அணிசாரா நாடுகளினால் அமெரிக்க அராஜகத்தை எதிர்க்க முடியும் – ரூஹானி

Rouhani: Non-Aligned Nations Can Counter U.S.

சர்வதேச நாணய அமைப்பில் அமெரிக்கா அத்துமீறி ஆதிக்கம் செலுத்துவதாகவும், டாலரை தவறாகப் பயன்படுத்துவதாகவும் ஈரானிய ஜனாதிபதி ஹசன் ரூஹானி வெள்ளிக்கிழமை விமர்சித்தார், அணிசேரா இயக்கம் வாஷிங்டனின் சட்டவிரோத நடவடிக்கைகளை எதிர்கொள்வதற்கும் அதன் பொருளாதாரத் தடைகளை பயனற்றதாக மாற்றுவதற்கும் சக்திபடைத்தது என்று கூறினார்.

அணிசாரா நாடுகள் அமைப்பின் 18வது உச்சிமாநாடு கடந்த வெள்ளியன்று (அக்டோபர் 25ம் திகதி) அஸர்பைஜான் தலைநகரான பாக்குவில் இடம்பெற்றது. அதில் கலந்துகொண்டு உரையாற்றிய ஈரான் இஸ்லாமிய குடியரசின் ஜனாதிபதி ஹஸன் உரையாற்றுகையில்  "சர்வதேச நாணய அமைப்பில் அமெரிக்காவின் ஆதிக்கம் கடந்த பல தசாப்தங்களாக மிதமிஞ்சியதாக உள்ளது, குறிப்பாக சமீபத்திய ஆண்டுகளில் சுயாதீன நாடுகளுக்கு அரசியல் அழுத்தம் கொடுப்பதற்காக, டாலரை அது தவறாகப் பயன்படுத்துகிறது.

இந்நாடுகளில் பெரும்பாலானவை அணிசாரா நாடிகள் அமைப்பின்  உறுப்பு நாடுகளாகும். அவற்றின் மீது பல்வேறு தடைகளை அமல்படுத்தும் அமேரிக்கா அதேவேளை சர்வதேச நாணய அமைப்புகளுக்கான அணுகலையும் மட்டுப்படுத்துகின்றது," என்று தெரிவித்தார்.

அத்தகைய அமெரிக்க நடவடிக்கைகள் "சுயாதீன நாடுகளின் நியாயமான சுதந்திரம் மற்றும் உரிமைகளை" நேரடியாக மீறுவதாக அவர் மேலும் கூறினார், மேலும் அணிசாரா நாடுகள் "அமெரிக்கா பயன்படுத்தும் அத்தகைய கருவிகளின் தாக்கத்தை சமன்படுத்துவதற்கான முக்கியமான நடவடிக்கைகளை எடுக்க முடியும்" என்றும் வலியுறுத்தினார்.

பொருளாதார நிலைத்தன்மையின் தேவைகளுக்கு சர்வதேச அர்ப்பணிப்பு, இருதரப்பு மற்றும் பலதரப்பு நாணய ஒப்பந்தங்களின் அடிப்படையில் வர்த்தக உறவுகளை விரிவுபடுத்துதல், வங்கி சேவைகளில் சுயாதீனமான மற்றும் மாற்று முயற்சிகளைப் பயன்படுத்துதல் மற்றும் குறியீட்டு நாணயங்களின் அதிக பயன்பாடு ஆகியவை அந்த முடிவை அடைவதற்கான வழிகளில் உள்ளன என்று ரூஹானி குறிப்பிட்டார்.

"நிச்சயமாக, இவை அனைத்தும் சர்வதேச நாணய சலவை எதிர்ப்பு மற்றும் பயங்கரவாத நிதி விதிகளை நிலைநிறுத்துவதற்கு ஏற்ப நிறைவேற்றப்பட வேண்டும்" என்று ஈரானிய ஜனாதிபதி கூறினார், ஈரான் உட்பட பல அணிசாரா அமைப்பின் உறுப்பு நாடுகள் இந்த முக்கியமான பிரச்சினையை தங்கள் நிகழ்ச்சி நிரலில் வைத்துள்ளன.

பல்வேறு பிராந்தியங்களில் இடம்பெற்றுவரும் தற்போதைய மோதல்கள் மற்றும் சுயாதீன நாடுகளின் தேசிய இறையாண்மையை வெவ்வேறு வடிவங்களில் மீறுவதை சுட்டிக்காட்டிய ரூஹானி, உலகம் "பன்முகத்தன்மையை நோக்கி விரைவாக நகர்கிறது" என்றார்.

“சுயாதீன நாடுகளின் மீது அதன் சட்டவிரோத அரசியல் இலக்குகளை திணிப்பதற்காக இன்று அமெரிக்கா அடக்குமுறை பொருளாதார கருவிகளைப் பயன்படுத்துகிறது" என்று ஈரானிய ஜனாதிபதி கூறினார்.

ஐக்கிய நாடுகள் சபையின் மூன்றில் இரண்டு பங்கு நாடுகளை பிரதிநிதித்துவப்படுத்தும் அணிசேரா இயக்கம், "தற்போதைய உலகளாவிய பிரச்சினைகளுக்கு தீர்வுகளை கண்டுபிடிப்பதில் மற்றும் கட்டமைப்பிற்குள் அதன் உறுப்பினர்கள் மற்றும் மனித சமுதாயத்தின் சார்பாக முன்னோடியாக இருக்கும் சாத்தியத்தை கொண்டுள்ளது" என்று அவர் கூறினார்.

நியூயார்க்கில் கடந்த செப்டம்பர் மாதம் நடைபெற்ற ஐ.நா. பொதுச் சபையின் 74 ஆவது கூட்டத்தொடரை ஒட்டி ஐ.நா. பொதுச்செயலாளர் அன்டோனியோ குடெரெஸுடனான சந்திப்பில், பொருளாதார பயங்கரவாதத்தின் மூலம் ஈரானிய தேசத்திற்கு எதிராக அமெரிக்கா செய்து வரும் குற்றங்கள் குறித்து ஐக்கிய நாடுகள் சபை அமைதிகாப்பதையிட்டு  ரூஹானி கண்டித்து பேசினார்.  உலக  அமைப்பு அதனது மௌனத்தை களைத்து அதன் பொறுப்புகளை நிறைவேற்ற முன்வரவேண்டும் என்றும் அழைப்பு விடுத்தார்.

இஸ்லாமிய குடியரசிற்கு எதிரான வாஷிங்டனின் கடுமையான பொருளாதார அழுத்தம் மற்றும் பொருளாதாரத் தடைகளைப் பற்றி குறிப்பிடுகையில், ஜனாதிபதி "ஒரு ஆக்கிரமிப்பு கொள்கை கொண்ட  அரசாங்கம் முழு நாட்டிற்கும் எதிராக இந்த குற்றங்கள் அனைத்தையும் செய்து வருகிறது, அதே நேரத்தில் ஐ.நா அமைதி காக்கின்றது."

ஈரானிய ஜனாதிபதி தனது உரையில், புதிய உலகின் தேவைகளுக்கு ஏற்ப அதன் உறுப்பு நாடுகளின் நலன்களைப் பாதுகாப்பதில் அணிசாரா அமைப்பு வகிக்கக்கூடிய திறமையான பங்கை சுட்டிக் காட்டினார்.

"சர்வதேச அரங்கில் இருமுனை அமைப்பு வீழ்ச்சியடைந்த நிலையில், அமெரிக்கா அதன் இராணுவ, பொருளாதார மற்றும் ஊடக சக்தியை ஆகியவற்றைக்கொண்டு புதிய உலகளாவிய அமைப்பின் கோஷத்தின் கீழ் ஓர் ஒற்றை முறை மேலாதிக்க ஒழுங்கை உலகில் திணிக்க முயன்றது."

எவ்வாறாயினும், சர்வதேச அமைப்பில் ஒருதலைப்பட்சத்தைத் எதிர்த்து நிற்கும் தங்கள் விருப்பத்தை அணிசாரா நாடுகள் நிரூபித்துள்ளன, "ஏகாதிபத்தியத்தை திணிப்பதற்கான அமேரிக்கா வைத்துள்ள முக்கிய கருவிகள் உண்மையில் அதற்கு எதிராகவே திரும்பியுள்ளன."

அமேரிக்கா தனது ஆதிக்கத்தை திணிப்பதற்காக உலகின் பல்வேறு பகுதிகளில், குறிப்பாக மேற்கு ஆசியாவில் "விரிவான மற்றும் அழிவுகரமான போர்களை" நடத்தியது என்று ரூஹானி கூறினார்.

இந்த போர்கள் பிராந்திய நாடுகளுக்கு நூறாயிரக்கணக்கான உயிரிழப்புகளையும் ஆயிரக்கணக்கான பில்லியன் டாலர் மதிப்புள்ள சேதத்தையும் ஏற்படுத்தியுள்ளன, மேலும் பிராந்தியத்திலும் உலகிலும் குறுங்குழுவாதம், தீவிரவாதம் மற்றும் பயங்கரவாதத்தின் தீப்பிழம்பை எரியூட்டியுள்ளன.

