எமிரேட்ஸ்-இஸ்ரேல் ஒப்பந்தம் முஸ்லிம்களின் 'முதுகில் குத்தும்' சதியாகும்

Iran: UAE-Israel deal a 'stab in the back' to Muslims

தெஹ்ரான் இந்த நடவடிக்கையை 'அபுதாபி மற்றும் டெல் அவிவ் ஆகியவற்றின் மூலோபாய முட்டாள்தனம், இது எதிர்ப்பை வலுப்படுத்தும்' செயல் என்று கூறுகிறது.

ஐக்கிய அரபு மற்றும் இஸ்ரேல் இடையே முழு இராஜதந்திர உறவுகளை ஏற்படுத்தும் ஒப்பந்தத்தை ஈரான் வன்மையாகக் கண்டித்துள்ளது, இது அனைத்து முஸ்லிம்களுக்கும் முதுகில் குத்தும் செயல் என்று கூறுகிறது.

இந்த ஒப்பந்தம் "முஸ்லிம் உலகுக்கு இழைக்கப்பட்ட மாபெரும் துரோகம்" மற்றும் அதை மாற்றியமைக்க வேண்டும் என்று ஈரானின் நாடாளுமன்ற சபாநாயகரின் ஆலோசகர் ஹொசைன் அமீர் அப்துல்லாஹியான் கூறினார்.

"உறவுகளை இயல்பாக்குவதற்கான ஐக்கிய அரபு எமிரேட்ஸின் புதிய அணுகுமுறை, அமைதியையும் பாதுகாப்பையும் ஒருபோது கொண்டுவராது, ஆனால் நடந்துகொண்டிருக்கும் சியோனிஸ்டுகளின் படுபாதக செயல்களுக்கு உதவுகிறது" என்று அவர் வெள்ளிக்கிழமை ட்வீட் செய்துள்ளார்.

ஈரான் வெளியுறவு அமைச்சக அதன் அறிக்கையில், இவ்விரு நாடுகளுக்கிடையிலான உறவுகளை இயல்பாக்குவது ஒரு ஆபத்தான, "வெட்கக்கேடான" நடவடிக்கை என்றும், வளைகுடா பிராந்தியத்தின் "அரசியல் சமன்பாடுகளில்" இஸ்ரேல் தலையிடும் நிலை ஏற்படுவது  தொடர்பாக ஐக்கிய அரபு எமிரேட்ஸை எச்சரித்தது.

"ஐக்கிய அரபு எமிரேட் அரசாங்கமும் அதனுடன் இணைந்த பிற அரசாங்கங்களும் இந்த நடவடிக்கையின் அனைத்து பின் விளைவுகளுக்கும் பொறுப்பை ஏற்க வேண்டும்" என்று அந்த அறிக்கையில் கூறப்பட்டுள்ளது.

இந்த நடவடிக்கை "அபுதாபி மற்றும் டெல் அவிவ் ஆகியவற்றின் மூலோபாய முட்டாள்தனத்தின் செயலாகும், இது சந்தேகத்திற்கு இடமின்றி பிராந்தியத்தில் எதிர்ப்பு நிலையை வலுப்படுத்தும்" என்று அது மேலும் கூறியுள்ளது.

"பயங்கர குற்றமிழைக்கும் ஆக்கிரமிப்பு நாடான இஸ்ரேலிய ஆட்சியுடனான உறவுகளை இயல்பாக்குவதையும் அதன் குற்றங்களுக்கு உடந்தையாக இருப்பதையும் பாலஸ்தீனத்தின் ஒடுக்கப்பட்ட மக்களும் உலகின் அனைத்து சுதந்திர நாடுகளும் ஒருபோதும் மன்னிக்க மாட்டார்கள்."

முஸ்லிம் உலகின் முதுகில் குத்தல் 

அமெரிக்கா தரகு வேலை பார்த்த ஒப்பந்தத்தில், ஐக்கிய அரபு எமிரேட் மற்றும் இஸ்ரேல் வியாழக்கிழமை (ஆகஸ்ட் 13, 2020) முழு அளவிலான  இராஜதந்திர உறவுகளை ஏற்படுத்த ஒப்புக் கொண்டதாகவும், இஸ்ரேல் பாலஸ்தீனியர்கள் தங்கள் எதிர்கால அரசிற்காக கோரிய ஆக்கிரமிக்கப்பட்ட நிலங்களை இணைப்பதற்கான திட்டங்களை தாமதப்படுத்தும் என்றும் அறிவித்தது.

