ஈரானுடன் ஏற்படுத்திக்கொண்ட உடன்படிக்கையை மதித்து நடப்பதே சகல தரப்பினருக்கும் சிறந்ததாகும்.

It is best for all parties to respect the agreement 

reached with Iran

அமேரிக்கா வல்லரசு என்பதால் எல்லா நாடுகளும் அதற்கு அடிபணிந்து நடக்க வேண்டும் என்ற எண்ணம் ஈரானிடம் பலிக்கவில்லை.

ஈரானின் நவீன வரலாற்றிலிருந்து ஒருவர் எதையும் கற்றுக் கொள்ள முடிந்தால், ஈரானியர்கள் தமது பாதுகாப்புக்கு வல்லரசுகளின்  தங்கியிராமல்  தங்களை நம்பியிருக்கக் கற்றுக் கொண்டார்கள் என்பதை அறிந்துகொள்வார். இந்த வல்லரசுகள் தங்கள் சொந்த நலனுக்காக ஒரு கணத்தின் அறிவிப்பில் எல்லா வாக்குறுதிகளையும் விற்றுவிடுவார்கள் - ஏமாற்றிவிடுவார்கள் - என்பது ஈரானியர் மனதில் ஆழமாக வேரூன்றியுள்ளது.

ஏகாதிபத்தியம் உலகில் ஏற்படுத்திய சேதத்தின் பாரிய பங்கை ஈரானும் அனுபவித்தது - கஜார் ஆட்சி காலத்தில் ஈரான் மீது ரஷ்ய மற்றும் பிரிட்டிஷ் கூட்டு கட்டுப்பாடு, பின்னர் 1917-19க்கு இடையில் முதலாம் உலகப் போரில் ஈரானின் நடுநிலைமையை எதிர்த்து, பிரிட்டிஷ் படை ஆக்கிரமிப்பதன் மூலமும் உணவுப்பொருட்களை பறிமுதல் செய்வதன் மூலமும்  ஏற்படுத்தப்பட்ட பஞ்சத்தின் காரணமாக ஈரானிய மக்களில் ஐந்தில் ஒரு பகுதியினர் கொல்லப்பட்டனர் (பாரி ரூபினின் தி மிடில் ஈஸ்ட்: அரசியல், பொருளாதாரம், சமூகம் மற்றும் கலாச்சாரத்திற்கான வழிகாட்டி, பக். 508)

இதைத் தொடர்ந்து 2ம் உலக யுத்தத்திலும் சதித்திட்டம் நடத்தியது. இந்த யுத்தத்தில் ஈரான் நடுநிலை வகித்தபோது, அப்போதிருந்த ஆட்சியை சதித்திட்டத்தின் மூலம் கவிழ்த்து, முகமது ரிஸா ஷாவை ராஜ்யத்தின் அரியணையில் அமர்த்தியது. ஈரானிய எண்ணெய் தொழிற்துறையை தேசியமயமாக்கியதன் காரணமாக ஜனநாயக அடிப்படையில் தெரிவு செய்யப்பட்டிருந்த  முஸத்தேக்  அரசாங்கத்தை கவிழ்த்து, நூற்றுக்கணக்கானோர் கொல்லப்பட்டு, அமெரிக்க-பிரிட்டிஷ் கூட்டு சதியின் மூலம் ஏற்படுத்தப்பட்ட ஆட்சி மாற்றத்தை நாம் குறிப்பிட தேவையில்லை.

 வெளிநாட்டு சக்திகளால் முறியடிக்க முடியாது போனது, 1979 ஆம் ஆண்டு இஸ்லாமியப் புரட்சி ஊடாக மக்களுக்கு அதிகாரத்தை வழங்குவதில் ஈரான் வெற்றிபெற்ற அந்த நேரத்திலாகும். அதன்பிறகு கூட, அமெரிக்கர்கள், ஐரோப்பியர்கள் மற்றும் பாரசீக வளைகுடாவின் அரபு நாடுகள் கூட ஈரானுக்கு எதிராக சதாம் ஹுசைனை தூண்டி, போரில் அவருக்கு எல்லா உதவிகளையும் செய்தன. அவருக்கு ஆயுதங்கள் மற்றும் ரசாயன ஆயுதங்கள் மற்றும் உளவுத்தகவல்களை வழங்கி சதாம் ஹுசைனை ஊக்குவித்தன.