"ஆயினும்கூட, ஆக்கிரமிப்பாளர்கள் தங்கள் குறிக்கோள்களை அடைந்து கொள்ளத் தவறியது மட்டுமல்லாமல் சர்வதேச அரங்கில் அமெரிக்காவின் இராணுவ மற்றும் அரசியல் மேலாதிக்கத்தின் முறிவை ஏற்படுத்தியதோடு பிராந்திய சுதந்திர நாடுகள் அவர்களின் உரிமைகள் மற்றும் நலன்களைத் தொடரும் தன்னம்பிக்கையை அதிகரித்தது," என்றும் ஈரானிய ஜனாதிபதி கூறினார்.

"அமெரிக்க அரசியல் ஸ்தாபனம் மீதான பொது நம்பிக்கை வெகுவாகக் குறைந்து இறுதியாக மக்களின் அரசியல் தோன்றுவதற்கு வழிவகுத்தது. அதன் கொள்கைகள் அமெரிக்க மேலாதிக்கம் மற்றும் ஒருதலைப்பட்சத்தின் முடிவின் தொடக்கத்தையே இது குறிக்கின்றது."

அணிசாரா அமைப்பின் உறுப்பு நடுகள் உலகில் ஒரு பெரிய மக்கள் தொகை, பரந்த நிலப்பரப்பு மற்றும் பிரதேசங்கள் மற்றும் சர்வதேச அமைப்புகளில் வாக்கு பலம் ஆகியவற்றால் ஆசீர்வதிக்கப்பட்டுள்ளன என்று ரூஹானி வலியுறுத்தினார், மேலும் இந்த இயக்கம் எதிர்கால பல்துருவ உலகில் ஒரு புதிய சக்தியைக் காணலாம்.

"இது நடக்க வேண்டுமானால் பிராந்தியத்தினதும் உலகினதும் புதிய யதார்த்தங்களை நாம் புரிந்து கொள்ள வேண்டும், மேலும் இன்றைய உலகின் புதிய கருவிகள் மற்றும் வசதிகளைப் பயன்படுத்த வேண்டும்," என்று அவர் கூறினார்.

கடந்த காலங்களைப் போலவே ஈரான் இஸ்லாமிய குடியரசு அணிசாரா நாடுகளின் அமைப்புக்கு, அதன் வெற்றிக்கு மற்றும் அதன் விழுமிய இலக்குகளை அடைவதற்கு எல்லா முயற்சிகளிலும் பூரண ஒத்துழைப்பு வழங்கும் என்று ரூஹானி மீண்டும் வலியுறுத்தினார்.

இஸ்ரேல் அதன் அழிவுக்கான நாட்களைக் கணக்கிடட்டும்!

Islam Inspires Palestinian Pursuit for Liberation of Homeland

- எஸ். நவாப்ஸாதே

"மனமிருந்தால் மார்க்கமுண்டு" என்பது ஒரு பிரபலமான பழமொழியாகும். எதற்கும் அஞ்சாது, எவருக்கும் அடிபணியாது, அச்சுறுத்தல்களைக் கண்டு கலங்காது தமது இலக்குகளை அடையும்வரை தொடர்ந்து பயணிக்கும் ஒரு குழுவினருக்கு இது பொருந்தும். அந்த இலக்கு கல்வியாக இருக்கலாம், விஞ்ஞான கண்டுபிடிப்புகளாக இருக்கலாம், வர்த்தகமாக இருக்கலாம் அல்லது ஒரு பெரும் அரசியல் கொள்கை மாற்றமாக இருக்கலாம்; அதனை அடையும்வரை அவர்களது வைராக்கியம் நீங்குவதில்லை.

உலக அளவில், ஈரானிய இஸ்லாமிய குடியரசு தேசத்தின் மட்டுமல்ல, பிராந்திய மக்களின் அமைதி, ஸ்திரத்தன்மை மற்றும் சுதந்திரத்தை பாதுகாக்கும் தார்மீக பொறுப்பினை உணர்ந்த நேர்மையான அமைப்பின் முன்மாதிரியாக விளங்குகிறது.  எந்தவொரு சவாலுக்கு முகம்கொடுக்கும் அதனது மனவுறுதி சதி, சுரண்டல், பொருளாதார பயங்கரவாதம் மற்றும் இராணுவ அச்சுறுத்தல்கள் அனைத்தையும் சமாளித்து முன்னேற்றப்பாதையில்  இட்டுச்செல்கிறது.

கடந்த நாற்பது ஆண்டுகளில், இஸ்லாமியப் புரட்சி வழங்கியுள்ள எஃகு போன்ற இந்த மனவுறுதி எல்லாம்வல்ல இறைவன் மீது அவர்கள் கொண்டுள்ள உறுதியான நம்பிக்கையின் வெளிப்பாடாகும். விடுதலைக்காக போராடும் ஒடுக்கப்பட்ட நாடுகளுக்கு, தங்கள் தாயகங்களை ஆக்கிரமிப்பவர்கள்  வெல்லமுடியாதவர்கள் என்ற மாயையை துடைத்தெறிந்து, தொடர்ச்சியாக மறுக்கப்பட்டு வரும் அவர்கள் பிறப்புரிமைகளை மீட்டெடுப்பதற்கான உயிரோட்டமான போராட்டத்திற்காக ஈரான் இஸ்லாமிய குடியரசு நல்லதொரு முன்னுதாரணமாக திகழ்கிறது.

ஈரான் இஸ்லாமிய புரட்சியின் விளைவாக, இந்தியப் பெருங்கடலின் கரையிலிருந்து பாலஸ்தீன நிலம் உட்பட மத்திய தரைக்கடல் கடற்கரை வரை இப்பகுதியிலும் அதற்கு அப்பாலும் சுதந்திர இயக்கங்கள் தழைத்தோங்கி வருகின்றன. இஸ்லாமிய புரட்சின் தந்தை இமாம் கொமெய்னி (ரஹ்) அவர்களின் வழிகாட்டலை முன்னுதாரணமாகக் கொண்ட இவர்களது விடுதலைக்கான போராட்டம், சியோனிஸவாதிகளினது எகிப்தில் நைல் நதி முதல் ஈராக்கில் யூப்ரடீஸ் நதி வரை 'கிரேட்டர் இஸ்ரேலை' என்ற கனவை தகர்த்தெறிந்துள்ளது.

அக்டோபர் 5, சனிக்கிழமையன்று, அத்தகைய ஒரு பிரபலமான இயக்கம், ‘இஸ்லாமிய ஜிஹாத்’, காசாவில் நிறுவப்பட்ட 32 வது ஆண்டு நிறைவைக் குறித்தது ஒன்றுகூடிய பல்லாயிரக்கணக்கான பாலஸ்தீனியர்கள் சியோனிச அமைப்பின் சட்டவிரோத இருப்பை முடிவுக்கு கொண்டுவருவதற்கான தீர்மானத்தை மீண்டும் உறுதிப்படுத்தினர்.

"சபிக்கப்பட்ட ஒஸ்லோ உடன்படிக்கையையும் ஏற்றுக்கொள்ளமாட்டோம், டொனால்ட் ட்ரம்பின் நூற்றாண்டின் சதி உட்பட எங்கள் எதிரிகளிடமிருந்து எழும் எந்த திட்டத்தையும் ஏற்றுக்கொள்ளமாட்டோம்", என்று காஸாவில் ஒன்றுதிரண்ட மக்கள் கோஷம் எழுப்பினர்.

இஸ்லாமிய ஜிகாத்தின் ஆயுதப் பிரிவான அல்-குத்ஸ் படைப்பிரிவுகளைச் சேர்ந்த ஆயிரக்கணக்கான போராளிகளை உள்ளடக்கிய பிரமாண்ட பேரணியில் அவ்வியக்க பொதுச்செயலாளர் ஸியாத் அன்-நகாலே உரையாற்றுகையில் "எப்போதும் ஒடுக்கப்பட்ட காஸா, இப்போது ஒரு யுத்த வலிமையின் சமன்பாடுகளில் கணக்கிடப்பட வேண்டிய ஒரு சக்தியாக மாறியுள்ளது; இது இந்த மக்களின் அசைக்கமுடியாத மனவுறுதியை பிரதிபலிக்கிறது", என்று குறிப்பிட்டார்.

இஸ்லாமியப் புரட்சியின் தலைவரான ஆயதுல்லா சையத் அலி கமேனியைச் சந்திக்க கடந்த ஆண்டு பிற்பகுதியில் ஈரான் இஸ்லாமிய குடியரசுக்கு விஜயமொன்றை மேற்கொண்டிருந்த ஜியாத் அன்-நக்காலே, பாலஸ்தீனிய மக்கள் தங்களின் இறுதி வெற்றியில் பூரண நம்பிக்கை கொண்டிருப்பதாகவும் சமாதானம் எனும் போர்வையில் பிற்போக்குத்தனமான அரேபிய தலைவர்களுடன்  இணைந்து அமெரிக்காவினால் முன்வைக்கப்படும் எந்த சியோனிஸ சதியினையும் முறியடிப்போம் என்றும் சூளுரைத்தார். தெஹ்ரானின் பாலஸ்தீன சதுக்கத்தில் உள்ள மாபெரும் மின்னணு கடிகாரம், வேகமாக நெருங்கி வரும் இஸ்ரேலின் முடிவை ஒவ்வொரு வழிப்போக்கர்களுக்கும் நினைவூட்டிக்கொண்டிருக்கிறது.