பயங்கரவாத இஸ்ரேலுடன்  முழு இராஜதந்திர உறவுகளைக் ஒப்பந்தம் செய்த முதல் வளைகுடா அரபு நாடாகவும் - எகிப்து மற்றும் ஜோர்டானுக்கு அடுத்தபடியாக மூன்றாவது அரபு நாடாகவும் - ஐக்கிய அரபு எமிரேட்ஸ் உள்ளது. இதனைத் தொடர்ந்து சுற்றுலா, நேரடி விமான சேவைகள் மற்றும் பரஸ்பரம் தூதரகங்களை ஸ்தாபித்தல் போன்றவற்றுக்கான இஸ்ரேலுக்கும் ஐக்கிய அரபு எமிரேட்ஸுக்கும் இடையிலான ஒப்பந்தங்கள் வரும் வாரங்களில் தீர்மானிக்க எதிர்பார்க்கப்படுவதாக அவர்கள் ஒரு கூட்டு அறிக்கையில் அறிவித்துள்ளனர்.

ஈரான் வெளி உறவு அமைச்சின் அறிக்கை இந்த ஒப்பந்தத்தை "ஐக்கிய அரபு எமிரேட்ஸ் பாலஸ்தீனிய மக்கள் மற்றும் அனைத்து முஸ்லிம்களின் முதுகிலும் அநியாயமாக பாய்ச்சப்பட்ட கத்தி" என்று கூறியது.

இந்த ஒப்பந்தம் தேர்தல் ஒன்றை எதிபார்த்துள்ள அமெரிக்க அதிபர் டொனால்ட் டிரம்ப் மற்றும் இஸ்ரேல் பிரதமர் நெத்தன்யாகு  ஆகியோருக்கு  ஒரு முக்கிய வெளியுறவுக் கொள்கை வெற்றியை வழங்கியது மற்றும் மாறிவரும் மத்திய கிழக்கைப் பிரதிபலித்தது மட்டுமல்லாமல் ஈரான் இஸ்லாமிய குடியரசின் உறுதியான நிலைப்பாட்டையும் வெளிப்படுத்தியது.

ஈரானின் சக்திவாய்ந்த புரட்சிகர காவல்படையின் முன்னாள் தலைவர் மொஹ்சென் ரெஸாய் தனது ட்விட்டரில் செய்தியில், கடந்த 10 ஆண்டுகளாக ஐக்கிய அரபு அமீரகம் தன்னை "இஸ்ரேலின் சொர்க்கமாக" உருவாக்கி வருகிறது என்று தெரிவித்துள்ளார்.

"உள உறுதி கொண்ட எந்த முஸ்லிம் வீரர்களும் அரேபியர்களும் பாலஸ்தீனத்தை காட்டிக் கொடுக்கவில்லை, பின்னால் இருந்து பின்னால் இருந்து குத்துவது முதுகெலும்பற்றவர்கள் மட்டுமே," என்று அவர் கூறினார்.

பிராந்தியத்தில் "உளவு மற்றும் உளவுத்துறை வலையமைப்புகளை" உருவாக்க இஸ்ரேலின் உளவு நிறுவனமான மொசாட் உடன் ஐக்கிய அரபு அமீரகம் இணைந்து செயல்படுவதாக ரெஸாய் குற்றம் சாட்டினார்.

பாலஸ்தீனிய நிலங்களை இஸ்ரேல் இணைப்பதில் புதிதாக கையெழுத்திடப்பட்ட ஒப்பந்தம் "இயக்கத்தை மாற்றும்" என்று ஐக்கிய அரபு எமிரேட் அதிகாரிகள் தெரிவித்தனர், ஆனால் இது ஒரு நீண்ட செயல்முறையாக இருக்கும் என்று வலியுறுத்தினர்.

