இஸ்லாமியப் புரட்சி"ஒரு புதிய விடியல் மற்றும் ஒரு புதிய சகாப்தம் - யசீர் அரபாத்

 Islamic Revolution "A New Dawn and a New Era - Yasser Arafat

An Arab perspective on Iran's Islamic Revolution at 43

43வது வருட நிறைவில் ஈரானின் இஸ்லாமியப் புரட்சி தொடர்பாக அரபுக் கண்ணோட்டம்

-          டாக்டர் முஸ்தபா ஃபெடோரி

புரட்சிக்கு ஏறக்குறைய இரண்டு ஆண்டுகளுக்கு முன்னர் ஈரான் முழுவதும் பொது ஆர்ப்பாட்டங்கள் மற்றும் வேலைநிறுத்தங்கள் என ஆரம்பித்த போராட்டம் 11 பிப்ரவரி 1979 அன்று உச்சத்தை எட்டியது,

ஈரானின் இஸ்லாமியப் புரட்சி ஷா முகமது ரேஸா பஹ்லவியின் கீழ் பல தசாப்த அடக்குமுறை முடியாட்சிக்கு முடிவுகட்டியது.

அமெரிக்காவினதும் இஸ்ரேலினதும் சதி திட்டங்களை முறியடித்து, இஸ்லாமிய குடியரசு ஈரான் பிறந்தது மட்டுமல்லாமல் பாரசீக வளைகுடா நாடுக்ளின் ஆட்சியாளர்களை நடுநடுங்கச் செய்தது.

பிராந்திய அரசியலில் ஏற்பட்ட இந்த நில அதிர்வு மாற்றம் ஈரானின் அரபு அண்டை நாடுகளை ஆச்சரியத்தில் ஆழ்த்தியது. பல அரபு நாடுகள், குறிப்பாக வளைகுடாவில், புரட்சியை அச்சுறுத்தலாகக் கண்டன. அமெரிக்கா அப்படிப் பார்த்தது என்பதே அதற்கு காரணம்.

சிரியா, லிபியா மற்றும் பாலஸ்தீன விடுதலை அமைப்பு (பிஎல்ஓ) தவிர, பெரும்பாலான அரபு ஆட்சியாளர்கள் ஈரானை ஒரு நட்பு நாடாகப் பார்ப்பதற்கு பதிலாக ஒரு எதிரியாகப் பார்க்கத் தொடங்கினர், அதுவும் தவறான காரணங்களுக்காக.

ஈரான் இஸ்லாமிய புரட்சியின் 43 ஆண்டு நிறைவைக் கொண்டாடும் இவ் வேளையில், அரேபியர்கள் புரட்சிகர ஈரானைத் நட்பு நாடாக இல்லாமல் எதிரியாக கருதினார்கள் இது ஏன் என்று ஆராய்வது சிறந்தது. புரட்சிக்குப் பிந்தைய ஈரானில் உண்மையில் என்ன மாற்றம் ஏற்பட்டது, பல அரேபியர்கள் தங்கள் வரலாற்று எதிரியான இஸ்ரேலை விட ஈரானை ஆபத்தான எதிரியாகக் கருத வைத்தது எது?

1979 க்கு முன், ஷியா பெரும்பான்மை முஸ்லிம் நாடாக இருந்த ஈரான், அமெரிக்கா மற்றும் இஸ்ரேலின் மிக நெருங்கிய நட்பு நாடாக இருந்தது. ஈரானின் ஷா "வளைகுடாவின் போலீஸ்காரர்" என்று செல்லப்பெயர் பெற்றிருந்தார். சோவியத் செல்வாக்கை எதிர்ப்பதற்கான அமெரிக்காவின் மத்திய கிழக்குக் கொள்கையின் புறக்காவல் நிலையமாகவும், இஸ்ரேலின் முக்கிய நட்பு நாடாகவும் ஈரான் மூலோபாய ரீதியாக பார்க்கப்பட்டது.