அவ்வப்போது கொண்டு வரப்படும் சவுதி முன்முயற்சி அல்லது பஹ்ரைன் மாநாடு போன்ற ஏமாற்றும் சாத்தானிய  வடிவமைப்புகளை அவர் கண்டித்தார்: "இன்று சிலர் பாலஸ்தீனியர்களுக்கும் ஆக்கிரமிப்பாளனான இஸ்ரேலிய ஆட்சிக்கும் இடையில் பேச்சுவார்த்தை நடக்கும்,எதிரியுடன் நாம் நிம்மதியாக பேச முடியும்,  அமைதி சாத்தியமாகும் என்று வைத்திருக்கும் நம்பிக்கையே நாம் தற்போது எதிர்கொள்ளும் மிக மோசமான விஷயம் ஆகும்" என்றார்.

அமெரிக்க – பிரிட்டிஷ் - இஸ்ரேலிய ஆதரவுடைய சவூதி அரேபியாவின் பயங்கரவாதத்திற்கு எதிரான அன்சருல்லாஹ் இயக்கம் மனவுறுதியுடன் நவீன பாதுகாப்பு தொழில்நுட்பதையும் இணைத்து அதிசயங்களை நிகழ்த்த முடியும் என்பதை உலகுக்கு நிரூபித்து வருகின்றனர்; அவர்களின் சுதந்திரத்தை பாதுகாத்து வருகின்றனர்.

யெமன் மக்களின் தினசரி மேம்படுத்தும் ட்ரோன்கள் மற்றும் ஏவுகணைகள் சவூதி ஆட்சியின்னது அமெரிக்காவினால் தயாரிக்கப்பட்ட  பேட்ரியட் பாதுகாப்பு பேட்டரிகளை துல்லியமாக துளைக்க முடியுமாக இருந்தால், இஸ்லாமிய ஜிஹாத், ஹமாஸ் மற்றும் பிற பாலஸ்தீன விடுதலை குழுக்கள் ஏன் குறிப்பிட்ட தொழில்நுட்பத்தை பெற்று, சியோனிஸ்டுகளின் இரும்பு அரண்களை (iron domes) தகர்த்தெறிய முடியாது?

நிச்சயமாக, அவர்கள் அதைச் செய்வார்கள்; அதைப் பெறுவது அவர்களின் உரிமை. ஏனெனில் அது இஸ்லாத்தின் மீதான மன உறுதி, மற்றும் தன்னம்பிக்கை. ராஜதந்திரம் மற்றும் பாதுகாப்பு உபகரணங்கள் இரண்டையும் திறமையாகப் பயன்படுத்துவதன் மூலம் ஒரு தேசத்தை வெற்றிபெறச் செய்துள்ளனர். அரேபிய தீபகற்பத்தில், பிரிட்டிஷாரால் உருவாக்கப்பட்ட சவுதி அரேபியா அமெரிக்கா, பிரிட்டிஷ், மற்றும் பிரஞ்சு வழங்கிய நூற்றுக்கணக்கான பில்லியன் டாலர் செலவில் கொள்வனவு செய்திருந்த அதிநவீன உயர்ந்த ரக போராயுதங்களை வைத்திருந்தாலும், அன்ஸாருல்லாஹ்க்கள் நொறுக்கி வருகின்றனர்.

எனவே பிரிட்டிஷாரினால் உருவாக்கப்பட்ட இஸ்ரேல் அதன் அழிவுக்கான நாட்களைக் கணக்கிடட்டும்; பாலஸ்தீனியர்களும் தங்கள் யேமன் மற்றும் லெபனான் இஸ்லாமிய சகோதரர்களும் எதிர்ப்பின் ஒரு பகுதியாக இருக்கும் அதேவேளை, இஸ்லாத்தின் முதலாவது கிப்லா பைத்துல் முகத்தஸ் உட்பட அவர்களின் முழு தாயகத்தையும் விடுவிப்பதில் உறுதியாக உள்ளனர்.

http://kayhan.ir/en/news/71391/islam-inspires-palestinian-pursuit-for-liberation-of-homeland

சவுதி அரேபியா உண்மையில் அமைதியை விரும்புகின்றதா?

Is Saudi Arabia really after peace?

சவூதி இளவரசர் முஹம்மத் பின் சல்மான் "ஈரானுடனான சகல பிணக்குகளையும் பேச்சுவார்த்தைகளின் ஊடாக தீர்த்துக்கொள்ளவே சவூதி விரும்புகிறது" என்று CBS செய்தி நிறுவனத்துக்கு அண்மையில் வழங்கிய செவ்வியில் குறிப்பிட்டிருந்தார்.

அவரது இந்த விருப்பத்திற்கு சாதகமாக ஈரானிய உயர்மட்ட தலைவர்கள் அனைவரும் பதிலளித்தனர். சவூதி அரேபியாவுடன் உரையாடலைத் தொடங்குவதற்கான யோசனையை தெஹ்ரான் வரவேற்பதாக ஈரானின் நாடாளுமன்ற சபாநாயகர் லரிஜானி தெரிவித்தார்.

"அமைதி" என்பது உண்மையில் ஒரு அழகான சொல். இதன் பொருள் பதற்றம், தொல்லைகள், கொந்தளிப்பு, அதிர்ச்சி மற்றும் நவீன அரசியல் பிதற்றொலி, துரோகம் மற்றும் பயங்கரவாதத்திலிருந்து விடுபடுவதாகும்.

இது இஸ்லாத்தின் சாராம்சமாகும், இஸ்லாம் என்பது "அமைதிக்கு" ஒரு பொருளாகும், இந்த வார்த்தை புனித குர்ஆனில் மீண்டும் மீண்டும் வலியுறுத்துகிறது, அங்கு சர்வவல்லமையுள்ள இறைவன் சொர்க்கத்தில் நிலவும் நிரந்தர சமாதானத்தின் செய்திகளையும் அளிக்கிறார்.

ஆயினும்கூட, அந்த சொல்லின் முக்கியத்துவம் குடும்பங்கள், சமூகங்கள் மற்றும் நாடுகளுக்கு மற்றும் சொல்லப்படாத நன்மைகள் எத்தனையோ இருந்த போதிலும், வன்முறை, போர்கள், இரத்தக்களரி மற்றும் இனப்படுகொலைகளால் சிதைந்திருக்கும் நவீன உலகில் அமைதி வெளிப்படையாக தெரிவதற்கு இல்லை.

முஸ்லிம் நாடுகளின் ஆட்சியாளர்களால் கூட தங்கள் பகுதிகளிலோ அல்லது அண்டை நாடுகளுடனான உறவுகளிலோ சமாதானத்தை சரியாக செயல்படுத்த முடியவில்லை.

ஏன் இப்படி? இஸ்லாத்தின் முற்போக்கான போதனைகளில் உறுதியான நம்பிக்கை இல்லாததால், அவர்கள் சாத்தானின் சோதனையில் சிக்கி, பாவமான செயல்களில் ஈடுபடுவதோடு, நிச்சயமாக, சாத்தானிய சக்திகளுக்கு - குறிப்பாக அமெரிக்காவுக்கு - சேவகம் புரிவோராக ஆகியுள்ளார்.

இதனால் ஏற்பட்டுள்ள துரதிர்ஷ்டவசமான விளைவு என்னவென்றால் பரஸ்பர அவநம்பிக்கை, தேசத்துரோகம், மற்றவர்களின் நிலங்களை அபகரிக்கும் ஆசை, சக முஸ்லிம்களை ஒடுக்குதல் மற்றும் அவர்களின் தீய எஜமானர்களின் இசைக்கு நடனமாடுவது.

சிரியா மற்றும் ஈராக்கை மிகவும் கொடூரமான கொலைகார பயங்கரவாத சக்திகள் சிலவற்றின் மூலம் ஸ்திரமின்மைக்கு இட்டுச்சென்றதற்கு இதுவே காரணம்; பாக்தாத்தில் உள்ள சட்டபூர்வமான அரசாங்கத்திற்கு எதிரான வன்முறைச் தீயை சர்வதேச ஊடகங்கள் மூலமும் சமூக ஊடக வலைப்பின்னல்கள் மூலமும் கொழுந்துவிட்டு எரியச்செய்யப்பட்டுள்ளது, பாலஸ்தீன் சியோனிஸ்டுகளுக்கு விற்கப்படுதல், எகிப்தின் வரலாற்றில் ஜனநாயக ரீதியாக தேர்ந்தெடுக்கப்பட்ட ஒரே அரசாங்கம் தூக்கியெறியப்படுதல், லிபியாவில் உள்நாட்டுப் போர், ஆப்கானிஸ்தானில் அப்பாவிகள் மீது தொடுக்கப்பட்ட போர், சிறுபான்மை ஆட்சியால் பஹ்ரைன் மக்கள்  அடக்கி ஒடுக்கப்படுத்தல், வெளிநாடுகளில் வதியும் எமது உடன்பிறப்புகள் தொடர்பான அக்கறையின்மை, அவர்களது அவலநிலை பற்றிய அலட்சியம், ஈரான் இஸ்லாமிய குடியரசுடன் பகுத்தறிவற்ற பகை, கடைசியாக யேமனுக்கு எதிரான சவுதி-ஐக்கிய அரபு எமிரேட் யுத்தம்; இதுவரை ஒரு லட்சத்துக்கும் மேற்பட்ட ஆண்கள், பெண்கள் மற்றும் குழந்தைகளை கொன்றது மட்டுமல்லாமல், உள்கட்டமைப்பை அழிப்பதோடு, நாட்டை பஞ்சம் மற்றும் தொற்று நோய்களில் மூழ்கடித்துள்ளது.