எச்சரிக்கை நிலையில் பெற்ற ஒரு பாடம்

இந்த வரலாற்று நிகழ்வுகளை (இன்னும் பல நிகழ்வுகளை) கணக்கில் எடுத்துக் கொண்டால், அமெரிக்கா மற்றும் பிற உலகளாவிய சக்திகள், அதாவது காலனித்துவ வரலாற்று சாதனை படைத்தவர்கள் எடுக்கும் எந்தவொரு நகர்வுகளிலும் ஈரானியர்கள் மிகவும் எச்சரிக்கையாக இருப்பதில் ஆச்சரியமில்லை. விரிவான கூட்டு செயல் திட்டம் (JCPOA அல்லது ஈரான் அணுசக்தி ஒப்பந்தம்) ஈரானுடனான உறவுகளில் ஒரு முன்னுதாரண மாற்றத்தை, மிகச் சிறப்பான ஒன்றாக சரித்திரத்தில் பதிந்திருக்கக் கூடும், ஆனால் அதற்கு பதிலாக, ஐரோப்பியர்கள் ஒப்பந்தத்தில் அடங்கியுள்ள தங்கள் கடமைகளை சரிவர நிறைவேற்றத் தவறின.

அமெரிக்கர்கள், ட்ரம்பின் ஈரான் கொள்கை காரணமாக ஒப்பந்தத்தை விட்டு விலகினர். அது மட்டுமல்லாமல், ஐரோப்பியர்கள் தங்கள் கடமைகளை சரிவர நிறைவேற்றுவதற்குப் பதிலாக, ஈரானிடம் இருந்து இன்னும் ‘பால் கறக்க’ முயற்சிக்கிறார்கள் - ஈரான் ஏற்கனவே செய்து முடித்த ஒப்பந்தத்திற்கு அதிகமானவற்றை வழங்கினால், அவர்கள் தங்கள் கடமைகளுக்கு கட்டுப்படுவார்கள் என்று உறுதியளித்தனர். இதன் பொருள் என்னவென்றால், இராணுவமயமாக்கல் அதிகரித்து இருக்கும் நிலையில், பாரசீக வளைகுடா அரபு முடியாட்சிகளின் நன்மைக்காக, ஈரானின் பாலிஸ்டிக் ஏவுகணை திட்டத்தில் சலுகைகளைச் சேர்க்குமாறு அவர்கள் கேட்கிறார்கள். இது பிராந்தியத்தின் சமீபத்திய பதட்டங்களுக்கு காரணமாகும்.

அத்தகைய கொந்தளிப்பான சுற்றுப்புறத்திலும் - அமெரிக்காவும் அதன் நட்பு நாடுகளும் சமீபத்தில் கிழக்கு மற்றும் மேற்கில் அதன் அண்டை நாடுகளை ஆக்கிரமித்து இராணுவ தளங்களை கட்டியுள்ள இடத்தில் - பிராந்தியத்தின் மிகவும் நிலையான நாடான ஈரான், தன்னுடைய பாதுகாப்புக்கு குந்தகம் ஏற்படுத்தும் விதத்தில் சலுகைகளை வழங்குவதை விட, தன்னைப் பாதுகாத்துக் கொள்வதற்கான தடுப்பு மற்றும் தற்காப்பு திறன்களை நம்பியிருப்பது மிக சிறந்த உத்தியாகும்.

ஏற்கனவே கூறப்பட்ட விடயங்களைப் பார்க்கும்போது, பொய்யுரைக்கும் வரலாற்றைக் கொண்ட, அவர்களின் ஒப்பந்தங்களுக்கு இணங்கவில்லையெனில், பிற மக்களின் இழப்பில் தங்கள் சொந்த பொருளாதார நலன்களை அதிகரித்துக்கொள்ள  போருக்குச் செல்லும் பல நாடுகளை ஈரான் சமாளிக்கிறது என்பதை முதலில் புரிந்து கொள்ள வேண்டும்.

இரண்டாம் உலகப் போரின் போது இந்தியாவில் ஏற்படுத்தப்பட்ட  பஞ்சத்தை ஒருவர் மறந்துவிடக் கூடாது. இந்தியாவில் இருந்து பிரிட்டனுக்கு உணவு ஏற்றுமதி செய்யப்பட்டதால் 20 மில்லியனுக்கும் அதிகமான இந்தியர்கள் பட்டினியால் செத்து மடிந்தனர். இதைக் குறிப்பிடுகையில் சர்ச்சில்: “நான் இந்தியர்களை வெறுக்கிறேன்; அவர்கள் மிருகத்தனமான மதத்தைக் பின்பற்றும் மிருகத்தனமான மக்கள்; முயல்களைப் போல இனப்பெருக்கம் செய்த அவர்களுடைய சொந்த தவறே பஞ்சத்துக்கான காரணம்” என்று கூறினார். இந்த வல்லரசுகளின் இயல்பே இதுதான்.