அப்போது, தொழில்நுட்பம் மற்றும் பாதுகாப்பு அறிவுக்கு ஈடாக இஸ்ரேலின் எண்ணெய் தேவையில் 60 சதவீதத்தை ஈரான் வழங்கியது. எடுத்துக்காட்டாக, SAVAK எனப்படும் ஷாவின் பயங்கரமான உள் பாதுகாப்பு கருவியை உருவாக்க இஸ்ரேல் உதவியது, இது மறைந்த ஆயதுல்லாஹ் ரூஹுல்லா கொமைனியை நாடுகடத்தியது. நாடுகடத்தப்பட்ட இமாம் மக்களை வழிநடத்தி ஷாவின் ஆட்சியை முடிவுக்குக் கொண்டு வருவார் என்று ஷாவோ அல்லது அவரது இஸ்ரேலிய நண்பர்களோ ஒருபோதும் நினைத்திருக்கவில்லை.

ஈராக் கூட ஈரானுடனான அதன் பிராந்திய மோதல்களைத் தீர்க்க 1975 இல் அல்ஜியர்ஸ் உடன்படிக்கையில் கையெழுத்திட்டது, லிபியா, சிரியா மற்றும் பலஸ்தீன விடுதலை அமைப்பு மட்டுமே, இஸ்ரேலுக்கு அமெரிக்க ஆட்சியாளகள் மற்றும்  ஷா வழங்கிவந்த ஆதரவின் காரணமாக ஷாவை வீழ்த்துவதற்கான அவரது முயற்சிகளில் நாடுகடத்தப்பட்ட இமாம் கொமைனியை  ஆதரித்தன.

லிபியாவின் முயம்மர் கடாபி அமெரிக்க பிராந்திய மேலாதிக்கத்திற்கு மற்றொரு அடியாக இஸ்லாமியப் புரட்சியை கண்டு வரவேற்றார், மேலும் 1979 இல் தெஹ்ரானில் புதிய தலைமைக்கு வாழ்த்து தெரிவிக்க உடனடியாக தனது பிரதிநிதியை தெஹ்ரானுக்கு அனுப்பினார்.

அன்று, இன்று போல், ஈரான் ஒரு பெரிய பிராந்திய சக்தியாக இருந்தது. ஷாவின் காலத்திலும், புரட்சிக்குப் பிந்திய முதல் தசாப்தத்திலும், ஈரானின் பிராந்தியக் கொள்கையில் ஷியா கொள்கை ஒரு முக்கிய காரணியாக இருக்கவில்லை.

பிப்ரவரி, 1979 இல், அரேபியர்களின் இதயங்களின் மையமான பாலஸ்தீனத்திற்கு ஈரான் வலுவான ஆதரவாளராக மாறியது. ஷா ஆட்சி கவிழ்ந்து ஒரு மாதத்திற்குள், PLO தலைவரான மறைந்த யசீர் அரபாத், தெஹ்ரானில் புரட்சிகர தலைமையால் வரவேற்கப்பட்ட முதல் வெளிநாட்டுத் தலைவர் ஆவார். அவரது வருகையின் போது மூடப்பட்ட இஸ்ரேலிய தூதரகத்தின் திறவுகோல் அவருக்கு வழங்கப்பட்டது, அதே இஸ்ரேலிய தூதரக கட்டிடம் ஈரானிய தலைநகரில் உள்ள பலஸ்தீன் விடுதலை அமைப்பு அலுவலகமாக மாறியது.

இஸ்லாமியப் புரட்சி என்பது பிராந்தியத்தில் "ஒரு புதிய விடியல் மற்றும் ஒரு புதிய சகாப்தம்" என்று இந்த நிகழ்வைப் பற்றி மகிழ்ச்சியுடன் அரபாத் கூறினார்.

இது அரேபியர்களுக்கும் ஈரானியர்களுக்கும் இடையிலான உறவின் ஒரு நல்ல வளர்ச்சியாக இருந்திருக்கலாம், ஆனால் அரஃபாத்தின் அரபு சகாக்கள் பலர் ஈரானை எதிரியாக சித்தரித்து அதன் ஷியா கோட்பாட்டை பரப்புவதாக குற்றம் சாட்டி ஒரு மூலோபாய பிழையை செய்தனர்.