யேமனின் மக்கள் இயக்கமான 'அன்ஸாருல்லாஹ்'  சவூதி அரேபியாவிற்கு எதிரான அதன் பதிலடி நடவடிக்கையை - ஏவுகணை மற்றும் ட்ரோன் தாக்குதல்களை - நிறுத்துவதாக அறிவித்த இரண்டு வாரங்களுக்குப் பிறகு, இப்போது அன்ஸாருல்லாஹ் விடுத்த யுத்தநிறுத்த கோரிக்கையை  "சாதகமாக" கருதுவதாக சவூதி ஆளும் வர்க்கத்தினர் கூறுகிறார்கள்.

சவூதி பாதுகாப்பு பிரதி மந்திரி காலித் பின் சல்மான் தனது ட்விட்டர் செய்தியில் "யேமன் அறிவித்த யுத்தநிறுத்த கோரிக்கையை ரியாத் சாதகமாக பார்க்கிறது" என்று கூறிவிட்டு  பின்னர்  "யெமனிகள்  எங்களுடன் சேர்ந்து ஈரானுக்கு எதிராக நிற்க வேண்டும்," என்றும் கூறுகின்றார். இது "சவூதி அரேபியா ஈரானுடன் பேச்சுவார்த்தைகளின் ஊடாக பிரச்சனைகளை தீர்த்துக்கொள்ள விரும்புகிறது" என்று கூறிய அவர்களது நேர்மையில் சந்தேகத்தை ஏற்படுத்துகிறது.

சவூதி அரேபியா இவ்வாறான முரண்பாடான அறிக்கைகள் மூலம் அன்ஸாருல்லாஹ்வை ஏமாற்ற  முயற்சிக்கிறது என்பது வெளிப்படையானது.

யேமனின் சனாவை தளமாகக் கொண்ட சட்டபூர்வ அரசாங்கத்தின் விழிப்புணர்வு பாராட்டுக்குரியது. சூடான் போன்ற வறிய நாடுகளில் இருந்து தருவிக்கட்ட கூலிப்படைகளைக் கொண்டு சவுதி அரசு மேற்கொண்டுவரும் புதிய ஆக்கிரமிப்புகள் சவுதிக்கு பெரும் இழப்புகளை ஏற்படுத்தியுள்ளது.

இப்போது இதுபோன்ற துரோக நகர்வுகள் மூலம் சவுதிகள் எந்த வகையான ‘அமைதியை' நாடுகின்றனர்? யெமன் மீதான யுத்தத்தின் நான்கரை ஆண்டுகளில் யுத்த அச்சுறுத்தல்கள் மூலம் தங்கள் நோக்கங்களை அடையத் தவறிவிட்டதால்,  "சமாதானப் பேச்சுவார்த்தைகள்" என்று கூறிக்கொள்வதன் மூலம் மூலம் அவர்கள் அதை அடைய நினைக்கிறார்களா? இதுதான் அவர்களின் குறிக்கோள் என்றால், அவர்களது அறிவு இன்னும் முதிர்ச்சியடையவில்லை என்றே கூறவேண்டும்.

அப்காயிக் எண்ணெய் சுத்திகரிப்பு நிலையத்துக்கு மரண அடியைக் கொடுத்தது அன்ஸாருல்லாஹ் அல்ல என்று கூறுகின்றனர்; எமது சக்தியை அவர்கள் இன்னும் சரியாக புரிந்துகொள்ளவில்லை. எமக்கு இறைவனின் உதவி இருக்கின்றது.

அமெரிக்க ஆயுதங்கள் அவர்களைக் காப்பாற்றும் என்று அவர்கள் நம்பிக்கை கொண்டு இருக்கின்றனர். பரிதாபத்துக்குரிய அவர்களுக்கு பெரும் அதிர்ச்சி காத்திருக்கிறது. முட்டாள்தனமான எச்சரிக்கைகளை விடுத்துக்கொண்டு அவர்கள் ஆக்கிரமிப்பை தொடர்வார்களேயானால் எமது பதில் தாக்குதல்கள் பரந்த அளவில் இடம்பெறும் என்றும் அழிவுகள் மிகவும் மோசமாக இருக்கும் என்றும் அதனை எந்தவொரு பாதுகாப்பு முறையும் தடுக்க முடியாது என்றும் அன்ஸாருல்லாஹ் போராளிகள் கூறியுள்ளனர்.

அன்ஸாருல்லாஹ், இஸ்லாத்தின் கொள்கைகளில் உண்மையான விசுவாசிகளாவர். திணிக்கப்படும் சமாதானம் திணிக்கப்பட்ட போரை விட மோசமானது என்பதையும்  சவுதி அரச கும்பலின் துரோகத்தையும் அவர்கள் நன்கு அறிவார்கள். யெமனில் நஜ்ரான், ஜீஸான் மற்றும் ஆசிர் பிரதேசங்களை சவூதி 1934ம் ஆண்டு பலவந்தமாக ஆக்கிரமித்து, அதனுடன் இணைத்து கொண்டதையும் அவர்கள் மறக்கவில்லை. அன்ஸாருல்லாஹ் யுத்தநிறுத்த கோரிக்கையை விடுத்தது பலவீனமான நிலையில் இருந்து அல்ல என்பதை சவூதி புரிந்துகொள்ள வேண்டும்.

ஆக, பிராந்திய நாடுகள் தொடர்பாக சவூதி அரேபியா கொண்டுள்ள அதனது கொள்கையை மாற்றிக்கொண்டு, அமெரிக்காவின் மற்றும்  சியோனிஸ்டுகளின்  தீய திட்டங்களுக்கு முகவர்களாக செயல்படாமல், இஸ்லாமிய சகோரத்துவத்தை பேணுவார்களேயானால் இஸ்லாமிய உலகு நன்மையடைம் என்பது திண்ணம்.

அதிசயங்கள் நிறைந்த அற்புத தீவு ‘கேஷ்ம்’ (Qeshm)

"Qeshm" - Amazing Island of wonders

சுற்றுலா பயணிகளுக்கு ஈரான் இஸ்லாமிய குடியரசு ஒரு சொர்க்கபுரியாகும். மத்தியகிழக்கு பிராந்தியத்தில் இயற்கை அழகு கொஞ்சும் ஒரே ஒரு நாடு ஈரான் என்றால் மிகையாகாது. பார்ப்பவர் கண்டு வியக்கும் அளவு இயற்கையின் அற்புதங்கள் அங்கு தாராளமாகவே காணலாம். இதிலொன்றுதான் கேஷ்ம் (Qeshm) தீவு.

ஈரானில் சுற்றுலா மேற்கொண்டவர்களுக்கு தெரியும் மிகவும் தனித்துவமான சுற்றுலா தலங்களில் ஒன்று கேஷ்ம் என்பது. பாரசீக வளைகுடாவில் ஈரானின் தெற்கில் அமைந்துள்ள இந்த தீவு ஒவ்வொரு ஆண்டும் ஆயிரக்கணக்கான சர்வதேச மற்றும் உள்நாட்டு சுற்றுலாப் பயணிகளை ஈர்க்கிறது.

இந்த பிரபலத்திற்கு சில காரணங்கள் உள்ளன. ‘கிஷ்’ தீவுடன் சேர்ந்து ‘கேஷ்ம்’ ஒரு தடையற்ற வர்த்தக மண்டலமாகும். சுற்றுலாப் பயணிகள் கெஷ்மிற்குள் நுழையும்போது எந்த விசாவையும் பெற்றிருக்க வேண்டிய தேவையில்லை (அவர்கள் 14 நாட்கள் வரை விரும்பினால் தங்கலாம்). மேலும் இது வரியற்ற (Duty Free) பிரதேசம் என்பதால், ஈரானின் மற்ற பகுதிகளுடன் ஒப்பிடும்போது அனைத்து பொருட்களும் கெஷ்மில் மலிவான விலையில் பெற்றுக்கொள்ளலாம்.

கெஷ்மின் பிரபலத்திற்கு மற்றொரு காரணம் அதன் அழகிய இயல் தன்மை ஆகும். Qeshm என்பது பரிந்துரைக்கப்பட்ட யுனெஸ்கோ குளோபல் ஜியோபார்க் ஆகும், மேலும் இந்த தீவு யுனெஸ்கோவின் பாதுகாப்பில் உள்ள ஏராளமான இயற்கை மரபுரிமைத் தளங்களைக் கொண்டுள்ளது. நீங்கள் பெருநகர வாழ்வில் அலுத்துப்போய் இருந்தால், அல்லது நவீன காலத்தின் சலசலப்பான வாழ்க்கையிலிருந்து சற்று விலகியிருக்கும் அனுபவத்தை பெற விரும்பினால், Qeshm உங்களுக்கு சரியான இடமாகும்.

கேஷ்ம் தீவு இயற்கை ஈர்ப்புகள்

Qeshm இல் உள்ள இயற்கை ஈர்ப்புகள் புதியவை, களங்கப்படுத்தப் படாதவை மற்றும் இணையற்றவை.

ஹரா கடலோர சதுப்பு நில கண்டல் காடுகள்

ஹரா சதுப்புநில வனமானது கெஷ்மின் வடமேற்கில் அமைந்துள்ள ஒரு தடைசெய்யப்பட்ட உயிர்க்கோளமாகும். உலகின் பல நூறு பறவையினங்கள் குளிர் காலங்களில் ஹரா காட்டை நாடிவருகின்றன. குறிப்பிட்ட காலங்களில், நீங்கள் ஹரா காடுகளுக்கான உங்கள் பயணத்தின்போது ஹெரோன்கள், பெலிகன்கள், ஃபிளமிங்கோக்கள் மற்றும் எண்ணற்ற பிற அரிய பறவைகளைப் பார்க்கலாம்.