"எதுவும் கல்லில் எழுதப்பட்டதாக நான் நினைக்கவில்லை, சட்டத்தில் எழுதப்பட்ட ஒப்பந்தங்கள் கூட காலத்தின் சோதனையை அவசியம் சந்திக்க வேண்டி இருக்கும். நாங்கள் அவர்களுக்காக ஒரு கதவைத் திறக்கிறோம், இந்த நடவடிக்கையின் நன்மைகளையும் பிராந்திய நாடுகளில் பின்பற்றக்கூடிய பல நடவடிக்கைகளையும் இஸ்ரேலியர்கள் காண்பார்கள் என்று நாங்கள் நம்புகிறோம்," என்று ஐக்கிய அரபு எமிரேட்ஸ் அதிகாரி உமர் கோபாஷ் கூறினார்.

'கண்ணாடி மாளிகைகள்'

எமிரேட்ஸின் நெருங்கிய நட்பு நாடான சவுதி அரேபியாவைப் பற்றிய ஒரு மறைமுகமான குறிப்பில், ஈரானின் வெளியுறவு அமைச்சகம் பாலஸ்தீனம் மற்றும் யேமன் மக்களுக்கு "தங்கள் கண்ணாடி மாளிகைகளில் இருந்து தீங்கிழைக்காதீர்கள்" என்று தனது கோபத்தை வெளிப்படுத்தியது.

ஈரானின் வெளியுறவு மந்திரி முகமது ஜவாத் ஜரீஃப் கடந்த வாரம் தனது எமிரேட்ஸ் பிரதிநிதியுடன் அரிய பேச்சுவார்த்தைகளை நடத்திய பின்னர், அவர்களது உறவுகளை சரிசெய்வதற்கான நம்பிக்கையை எழுப்பிய பின்னர் இந்த ஒப்பந்தம் வந்துள்ளது.

ஐக்கிய அரபு அமீரகம் 2016 ஜனவரியில், சவூதி அரேபியாவிற்கும் இஸ்லாமிய குடியரசிற்கும் இடையிலான பதட்டங்கள் அதிகரித்திருந்த வேளையில், ஈரானுடனான தனது உறவை குறைத்துக் கொண்டது.

கடந்த ஆண்டு தெஹ்ரானுக்கும் ரியாத்துக்கும் இடையிலான உறவுகள் மேலும் மோசமடைந்தது, பாரசீக வளைகுடாவில் டேங்கர்கள் மீது இடம்பெற்ற தொடர்ச்சியான மர்மமான தாக்குதல்களைத் தொடர்ந்து, ஈரான் மீது வாஷிங்டன் குற்றம் சாட்டியது. குற்றச்சாட்டுகளை தெஹ்ரான் திட்டவட்டமாக மறுத்தது.

பிராந்தியத்தின் இரண்டு முன்னணி சக்திகளான சவுதி அரேபியா மற்றும் ஈரான், சிரியா மற்றும் யேமன் உள்ளிட்ட பல மோதல்களின்போது எதிரெதிர் பக்கங்களில் நின்றன.

ஆட்டத்தை மாற்றியமைப்பவன்?

எண்ணெய் வளம் நிறைந்த வளைகுடா நாடுகள் உட்பட இஸ்ரேலுக்கும் வாஷிங்டனின் மத்திய கிழக்கு நட்பு நாடுகளுக்கும் இடையில் இராஜதந்திர உறவுகளை ஏற்படுத்துவது அமெரிக்க ஜனாதிபதி டொனால்ட் டிரம்பின் ஈரானைக் கட்டுப்படுத்துவதற்கான பிராந்திய மூலோபாயத்தின் மையமாக உள்ளது.

ஐரோப்பிய வெளியுறவு கவுன்சிலின் ஆய்வாளர் எல்லி ஜெரன்மயே ட்விட்டரில் செய்தியில், இந்த செயல்பாடு ஈரானுக்கு ஒரு "விளையாட்டு மாற்றியாக" இருக்க வாய்ப்பில்லை என்று வாதிட்டார்.