ஈரான் கடைபிடித்த புத்திசாலித்தனமான உத்தி

RQ-4 ஆளில்லா உளவு விமானத்தை (ட்ரோனை) வீழ்த்துவதில் ஈரான் ஒரு புத்திசாலித்தனமான உத்தியை கையாண்டது. அவ்வாறு செய்வதன் மூலம், ஆக்கிரமிப்பாளனுக்கு - அமெரிக்கா அல்லது வேறு எந்த நாடாக இருந்தாலும், பாதுகாப்பு அல்லது தேசிய கௌரவம் என்ற விடயங்களில் சமரசம் செய்யத் தயாராக இல்லை - என்று எச்சரிக்கை விடுப்பதில் தெஹ்ரான் வெற்றிகரமாக காய் நகர்த்தியது.

ஈரான் ஒரு யுத்தத்தை விரும்பவில்லை. பொதுவாக, இராணுவ கண்காணிப்பு ட்ரோன்களை சுட்டு வீழ்த்துவது பதற்றம் அதிகரிக்க வழிவகுக்குமேயன்றி இராணுவ விரிவாக்கத்திற்கு வழிவகுக்காது என்பதை ஈரான் அறியும். (சர்வதேச வான்பரப்பிலேயே தனது விமானம் பறந்தது என்று அமெரிக்கா கூறினாலும் அமெரிக்க மண்ணிலிருந்து 8000 மைல் தொலைவில் அமெரிக்க விமானத்தின் சிதைந்த பகுதிகள் ஈரானிய அதிகாரிகளால் ஈரானிய கடற்பரப்பில் இருந்து மீட்கப்பட்டுள்ளன. அமேரிக்கா வல்லரசு என்பதால் எல்லா நாடுகளும் அதற்கு அடிபணிந்து நடக்க வேண்டும் என்ற எண்ணம் ஈரானிடம் பலிக்கவில்லை என்பதையே இது எடுத்துக் காட்டுகிறது.).

இந்த முடிவின் புத்திசாலித்தனம் என்னவென்றால், ஈரான் இராணுவ மோதலுக்கு  வழிவகுக்காது, வழங்கவேண்டிய செய்தியை கச்சிதமாக வழங்கியது. ட்ரோன் உடன் சென்ற, 38 அமெரிக்க ராணுவ வீரர்கள் அடங்கிய விமானத்தை சுட்டு வீழ்த்தியிருந்தால் அது நிலைமையை மோசமாக்கி இருக்கும். ஈரானுக்கு வேண்டப்பட்டதெல்லாம் ஒரு தெளிவான எச்சரிக்கையை ட்ரம்புக்கு வழங்கவேண்டும் என்பதே ஆகும். இது ட்ரம்பிற்கு தெளிவாக கிடைத்துவிட்டது.

ட்ரோனுடன் கூடவே 38 ராணுவ வீரர்களுடன் பறந்த விமானத்தை சுட்டு வீழ்த்துவதை ஈரான் தவிர்த்தது. அதற்காக ட்ரம்ப் ஈரானிய அதிகாரிகளுக்கு பாராட்டும் தெரிவித்தார் .

(இருப்பினும் "சர்வதேச வான்பரப்பில்" பறக்கும் விமானமாக இருந்திருந்தால்  ஈரானிய அதிகாரிகளுக்கு அவர் நன்றி தெரிவிக்கும் அவசியம் ஏற்பட்டிருக்காது என்பது இங்கு கவனிக்கத்தக்கது).

அதோடு, ஈரான் தனது எல்லைக்கு அருகில் பறக்கும் எந்தவொரு விமானத்தையும் அடையாளம் காணும் உரிமையைக் கொண்டுள்ளது. ஈரானின் வான் எல்லைக்கு 12 கடல் மைல் வரை அனுமதியற்று பறக்கும் எந்த விமானத்தையோ ட்ரோனையோ சுட்டு வீழ்த்தும் சட்டப்பூர்வ உரிமை ஈரானுக்கு உண்டு. மனித உயிழப்புகளின்றி நடத்தப்பட்ட ட்ரோன் மீதான ஈரானின் தாக்குதல், பதிலடி கொடுக்கும் எந்த சட்டபூர்வ அதிகாரத்தையும்  அமெரிக்காவுக்கு அளிக்காது. (அமெரிக்க வான் எல்லை அதன் நில எல்லையில் இருந்து 200 மைல் வரை நீண்டுள்ளது. தமது எல்லைக்கு இவ்வளவு நெருக்கமாக பறக்கும் அடையாளம் காணப்படாத ட்ரோனை அமெரிக்காவும் அநேகமாக சுட்டு வீழ்த்தியிருக்கும்.)