நீர்வழிகள் வழியாக வனத்தின் வெவ்வேறு பகுதிகளுக்குச் செல்ல படகுகளை வாடகைக்கு அமர்த்திக்கொள்ளலாம். பல உல்லாச பிரயாணிகள் இவ்வாறு செல்கையில், படகில் இருந்து குதித்து நீர்வழிகளில் நீந்துவதைக் கண்டு ஆச்சரியப்பட வேண்டாம். உங்களுக்கு ஒரு த்ரில் வேண்டுமென்றால், படகு ஓட்டுநரிடம் அதிக வேகத்தில் சவாரி செய்யச் சொல்லுங்கள்; அற்புதமான உணர்வை அனுபவியுங்கள்.

நட்சத்திரங்களின் பள்ளத்தாக்கு

உங்கள் கேமராவைக் தயார்படுத்துங்கள், உங்கள் மூளையின் கலையுணரும் பகுதியை சுண்டிவிடுங்கள்; நட்சத்திரங்களின் பள்ளத்தாக்கு உங்களை துள்ளிக்குதிக்கச் செய்துவிடும்.

இங்கு காணப்படும் சீரற்ற கல் பள்ளத்தாக்கு கெஷ்மின் மிக அழகான, களங்கப்படுத்தப்படாத இயற்கை ஈர்ப்புகளில் ஒன்றாகும். உள்ளூர்வாசிகளின் கூற்றுப்படி, இந்த பள்ளத்தாக்கின் அசாதாரண கல் வடிவங்கள் ஒர் ஒளிரும் இரவில் ஒரு நட்சத்திரம் தரையில் விழுந்தபோது உருவானது என்று கூறப்படுகிறது.

பகல் நேரத்தில் நடந்து உலா செல்லவும், அழகான புகைப்படங்களை எடுக்கவும் ஓர் அற்புதமான இடம் இந்த பள்ளத்தாக்கு. இது, துரதிர்ஷ்டவசமாக, பார்வையாளர்களுக்கு இரவு நேரங்களில் மூடப்பட்டுள்ளது. அதற்கு நியாயமான காரணங்கள் இருக்கலாம், ஏனென்றால் ஜின்களும் பேய்களும் இரவில் பள்ளத்தாக்கில் சுற்றித் திரிகின்றன என்று உள்ளூர்வாசிகள் நம்புகிறார்கள்! ப்பூ!

நமக்தான் உப்பு குகை

‘நமக்தான்’ கெஷ்மின் பிரதான நிலப்பகுதியிலிருந்து 100 கி.மீ தொலைவில் அமைந்துள்ளது இந்த நமக்தான் எனும் உப்பு குகை. இதுவே உலகின் மிக நீளமான உப்பு குகை ஆகும். குகையின் கும் இருட்டுக்குள் பார்க்க உங்களுக்கு ஒரு டார்ச் லைட் தேவைப்படும். கைவசம் ஒன்று இல்லையென்று கவலைப்பட வேண்டாம், அவை அவ்விடத்தில் மிகக் குறைந்த விலைக்கு விற்கப்படுகின்றன.

உள்ளே பயணம் எளிதாக இருக்காது; நீங்கள் தரையில் தவழ்ந்து வர வேண்டியிருக்கும் அல்லது சங்கடமான நிலைகளில் நடக்க வேண்டியிருக்கும். ஒரு த்ரிலிங் அனுபவம். எவ்வாறாயினும், இவற்றை கடந்துவிட்டால், வண்ணஜாலம் புரியும் அமைப்புகளின் அழகு உங்களை நிச்சயமாக பிரமிக்கச் செய்யும். இந்த அற்புதமான அனுபவம் பயணத்தை முற்றிலும் பெறுமதியான ஒன்றாகவும் மனதில் நீடித்து நிலைக்கும் ஒன்றாகவும் வைத்திருக்கும் என்பதில் சந்தேகமில்லை.

இந்த பயணத்தின் முழுமையான திருப்தியை பெறவேண்டுமென்றால், இந்த அதிசய குகையின் எந்த இடத்தையும் தவறவிடாது வழியை எளிதாக்க ஒரு தகுதிவாய்ந்த வழிகாட்டியின் துணையுடன் செல்வது சாலச் சிறந்தது.

சாஹ்கூ கனியன்

கெஷ்மின் ‘ஏழு அதிசயங்களில்’ முதல் மற்றும் மிக முக்கியமானதாக சாஹ்கூ கனியன் (சாஹ்கூ பள்ளத்தாக்கு) என்று பலர் கருதுகின்றனர். சாஹ்கூ கனியன், அல்லது சாஹ்கூ பள்ளத்தாக்கு, சாஹு-யே ஷர்க்கி கிராமத்தில், கெஷ்மில் இருந்து 70 கிலோமீட்டர் தொலைவில் அமைந்துள்ளது. கனியன் சுமார் 100 மீட்டர் வரை தரையின் கீழ்நோக்கி செல்கிறது. இந்த கீழிறங்கும் பயணத்தில், சுவர்களில் மற்றும் துவாரங்களில் அற்புதமான வடிவங்களில் பரந்த அளவிலான வண்டல் பாறைகள் மற்றும் அவற்றின் அற்புதமான அரிப்பு வடிவங்களைக் காணலாம்.

நீங்கள் பாறைகள் மற்றும் வெளிப்புற வடிவங்களில் நடைபயணம் மேற்கொண்டால், சர்கூ கனியன் ஒரு மறக்கமுடியாத அனுபவமாக இருக்கும்.

வரலாற்று ஈர்ப்புகள்

கெஷ்ம் முதன்மையாக அதன் இயற்கை அதிசயங்களுக்காக அறியப்பட்டிருந்தாலும், கெஷ்மில் இன்னும் சில வரலாற்று முக்கியத்துவம் வாய்ந்த இடங்கள் உள்ளன. அவற்றில் இரண்டை கீழே ஆராய்வோம்.

போர்த்துகீசிய கோட்டை The Portuguese Castle

கெஷ்மில் உள்ள போர்த்துகீசிய கோட்டை பாரசீக வளைகுடாவில் போர்த்துகீசிய காலனித்துவ ஆட்சியின் எச்சமாகும். இந்த சிவப்பு கல் கோட்டையின் அடர்த்தியான சுவர்கள் போர்த்துகீசிய வீரர்களை உள்ளூர் கலவரங்களிலிருந்து பாதுகாக்க 500 ஆண்டுகளுக்கு முன்பு கட்டப்பட்டது.

இந்த சிவப்பு கல் கோட்டை சமீபத்தில் உள்நாட்டு மற்றும் சர்வதேச சுற்றுலா பயணிகளின் பிரபலமான இடமாக மாறியுள்ளது. கோட்டையின் வரலாறு மற்றும் கட்டிடக்கலை ஒவ்வொரு ஆண்டும் ஆயிரக்கணக்கான மக்களை ஈர்க்கின்றது. பாரசீக வளைகுடா தீவுகளில் பரவியிருக்கும் சில போர்த்துகீசிய அரண்மனைகளில், மிகவும் பிரபலமாக உள்ளது கெஷ்மில் உள்ள அரண்மனையே.

நாதெரி கோட்டை Naderi Castle

‘லாஃப்ட்’ கிராமத்தின் தெற்குப் பகுதியில் அமைந்துள்ள நாதெரி கோட்டை, கெஷ்மில் பார்க்க வேண்டிய வற்றில் வரலாற்று முக்கியத்துவம் வாய்ந்த ஒன்றாகும். இந்த கோட்டை இஸ்லாத்திற்கு முந்தைய கால கோட்டைகளின் அஸ்திவாரங்களில் கட்டப்பட்டுள்ளன.

காலம் இந்த மாளிகையின் முகப்பில் சேதங்களை  ஏற்படுத்தியிருந்தாலும், அதில் எஞ்சியிருக்கும் அதன் நான்கு கோபுரங்களும் பண்டைய அரண்மனைகளின் அழகை நாடிவரும் கண்களுக்கு இன்னும் அவை கவர்ச்சியாகவே இருக்கின்றன.

அதிசயங்கள் நிறைந்த அற்புத தீவு ‘கேஷ்ம்’ (Qeshm)

பொருளாதாரத் தடைகளின் கீழ் எந்தவொரு பேச்சுவார்த்தைக்கும் செல்ல மாட்டோம்.!

Rouhani: Our response to negotiation under sanctions is negative

September 25, 2019

ஐக்கிய நாடுகள் சபை - புதன்கிழமை ஐக்கிய நாடுகள் சபையின் பொதுச் சபையில் ஒரு முக்கிய உரையில், ஜனாதிபதி ஹசன் ரூஹானி ஈரானின் “பொருளாதாரத் தடைகளின் கீழ் எந்தவொரு பேச்சுவார்த்தைக்கும் பதில் எதிர்மறையானது” என்றார்.

2015 ஆம் ஆண்டு அணுசக்தி ஒப்பந்தத்தை விட்டு வெளியேறி, ஈரான் மீது கடுமையான பொருளாதாரத் தடைகளை விதித்த அமெரிக்க அதிபர் டொனால்ட் டிரம்ப், ஈரானுடனான பேச்சுவார்த்தைக்கு பலமுறை அழைப்பு விடுத்துள்ளார்.

