இவற்றில் போராளிகளில் காயப்படுவோருக்கு நீர்புகட்டுவதும் காயங்களுக்கு சிகிச்சையளிப்பதுமே அப்போதைய முதல் தரப்பணிகளாக விளங்கின. இந்த வகையில் ரபீதா என்ற ஸஹாபிப் பெண்மணி இஸ்லாத்தின் முதலாவது தாதியாகக் (செவிலியர்) கருதப்படுகின்றார்.

இப்பெண்ணுக்கு இறைத்தூதர் (ஸல்) கந்தக் யுத்தத்தில் காயப்பட்டவர்களை கவனிப்பதற்காக இன்றைய நடமாடும் மருத்துவமனையையொத்த பெரிய கூடாரமொன்றையே தனியாக அமைத்துக் கொடுத்திருந்தார்கள். ரபீதா (ரழி) அவர்களுக்கு உதவுவதற்காக அவரது தலைமையில் பெண்கள் குழுவொன்றும் பணியில் ஈடுபட்டது.

ருபைஃ பின்த் முஅவ்விஸ் (ரழி) அவர்கள் ‘நாம் இறைத்தூதர் (ஸல்) அவர்களோடு போராடிக் கொண்டும் போராளிகளுக்கு நீர் புகட்டிக் கொண்டும் இருந்தோம். அவர்களுக்கு மருத்துவம் செய்து கொண்டும் கொல்லப்பட்டவர்களையும் காயப்பட்டவர்களையும் மதீனாவுக்கு இடமாற்றிக் கொண்டும் இருந்தோம்‘ என அறிவித்துள்ள ஹதீஸ் புகாரியில் பதிவாகியுள்ளது.

உம்மு அதிய்யா அவர்கள் றஸூலுல்லாஹ்வின் காலத்தில் ஏழு யுத்தங்களில் கலந்து கொண்டார். இவர் நோயுற்றவர்களைக் கவனிப்பதிலும் தாகிப்போருக்குத் தண்ணீர் புகட்டுவதிலும் காயப்பட்டோருக்கு மருந்து கட்டுவதிலும் ஈடுபட்டார் என்ற செய்தியை இமாம் முஸ்லிம் பதிவு செய்துள்ளார்.

இறைத் தூதரின் கண்காணிப்பிலும் வழிகாட்டுதலின் பேரிலும் நடைபெற்ற சிகிச்சைகள் மருத்துவத்துறையை வளர்ப்பதற்கு அடிப்படையாக அமைந்தன. அதிலும் குறிப்பாக பெண்கள் ஆண்களுக்கு சிகிச்சை செய்வதை நபி (ஸல்) அவர்கள் பணித்தது மருத்துவத்துறையின் முக்கியத்துவத்தை ஒரு படி கூடுதலாகவே எடுத்துக் காட்டுகிறது.

பெண்கள் ஆண்களுக்கு சிகிச்சையளித்தல்

முதல் தாதியான ரபீதா (ரழி) அவர்களிடம் காயப்பட்டிருந்த ஸஃத் இப்னு முஆத் (ரழி) அவர்களுக்கு சிகிச்சை செய்யுமாறு நபி (ஸல்) கட்டளையிட்டார்கள். அவ்வாறே ஸஃத் இப்னு அபீவக்காஸ் (ரழி) அவர்களுக்கு அன்று மிகவும் பிரபல்யம் வாய்ந்த வைத்தியராக திகழ்ந்த ஹாரிஸ் பின் கலதா எனபவரிடம் சிகிச்சை பெறுமாறு பணித்தார்கள். அப்போது ஹாரிஸ் இஸ்லாத்தை தழுவியிருக்கவில்லை. உங்களில் மிகச் சிறந்த வைத்தியர் யார் என்று கேள்வி கேட்டு மருத்துவம் பார்க்குமாறு நபிகளார் வழிகாட்டியுள்ள செய்தியும் தபரானியில் பதிவாகியுள்ளது.

இந்தத் தூண்டுதல்களும் வழிகாட்டல்களும் முஸ்லிம்களை மருத்துவத்தில் கொடிகட்டிப் பறக்க வைத்தது. அவர்கள் மருத்துவத்துறைக்கு முன்னோடிகளாக மாறினர்.

அறுவைச் சிகிச்சைக்கு முஸ்லிம்களின் பங்களிப்பு

முற்கால குருதிவடிப்பு (இரத்த நாள) முறையில் தொடங்கி பழுதடைந்த உறுப்புக்களை அறுத்து அகற்றும் வகையில் வளர்ந்து யோனி வழியாக சிறுநீர்ப்பை கற்களை வெளியேற்றும் முறைக்கு உயர்ந்து, சிதைந்த உறுப்புக்களை வடிவமைக்கும் அழகியல் அறுவை சிகிச்சை வரை முஸ்லிம்கள் மருத்துவதில் முன்னோடிகளாக முன்னேறி வந்தார்கள்.

இத்துறையில் முஸ்லிம்கள் உச்ச நிலைக்கு வருவதற்கு அடிப்படைக் காரணம் மனிதன் என்பவன் உடல், அறிவு, ஆன்மா ஆகிய முக்கூறுகளைக் கொண்ட ஒரு கலவை என்பதை புரிந்து அவற்றுக்கிடையில் சமநிலை பேணுவது கடமை என்ற இஸ்லாத்தின் கோட்பாட்டை மிகச்சரியாக அறிந்து புரிந்து தெளிந்திருந்தமையாகும்.

மருத்துவம் வெறும் உடம்புக்கு மாத்திரம் அல்ல

அத்துடன் உடலுக்கான மருத்துவம் என்பது வெறும் உடல் உறுப்புக்களுக்கு மாத்திரம் அல்ல என்பதை புரிந்து முஸ்லிம் மருத்துவர்கள் அதற்கு அப்பால் உள்ளத்துடனும் அதனை இணைத்துப் பார்த்தார்கள். எனவே சிதைந்த உறுப்புக்களை வடிவமைப்பதிலும் அசிங்கமான தோற்றம் தரும் உறுப்புக்களை மாற்றுவதிலும் அவர்கள் கவனம் எடுத்தார்கள்.