இன்னும் சொல்வதென்றால், தனது சொந்த திறன்களை நம்பியிருப்பதன் மூலம் சுயாதீனமாக அடைய முடிந்ததை ஈரான் மற்ற நாடுகளுக்கு தெளிவாகக் காட்டியது எனலாம். ஈரான் உலகின் முன்னணி இராணுவ சக்தியின் விமானத்தை அதன் வான்வெளியை மீறியதற்காக தயக்கமின்றி சுட்டு வீழ்த்தியதன் மூலம் அதனது இறையாண்மையை மீறுவதற்கு எவருக்கும் இடமளிக்கப் போவதில்லை என்ற செய்தியை தெளிவாக உணர்த்தியுள்ளது.

அமேரிக்கா ஈரானை அதன் இராணுவ வலிமை மற்றும் பிராந்திய பிரசன்னத்தைக் கொண்டு அச்சுறுத்தி வருகின்றது என்றாலும், ஈரானின் பாலிஸ்டிக் ஏவுகணைகள் பிராந்தியத்தில் உள்ள அமெரிக்க தளங்களையும், 25,000 அமெரிக்க துருப்புக்களையும் ஈரானின் இலக்கு வரம்பிற்குள் வைத்திருப்பதன் மூலம் அமேரிக்கா அதன் பலத்தை பலவீனமாக மாற்றியுள்ளது.

ஈரானுடனான ஒரு போர் பிராந்தியத்தில் பேரழிவினை ஏற்படுத்தும் என்பது திண்ணம். ஈரானுடனோ, ஹிஸ்புல்லாஹ்வுடனோ அல்லது அன்ஸாருல்லாஹ்வுடனோ மேற்கொள்ளப்படும் போர் நிச்சயமாக எவருக்கும் எந்த நன்மையையும் பயக்காது.

ஈரான் தன் வல்லமையை இதுவரை முழுமையாக வெளிக்காட்டவில்லை. சதிகார அரபு முடியாட்சிகளுக்கு ஈரான் எந்த அதிர்ச்சி வைத்தியத்தை வைத்துள்ளது என்பது இறைவனுக்கு மட்டுமே தெரியும்.

இப்பகுதியில் மேலும் பதற்றம் அதிகரிப்பதைத் தவிர்ப்பதற்காக ஈரானுடன் ஏற்படுத்திக்கொண்ட உடன்படிக்கையை மதித்து நடப்பதே சகல தரப்பினருக்கும் சிறந்ததாகும்.

கட்டுரையாளர் கரீம் ஷராரா ஒரு லெபனான் PhD மாணவர், இவர் 2013 முதல் தெஹ்ரானில் வசித்து வருகிறார், ஈரானிய விவகாரங்களை மையமாகக் கொண்டு தெஹ்ரான் பல்கலைக்கழகத்தில் அரசியல் அறிவியல் படித்து வருகிறார்.

https://www.mintpressnews.com/opinion-taking-minute-walk-iran-shoes/

ஈரான் வான்பரப்பில் அத்துமீறி ஊடுருவும் எந்த எதிரி விமானமும் சுட்டு வீழ்த்தப்படும் - ஈரான் எச்சரிக்கை...!

Iran will not wage war against any nation but will do everything to defend itself.

ஈரான் இஸ்லாமிய குடியரசு யுத்தமொன்று ஏற்படுவதை ஒருபோதும் விரும்பவில்லை. யுத்தமொன்றை ஆரம்பிக்கும் நாடாக ஈரான் ஒருபோதும் இருக்காது ஆனால், தமது நாட்டையும் இஸ்லாமிய அரசையும் காப்பாற்றுவதற்கு ஈரானிய ராணுவம் எப்போதும் தயார் நிலையில் உள்ளது ஈரானிய தலைவர்கள் மீண்டும் மீண்டும் வலியுறுத்திக் கூறியுள்ளனர்..

ஈரானின் வான்பரப்பில் அத்துமீறி ஊடுருவிய அமெரிக்க ஆளில்லா உளவு விமானத்தை சில தினங்களுக்கு முன் ஈரான் சுட்டு வீழ்த்தியதை யாவரும் அறிவர். 

இது தொடர்பாக ஈரானிய கடற்படையின் தளபதி கூறுகையில், ஊடுருவும் அமெரிக்க உளவு ட்ரோன் வீழ்த்தப்படுவது அமெரிக்காவிற்கு விடுக்கப்பட்ட கடுமையான எச்சரிக்கையாகும். இந்த அத்துமீறல் தொடருமாயின் எமது பதிலும் இதுவாகவே இருக்கும் எச்சரித்தார்.