சவூதி அரேபியா, ஐக்கிய அரபு எமிரேட் மற்றும் இஸ்ரேல் ஈரானுக்கு எதிராக பல ஆண்டுகளாக இரகசியமாக ஒத்துழைத்து வருகின்றன என்ற அனுமானத்தில் இஸ்லாமிய குடியரசு நீண்ட காலமாக செயல்பட்டு வருவதாக அவர் குறிப்பிட்டார்.

ஈரானின் பாதுகாப்பு கவுன்சிலின் செய்தித் தொடர்பாளர் அப்பாஸ் அலி கத்கொத்தாயீ, இந்த நடவடிக்கை இஸ்ரேல் "ஐக்கிய அரபு எமிரேட்ஸை ஆக்கிரமித்து வருகிறது என்பதை காட்டுகிறது" என்று ட்வீட் செய்துள்ளார்.

ஈரானின் அரசு செய்தி நிறுவனமான IRNA வெள்ளிக்கிழமை வெளியிடப்பட்ட ஒரு தலையங்கத்தில், இந்த ஒப்பந்தத்தை ட்ரம்ப் தனது மறுதேர்தல் நம்பிக்கையை உயர்த்துவதற்கான ஒரு சூழ்ச்சியே அன்றி மூலோபாய அல்லது வரலாற்று ரீதியான ஒன்றல்ல என்று நிராகரித்தது.

"டிரம்ப் அணியின் இந்த நடவடிக்கை பிராந்திய பிரச்சினைகளைத் தீர்ப்பதற்கோ அல்லது ஐக்கிய அரபு அமீரகத்தை ஆதரிப்பதற்கோ வைய்க்கப்பட்ட ஒரு படி அல்ல மேலும் அது பாலஸ்தீனியர்களுக்கோ அல்லது நெதன்யாகுக்கோ அது உதவப்போவதுமில்லை" என்று அது கூறியது.

ஈரானின் அரபு அண்டை நாடுகளில் பல ஏற்கனவே இஸ்ரேலுடன் உறவுகளைக் கொண்டிருப்பதாகக் கூறி, இந்த ஒப்பந்தம் "பிராந்திய நாடுகளுக்கு இழிவு ஏற்படுத்துவதையும், டிரம்பிற்கான உள்நாட்டுப் பிரசார பயன்பாட்டையும் தவிர்த்து" அதிக தாக்கம் எதையும் ஏற்படுத்தாது என்று அது குறிப்பிட்டது.

https://www.aljazeera.com/news/2020/08/iran-uae-israel-deal-stab-muslims-200814095249300.html?

காஷ்மீர் விடயத்தில் பாகிஸ்தானின் காலைவாறியது சவூதி அரேபியா

Saudi Arabia halts oil supply to Pakistan as rift widens over Kashmir

பாகிஸ்தானுக்கு எண்ணெய் வழங்குவதை சவுதி அரேபியா நிறுத்துகிறது

முஸ்லிம் பெரும்பான்மை காஷ்மீர் பிராந்தியத்தில் இந்தியாவின் சர்ச்சைக்குரிய நடவடிக்கைகளுக்கு தீர்வு காண இஸ்லாமிய நாடுகளின் அமைப்பின் (ஓ.ஐ.சி) கூட்டத்தை கூட்டுவது தொடர்பாக சவுதி காலை வாறியதையிட்டு பாகிஸ்தான் கண்டனம் தெரிவித்ததால், பாகிஸ்தானுக்கு எண்ணெய் வழங்குவதை சவுதி அரேபியா நிறுத்தியுள்ளது.

சவூதி அரேபியா தலைமையிலான ஓ.ஐ.சி, காஷ்மீர் தொடர்பாக  வெளியுறவு மந்திரிகள் கூட்டத்தை கூட்டவில்லை என்றால், பாகிஸ்தான் பிரதமர் இம்ரான் கான் இஸ்லாமிய நட்பு நாடுகளை அழைத்து தாமே கூட்டத்தை நடத்துவார் என்று பாகிஸ்தான் வெளியுறவு மந்திரி ஷா மெஹ்மூத் குரேஷி அச்சுறுத்திய சில நாட்களுக்கு பின்னர் கடந்த சனிக்கிழமை சவூதி அறிக்கைகள் வந்தன.