நோயைக் குணப்படுத்துவது போலவே இயல்பாக இருக்கும் அவையவங்கள், உறுப்புக்கள் அதன் அசலான தோற்றத்தில் இருப்பதைத்தான் மனித உள்ளம் விரும்பும். தன் உறுப்புக்களில் உள்ள குறையை சரிசெய்து கொள்ள வேண்டும் என்ற உள்ளத்தின் தேவையை நிவர்த்தி செய்வது மருத்துவத்துறையின் ஒரு அங்கம் என்றே இஸ்லாம் கருதியது. எனவே அவற்றை சரிசெய்வதும் அழகுபடுத்துவதும் உருமாற்றம் அல்ல என்ற கருத்தை அவர்கள் புரிந்து வைத்திருந்தார்கள்.

எனவே பேரறிஞர் ராஸி அவர்கள் அழகியல் அறுவைச் சிகிச்சையில் முன்னேடியாக திகழ்ந்தார். இமாம் ராஸி மருத்துவ முன்னேடியாக இருந்த அதேசமயம் இஸ்லாமிய ஷரீஆ சட்டங்களிலும் துறைபோனவர் என்பது குறிப்பிடத்தக்கதாகும்.

படைப்பினங்களில் மாற்றம் செய்தல்

அல்லாஹ் படைத்த படைப்பினங்களின் ஒழுங்குகளில் மாற்றம் செய்வது சைத்தானிய செயல்களில் உள்ளவையாகும் என சூரா நிஸாவின் 118ம் வசனம் குறிப்பிடுகிறது. எனவே கீறிக் கிழிக்கும் அறுவைச் சிகிச்சை சைத்தானிய செயல்களில் உள்ளவை. அது சுத்த ஹராம் என சிலர் பாமரத்தனமாக தங்களது அறியாமையை வெளிப்படுத்துகின்றனர்.

புனித அல்குர்ஆன் கூறவந்த கருத்துக்களை கொச்சைப்படுத்தும் அபத்தமான வார்த்தைகள் சமூக இணைய தளங்களில் வலம் வருவதை அவதானிக்க முடிகிறது. எனவே இது பற்றி சில தெளிவுகளை நோக்குவது சிறந்தது எனக் கருதுகின்றோம்.

படைப்பினங்களின் ஒழுங்கில் மாற்றம் செய்தல் என்ற அல்குர்ஆன் வசனத்தை விளங்கிக் கொள்வதற்கு அது குறித்த ஆரம்பகால அறிஞர்களின் புரிதல்களை படிப்பது அவசியமாகும். அவர்களின் கருத்துக்களை தொகுத்துப் பார்க்கும் போது ‘படைப்பினங்களை மாற்றுதல்’ என்பதற்கு ஆரம்பகால அறிஞர்கள் இருவகையில் பொருள் கூறியுள்ளனர்.

ஒன்று: கருத்து ரீதியான பொருள். அதாவது அல்லாஹ்வுடைய தீனை மாற்றுதல், இயல்பாக இறைவன் எந்த நோக்கத்தில் ஒன்றை படைத்திருக்கின்றானோ அந்த இயல்புகளை மாற்றுதல், அல்லாஹ் ஏவியுள்ள கட்டளைகளுக்கு முரணாக செயல்படுதல் போன்றவற்றை இதற்கு உதாரணமாக கூறலாம்.

இரண்டு : அல்லாஹ் படைத்தவற்றின் வடிவமைப்பில் மாற்றம் செய்தல். இதில் குறிப்பாக மிருகங்களுக்கு விதையடித்தல், பச்சை குத்துதல், புருவ முடிகளை களைதல், பற்களுக்கு இடையில் செயற்கையாக இடைவெளிகளை அமைத்தல், மிருகங்களின் காதுகளை துண்டித்தல், கண்களை பிடுங்குதுல் அல்லது தண்டனை என்ற வகையில் விதையடித்தல், கண்ணைப் குருடாக்குதல், பிற முடிகளை இணைத்து சிகை அலங்காரம் செய்தல் போன்ற செயல்களை உதாரணமாக கூறலாம். இவையாவும் இந்த வசனத்திற்கு கூறியுள்ள பொதுவான கருத்துக்களாகும்.

இது குறித்து மௌலானா மௌதூதி (ரஹ்) அவர்கள் விளக்கமளிக்கும் போது: இந்த வசனம் அல்லாஹ்வுடைய படைப்பினங்களின் வெளித்தோற்ற வடிவமைப்பில் மாற்றம் செய்வதை குறிப்பிடவில்லை என்றும் இங்கு நாடப்படுவது அல்லாஹ் எந்த நோக்கத்திற்காக ஒன்றை படைத்திருக்கின்றானோ அந்த நோக்கததிற்கும் இயல்புக்கும் மாற்றமாக செயல்படுவதையே அல்குர்ஆன் வசனம் சைத்தானிய கருமங்களாக குறிப்பிடுகின்றன என்றும் கூறுகிறார். அதற்கு உதாரணமாக ஓரினச்சேர்க்கை இயற்கைக்கு மாறான பாலியல் புணர்ச்சி, துறவறம், பிரம்மச்சாரியம், மலடாக்கும் செயல்பாடு, பெண்கள் அவர்களுக்கேயுரிய பிரத்தியேகமான பணிகளை செய்யாமலிருத்தல் அல்லது ஆண் பெண்ணின் பணிகளை செய்தல், பெண் ஆணுக்குரிய பணிகளை செய்தல் போன்றவையே அல்லாஹ்வுடைய படைப்பினங்களின் ஒழுங்கில் ஏற்படுத்தும் மாற்றங்களாகும் என விளக்கமளித்துள்ளார். இதுவே சைத்தானிய தூண்டுதல்களால் நடைபெறும் தீய கருமங்களாகும் என மௌதூதி சுட்டிக்காட்டுகிறார்.

அறிவியல் துறையின் வளர்ச்சியாக உள்ள பிளாஸ்டிக் அறுவைச் சிகிச்சை முறையயானது இந்த வசனத்துடன் மிகுந்த தொடர்புடையதாகும். இது குறித்து சர்வதேச இஸ்லாமிய சட்ட சபை 2007ம் ஆண்டு மலேசியாவில் நடைபெற்ற 18வது மாநாட்டில் மிகவும் தெளிவான சட்டத் தீர்ப்புக்களை வழங்கியுள்ளது. அதில் கூறப்பட்டுள்ள முக்கிய விசயங்களை சுருக்கமாகத் தருகின்றோம்.