"எதிரி அதன் மிக சக்திவாய்ந்த, அதிநவீன உளவு விமானத்தை, தடைசெய்யப்பட்ட எமது வான்பரப்புக்குள் அனுப்பியது. இந்த ஆளில்லா விமானம் நொறுங்கி வீழ்வதை அனைவரும் கண்டனர்" என்று ரியர்-அட்மிரல் ஹொசைன் கன்ஸாதி திங்களன்று கூறினார்.

"இந்த பதிலடி மீண்டும் மீண்டும் தொடரும் என்று நான் உங்களுக்கு உறுதியளிக்கிறேன், எதிரிக்கும் இது நன்றாகத் தெரியும்" என்று தளபதி கூறினார்.

"அமெரிக்க ட்ரோனுடன், 35 பேருடன் ஒரு அமெரிக்க பி -8 விமானமும் இருந்தது, அதை நாம் எதுவும் செய்யவில்லை" என்று ஈரானின் இஸ்லாமிய புரட்சி காவலர் படையின் (ஐஆர்ஜிசி) விண்வெளி பிரிவின் தளபதி அமீர் அலி ஹாஜிசாதே வெள்ளிக்கிழமை செய்தியாளர்களிடம் தெரிவித்தார்.

கடந்த வியாழன் அன்று ஜூன் 20ம் திகதி, இஸ்லாமிய புரட்சி காவல்படை (ஐ.ஆர்.ஜி.சி) ஈரானின் தெற்கு கடலோர மாகாணமான ஹார்மோஸ்கன் வான்பரப்பில் அமெரிக்க கடற்படைக்கு சொந்தமான ஊடுருவும் ஆர்.க்யூ -4 ஏ குளோபல் ஹாக் கண்காணிப்பு ட்ரோனை சுட்டு வீழ்த்தியது.

அடுத்த நாள், ஈரானிய இராணுவப் படை, ஈரானின் பிராந்திய கடற்பகுதியில் இருந்து அமெரிக்க உளவு ட்ரோனின் சிதைவுகளை சேகரித்து, காட்சி படுத்தியது.

ஈரானிய வெளியுறவு அமைச்சக செய்தித் தொடர்பாளர் சையத் அப்பாஸ் மூசவி, திங்களன்று செய்தியாளர்களிடம் கூறுகையில், ஈரான் ஊடுருவல்களைத் தடுக்க எப்போதும் தயாராக உள்ளது என்று தெரிவித்தார்.

விமானம் சுட்டு வீழ்த்தப்பட்ட சிறிது நேரத்திலேயே ஈரானை தாக்கும் திட்டத்துக்கு அனுமதி வழங்கி, பிறகு சில நிமிடத்தில் வாபஸ் வாங்கினேன் என்று அமெரிக்க அதிபர் ட்ரம்ப் கூறியது தொடர்பாக எழுப்பப்பட்ட கேள்விக்கு பதிலளிக்கையில்: எமக்கு பிரச்சினை அவர்கள் சட்டவிரோதமாக எமது பிராந்தியத்துக்குள் அனுப்பிய விமானமே, அதுபோல் எதுவந்தாலும் பதிலடி கொடுக்கும் தயார் நிலையில் நாம் எப்போது இருக்கின்றோம் என்று கூறினார்.

மற்ற நாடுகளுக்கு எதிராக போரை நடத்தப்போவதில்லை என்று ஈரான் தெளிவுபடுத்தியுள்ளது, ஆனால் "ஆக்கிரமிப்புகளுக்கு நாங்கள் பதிலளிக்கக்கூடாது என்பதல்ல இதன் அர்த்தம்" என்று அவர் கூறினார்.

எந்த ட்ரோன்களையும் இழக்கவில்லை என்று அமெரிக்கா முதலில் மறுத்தது. ட்ரோன் சுடப்பட்ட துல்லியமான இடத்தின் வரைபடத்தை பகிரங்கப்படுத்திய பின், அமெரிக்கா அதன் ட்ரோன்களில் ஒன்று சுட்டு வீழ்த்தப்பட்டதை ஒப்புக்கொண்டது. அதன் பிறகு ட்ரோன், சர்வதேச வான்வெளியில் குறிவைக்கப்பட்டதாக குற்றம் சாட்டியது.

ஜனாதிபதி டொனால்ட் டிரம்பின் அதிகாரத்தின் கீழ் வாஷிங்டன் ஈரானுடனான பதட்டங்களை அதிகரித்து வருகிறது.