"எனது அரசினதும் மக்களினதும் சார்பாக, பொருளாதாரத் தடைகளின் கீழ் எந்தவொரு பேச்சுவார்த்தைக்கும் நாங்கள் அளிக்கும் பதில் எதிர்மறையானது என்பதை அறிவிக்க விரும்புகிறேன்" என்று ஈரானிய ஜனாதிபதி ஹசன் ரூஹானி உலகத் தலைவர்கள் மற்றும் ஐ.நா வருடாந்த பொதுச்சபை கூட்டத்தில் பங்கேற்ற பிரதிநிதிகளிடம் கூறினார்.

ரூஹானியின் முழுமையான உரை பின்வருமாறு:

அளவற்ற அருளாளனும் நிகரற்ற அன்புடையோனுமாகிய அல்லாஹ்வின் பெயரால்

அவைத்தலைவர் அவர்களே

ஐக்கிய நாடுகள் சபை எழுபத்து நான்காவது பொதுச்சபையின் தலைவராக நீங்கள் தெரிவு செய்யப்பட்டதையிட்டு என்னுடைய பாராத்துக்களை தெரிவித்துக்கொள்ள விரும்புகிறேன், மேலும் சபையின் வெற்றிகரமான செயற்பாட்டுக்காக உங்களுக்கும் கௌரவ செயலாளர் நாயகத்துக்கும் என்னுடைய நல்வாழ்த்துக்கள்.

ஆரம்பத்தில், இமாம் ஹுசைனின் (அலை) அவர்களது சுதந்திரம் தேடும் இயக்கத்தை நினைவுகூர விரும்புகிறேன், அடக்குமுறை மற்றும் ஆக்கிரமிப்புக்கு தலைவணங்காத உலகின் சுதந்திரம் தேடுபவர்கள் அனைவருக்கும் மரியாதை செலுத்துகிறேன், மேலும் போராட்டத்தின் அனைத்து கஷ்டங்களையும் பொறுத்துக்கொண்டு  உரிமைகளுக்காக போராடும் யேமன், சிரியா, ஆக்கிரமிக்கப்பட்ட பாலஸ்தீனம், ஆப்கானிஸ்தான் மற்றும் உலகின் பிற நாடுகளில் பயங்கரவாத தாக்குதல்கள் காரணமாகவும்  மற்றும் குண்டுவீச்சு  காரணமாகவும் உயிரிழந்த அனைத்து ஒடுக்கப்பட்ட தியாகிகளின் ஆத்மாக்களையும் நினைவு கூற விரும்புகிறேன்.

கண்ணியத்துக்குரியவர்களே 

மத்திய கிழக்கு போர், இரத்தக்களரி, அத்துமீறல், ஆக்கிரமிப்பு மற்றும் மத மற்றும் குறுங்குழுவாத வெறி மற்றும் தீவிரவாதத்தின் தீப்பிழம்புகளில் எரிந்துகொண்டிருக்கிறது. இத்தகைய சூழ்நிலைகளில், பாலஸ்தீனத்தின் ஒடுக்கப்பட்ட மக்கள் தான் மிகப்பெரிய பாதிப்புக்கு உள்ளானவர்கள். பாலஸ்தீனியர்களுக்கு எதிராக பாகுபாடு, நிலங்களை கையகப்படுத்துதல், குடியேற்ற விரிவாக்கம் மற்றும் கொலைகள் தொடர்ந்தும் இடம்பெற்று வருகின்றன.

அமெரிக்க மற்றும் சியோனிசத்தால் திணிக்கப்பட்ட திட்டங்கள், அதாவது “நூற்றாண்டின் ஒப்பந்தம்”, பைத்துல் முகத்தஸை சியோனிச ஆட்சியின் தலைநகராக அங்கீகரித்தல், மற்றும் சிரிய கோலான் பிரதேசத்தை ஆக்கிரமிக்கப்பட்ட ஏனைய பகுதிகளுடன் இணைத்தல் என்பன நிச்சயமாக தோல்வியடையும்.

அமெரிக்காவின் அழிவுகரமான திட்டங்களுக்கு மாறாக, ஈரானின் இஸ்லாமிய குடியரசின் பிராந்திய மற்றும் சர்வதேச உதவி மற்றும் பாதுகாப்பு மற்றும் பயங்கரவாத எதிர்ப்பு தொடர்பான ஒத்துழைப்பு ஆகியவை மிகவும் தீர்க்கமானவை. அத்தகைய அணுகுமுறையின் தெளிவான எடுத்துக்காட்டு, சிரிய நெருக்கடி குறித்த அஸ்தானா கட்டமைப்பில் ரஷ்யா மற்றும் துருக்கியுடனான எங்கள் ஒத்துழைப்பும், ஐக்கிய நாடுகள் சபையின் பொதுச் செயலாளர்களின் சிறப்பு தூதர்களுடனான நமது தீவிர ஒத்துழைப்பைக் கருத்தில் கொண்டு யேமனுக்கான எங்கள் சமாதான முன்மொழிவு. யேமன் தரப்பினர்களுக்கிடையே நல்லிணக்க பேச்சுவார்த்தைகளை எளிதாக்குவதற்கான எங்கள் முயற்சிகள், இதன் விளைவாக ஹொதைதா  துறைமுகத்தில் ஸ்டாக்ஹோம் சமாதான ஒப்பந்தம் நிறைவு பெற்றது.

நான் மிகவும் மோசமான பொருளாதார பயங்கரவாதத்தை எதிர்கொள்ளும் ஒரு நாட்டைச் சேர்ந்தவன. எனது நாடு, அதன் சுதந்திரத்திற்கான உரிமை மற்றும் அறிவியல் மற்றும் தொழில்நுட்ப மேம்பாட்டைப் பாதுகாத்துக்கொள்ள போராடுகிறது. அமெரிக்க அரசாங்கம், பிற நாடுகளுக்கு எதிராக பொருளாதாரத் தடைகளையும் அச்சுறுத்தல்களையும் விடுக்கும் அதேவேளை, ஈரானை உலகப் பொருளாதாரத்தில் பங்கேற்பதன் பெறக்கூடிய நன்மைகளிலிருந்து தடுக்கும் முயற்சிகள் பலவற்றை மேற்கொண்டுள்ளதுடன், சர்வதேச வங்கி முறையை தவறாகப் பயன்படுத்துவதன் மூலம் சர்வதேச திருட்டுக்கு முயல்கின்றது.

ஈரானியர்களான நாங்கள் பிராந்தியத்தில் சுதந்திரம் தேடும் இயக்கங்களின் முன்னோடிகளாக இருக்கின்றோம், அதே நேரத்தில் நமது தேசத்துக்கும் நமது அண்டை நாடுகளுக்கும் அமைதியையும் முன்னேற்றத்தையும் நாடுகிறோம், வெளிநாட்டு ஆக்கிரமிப்பு மற்றும் அதிகார திணிப்புக்கு நாங்கள் ஒருபோதும் சரணடையப் போவதில்லை. நமது தேசத்தின் கௌரவம் மற்றும் அபிவிருத்திக்கு எதிராக வரலாற்றின் கடுமையான பொருளாதாரத் தடைகளைப் பயன்படுத்துவதாக கூறும் நபர்களின் பேச்சுவார்த்தைக்கான அழைப்பை நாங்கள் நம்ப முடியாது. ஒரு மாபெரும் தேசத்தின் மக்களை, 83 மில்லியன் ஈரானியர்களின், குறிப்பாக பெண்கள் மற்றும் குழந்தைகளின் வாழ்க்கையில் அழுத்தம் கொடுப்பதை அமெரிக்க அரசாங்க அதிகாரிகள் வரவேற்கிறார்கள், இதுபோன்ற அழுத்தங்களில் தங்களை பெருமைப்படுத்துகிறார்கள் மேலும் உலக நாடுகள் - ஈரான், வெனிசுலா, கியூபா, சீனா மற்றும் ரஷ்யா - பலவற்றை அடிமைகளாக்க பொருளாதாரத் தடைகளை பயன்படுத்துகிறார்கள். இந்த குற்றங்களையும் குற்றவாளிகளையும் ஈரானிய மக்கள் ஒருபோதும் மறக்கவும் மாட்டார்கள் மன்னிக்கவும் மாட்டார்கள்.

அணுசக்தி ஒப்பந்தம் (அல்லது ஜே.சி.பி.ஓ.ஏ) மீதான தற்போதைய அமெரிக்க அரசாங்கத்தின் அணுகுமுறை ஐ.நா. பாதுகாப்பு கவுன்சில் தீர்மானம் 2231 இன் விதிகளை மீறுவது மட்டுமல்லாமல், உலகின் அனைத்து நாடுகளின் இறையாண்மை மற்றும் அரசியல் மற்றும் பொருளாதார சுதந்திரத்தை மீறுவதாகவும் அமைகிறது.