1)    செயலிழந்த உறுப்புக்களை மீண்டும் செயல்பட வைத்தல், குறைபாடுகளை சரிசெய்தல், வழமையான ஒழுங்கமைப்புக்கு மாற்றமான தோற்றத்தில் உள்ள உறுப்புக்களை இயல்பான தோற்றத்திற்கு வடிவமைப்பு செய்தல் போன்ற ஷரீஆ அங்கீகரிக்கும் நலன்களை கருதி பிளாஸ்டிக் அறுவைச் சிகிச்சை செய்யலாம். இப்படியான நோக்கங்களுக்காக செய்யப்படும் அறுவைச் சிகிச்சை முறையை மார்க்கம் அனுமதிக்கிறது.

2)    துறை சார்ந்த தகுதிவாய்ந்த ஒரு மருத்துவரே இந்த சிகிச்சையை செய்யவேண்டும்.

3)    குறித்த சிகிச்சையின் பக்கவிளைவுகள் பற்றி நோயாளிக்கு மிகவும் தெளிவாக உணர்த்துதல் வேண்டும்.

எனவே சூரா நிஸாவின் 119ம் வசனம் அல்லாஹ்வுடைய படைப்பினங்களில் மாற்றம் செய்தல் என்பது என்ன என்பதை வெறுமனே உருவமாற்றம் என்பதாக எந்த ஆரம்பகால மற்றும் நவீன கால அறிஞரும் கூறவில்லை. குறை நீக்கும் வகையில் உறுப்புக்களில் மாற்றம் செய்தல் அல்லது குறைபாடுள்ள உறுப்புக்களை மீள் வடிவமைத்தல் என்ற நோக்கத்திற்காக அறுவைச் சிகிச்சை செய்வதை அன்று முதல் இன்று வரை எந்த இஸ்லாமிய அறிஞர்களும் தடுத்தது கிடையாது.

உடம்பும் உள்ளமும் நலமாக இருப்பது ஷரீஆவின் பார்வையில் அத்தியாவசியத் தேவை என்ற புரிதலின் பின்புலத்தில் தான் இந்த விஷயத்தை அறிஞர்கள் நோக்கியுள்ளார்கள். ஆன்மாவை பாதுகாப்பது போலவே ஆரோக்கியம் முக்கியமானது என்பதை இஸ்லாம் அழுத்திச் சொல்லுகிறது. அதன் விளைவாகவே அறுவைச் சிகிச்சை முறையில் முஸ்லிம்கள் முன்னேறியதோடு கோடிக்கணக்கான மனித உயிர்களை காப்பாற்றவும் உதவியுள்ளார்கள்.

அல் குர்ஆனும் நபிமொழியும் முஸ்லிம்களுக்கு வழங்கிய தூண்டுதல் மற்றும் வழிகாட்டுதல் வழியாக மருத்துவத்துறையில் இஸ்லாமியர்கள் செய்த ஆளுமை குறித்த ஒரு சிறு தொகுப்பே இது.

=============

தத்துவார்த்த இயற்பியலாளர் ஜிம் அல்-கலீலி தன்னுடைய ஆய்வுப் பயணத்தின் வழியே ஒன்பதாம் மற்றும் 14 ஆம் நூற்றாண்டுகளில் இஸ்லாமியர்களின் பொற்காலத்தில் நடைபெற்ற அறிவியல், மருத்துவ ஆராய்ச்சிக்கும் இன்றைய நவீன ஆராய்ச்சிக்கும் இடையிலான தொடர்புகளை தெளிவுபடுத்தியுள்ள ஆக்கமே இது.

நன்றி: http://www.samooganeethi.org

ஒழுக்கமும் நன்னெறியும் பெண்களுக்கு மட்டும் உரியதன்று; அவை ஆண்களுக்கும் உண்டு

Ayatullah Khameini on the importance of Hijab

நூற்றுக்கணக்கான ஆண்டுகளாக மேற்கத்திய ஆணாதிக்க நாகரீகம் பெண்பாலினத்தின் மீது, குறிப்பாக மேற்கத்திய பெண் பாலினம் மீது, திணித்த அடக்குமுறையின் காரணமாக, பெண்களின் உரிமைகளை மீட்டெடுப்பதற்கு சில இயக்கங்கள் உருவாகின. பாலியல் துன்புறுத்தலுக்கு ஆளாகி, அவமானப்படுத்தப்பட்ட பிரபலமிக்க மேற்கத்திய பெண்களால் ஆரம்பிக்கப்பட்ட இயக்கங்களில் ஒன்றுதான் #MeToo இயக்கம் ஆகும். ஆனால், இவ் இயக்கத்தினால் இந்த அடக்குமுறைக்கான காரணத்தையும் அதற்கான சரியான தீர்வையும் கண்டறிய முடியுமா...? 

பின்வரும் விடயங்கள் ஈரான் இஸ்லாமிய குடியரசு தலைவர் இமாம் ஆயத்துல்லாஹ் செய்யிதலி காமெய்னி அவர்களின் "பெண்களிள் மீதான இஸ்லாமிய கண்ணோட்டம்" பற்றிய பகுப்பாய்வுகளின் தொகுப்பு ஆகும் - இந்த செய்தி உலகம் முழுவதும் சென்றடைவதை ஆணாதிக்க மேற்கத்திய நாகரிகம் தடுத்துள்ளது.

1. ஹிஜாப் சமூக அரசியல் நடவடிக்கைகளில் பெண்களின் பங்களிப்பை தடுக்கின்றதா அல்லது முடுக்கிவிடுகின்றதா...?

பெண்கள் ஹிஜாப் அணிந்திருக்கும் வரை, அவர்களால் பல்வேறு சமூக மற்றும் அரசியல் அரங்கங்களில் பங்கேற்க முடியாது என்று சிலர் நினைத்தார்கள். இஸ்லாமிய புரட்சிக்கு வழிவகுத்த எதிர்ப்பு நடவடிக்கைகளின்போது, நாட்டின் சில பகுதிகளில் எமது பெண்கள், ஆண்களுக்கு முன்னதாக அரங்கிற்குள் நுழைந்தனர் என்ற உண்மையை நான் அறிவேன். அவர்கள் வீதி ஆர்ப்பாட்டங்களை ஆண்கள் செய்வதற்கு முன்னரேயே ஏற்பாடு செய்தனர். இஸ்லாமியப் புரட்சியின் வெற்றிக்குப் பின்னரும் புனித பாதுகாப்பு தசாப்தத்தில் (சதாமினால் திணிக்கப்பட்ட யுத்த காலத்தில்) நிகழ்ந்த பல்வேறு விடயங்களின் போதும் இதே நிலைதான் இருந்தது. இஸ்லாமிய புரட்சியில் பெண்களின் பங்களிப்பு அளப்பரியது. ஹிஜாப் பெண்களுக்கு சுதந்திரத்தையும் அவர்களுக்கென ஒரு அடையாளத்தையும் வழங்குகிறது. ஹிஜாப் பெண்களுக்கு விலங்கிடவில்லை. 