300 ஆண்டுகளாக பழமையான பாபர் மசூதியை இந்தியா இடித்து ராம் கோயில் கட்டிக்கொண்டிருக்கும்போது, முஸ்லிம்கள் அட்டூழியங்களை எதிர்கொள்ளும் பாலஸ்தீனம் மற்றும் காஷ்மீர் பிரச்சினைகள் குறித்து வெளியுறவு மந்திரிகள் குழுவை அழைக்குமாறு ஓ.ஐ.சி யை ஒரு வருடமாக நாங்கள் கேட்டுக்கொண்டிருக்கிறோம், ஆனால் ஓ.ஐ.சி அமைதியாக உள்ளது. ஆனால் அது ஏன் என்று தெரியவில்லை" என்று குரேஷி புதன்கிழமை உள்ளூர் தொலைக்காட்சி நிலையமான ARY நியூஸிடம் கூறினார்.

இந்திய பிரதமர் நரேந்திர மோடி அயோத்தி நகரில் 16 ஆம் நூற்றாண்டு பாபரி மசூதி அமைந்துள்ள இடத்தில் இந்து கோயில் கட்டுவதற்கு அடிக்கல் நாட்டிய அதே நாளில் இந்த கருத்துக்கள் வந்துள்ளன.

இது மோடியின் வலதுசாரி அரசாங்கத்தால் எடுக்கப்பட்ட சமீபத்திய முஸ்லிம் எதிர்ப்பு நடவடிக்கையாகும். கடந்த ஆகஸ்டில், இது இந்திய அரசியலமைப்பின் 370 வது பிரிவை ரத்து செய்து, காஷ்மீரின் 70 ஆண்டுகால அரை தன்னாட்சி அந்தஸ்தை ரத்து செய்து, அப்பிரதேசத்தை இரண்டு "யூனியன் பிரதேசங்களாக" பிரித்து, மத்திய அரசின் நேரடி கட்டுப்பாட்டின் கீழ் கொண்டுவந்தது.

சவூதி நகரமான ஜெத்தாவை தளமாகக் கொண்ட OIC, 57 உறுப்பு நாடுகளைக் கொண்ட, ஐக்கிய நாடுகள் சபைக்கு அடுத்தபடியாக இரண்டாவது பெரிய அரசுகளுக்கிடையேயான அமைப்பாகும்.

2018 ஆம் ஆண்டில், பாகிஸ்தான் சவுதி அரேபியாவிடமிருந்து 6.2 பில்லியன் டாலர் கடனைக் கடன் வாங்கியது, அதில் ரியாத் இஸ்லாமாபாத்திற்கு ஆண்டுக்கு 3.2 பில்லியன் டாலர் மதிப்புள்ள எண்ணெயை ஒத்திவைக்கப்பட்ட கொடுப்பனவுகளுக்கு வழங்கியது.

இந்த விதிமுறை இரண்டு மாதங்களுக்கு முன்பு காலாவதியானது என்றும், சவூதி அரேபியா அதை புதுப்பிக்கவில்லை என்றும் சனிக்கிழமையன்று, பாகிஸ்தான் ஊடகங்கள் செய்தி வெளியிட்டுள்ளன.

அதற்கு பதிலாக, இஸ்லாமாபாத் திருப்பிச் செலுத்தும் காலத்திற்கு நான்கு மாதங்கள் முன்கூட்டியே 1 பில்லியன் டாலர் சவுதி கடனை திருப்பி செலுத்தியது.

2019 டிசம்பரில், மலேசிய தலைநகர் கோலாலம்பூர் ஒரு உச்சிமாநாட்டை நடத்தியது, அங்கு இஸ்லாமிய நாடுகளின் தலைவர்கள் காஷ்மீர் பிரச்சினை உட்பட உலகளவில் முஸ்லிம்களை எதிர்கொள்ளும் தலைப்புகள் குறித்து விவாதித்தனர்.

சவூதி அரேபியா கூட்டத்தைத் பகிஸ்கரித்தது மற்றும் அரச ஊடகங்கள் அதை OIC க்கு ஒரு சவாலாகக் கருதின. ரியாத்தின் வற்புறுத்தலின் பேரில் பாகிஸ்தானும் இந்த கூட்டத்தை தவிர்த்தது.