ஈரானுக்கும் ஆறு உலக நாடுகளுக்கும் இடையிலான, ஐக்கிய நாடுகள் சபை ஒப்புதல் அளித்த அணுசக்தி ஒப்பந்தத்திலிருந்து அமேரிக்கா தன்னிச்சையாக விலகியது. அது மட்டுமல்லாமல், ட்ரம்ப் ஈரான் மீது தான்தோன்றித்தனமாக பொருளாதாரத் தடைகளை விதித்துவிட்டு, தன்னுடன் பேச வாருங்கள் என்று அழைத்த வண்ணம் இருக்கின்றார்.

சர்வதேச ஒப்பந்தங்களை மதிக்காத ஒருவருடன் பேசுவதற்கு தயாரில்லை என்று ஈரான் திட்டவட்டமாக கூறியுள்ளது.

https://www.presstv.com/Detail/2019/06/24/599285/Iran-navy-commander-Khanzadi-US-spy-drone?

உலக தரம் வாய்ந்த உயர் கல்வி - டைம்ஸ் தரவரிசை பட்டியலில் சிறந்த ஈரானிய பல்கலைக்கழகங்கள்

World class Iranian Universities in Times list

இஸ்லாமிய புரட்சி வெற்றியை தொடர்ந்து இஸ்லாமிய குடியரசு அதிக கவனம் செலுத்திய இரண்டு முக்கிய துறைகள்: ஒன்று தேசிய பாதுகாப்பு மற்றது கல்வி. இறைவன் அருளால் இவ்விரு துறைகளிலும் அடுத்தவர் பொறாமைப்படும் அளவு வளர்ந்துள்ளது.

கல்வித்துறையில் அதன் வளர்ச்சி பிரமிக்கத்தக்கதாகும். இன்று, ஈரானிய பல்கலைக்கழகங்கள் உலக தரத்தை எட்டியுள்ளது என்பது இஸ்லாமிய உலகுக்கு பெருமை சேர்க்கும் விடயமாகும்.

டைம்ஸ் தரவரிசை பட்டியலில் சிறந்த ஈரானிய பல்கலைக்கழகங்கள்

ஈரானிய பல்கலைக்கழகங்கள் 2019க்கான டைம்ஸ் உயர் கல்வி உலக பல்கலைக்கழக தரவரிசையின் வெவ்வேறு பாடங்களில் சேர்க்கப்பட்டுள்ளன என்று அதன் வலைத்தளம் தெரிவித்துள்ளது.

இயற்பியல் அறிவியல் துறையில், உலகளவில் 963 பல்கலைக்கழகங்களில் 24 ஈரானிய பல்கலைக்கழகங்கள் உள்ளன. பொறியியல் மற்றும் தொழில்நுட்ப துறையில் மதிப்பீடு செய்யப்பட்ட 903 பல்கலைக்கழகங்களில் ஈரானில் 21 பல்கலைக்கழகங்கள் உள்ளன.

வாழ்வியல் விஞ்ஞான அறிவிவியல் துறை தரவரிசை அட்டவணையில் உள்ள 751 பல்கலைக்கழகங்களில் 11 ஈரானிய பல்கலைக்கழகங்கள் உள்ளன மற்றும் கணினி அறிவியலில் உலக பல்கலைக்கழக தரவரிசையில் 684 பல்கலைக்கழகங்களில் 09 ஈரானிய பல்கலைக்கழகங்கள் உள்ளன.

இன்னும், மருத்துவம், பல் மருத்துவம் மற்றும் பிற சுகாதார விடயங்களை உள்ளடக்கிய மருத்துவ, முன் மருத்துவ மற்றும் சுகாதார துறை பல்கலைக்கழக தரவரிசையில் 05 ஈரானிய பல்கலைக்கழகங்கள் பெயரிடப்பட்டுள்ளன.

வணிகம் மற்றும் பொருளாதார துறையில் உள்ள 585 பல்கலைக்கழகங்க தரவரிசை அட்டவணையில் தெஹ்ரான் பல்கலைக்கழகம் மற்றும் இஸ்ஃபாஹான் பல்கலைக்கழகம் உள்ளன. கலை மற்றும் மானுடவியல் கல்வி மற்றும் சமூக அறிவியல் பாடங்களில் சிறந்த பல்கலைக்கழகங்களில் தரவரிசைப்படுத்தப்பட்ட ஒரே ஈரானிய பல்கலைக்கழகம் தெஹ்ரான் பல்கலைக்கழகம் ஆகும்.