மந்தபுத்தி கொண்ட சடவாதிகளினால் மேற்கொள்ளப்பட்ட, மேலோட்டமான பிரசாரம் காரணமாக, ஹிஜாபை புறக்கணித்து, அங்கங்களை மறைக்கும்படி அல்லாஹ் ஏவியுள்ளதை செய்யத் தவறும் பெண்கள் தங்கள் கண்ணியத்தையும் மதிப்பையும் தாங்களே குறைமதிப்பிற்கு உட்படுத்துகின்றனர். 

ஹிஜாப் கண்ணியத்தைத் தருகிறது. இது பெண்களை மிகவும் மதிப்புக்குரியவர்களாக ஆக்குகிறது. ஹிஜாப் பெண்களின் கண்ணியத்தையும் மரியாதையையும் அதிகரிக்கிறது. எனவே, ஹிஜாப்பை உயர்வாக மதித்து, அதனை வலியுறுத்தும் இஸ்லாத்துக்கு நன்றியுடையோராய் இருக்க வேண்டும். ஹிஜாப் என்பது அல்லாஹ்வின் அருள்களில் ஒன்றாகும்.

மே 12, 2012

2. பெண்களின் ஆடை குறைப்பின் மூலம் மேற்கத்திய நாகரீகம் பெண்களுக்கு சுதந்திரம் வழங்குவதைத் தடுக்கிறது.

மேற்குலகு ஹிஜாப் அல்லது சாடோர் அணியக்கூடாது என்பதற்கான காரணம் பெண்களுக்கு சுதந்திரம் இருக்க வேண்டும் என்பதற்காக அல்ல. ஹிஜாப் உடன் சுதந்திரம் பெற முடியும் என்று நாம் சொல்கிறோம். மேற்குக்கு வேறுபட்ட கருத்து உள்ளது. மேற்கினது கண்ணேட்டத்தில் பெண்கள் ஆண்களின் கண்களுக்கு விருந்தளிப்பவர்களாய் இருக்கவேண்டும்; அவர்களை முறையற்ற விதத்தில் பயன்படுத்த வேண்டும். சமூகத்தில் பெண்கள் ஒரு சிறப்பு தோற்றம் கொண்டவர்களாய் (காட்சிப் பொருள்களாக) இருக்க வேண்டும் என்று விரும்புகிறது. இது பெண்களுக்கு மிகப்பெரிய அவமானமாகும். அவர்கள் சில அழகிய சொற்களால் அவர்களின் நோக்கத்தை  மறைக்கின்றனர் மேலும் அதற்கு வெவ்வேறு பெயர்களையும் கொடுக்கின்றனர்.

அக்டோபர் 20, 2009

3. பெண்களுக்கு சுதந்திரம் கொடுக்கும் நோக்கத்தை மேற்குலகு கொண்டிருக்குமாயின், பல்கலைக்கழகங்களிலிருந்து ஹிஜாப் அணியும் பெண்களை ஏன் அது தடை செய்கிறது?

ஹிஜாபை கடைபிடிக்கும் ஒருவர் மரியாதைக்குரியவர். ஒரு பெண்ணுக்கு ஹிஜாப் கண்ணியமாகும். கடந்த காலத்தில், பெரும்பாலான நாடுகளில் - நான் எல்லா நாடுகளையும் பற்றி அறிந்திருக்கவில்லை; ஏனென்றால் ஐரோப்பாவிலும் கூட இரண்டு அல்லது மூன்று நூற்றாண்டுகளுக்கு முன்பு வரை, உயர்குலப் பெண்கள் முகத்திரை (ஹிஜாப்) அணிந்திருந்தார்கள். சில வரலாற்று திரைப்படங்களில் இதை நீங்கள் அவதானித்திருக்கலாம். அடுத்தவர்கள் காண முடியாதவாறு அவர்களது முகங்களை மறைத்திருந்தனர். இது பெண்களுக்குரிய கண்ணியமாகும்.

பண்டைய பாரசீகத்தில், உயர்குடி மக்கள் மற்றும் அரச பிரதானிகளின் மனைவியர் ஹிஜாப் அணிபவர்களாக இருந்தனர். ஆனால் சாதாரண குடிமக்களின் மனைவியர் எல்லோருமே அதனை கடைபிடிக்கவில்லை. அது அவர்களுக்கு கடமையாகவும் இருக்கவில்லை. பின்னர் இஸ்லாமியர்கள் இந்த பாகுபாடுகளையெல்லாம் அடியோடு ஒழித்து, பெண்கள் ஹிஜாப் அணிய வேண்டும் என்று சொன்னார்கள். ஹிஜாப் அணியும் உரிமை அனைத்து பெண்களுக்கும் கிடைத்தது. இதுவே இஸ்லாமிய பார்வையாகும். (அதுவே மிகப்பெரும் மாற்றத்தைக் கொண்டுவந்தது).

இப்போது பெண்களின் உரிமைகள் மீறப்படுவதாக அவர்கள் எங்களை நோக்கி குற்றம் சாட்டுகின்றனர். குற்றம் சாட்டப்பட வேண்டியவர்கள் அவர்களேயாகும். பெண்களை ஏன் ஒரு போகப்பொருளாக பயன்படுத்துகின்றனர் என்பதை அவர்கள் தான் நியாயப்படுத்த வேண்டும். நேற்று, என்னிடம் வன்முறை தொடர்பான புள்ளிவிவரங்கள் வழங்கப்பட்டன - அந்த புள்ளிவிவரங்கள் ஒரு வாரத்துக்கு முன்னைய அறிக்கை - உலகம் முழுவதும் பெண்களில் மூன்றில் இரண்டு பகுதியினர் தங்கள் கணவர்மார்களால் தாக்கப்படுகின்றனர் என்று அவ்வறிக்கை கூறுகின்றது! இது கண்ணீரை வரவழைக்கும் கவலைக்குரிய விடயமாகும். இந்த வன்முறை பெரும்பாலும் அபிவிருத்தியடைந்த  மேற்குலக நாடுகளிலேயே நிகழ்கிறது.  தமது பாலியல்  தேவைகளை பூர்த்தி செய்ய பெண்களை நாடும் ஆண்களாலேயே இவ்வன்முறைகள் இடம்பெறுகின்றன. இது பெண்களுக்கு இழைக்கப்படும் அநீதியாகும். 