சவூதி கோரிக்கையின் பேரில் பாகிஸ்தான் கோலாலம்பூர் உச்சி மாநாட்டில் கலந்து கொள்ளவில்லை என்றும், இப்போது பாகிஸ்தான் முஸ்லிம்கள் ரியாத்தை "காஷ்மீர் பிரச்சினையில் முக்கிய பங்கு வகிக்க வேண்டும்" என்றும் கோருகின்றனர்' என்று கடந்த புதன்கிழமை குரேஷி தெரிவித்திருந்தார்.

"இன்று மக்கா மற்றும் மதீனாவுக்காக தங்கள் உயிரையே தியாகம் செய்ய எப்போதும் தயாராக இருக்கும் பாகிஸ்தானியர்கள், காஷ்மீர் பிரச்சினையில் சவுதி ஒரு முக்கிய பங்கை வகிக்க வேண்டும் என்று எதிர்பார்க்கின்றனர். சவுதி அரேபியா தங்கள் பங்கை வகிக்காவிட்டால், பிரதமர் இம்ரான் கானிடம் சவூதி அரேபியா ஒத்துழைத்தாலும் அல்லது இல்லாவிட்டாலும் உரிய நடவடிக்கைகளை முன்னெடுக்குமாறு நான் கேட்டுக்கொள்வேன், "என்று அவர் மேலும் கூறினார்." எங்களுக்கு எங்கள் சொந்த உணர்திறன் உள்ளது. இதை நீங்கள் உணர வேண்டும். பாரசீக வளைகுடா நாடுகள் இதை புரிந்து கொள்ள வேண்டும்."

இதைத் தொடர்ந்து, பாக்கிஸ்தானின் வெளியுறவு அலுவலகம், குரேஷியின் அறிக்கையானது சர்வதேச அளவில் காஷ்மீர் பிரச்சினையை OIC எழுப்பவேண்டும் என்ற மக்களின் அபிலாஷைகளையும் எதிர்பார்ப்புகளையும் பிரதிபலிப்பதாக வலியுறுத்தியது.

"இது சம்பந்தமாக, எங்கள் முயற்சிகள் தொடரும், மேலும் முன்னோக்கி நகர்வுகள் இருக்கும் என்று நாங்கள் நம்புகிறோம்," என்று வெளிச்செல்லும் வெளியுறவு அலுவலக செய்தித் தொடர்பாளர் ஆயிஷா பாரூக்கி கூறினார். பாக்கிஸ்தான் OIC இன் ஸ்தாபக உறுப்பினர் மற்றும் அமைப்பின் உறுப்பு நாடுகளுடன் நீண்டகால சகோதரத்துவ உறவைக் கொண்டுள்ளது என்றும் அவர் தெரிவித்தார்.

https://www.presstv.com/Detail/2020/08/09/631392/Saudi-Arabia-oil-India-OIC-Kashmir

அமெரிக்காவின் ஈரான் கொள்கை ஒரு ‘படு தோல்வி': முன்னாள் அமெரிக்க அரசியல் விவகார ராஜாங்க செயலாளர் வெண்டி ஷெர்மன்

U.S. Policy on Iran a ‘Costly’ Failure: Nuclear Negotiator Wendy Sherman

2015 ஈரான் அணுசக்தி ஒப்பந்த பேச்சுவார்த்தைகளில் அமேரிக்கா சார்பாக தலைமை வகித்த முன்னாள் அமெரிக்க அரசியல் விவகார ராஜாங்க செயலாளர் வெண்டி ஷெர்மன், ஜனாதிபதி டொனால்ட் டிரம்பின் தெஹ்ரானுக்கு எதிரான “அதிகபட்ச அழுத்தம்” கொள்கையை அவரது “வேதனையான” மற்றும் “பாதகமான” வெளியுறவுக் கொள்கை தோல்விகளின் ஒரு எடுத்துக்காட்டு என்று விமர்சித்தார்.