ஜே.சி.பி.ஓ.ஏவிலிருந்து அமெரிக்க விலகியிருந்த போதிலும், ஒரு வருடம் ஈரான் ஜே.சி.பி.ஓ.ஏ-வுக்கு இணங்க அதன் அனைத்து அணுசக்தி கடமைகளுக்கும் முழுமையாக விசுவாசமாக இருந்தது. பாதுகாப்பு கவுன்சில் தீர்மானத்திற்கு கௌரவம் செலுத்தாமல், அமெரிக்கா வாபஸ் பெறுவதன் விளைவுகளை ஈடுசெய்ய ஐரோப்பா தனது 11 கடமைகளை நிறைவேற்றுவதற்கான வாய்ப்பை வழங்கினோம். இருப்பினும், துரதிர்ஷ்டவசமாக, எந்தவொரு பயனுள்ள நடவடிக்கைகளையும் எடுப்பதை காணவில்லை ஆனால் நன்றாக பேசுகின்றனர்.

அமெரிக்கா தனது கடமைகளில் இருந்து பின்வாங்குகிறது  என்பதோடு ஐரோப்பியா நாடுகளாலும் அவற்றின் கடமைகளை நிறைவேற்ற இயலாது என்பதும் இப்போது அனைவருக்கும் தெளிவாகிவிட்டது. JCPOA இன் 26 மற்றும் 36 பத்திகளை செயல்படுத்துவதில் ஒரு படிப்படியான அணுகுமுறையை நாங்கள் பின்பற்றினோம். ஒப்பந்தத்தில் எங்கள் வாக்குறுதிகளுக்கு ஏற்ப நாங்கள் உறுதியாக இருக்கிறோம். எவ்வாறாயினும், எங்கள் பொறுமைக்கும் ஒரு வரம்பு உள்ளது: அமெரிக்கா ஐக்கிய நாடுகள் பாதுகாப்பு சபையை மதிக்காதபோது, ஐரோப்பா இயலாமையைக் காட்டும்போது, எமக்குள்ள ஒரே வழி தேசிய கௌரவத்தையம் நாட்டின் பெருமையையும் காத்துக்கொண்டு எமது வலிமையில் தங்கியிருப்பதாகும்.

ஒப்பந்தங்களில் இருந்து விலகி ஓடும் அவர்கள் எங்களை பேச்சுவார்த்தைக்கும் அழைக்கிறார்கள். ஐ.நா. பாதுகாப்பு சபை நிரந்தர உறுப்பினர்களுடன் ஜெர்மைனியையும் இணைத்துக்கொண்டு (5 + 1) பேச்சுவார்த்தை நடத்தினோம்; பேச்சுவார்த்தை மேசையில் அமெரிக்காவும் இருந்தது; ஆனால், அவர்களின் முன்னோடி செய்த உறுதிப்பாட்டை மதிக்க அமெரிக்கா தவறிவிட்டது.

எனது மக்கள் சார்பாகவும் மற்றும் அரசின் சார்பாகவும், பொருளாதாரத் தடைகளின் கீழ் எந்தவொரு பேச்சுவார்த்தைக்கும் எங்கள் பதில் எதிர்மறையானது என்பதை அறிவிக்க விரும்புகிறேன். கடந்த ஒன்றரை ஆண்டுகளாக கடுமையான பொருளாதாரத் தடைகளுக்கு எதிராக அரசாங்கமும் ஈரானின் மக்களும் உறுதியுடன் இருந்து வருகிறார்கள். ஈரானை வறுமை, அழுத்தம் மற்றும் பொருளாதாரத்தடை ஆகியவற்றின் மூலமும் ஆயுத அச்சுறுத்தல்கள் மூலமும் சரணடையுமாறு கட்டாயப்படுத்த முயற்சிக்கும் ஒரு எதிரியுடன் ஈரான் ஒருபோதும் பேச்சுவார்த்தை நடத்த மாட்டாது.

உங்களுக்கு ஒரு நேர்மறையான பதில் தேவைப்பட்டால், இஸ்லாமிய புரட்சியின் தலைவரால் அறிவிக்கப்பட்டபடி, பேச்சுவார்த்தைகள் தொடங்குவதற்கான ஒரே வழி உறுதிமொழிகள் மற்றும் இணக்கத்திற்கு நீங்கள் மீள்வதே  ஆகும்.

JCPOA இன் பெயரை காக்க வேண்டும் என்ற உணர்வு உங்களுக்கு இருந்தால், நீங்கள் அதன் கட்டமைப்பிற்குத் திரும்பி, ஐ.நா.பாதுகாப்புக் சபை தீர்மானம் 2231 ஐக் கடைப்பிடிக்கலாம். பேச்சுவார்த்தைகளை மீண்டும் ஆரம்பிக்க வேண்டுமானால், தொடக்கத்திற்கான வழியைத் திறக்க பொருளாதாரத் தடைகளை நீக்குங்கள்.  

நான் அதை தெளிவுபடுத்த விரும்புகிறேன்: நீங்கள் குறைந்த வற்றுடன் திருப்தி அடைந்தால், நாங்கள் குறைந்த பட்சமாக செயல்படுவோம்; நீங்கள் அதிகமாக எதிர்பார்த்தால், எமக்கு அதிகமாக செலுத்த வேண்டியிருக்கும்.

உங்களது கோரிக்கை ஈரான் அணு  ஆயுதம் தயாரிக்கக் கூடாது, பயன்படுத்தக் கூடாது என்று இருக்குமாயின், அதை ஐ.ஏ.இ.ஏ மேற்பார்வையுடனும், மிக முக்கியமாக ஈரானிய தலைவரின் ஃபத்வாவுடனும் எளிதாக அடைய முடியும். பேச்சுவார்த்தை என்று  "வித்தை" காட்டாமல், நீங்கள் பேச்சுவார்த்தையின் உண்மைக்கு திரும்ப வேண்டும். நினைவு புகைப்படம் என்பது பேச்சுவார்த்தையின் கடைசி கட்டமாகும்; முதல் அல்ல.

ஈரானில் நாங்கள், அமெரிக்க அரசாங்கத்தால் உருவாக்கப்பட்ட அனைத்து தடைகளையும் மீறி, பொருளாதார மற்றும் சமூக வளர்ச்சி மற்றும் அபிவிருத்தி என்ற சரியான பாதையில் தான் இருக்கிறோம். 2017 ஆம் ஆண்டில் ஈரானின் பொருளாதாரம் உலகின் மிக உயர்ந்த பொருளாதார வளர்ச்சி விகிதத்தை பதிவு செய்தது. இன்று, கடந்த ஒன்றரை ஆண்டுகளில் வெளிநாட்டு தலையீட்டிலிருந்து வெளிப்படும் ஏற்ற இறக்கங்கள் இருந்தபோதிலும், நாங்கள் வளர்ச்சி மற்றும் ஸ்திரத்தன்மையின் பாதையில் நிலைத்திருக்கிறோம். ஈரானின் மொத்த உள்நாட்டு உற்பத்தி, எண்ணெய் உற்பத்தியை தவிர்த்து, சமீபத்திய மாதங்களில் மீண்டும் சாதகமான நிலையை அடைந்துள்ளது. நாட்டின் வர்த்தக சமநிலை நேர்மறையாக உள்ளது.

ஈரான் இஸ்லாமிய குடியரசின் பாதுகாப்புக் கோட்பாடு பாரசீக வளைகுடாவில் அமைதி மற்றும் ஸ்திரத்தன்மையைப் பேணுதல் மற்றும் ஹார்முஸ் ஜலசந்தியில் வழிசெலுத்தல் மற்றும் இயக்கத்தின் பாதுகாப்பை வழங்குதல் ஆகியவற்றை அடிப்படையாகக் கொண்டது. சமீபத்திய சம்பவங்கள் இத்தகைய பாதுகாப்பை கடுமையாக ஆபத்தில் ஆழ்த்தியுள்ளன. பாரசீக வளைகுடா, ஓமான் கடல் மற்றும் ஹார்முஸ் ஜலசந்தியில் பாதுகாப்பு மற்றும் அமைதியை பிராந்திய நாடுகளின் பங்களிப்புடன் வழங்க முடியும், மேலும் எண்ணெய் மற்றும் பிற எரிசக்தி வளங்களின் சுதந்திர போக்குவரத்தை உறுதிப்படுத்த முடியும், இந்த பாதுகாப்பை எல்லா நாடுகளுக்கும் இணைந்த, ஒரு குடையாக நாங்கள் கருதுகிறோம்.

பாரசீக வளைகுடா பிராந்தியத்தில் பாதுகாப்பு, அமைதி, ஸ்திரத்தன்மை மற்றும் முன்னேற்றம் மற்றும் ஹார்முஸ் ஜலசந்தி ஆகியவற்றைப் பராமரிப்பதில் எனது நாட்டின் வரலாற்றுப் பொறுப்பின் அடிப்படையில், பாரசீக வளைகுடா மற்றும் ஹார்முஸ் ஜலசந்தியின் தற்போதைய நிலை காரணமாக நேரடியாக பாதிக்கப்பட்டுள்ள அனைத்து நாடுகளையும் அழைக்க விரும்புகிறேன். "நம்பிக்கைக்கான கூட்டணி", அதாவது ஹார்முஸ் அமைதி முயற்சி.

ஹார்முஸ் ஜலசந்தியில் வசிக்கும் அனைவருக்கும் அமைதி, ஸ்திரத்தன்மை, முன்னேற்றம் மற்றும் நலனை மேம்படுத்துவதும், அவர்களிடையே பரஸ்பர புரிந்துணர்வு மற்றும் அமைதியான மற்றும் நட்பு உறவுகளை மேம்படுத்துவதும் இந்த நம்பிக்கைக்கான கூட்டணியின் குறிக்கோள்.