நாம் பெண்கள் மீது ஹிஜாபை திணித்து அவர்களது உரிமைகளை மறுப்பதாக எம்மீது குற்றம்சாட்டும் அவர்கள் தான் ஹிஜாப் அணியும் பெண்களின் உரிமையினை மறுத்து சட்டமியற்றி உள்ளனர். ஹிஜாப் அணிந்து பல்கலைக்கழகத்திற்குள் நுழைவதைத் தடுக்கும் அவர்களேதான் ஹிஜாபைக் கட்டாயப்படுத்தியதற்காக பெண்களின் உரிமையினை மறுப்பதாக எம்மைக் கண்டிக்கின்றனர். பெண்களின் கண்ணியத்தை பாதுகாப்பதற்காகவே எமது சட்டங்கள் உள்ளன; ஆனால் அவர்களது சட்டங்களோ பெண்களை அவமரியாதை செய்கிறது.

 ஜனவரி 3, 2008

4. மேற்கத்திய சமூகங்கள் பெண்களின் ஆடை கலைத்தலை வலியுறுத்துவது அவர்களது சுதந்திரத்தை நாடியல்ல; அது ஆணாதிக்கத்தின் வெளிப்பாடு.

மேற்கு நாடுகளில் ஆணாதிக்கத்தின் வெளிப்பாடுதான் அவர்கள் அவர்களது பாலியல் தேவைகளை பூர்த்தி செய்வதற்கென்றே பெண்களை நாடுவது. ஆண்களை மகிழ்ச்சிப்படுத்த பெண்கள் ஒப்பனை செய்துகொள்ள வேண்டும் என்றும் அவர்கள் கூறுகின்றனர்..! இது ஆணாதிக்கமேயன்றி பெண்களுக்கான சுதந்திரம் அல்ல. உண்மையில் அது ஆண்களுக்கு மட்டும் வழங்கப்படும் (கட்டுப்பாடற்ற) சுதந்திரமாகும். அவர்களுக்கு ஆண்கள் தங்கள் பார்வைக்-காமத்தை பூர்த்தி செய்யவும் சுதந்திரம் இருக்கவேண்டும் என்பதுவே அவர்களின் தேவை. அதனால் பெண்கள் தம் உடலை வெளிகாட்ட வேண்டும், ஒப்பனை செய்து, ஆண்களின் கண்களுக்கு விருந்தளிக்க வேண்டும். புனித வேதங்களைப் பின்பற்றாத சமூகங்களின் ஆண்கள் மத்தியில்  இவ்வாறான சுயநல சிந்தனை இருப்பதுண்டு. அது பழங்காலத்திலும் இருந்துள்ளது; இன்றும் அது இருக்கிறது: இதற்கு வெளிப்படையான சிறந்த உதாரணம் மேற்கை சேர்ந்தோராகும். எனவே, அறிவு, விஞ்ஞானம், படிப்பு, விழிப்புணர்வு மற்றும் அறிவைப் பெறுதல் மற்றும் கல்விக் கற்றல் ஆகியவற்றைத் தொடரும் பெண்கள், அவர்களுக்குரிய பிரச்சனைகளை அவர்களே அணுக வேண்டும் என்பது கட்டாயமாகும்; ஏனையோர் அந்த உரிமையை மதிக்க வேண்டும்.

அக்டோபர்  22, 1997

5. ஹிஜாபை ஊக்குவிப்பதன் மூலம் இஸ்லாம் எதை அடைய விரும்புகிறது...?

நெறிமுறை எல்லைகளை கடைப்பிடித்து, முறையற்ற ஆண் பெண் கலப்பை கட்டுப்படுத்தும் நோக்கில் இஸ்லாம் பெண்களுக்கு ஒழுக்கமான ஆடை கட்டுப்பாடுகளை (ஹிஜாபை) விதித்துள்ளது. ஹிஜாப் பாதுகாப்பு வழங்குவதற்கான ஒரு வழிமுறையாகும்:  ஹிஜாபைக் கடைபிடிப்பதன் மூலம் முஸ்லிம் பெண்கள் தங்களுக்கும் முஸ்லிம் ஆண்களுக்கும் பாதுகாப்பை வழங்குகின்றனர். பெண்களிடமிருந்து ஹிஜாப் நீக்கப்படுகையில், அவர்கள் ஆடைகுறைப்பு செய்து நிர்வாண நிலைக்குத் தள்ளப்படும்போது, முதன்மையாக பெண்களது பாதுகாப்பும் அடுத்து இளைஞர்களின் பாதுகாப்பும் நீக்கப்படுகிறது. பெண்கள் தங்கள் பணியை தொடரக்கூடிய ஒரு ஆரோக்கியமான மற்றும் பாதுகாப்பான சூழலை உருவாக்க, ஆண்கள் தங்கள் பொறுப்புகளை சரியாக நிறைவேற்ற, இஸ்லாம் ஹிஜாபை கடமையாக்கி உள்ளது. ஹிஜாப் என்பது இஸ்லாம் வகுத்துள்ள ஒரு சிறந்த கடமையாகும். அதன் நன்மைகளையே நான் மேலே விளக்கியுள்ளேன்.   

மார்ச் 10, 1997

6. இறைவன் பெண்களுக்கு பிரத்தியேகமாக கொடுத்துள்ள சக்தி.