அரேபிய குரோதத்தின் முதல் செயல்பாடு

செப்டம்பர் 1980 இல் ஈராக், ஈரானின் புரட்சிக்கு பிந்தைய குழப்ப சூழ்நிலையை பயன்படுத்திக்கொள்ள முயற்சித்தது, அல்ஜியர்ஸ் உடன்படிக்கைகளை தூக்கியெறிந்து, முடிந்தவரை அதிகமான நிலப்பரப்பைப் ஆக்கிரமிக்கும் நோக்கத்துடன் ஈரான் மீது படையெடுத்தது. பெரும்பாலான அரேபிய தலைவர்கள், குறிப்பாக வளைகுடா நாடுகள், மோதலை முடிவுக்குக் கொண்டுவர சமரசம் செய்வதற்குப் பதிலாக (அமெரிக்காவும் அதன் கூட்டாளிகளும் செய்தது போல்) சதாம் ஹுசைனின் ஆக்கிரமிப்பை ஆதரித்தன.

இரத்தம் தோய்ந்த எட்டு ஆண்டுகள் மற்றும் கிட்டத்தட்ட இரண்டு மில்லியன் உயிரிழப்புகள் மற்றும் இரு நாடுகளுக்கும் பெரும் பொருளாதாரச் சேதத்திற்கு பிறகு போர் முடிவுக்கு வந்தது. ஈராக் அடைந்தது எதுவுமில்லை. ஈரானில் இருந்தது இஸ்லாமிய அரசை வீழ்த்தும் அரபிகளின் நோக்கமும் நிறைவேறவில்லை.

உண்மையில், ஈராக் கிட்டத்தட்ட அனைத்தையும் இழந்தது, ஈரான், இழப்புகள் இருந்தபோதிலும், போரில் வெற்றி பெற்றதாகக் கூறலாம்.

2003ல் ஜார்ஜ் டபுள்யூ புஷ்ஷின் ஈராக் மீதான அமெரிக்காவின் வெட்கக்கேடான ஆக்கிரமிப்பைத் தொடர்ந்து, பெரும் செல்வாக்குடன் ஈரான் ஒரு முக்கிய சக்திவாய்ந்த நாடாக மாறியது. ஈராக்கின் பெரும்பான்மையான ஷியா மக்கள் திடீரென தங்கள் நாட்டின் அரசியலில் ஆதிக்கம் செலுத்துவோராக ஆகினர்.

புரட்சிகர ஈரான் பிராந்திய விவகாரங்கள் தொடர்பாக அளித்த வாக்குறுதிகளில் பெரும்பாலானவற்றை நிறைவேற்றியது. இது பாலஸ்தீனியர்களுக்கு, குறிப்பாக ஹமாஸுக்கு உதவியது; இஸ்ரேலை அங்கீகரிப்பதில்லை என்ற நிலைப்பாட்டில் உறுதியாக இருந்தது; மற்றும் சியோனிச அரசைக் கண்டிக்கும் வகையில் சர்வதேச குத்ஸ் தினத்தை வருடாந்திர பொது நிகழ்வாக இமாம் கொமெய்னி பிரகடனப்படுத்தினார். அந்த நாள் இன்றும் பல அரபு மற்றும் முஸ்லிம் நாடுகளில் ரமலான் மாதத்தின் கடைசி வெள்ளி அன்று கடைபிடிக்கப்படுகிறது.

தெற்கு லெபனானை இஸ்ரேலிய ஆக்கிரமிப்பிலிருந்து விடுவிக்க பெய்ரூட்டில் உள்ள அரசாங்கத்திற்கு ஈரானிய ஆதரவு கணிசமாக உதவியது. 1973 அரபு-இஸ்ரேல் போருக்குப் பிறகு, எந்த ஒரு சமாதான ஒப்பந்தமும் இல்லாமல் அரபு நிலத்தை விட்டு வெளியேற இஸ்ரேல் தள்ளப்பட்டது இதுவே முதல் முறை என்பது குறிப்பிடத்தக்கது.