இந்த முயற்சியில் ஒத்துழைப்புக்கான பல்வேறு அனுகூலங்கள் உள்ளன, அதாவது எரிசக்தி வழங்கலில் கூட்டு பாதுகாப்து, வழிசெலுத்தல் சுதந்திரம் மேலும் எண்ணெய் மற்றும் பிற வளங்களை ஹார்முஸ் ஜலசந்திக்கு மற்றும் அதற்கு அப்பால் சுதந்திரமாக பறிமாற்றுதல்.

நம்பிக்கைக்கான கூட்டணி ஐக்கிய நாடுகள் சபையின் குறிக்கோள்கள் மற்றும் கொள்கைகளுக்கு இணங்குதல், பரஸ்பர மரியாதை, சமமான நிலை, உரையாடல் மற்றும் புரிதல், பிராந்திய ஒருமைப்பாடு மற்றும் இறையாண்மையை மதித்தல், சர்வதேச எல்லைகளை மீறாமை, அனைத்து பிணக்குகளுக்கும் அமைதியான தீர்வு போன்ற முக்கியமான கொள்கைகளை அடிப்படையாகக் கொண்டது; மற்றும் மிக முக்கியமாக, ஆக்கிரமிப்பு மற்றும் ஒருவருக்கொருவர் உள்நாட்டு விவகாரங்களில் தலையிடாத இரண்டு அடிப்படைக் கொள்கைகள். நம்பிக்கைக்கான கூட்டணிக்கு ஆதரவாக ஒரு சர்வதேச குடையினை உருவாக்க ஐக்கிய நாடுகள் சபையின் இருப்பு அவசியம்.

ஈரான் இஸ்லாமிய குடியரசின் வெளியுறவு அமைச்சர், நம்பிக்கைக்கான கூட்டணியின் கூடுதல் விவரங்களை பயனாளிகளுக்கு வழங்குவார்.

பாதுகாப்பு தொடர்பாக எந்த முன்முயற்சியும், எந்த கூட்டணி அமைத்தலும் எந்தவொரு தலைப்பிலும் எந்தவொரு பாதுகாப்பு முன்முயற்சியும் உருவாக்கப்படுவது பிராந்தியத்தில் வெளிநாட்டுப் படைகளின் மையத்தன்மை மற்றும் கட்டளையுடன் பிராந்தியத்தின் விவகாரங்களில் தலையிடுவதற்கான தெளிவான எடுத்துக்காட்டு. பிற சக்திகள் இப்பிராந்தியத்தில் கண்காணிப்பு செலுத்துவது என்பது சுதந்தர போக்குவரத்து உரிமைக்கும் அபிவிருத்திக்கான சுதந்திரத்துக்கும் முரணானதாகும். மேலும் அது பிராந்திய அமைதி, பாதுகாப்பு மற்றும் ஸ்திரத்தன்மைக்கு ஆபத்தை விளைவிக்கும் அதே வேளையில், பதட்டங்கள் மற்றும் நிலைமைகளின் மேலும் சிக்கல்கள் மற்றும் பிராந்தியத்தில் அவநம்பிக்கை அதிகரிக்கும்.

அமெரிக்க துருப்புக்கள் வெளியேறும்போது பிராந்தியத்தின் பாதுகாப்பு வழங்கப்படும். அமெரிக்க ஆயுதங்கள் மற்றும் தலையீட்டால் பாதுகாப்பு கிடைக்கமாட்டாது. அமெரிக்காவினால்,18 ஆண்டுகள் கழிந்தும் கூட, பயங்கரவாதச் செயல்களைக் ஒழிக்க முடியவில்லை. இருப்பினும், ஈரான் இஸ்லாமிய குடியரசினால் அண்டை நாடுகள் மற்றும் அரசாங்கங்களின் உதவியுடன் தாயேஷ் அமைப்பின் பயங்கரவாதத்தை தடுத்து நிறுத்த முடிந்தது. மத்திய கிழக்கில் நிரந்தர அமைதி மற்றும் பாதுகாப்பை நோக்கிய இறுதி பாதை உள் ஜனநாயகம் மற்றும் வெளிப்புற இராஜதந்திரம் ஊடாகவே செல்கிறது. பாதுகாப்பை வெளிநாட்டு அரசாங்கங்களிடமிருந்து வாங்கவோ அல்லது அவர்களால் வழங்கவோ முடியாது.

நமது அண்டை நாடுகளின் அமைதி, பாதுகாப்பு மற்றும் சுதந்திரம் ஆகியவையே நமக்கு அமைதி, பாதுகாப்பு மற்றும் சுதந்திரம். அமெரிக்கா நம் அண்டை நாடு அல்ல. ஈரான் இஸ்லாமிய குடியரசுதான் உங்களது அண்டை நாடாகும், அண்டை வீட்டுக்காரரே முதலில் உதவிக்கு ஓடி வருவார், இதுவே  எங்களுக்கு நீண்ட காலமாக கற்பிக்கப்படுகிறது. ஒரு சம்பவம் நடந்தால், நீங்களும் நாங்கள் தனியாக விடப்படுவோம். ஒரு சம்பவம் நடந்தால், நீங்களும் நாங்கள் தனியாக இருப்போம். நாங்கள் ஒருவருக்கொருவர் அண்டை நாடுகளாக இருக்கிறோம், அமெரிக்காவுடன் அல்ல.

அமெரிக்கா அமைந்துள்ளது அமெரிக்க கண்டத்தில், மத்திய கிழக்கில் அல்ல. அமெரிக்கா எந்தவொரு தேசத்தையும் ஆதரிக்க மாட்டாது; அது எந்த ஓர் அரசின் பாதுகாவலரும் அல்ல. உண்மையில், எந்த அரசும் தமது பாதுகாப்பை அந்நியர்களிடம் ஒப்படைக்க மாட்டாது. யேமனின் நெருப்பின் தீப்பிழம்புகள் இன்று ஹிஜாஸுக்கு பரவியிருந்தால், அப்பாவிகள் மீது வீண் பழிசுமத்துவதை விட்டுவிட்டு அதை செய்தவரை தேடி தண்டிக்க வேண்டும். பிராந்தியத்திற்கு வெளிநாட்டினரை அழைப்பதை விட யேமனுக்கு எதிரான ஆக்கிரமிப்பு நிறுத்தப்படுவதன் மூலம் சவூதி அரேபியாவின் பாதுகாப்பு உறுதி செய்யப்படும். எங்கள் தேசிய வலிமை மற்றும் பிராந்திய நம்பகத்தன்மை மற்றும் சர்வதேச அதிகாரத்தை பிராந்திய பாதுகாப்புக்கு பயன்படுத்த நாங்கள் தயாராக உள்ளோம்.

அரேபிய தீபகற்பத்தில் அமைதிக்கான தீர்வு, பாரசீக வளைகுடாவில் பாதுகாப்பு மற்றும் மத்திய கிழக்கில் ஸ்திரத்தன்மை ஆகியவை பிராந்தியத்திற்கு வெளியே இருப்பதை விட பிராந்தியத்திற்குள் தேடப்பட வேண்டும். அமெரிக்காவுக்கு தீர்க்க முடிந்ததை விட பிராந்தியத்தின் பிரச்சினைகள் பெரியவை மற்றும் முக்கியமானவை. ஆப்கானிஸ்தான், ஈராக் மற்றும் சிரியாவில் உள்ள பிரச்சினைகளை அமெரிக்கா அமெரிக்காவினால் தீர்க்க முடியவில்லை, மேலும் தீவிரவாதம், தலிபானிசம் மற்றும் தாயேஷ்  ஆகியவற்றின் ஆதரவாளராக இருந்து வருகிறது. அத்தகைய அரசாங்கத்தால் இப்பிராந்தியத்தில் சிக்கலான பிரச்சினைகளை தீர்க்க முடியாது.

எங்கள் பிராந்தியம் சரிவின் விளிம்பில் உள்ளது. ஒரு சிறிய தவறு பெரிய நெருப்பைத் தூண்டும் என்பதால், வெளிநாட்டினரின் ஆத்திரமூட்டும் தலையீட்டை நாங்கள் பொறுத்துக் கொள்ள மாட்டோம். எந்தவொரு மீறலுக்கும் எங்கள் பாதுகாப்பு மற்றும் பிராந்திய ஒருமைப்பாட்டை மீறுவதற்கும் நாங்கள் தீர்க்கமாகவும் வலுவாகவும் பதிலளிப்போம்.

எவ்வாறாயினும், பாரசீக வளைகுடா மற்றும் ஹார்முஸ் பிராந்தியத்தில் பொதுவான நலன்களைக் கொண்ட அனைத்து நாடுகளிடையேயும் ஒருங்கிணைப்பை வலுப்படுத்துவதே எங்களுக்கு மாற்று மற்றும் சரியான தீர்வாகும்.

இது ஈரானிய தேசத்தின் செய்தி:

போர் மற்றும் வன்முறையை விட சிறந்த எதிர்காலத்தை நோக்கிய நம்பிக்கையில் முதலீடு செய்வோம். நீதிக்கும்  அமைதிக்கும் திரும்புவோம்; சட்டங்களை மதிப்போம்; பேச்சுவார்த்தை, அர்ப்பணிப்பு வாக்குறுதி பேணுவோம்; பேச்சுவார்த்தை மேசைக்கு திரும்புவோம்.

நன்றி 

https://www.tehrantimes.com/news/440527/Rouhani-Our-response-to-negotiation-under-sanctions-is-negative