தரப்படுத்தலுக்கான அடிப்படைகளாக வருமானம், சர்வதேச பார்வை, ஆராய்ச்சி, கற்பித்தல் ஆகியவற்றுடன் முழுநேர சமநிலை (FTE) மாணவர்கள், ஒரு ஆசிரியருக்கு மாணவர்களின் எண்ணிக்கை, சர்வதேச மாணவர்கள் மற்றும் பெண், ஆண் விகிதம் ஆகியவை ஆகியனவும் கருத்தில் கொள்ளப்பட்டன.

பௌதீகவியல்

பௌதீகவியல் அறிவியலுக்கான தரவரிசை அட்டவணையில் மொத்தம் 24 ஈரானிய பல்கலைக்கழகங்கள் உள்ளடக்கப்பட்டுள்ளன. இது பௌதீகவியல் மற்றும் வானியல்; வேதியியல் மற்றும் சூழலியல், புவியியல் மற்றும் கடல் அறிவியல் கணிதம் மற்றும் புள்ளிவிவரவியலில் முன்னணி வகிக்கும் பல்கலைக்கழகங்களை எடுத்துக்காட்டுகிறது.

பாபுல் நோஷிர்வானி தொழில்நுட்ப பல்கலைக்கழகம், காஷான் பல்கலைக்கழகம், அமீர்கபீர் தொழில்நுட்ப பல்கலைக்கழகம், கிலான் பல்கலைக்கழகம், ஈரான் அறிவியல் மற்றும் தொழில்நுட்ப பல்கலைக்கழகம், இஸ்ஃபஹான் தொழில்நுட்ப பல்கலைக்கழகம், ஷெரீப் தொழில்நுட்ப பல்கலைக்கழகம் மற்றும் தெஹ்ரான் பல்கலைக்கழகம் ஆகியவை பட்டியலில் அடங்கியுள்ள உள்ளன.

மேலும் ஈரானிய பல்கலைக்கழகங்கள் அஸர்பைஜான் ஷஹீத் மதனி பல்கலைக்கழகம், ஃபெர்தவ்ஸி மஷாத் பல்கலைக்கழகம், மஸந்தரான்  பல்கலைக்கழகம், ஷஹீத் பெஹெஷ்டி பல்கலைக்கழகம், ஷிராஸ் பல்கலைக்கழகம், ஷிராஸ் தொழில்நுட்ப பல்கலைக்கழகம், தப்ரிஸ் பல்கலைக்கழகம், சஞ்ஜான் பல்கலைக்கழகம், அல்சஹ்ரா பல்கலைக்கழகம், பிர்ஜாண்ட் பல்கலைக்கழகம், இஸ்ஃபாஹான் பல்கலைக்கழகம், கராஸ்மி பல்கலைக்கழகம், கெர்மன் ஷஹீத் பஹோனார் பல்கலைக்கழகம், ஷாஹ்ரூட் தொழில்நுட்ப பல்கலைக்கழகம், உர்மியா பல்கலைக்கழகம் மற்றும் யஜ்த் பல்கலைக்கழகம் ஆகியனவும் பட்டியலில் அடங்கியுள்ளன.

பொறியியல் மற்றும் தொழில்நுட்பம்

பொறியியல் மற்றும் தொழில்நுட்ப விடயங்களுக்காக 2019 டைம்ஸ் உயர் கல்வி உலக பல்கலைக்கழக தரவரிசை அட்டவணையில் மொத்தம் 21 ஈரானிய பல்கலைக்கழகங்கள் பெயரிடப்பட்டுள்ளன.

சமீபத்தில் வெளியிடப்பட்ட அட்டவணையின்படி, பல்கலைக்கழகங்கள் பொது பொறியியல், சிவில் பொறியியல், ரசாயன பொறியியல், மின் மற்றும் மின்னணு பொறியியல், இயந்திர மற்றும் விண்வெளி பொறியியல் என பல்வேறு துறைகளில் மதிப்பீடு செய்யப்பட்டன. தரவரிசையில் உள்ள ஈரானிய பல்கலைக்கழகங்களில் பாபுல் நோஷிர்வானி தொழில்நுட்ப பல்கலைக்கழகம் மற்றும் தெஹ்ரான் பல்கலைக்கழகம் முதலிடத்தில் உள்ளன. அவற்றைத் தொடர்ந்து ஷெரீப் தொழில்நுட்ப பல்கலைக்கழகம், மஸண்தரான் பல்கலைக்கழகம், காஷான் பல்கலைக்கழகம் மற்றும் ஜிலான்  பல்கலைக்கழகம் உள்ளன.