பெண்களின் பெருமை ஒழுக்கங்கெட்ட ஆண்களின் கவனத்தை ஈர்க்கும் திறனில் தங்கியிருக்கவில்லை. இத்தகைய திறன் பெண்களுக்கு ஒரு மரியாதை அல்ல. அது அவர்களுக்கு மரியாதையைக் கொண்டுவரவும் முடியாது. அது அவமானத்தைத் தான் கொண்டுவரும். பெண்களின் பெருமை இறைவனால் விதிக்கப்பட்டுள்ள ஒழுக்கத்தைப் பேணும் திறனிலேயே தங்கியுள்ளது. இறையச்சத்துடனான கண்ணியம் மற்றும் பொறுப்புணர்வு ஆகியவற்றுடன் இதனை இணைக்கும் திறனிலேயே அவர்களின் பெருமை தங்கியுள்ளது. அவர்கள் பெண்ணின் மென்மையை இறையச்சத்துடனான நெகிழ்ச்சியற்ற போக்கையும் சரியான முறையில் பயன்படுத்த வேண்டும். மென்மையை இறையச்சத்துடனான, நெகிழ்வற்ற போக்கையும் இணைப்பது பெண்களுக்குரிய விசேட சிறப்பு. அதுதான் எல்லாம் வல்ல அல்லாஹ் பெண்களுக்கு அருளியுள்ள அனுகூலமாகும். அதன் காரணமாகவே ஆண்கள் மற்றும் பெண்கள் இருவருக்கும் இறை நம்பிக்கையின் எடுத்துக்காட்டுகளாக இரண்டு பெண்களின் பெயர்களைப் புனித குர்ஆன் குறிப்பிடுகிறது. "மேலும், ஈமான் கொண்டவர்களுக்கு ஃபிர்அவ்னின் மனைவியை அல்லாஹ் உதாரணமாக கூறுகிறான்." (புனித குர்ஆன் 66:11) மற்றும் "மேலும், இம்ரானின் புதல்வியான மர்யமையும் (அல்லாஹ் உதாரணமாக்கினான்) அவர் தம் கற்பைக் காத்துக் கொண்டார்" (புனித குர்ஆன் 66:12) குறிப்பிடுகின்றான். இறை நம்பிக்கைக்கு உதாரணங்களாக ஃபிர்அவ்னின் மனைவி  மற்றும் மரியம் (அலை) ஆகிய இருவரையும் இறைவன் குறிப்பிடுகிறான். இவை ஒரு அடிப்படை இஸ்லாமிய கருத்தியலை சுட்டிக்காட்டுகின்றன.

ஏப்ரல்  21, 2010

7. இஸ்லாம் ஹிஜாபை ஊக்குவிப்பதன் மூலம் பெண்களின் சுதந்திரத்தையும் கண்ணியத்தையும் நசுக்குகிறதா?

இஸ்லாமிய சிந்தனை பள்ளியின் அடிப்படையில், ஆண்களுக்கும் பெண்களுக்கும் இடையே பாதுகாப்புக்கான மற்றும் மறைமுகமான ஓர் இடைவெளி உள்ளது. இது ஆண்களுடன் தொடர்பற்ற ஒரு தனி உலகில் பெண்கள் வாழ வேண்டும் என்று அர்த்தம் இல்லை. ஆண்களும் பெண்களும் சமூகத்தில் ஒன்றாகவே வாழ்கின்றனர் அவர்கள் வேலை செய்யும் சூழலில் - மற்றும் அவர்கள் எல்லா இடங்களிலும் ஒருவரோடு ஒருவர் தொடர்பு கொள்கின்றனர், அவர்கள் சமூக பிரச்சனைகளை தீர்த்துக்கொள்ள ஒத்துழைக்கின்றனர், போர்க்களத்தில் விவகாரங்களை நிர்வகிக்க அவர்கள் ஒன்றாக வேலை செய்கின்றனர், குடும்ப விவகாரங்களை ஒன்றாகவே நிர்வகித்து பிள்ளைகளையும் வளர்க்கின்றனர். இருப்பினும், வீட்டிற்கு வெளியே மற்றும் குடும்ப சூழலுக்கு வெளியில், இந்த பாதுகாப்பு தூரமும், இந்த பாதுகாப்பு கவசமும் கண்டிப்பாக அவசியமாகும். இஸ்லாமிய வழிமுறையில் இது முக்கியமானது. இது அனுசரிக்கப்படாவிட்டால், இன்றைய தினம், மேற்கு பாதிக்கப்படுள்ள அதே குழப்பமான சூழ்நிலையில் எமது சமுதாயமும் பாதிக்கப்படும். இந்த முக்கிய விடயம் கவனிக்கப்படாவிட்டால், விழுமியங்களை நோக்கிய பயணத்தில் பெண்கள் பின்னடைவை சந்திப்பார்கள். (1991 நவம்பர் 13 அன்று செவிலியர் குழுவொன்றை சந்திந்தது  ஆற்றிய உரையிலிருந்து)

"பெண்களை ஹிஜாப் இல்லாமல் தோன்ற நீங்கள் ஏன் அனுமதிப்பதில்லை?" என்று எவராவது கேள்வி எழுப்பினால் "இந்த தீங்கு விளைவிக்கும், அச்சுறுத்தலுக்கு உள்ளாக்கும் சுதந்திரத்தை இவ்வாறு ஏன் கொடுக்கிறீர்கள்?" என்று அவர்களைக் கேட்க வேண்டும். ஒழுக்க விழுமியங்கள் மற்றும் ஹிஜாப் தொடர்பாக மேற்கத்திய நாடுகளின் முன்னெடுப்பு ஒருவனை வெறுப்பில் ஆழ்த்தும். அவர்கள் என்ன செய்கின்றனர்,  எங்கு செல்கின்றனர் என்று சிந்தித்தால் ஒருவனுக்கு ஆச்சரியம் ஏற்படும்.

இந்த விஷயத்தில் உங்களிடம் கூடுதல் தகவல்கள் இருக்கலாம்; ஆனால் இந்த விஷயத்தில் என்ன நேர்ந்து கொண்டிருக்கிறது என்பது பற்றி என்னிடம் நிறைய தகவல்கள் உள்ளன. இந்த நிலைகள், உயர்ந்த மட்டத்திலிருந்து தொழில் நிலைகள், வாழ்க்கை நிலைமைகள் மற்றும் இன்னபிற இடங்களில் பல்வேறு மட்டங்களிலும் மேற்கொள்ளப்படுகின்றன.