வெளியுறவுக் கொள்கை இதழில், ஷெர்மன் "டிரம்பின் கீழ் அமெரிக்க வெளியுறவுக் கொள்கையின் மொத்த அழிவு" என்ற தலைப்பில் எழுதிய கட்டுரையிலேயே இவ்வாறு தெரித்துள்ளார்.

பல வருட முயற்சியின் பின் எட்டப்பட்ட ஒப்பந்தத்தை ட்ரம்ப்  "வரலாற்றின் ஒரு மோசமான ஒப்பந்தம்" என்று வர்ணித்து 2018 இல் அதிலிருந்து வெளியேறினார்.

"டிரம்ப் நிர்வாகம் அணுசக்தி ஒப்பந்தத்தில் இருந்து விலகிய மூன்று ஆண்டுகளுக்குப் பிறகு, ஈரான் இன்று அதிக அளவில் செறிவூட்டப்பட்ட யுரேனியத்தைக் கொண்டுள்ளது..., மேலும் அதிக இயக்க அணுசக்தி வசதிகள், அதிநவீன தொழில்நுட்பம் ஆகியவற்றையும் கொண்டுள்ளது" என்றும் அவர் எழுதியுள்ளார்.

"அமெரிக்க வெளியுறவுத்துறை செயலர் மைக் பாம்பியோ மற்றும் ஈரான் விடயத்தை கவனிக்கும் தூதர் பிரையன் ஹூக் இதை ‘அதிகபட்ச அழுத்தத்தின்’ பிரச்சாரமாக விளம்பரம் செய்கிறார்கள், ஆனால் அவர்களின் இறுதி நோக்கம் ஆட்சி மாற்றம் அல்ல என்றும் அவர்கள் வலியுறுத்துகிறார்கள்  - இதன் நோக்கம் ஒரு மர்மமாகவே உள்ளது,” என்று அவர் மேலும் கூறியுள்ளார்.

விரிவான கூட்டு செயல் திட்டம் (JCPOA) என அதிகாரப்பூர்வமாக அறியப்பட்ட அணுசக்தி ஒப்பந்தத்தை ஒருதலைப்பட்சமாக ரத்து செய்து, அமேரிக்கா 2018 இல் ஈரானுக்கு எதிரான அதிகபட்ச அழுத்த பிரச்சாரத்தை கட்டவிழ்த்துவிட்டது.

ஒப்பந்தத்தில்  இருந்து தன்னிச்சையாக வெளியேறியதைத் தொடர்ந்து, வாஷிங்டன் ஈரானிய தேசத்தை " முன் ஒருபோதும் இருந்திராத கடினமான" பொருளாதாரத் தடைகளுடன் குறிவைத்தது.

தெஹ்ரான் மீது ஐ.நா. ஆயுதத் தடை இந்த ஒக்டோபர் மாதம் முடிவுக்கு வருகிறது; ஆனால் அதனை  நீட்டிக்க (JCPOA) ஒப்பந்தத்தில் கையொப்பமிட்ட ஏனைய நாடுகளுக்கு அழுத்தம் கொடுப்பதன் மூலம் ஜே.சி.பி.ஓ.ஏவை முழுமையாகக் செயலிழக்கச் செய்யும் முயற்சிகளை அமேரிக்கா இப்போது எடுத்து வருகிறது.

ஹார்வர்ட் பல்கலைக்கழகத்தின் பேராசிரியரான ஷெர்மன் தனது கட்டுரையில் டிரம்பின் வெளியுறவுக் கொள்கையில் எந்தவொரு "தெளிவான குறிக்கோளும்" இல்லை என்று விபரித்துள்ளார்.

"டிரம்பின் இந்த புத்திசாலித்தனமற்ற நடவடிக்கையின் விளைவாக, மத்திய கிழக்கு, அவர் பதவியேற்ற காலத்தில் இருந்ததை விட இன்று அமைதியற்ற பிரதேசமாக உள்ளது, பாலஸ்தீனிய எழுச்சி முன்பை விட வீரியம் கொண்டதாகவும் மாறி உள்ளது; தென் அமெரிக்காவில் கியூபா மற்றும் வெனிசுலா மக்கள் கசப்பான எதிர்காலத்தை எதிர்கொள்கின்றனர், ஆப்பிரிக்க அபிவிருத்தி வாக்குறுதி ஓரங்கட்டப்பட்டுள்ளது. இந்த நடவடிக்கைகளினால் ரஷ்யாவுக்கோ அல்லது சீனாவுக்கோ உண்மையான சவால் எதுவும் ஏற்படவும் இல்லை,” என்பதையும் அவர் தனது கட்டுரையில் சுட்டிக்காட்டுகின்றார்.