அமீர்கபீர் தொழில்நுட்ப பல்கலைக்கழகம் மற்றும் இஸ்ஃபாஹான் தொழில்நுட்ப பல்கலைக்கழகம், ஷிராஸ் தொழில்நுட்ப பல்கலைக்கழகம், ஷிராஸ் பல்கலைக்கழகம், ஃபெர்டோவ்ஸி மஷாத் பல்கலைக்கழகம் மற்றும் தப்ரிஸ் பல்கலைக்கழகம், ஷாஹித் பெஹெஷ்டி பல்கலைக்கழகம், சஞ்ஜான் பல்கலைக்கழகம், உர்மியா பல்கலைக்கழகம், ஷாஹ்ரூட் தொழில்நுட்ப பல்கலைக்கழகம், கராஸ்மி பல்கலைக்கழகம், இஸ்ஃபாஹான் பல்கலைக்கழகம் மற்றும் அஸர்பைஜான் ஷஹீத் மதனி பல்கலைக்கழக தரவரிசை பட்டியலில் முதலிடத்தில் கெர்மன் ஷஹீத்  பஹோனார் பல்கலைக்கழகம் மற்றும்  யாஸ்த் பல்கலைக்கழகம் உயர் இடங்களை இடங்களைப் பெற்றுள்ளன.

இந்த உலக தரவரிசை பட்டியலில் ஒக்ஸ்போர்ட் பல்கலைக்கழகம் முதல் முறையாக ஸ்டான்போர்ட் பல்கலைக்கழகம் மற்றும் கலிபோர்னியா இன்ஸ்டிடியூட் ஆப் டெக்னாலஜி ஆகியவற்றை பின்தள்ளி, முன்னிலை வகிக்கிறது. ஹார்வர்ட் பல்கலைக்கழகம் மூன்றாவது இடத்திலும் உள்ளது.

கணினி அறிவியல்

கணினி அறிவியலில் உலகளவில் சிறந்த ஒன்பது ஈரானிய பல்கலைக்கழகங்கள் உள்ளன. அற்றில் அமீர்கபீர் தொழில்நுட்ப பல்கலைக்கழகம், இஸ்ஃபஹான் தொழில்நுட்ப பல்கலைக்கழகம், ஷிராஸ் பல்கலைக்கழகம், தப்ரிஸ் பல்கலைக்கழகம் மற்றும் தெஹ்ரான் பல்கலைக்கழகம் ஆகியவை தரவரிசையில் அட்டவணையில் உள்ளன.

2004 இல் ஆரம்பிக்கப்பட்ட டைம்ஸ் உயர் கல்வி உலக பல்கலைக்கழக தரவரிசை, உலகின் சிறந்த பல்கலைக்கழகங்களின் திட்டவட்டமான பட்டியலை வழங்குகிறது.

கலை மற்றும் மானுடவியல், வணிகம் மற்றும் பொருளாதாரம், மருத்துவ, முன் மருத்துவ மற்றும் சுகாதாரம், இயற்பியல் அறிவியல், உளவியல் மற்றும் சமூக அறிவியல், கணினி அறிவியல், கல்வி, பொறியியல் மற்றும் தொழில்நுட்பம், சட்டம், வாழ்க்கை அறிவியல், போன்ற விடயங்களை எங்கு படிக்க வேண்டும் என்பதை தீர்மானிக்க மாணவர்களுக்கு உதவும் வகையில், ஒட்டுமொத்த உலக பல்கலைக்கழகங்களில் 1000 பல்கலைக்கழகங்களை தெரிவு செய்து தரவரிசை படுத்தி வழங்குகின்றது என்பது குறிப்பிடத்தக்கது.

உலகின் பல நாடுகளில் இருந்தும் பல்லாயிரக்கணக்கான மாணவர்கள் குறைந்த செலவில், தரமான உயர் கல்விக்காக ஈரானை நோக்கி படையெடுக்கின்றனர்.

இவற்றுடன் இலங்கை, இந்தோனேசியா, பிரிட்டன், லெபனான், நோர்வே, நைஜீரியா, இந்தியா உட்பட உலகின் பல நாடுகளில் இயங்கிவரும் அல்-முஸ்தபா சர்வதேச பல்கலைக்கழகம் பின்வரும் சர்வதேச அறிவியல் மன்றங்கள் மற்றும் அமைப்புகளில் உறுப்புரிமை பெற்றுள்ளது:

Federation of the Universities of the Islamic World (FUIW)

International Association of Universities (IAU)

International Association of University Presidents (IAUP)

Association of Universities of Asia and the Pacific (AUAP)
Union of Islamic World Students (Rohama)