இஸ்லாமிய சன்மார்க்க சொற்பொழிவில், பெண்களுக்கான மரியாதை மற்றும் பண்புகள், கண்ணியம் மற்றும் பெண்களின் மென்மையான தன்மை ஆகியவற்றுக்கு முக்கியத்துவம் வழங்கப்பட வேண்டும். மிருதுவான தன்மை என்ற சொல்லின் மூலம் நான் அவர்களது பௌதிக ரீதியான மென்மையை மட்டும் குறிப்பிடவில்லை. பெண்கள் உடலளவில் மட்டுமல்ல உள்ளத்தளவிலும் மென்மையானவர்கள்; அது மட்டுமல்ல புத்திக்கட்டமைப்பிலும் பொறுப்பை நிறைவேற்றுவதிலும் அவர்கள் மென்மையானவர்கள்.

மே 11, 2013

8. பெண்பாலினத்தை அவமானப்படுத்துதல் மற்றும் பெண்களை ஆண்களின் பாலியல் தேவைகளை பூர்த்தி செய்யும் போகப்பொருளாக மாற்றுவது மேற்கினது நாகரீகமும் ஊடகங்களுமாகும். 

மேற்கத்திய சமூகங்களில் ஒரு பெண் தன்னை வேறுபடுத்தி காட்டுவதற்குத் தீர்மானித்திருந்தால், தனது கவர்ச்சியினைக் காட்டுவதைத் தவிர அவளுக்கு வேறு வழியில்லை. சாதாரண நிகழ்ச்சிகளில்  கூட அவள், வருகை தந்திருக்கும் ஆண்களின் கண்களுக்கு விருந்தளிக்கும் விதத்தில் ஆடையணிந்து காட்சியளிக்க வேண்டும்.

இது பெண்களின் கௌரவத்தின் மீது விழும் மிகப்பெரிய அடியாகும்; மிகப்பெரிய அவமானமும் மிகப்பெரிய அநீதியுமாகும் என்று நான் நம்புகிறேன். துரதிட்டவசமாக, மேற்கு கலாச்சாரத்தில் பெண்கள் வழங்குபவர்களாகவும் ஆண்கள் பெறுபவர்களாகவும் கருதப்படுகின்றனர். மேற்கைப் பின்தொடர்ந்த ஏனைய சமூகங்களும் இதனை செயல்படுத்தின. விளைவு: உலகில் இது விதியாக நிறுவப்பட்டுள்ளது. யாராகிலும் ஒருவர் இந்த நெறிமுறைக்கு எதிராகப் பேசினால், அவருக்கு எதிராக வசைபாடுகிறார்கள். உதாரணமாக, ஒரு சமூகத்தில், பெண்கள் பொது இடங்களில் அலங்காரம் செய்துகொண்டு பவனிவருவதைத் தடைசெய்தால், அதற்கு எதிராக கண்டனக் குரல் எழுப்புவார்கள். ஆனால், சமுதாயத்தில் பெண்கள் மத்தியில் ஒழுக்கக் கேடு  ஊக்குவிக்கப்படுமானால், உலகில் எந்தக் கொக்கரிப்பும் இருப்பதில்லை. ஒரு சமுதாயம், பெண்கள் மத்தியில் வெளிப்பகட்டுக்குப் பதிலாக ஒழுக்கத்தை ஊக்குவிக்கும் போது, உலகின் மேலாதிக்க பிரச்சார இயந்திரங்கள் கூக்குரலிடுகின்றன. பெண்களை இழிவுபடுத்துவதற்கென ஒரு கலாச்சாரம், ஒரு கொள்கை, பல ஆண்டுகளாக பின்பற்றப்பட்ட ஒரு மூலோபாயம் உள்ளது என்பதை இது தெளிவாக எடுத்துக்காட்டுகிறது. துரதிட்டவசமாக, இது ஏற்கனவே நிகழ்ந்துவிட்டது.

மே 22, 2011

9. ஒழுக்கக் கேடான ஆடைகளை ஊக்குவிப்பதன் மூலம் மேற்குலகு எதனை நாடுகிறது...?

இஸ்லாம் குடும்ப அமைப்பை மதிக்கிறது. இன்று மேற்குலகுகின் முஸ்லிம்களுக்கு எதிரான பிரசாரங்கள் இந்த குடும்ப அமைப்பை சிதைக்கும் நோக்கம் கொண்டதாகவே உள்ளது. ஹிஜாப்  பற்றிய  அவர்களது பிரசாரம் எவ்வளவு அபத்தமானது என்று பாருங்கள்! ஈரான் இஸ்லாமிய குடியரசில் ஹிஜாப் கடைபிடிக்கப்படுவதை அவர்கள் எவ்வளவு மோசமாக உலகுக்கு எடுத்துக்காட்டுகின்றனர். அரபு, முஸ்லீம் நாடுகளில் ஹிஜாப் அனுஷ்டிக்கப்பட்டால் - இளம் யுவதிகள் விழிப்புணர்வு பெற்று, தாமாகவே விரும்பி ஹிஜாப் அணியும்போது - இவர்கள் வெறி பிடித்தவர்கள் போல் நடந்து கொள்கின்றனர். அரசியல் கட்சிகளிடையே அது அவதானிக்கப்பட்டால், மீண்டும் அவர்கள் வெறித்தனமாக நடந்து கொள்கின்றனர். அரசியல் நடவடிக்கைளில் ஈடுபடும் போதும் அவ்வாறே நடந்துகொள்கின்றனர். அவர்களது பாடசாலைகளில், அவரவர் நாடுகளில் உள்ள ஆரம்ப பாடசாலையிலும் கூட ஹிஜாப் அனுஷ்டிக்கப்படுவது, அவர்களை கலக்கமடையச் செய்கிறது. எம்மை அவர்கள் எதிர்ப்பதற்கான முக்கிய காரணங்களில் இதுவும் ஒன்று.

அக்டோபர்   12, 1994

துரதிட்டவசமாக, அவர்கள் உலகம் முழுவதும் தங்கள் கலாச்சாரத்தை பரப்பியுள்ளனர். இன்று அவர்கள் அவர்களது முக்கியமான கடமைகளில் ஒன்றாகக் கருதுவது பெண்கள் ஆடைகளில் இருந்து தம்மை விடுவித்து, காட்சிப்பொருள்களாகி, அழகினை வெளிக்காட்டி, ஆண்களின் கண்களுக்கு விருந்தளிக்க வேண்டும் என்பதே ஆகும். இதுவே பெண்களுக்கு இருக்கவேண்டிய குணாதிசியங்கள் என்றாக்கிவிட்டனர். துரதிட்டவசமாக, உலகமும் இதுபோலவே மாறிவிட்டது. 