"ட்ரம்ப்பின் வெளியுறவு குறிக்கோள்களின் அடிப்படை அமெரிக்க தேசிய பாதுகாப்பு அல்ல, அது டிரம்ப்பின் பாதுகாப்பு என்பதே ஒரே முடிவு. குறிக்கோள்கள் அற்ற, மூலோபாயம் அற்ற, அமெரிக்கா அதன் நலனை பாதுகாத்து முன்னேறுகிறது என்பதற்கான எந்தக் அறிகுறியும் இல்லாமல், வெளியுறவுக் கொள்கையின் வெற்றிடத்தையும் மற்றும் வீண் அணுகுமுறையையும் அன்றி வேறு எதையும் இது காட்டவில்லை."

இஸ்லாமியப் புரட்சியின் தலைவர் அயதுல்லா சையத் அலி கமேனி ட்ரம்பின் இந்த "அதிகபட்ச அழுத்தம்" தொடர்பாக தொட்டுப் பேசுகையில் தொடர்ச்சியாக அமெரிக்கா விடுத்துவரும் புதிய பேச்சுவார்த்தைகளைத் தொடங்குவதற்கான அழைப்புகளில் நாட்டம் கொண்டோரை கண்டனம் செய்தார்.

ட்ரம்பை பெயர் குறிப்பிடாமல், "பொறுப்புவகிக்கும் இந்த முதியவர், வட கொரியாவுடனான பேச்சுவார்த்தைகளை தனது பிரசார உத்தியாக பயன்படுத்தினார். இப்போது அவர் (நவம்பர் 3 அமெரிக்க  ஜனாதிபதி) தேர்தலுக்கு (ஈரானுடனான பேச்சுவார்த்தைகளை) பயன்படுத்த விரும்புகிறார்," என்றும் ஈரானிய தலைவர் கூறியுள்ளார்.

"எல்லோரும் கவனமாக இருக்க வேண்டும்; இதை நான் பலமுறை கூறியுள்ளேன், நான் அதை மீண்டும் மீண்டும் வலியுறுத்துவதற்கான காரணத்தை சிலர் புரிந்து கொள்ளத் தவறிவிடுகிறார்கள் அல்லது அவர்களுக்கு புரியவில்லை என்பது போல் பாசாங்கு செய்கிறார்கள். "எதிரி எம்மை பேச்சுவார்த்தைக்கு அழைப்பதன் நோக்கம் அவர்கள் 'பேச்சுவார்த்தை மேசைக்கு வந்து எம்மிடம் ஏவுகணைகளை தயாரிப்பதை நிறுத்துங்கள் என்பார்கள், அவர்களின் கோரிக்கைகளை ஏற்றுக்கொண்டால்… நாம் எமது பாதுகாப்பில் பலவீனமடைவோம், நாங்களே பாதுகாப்பற்றவர்களாக ஆகுவோம்; அவர்கள் விரும்பும் விதத்தில் நாங்கள் செயல்படாவிட்டால், இதே நெருக்கடியை தொடர்ந்தும் எதிர்கொள்ள வேண்டியிருக்கும்: ஆகவே அவர்களின் பேச்சுவார்த்தைகளுக்கான அழைப்பு என்பது சச்சரவுகள், அச்சுறுத்தல்கள் மற்றும் பொருளாதாரத் தடைகள் ஆகியவைதான் என்பதை புரிந்துகொள்ள வேண்டும்" என்று இஸ்லாமிய புரட்சியின் தெளிவுபடுத்தினார்.

https://parstoday.com/en/news/iran-i124709-us_maximum_pressure_policy_on_iran_costly%E2%80%99_failure_chief_nuclear_negotiator