அரசியல் அல்லது வேறு எந்த கூட்டமுமாகட்டும் ஆண்கள் உடலை மறைக்கக் கூடிய ஆடைகளை அணிந்து கலந்து கொள்கின்றனர், ஆனால் பெண்கள் அரை நிர்வாண ஆடைகளை அணிவதுதான் சரி என்கின்றனர். இது சாதாரணமா? இது இயற்கைதானா? இது ஒரு இயற்கை செயல்முறைதானா? ஆயினும் அவர்கள் அவ்வாறு ஆக்கியுள்ளார்கள். பெண்கள் தங்களை காட்சிப்படுத்திக் கொள்ள வேண்டும், ஆண்களின் கண்களுக்கு விருந்தளிக்க வேண்டும் என்று விரும்புகிறார்கள். இதைவிட மோசமான ஒடுக்குமுறை இருக்கிறதா? அவர்கள் இதனைத்தான் சுதந்திரம் என்று அழைக்கிறார்கள். ஹிஜாபும் ஒழுக்கமும் பெண்களுக்கு கண்ணியத்தை கொண்டுவருகிறது.  இது பெண்களுக்கு பாதுகாப்பு அளிக்கிறது. இதனைத்தான் அவர்கள் அழகிய சொற்களைக் கொண்டு இல்லாதொழிக்கப் பார்க்கிறார்கள். இதனது முதல் விளைவுகளில் ஒன்று  குடும்ப கட்டுக்கோப்பு சிதைவடைவதாகும். இவ்வாறு நிகழ்கையில் சமூக அத்திவாரம் ஆட்டம்காணத் தொடங்கிவிடும்.

மே 1, 2013

ஒழுக்கக் கேட்டில் சீரழிந்துள்ள மேற்குலகு, பெண்கள் தொடர்பான அதனது தவறான வியாக்கியானங்களை உலகில் பரப்ப முயற்சிக்கிறது. இது பெண்களை பொறுத்தவரை பெரும் இழுக்காகும். பெண்கள் தமது ஆளுமையை வளர்ப்பதற்காக ஆண்களை கவர்ந்திழுக்கும் வண்ணம் கவர்ச்சியாக இருக்க வேண்டும் என்று உலகத்தை அவர்கள் நம்ப வைக்க முயன்றனர். என்ன வகையான ஆளுமை இது? ஆண்களின் அங்கீகாரத்தைப் பெறுவான்வேண்டி பெண்கள் தங்கள் தகுதியையும் அறநெறிகளையும் விட்டுவிட வேண்டும் என்று நினைப்பது எந்தளவு நியாயம்...? இது இழிவுபடுத்தல் இல்லையா...? சியோனிச சக்திகளின் செல்வாக்கு, அறியாமை மற்றும் போதையிலுள்ள மேற்கத்திய உலகம் இந்த கருத்தை பெண்களுக்கு மரியாதை என்ற பெயரில் வழங்கியது. இவர்களது இந்த சூழ்ச்சியில் சிலர் வீழ்ந்துமுள்ளனர்.

பெண்களின் பெருந்தன்மையும் கண்ணியமும்  ஒழுக்கங்கெட்ட ஆண்களின் கவனத்தை ஈர்க்கும் திறனைப் பொறுத்து இருப்பதில்லை. இத்தகைய திறமை பெண்களுக்கு ஒரு மரியாதை அல்ல. அதனால் அவர்களுக்கு கண்ணியத்தை கொண்டுவரவும் முடியாது. அது அவமானத்தைத்யே தரும். பெண்களின் பெருமையானது தங்களுடைய தெய்வீகக் கண்ணியத்தை தக்கவைத்துக்கொள்ளும் திறனைப் பொறுத்து உள்ளது. இறையச்சத்துடன் இந்த கண்ணியம் மற்றும் பொறுப்புணர்வு என்ற திறனை இணைப்பதிலேயே பெண்களின் பெருமை தங்கியுள்ளது. பெண்களுக்கே உரிய மென்மையையும் நெகிழ்ச்சியற்ற இறை நம்பிக்கையையும் சரியான முறையில் பயன்படுத்த வேண்டும். இது இறைவனால் வழங்கப்பட்டுள்ள அருட்கொடையாகும்.

 ஏப்ரல்   21, 2010

10. இஸ்லாம் பெண்களுக்கு கண்ணியம் வழங்கியுள்ளது, ஆனால் மேற்குலகோ  ஆண்களின் இச்சையை திருப்திப்படுத்தும் பொருளாகப் பார்க்கிறது.

அடுத்து, பெண்களின் மதிப்பும் மரியாதையும் மதிக்கப்படும் விடயமாகும். பெண்கள் பாதுகாக்கப்படுவதை நோக்கி எடுக்கும் எந்த நடவடிக்கையும் பெண்களின் ஒழுக்கத்தை அடிப்படையாய்க் கொண்டதாகவே அமைய வேண்டும். மேற்கூறிய விடயங்களை அனுஷ்டிக்காத மேற்குலகு, ஒழுக்க சீர்கேட்டில் வீழ்ந்துள்ளது. பெண்களின் குணாதிசயங்களில் முக்கிய அம்சமாக இருக்கும் ஒழுக்கம் புறக்கணிக்கப்படுவது தடுக்கப்பட வேண்டும். பெண்களின் ஒழுக்கமும் கற்புநெறி காத்தலும் மற்றவர்களின் பார்வையில் பெண்களின் தன்மையை கௌரவமாக எடுத்துக்காட்டும். கீழ்த்தரமான எண்ணம் கொண்டோர் மத்தியிலும் கூட அவ்வாறான பெண்கள் உயர்வாக கணிக்கப்படுவர். ஒரு பெண்ணின் ஒழுக்கம் மற்றும் பண்பு அவளுக்கு கண்ணியத்தை கொண்டுவரும். இந்த பண்புகளை இஸ்லாம் மிகவும் உயர்வாக மதிக்கிறது. ஒழுக்கமும் நன்னெறியும் பெண்களுக்கு மட்டும் உரியதன்று; அவை ஆண்களுக்கும் உண்டு. நிச்சயமாக, ஒழுக்கம் பேணும் ஆண்களையும் இஸ்லாம் மதிக்கின்றது.

அக்டோபர் 22, 1997