சுன்னிகளைக் கொண்ட ஹமாஸுக்கு ஈரான் வழங்கிவரும் தொடர்ச்சியான ஆதரவு, பிராந்தியத்திலும் அதற்கு அப்பாலும் ஷியா இயக்கங்களை மட்டுமே ஈரான் ஆதரிக்கிறது என்ற கூற்றை பொய்யாக்கியுள்ளது. ஷியா மற்றும் சுன்னி முஸ்லிம்களுக்கு இடையேயான பிணக்கு, தெஹ்ரான் மற்றும் ரியாத்தை எதிரெதிர் பக்கங்களில் வைப்பது இஸ்லாத்தின் எதிரிகளின் திட்டமாகும், நிச்சயமாக அது புரட்சிகர ஈரானின் பிராந்திய லட்சியங்களில் ஒன்றல்ல.

உண்மையில், இத்தகைய மோதல்கள் இஸ்ரேல் பிரதிநிதித்துவப்படுத்தும் பிராந்தியத்திற்கு மூலோபாய அச்சுறுத்தலில் இருந்து கவனத்தைத் திசைதிருப்ப வாஷிங்டனால் ஊக்குவிக்கப்பட்டு, ரியாத் மற்றும் பிற அரேபியர்களால் ஏற்றுக்கொள்ளப்பட்ட கொள்கையாகும்.

இப்போதுஅந்த பிரிவு பாலஸ்தீனியர்கள் மற்றும் பிற அரேபிய உலகின் இழப்பில் சியோனிச அரசுடன் அதிக உறவுகளை உருவாக்க சவூதி அரேபியாவால் மறைமுகமாகப் பயன்படுத்தப்படுகிறது.

எப்போதுமே அரேபியர்களின் அண்டை நாடாகவே இருக்கும் ஈரானை பகைத்துக்கொள்வதால் எந்த அரபு நாட்டிற்கும் எந்த பயனும் ஏற்படப்போவதில்லை, ஆனால் அண்டை நாடுகள் புறக்கணிக்கப்படும்போதும், இழிவுபடுத்தப்படும்போதும், அவர்கள் எதிர்காலத்தில் அச்சுறுத்தலாக மாறும் திறனை வளர்த்துக் கொள்கிறார்கள்.

சவூதி தலைமையிலான கத்தார் புறக்கணிப்பு மற்றும் யெமன் போர் ஆகியவை தோஹாவில் உள்ள அரசாங்கம் தெஹ்ரானின் ஆதரவை பெற்றுக்கொண்டது, அதே நேரத்தில் பிராந்திய ரீதியாக தீங்கு விளைவிக்கும் யெமன் போர் அரேபிய தீபகற்பத்தில் ஈரானின் நிலையை மேலும் வலுப்படுத்துகிறது.

அண்டை மாநிலங்களில் உள்ள ஷியா முஸ்லிம்கள் தங்கள் சொந்த நாடுகளில் பொதுவாக ஒடுக்கப்பட்டு ஓரங்கட்டப்பட்டுள்ளனர் என்பதன் காரணமாக ஈரானை பார்த்து உத்வேகம் அடைந்துள்ளனர் என்பது உண்மையே, ஏனெனில் அவர்கள். உதாரணமாக, சவூதி அரேபியாவில் உள்ள ஷியா பிரிவினர், தங்கள் சொந்த நாட்டை விட ஈரானுக்கு விசுவாசமாக இருக்க வேண்டியதில்லை.

ஈராக் மற்றும் பஹ்ரைனிலும் இதே நிலைதான். ஒடுக்கப்பட்ட மற்றும் புறக்கணிக்கப்பட்ட சமூகங்கள் பொதுவாக எந்த மூலத்திலிருந்தும் ஆதரவை வரவேற்கின்றன. அத்தகைய பிரச்சினையை, ஈரானை எதிரியாய் பார்ப்பதை விட ஈரானுடன் இணைந்து, எளிதாக தீர்க்க முடியும்.

சிரிய ஜனாதிபதி பஷர் அல்-அசாத்துக்கு ஈரானின் ஆதரவு கூட அவர் ஒரு ஷியா என்பதை விட மூலோபாய நோக்கங்களால் இயக்கப்படுகிறது. அல்-அசாத் ஒரு ஷியாவாக இருக்கலாம் ஆனால் சிரியாவில் நடந்த போர் மதபிரிவு பற்றியது அல்ல. மத்தியதரைக் கடலுக்கு நேரடியாக அணுகக்கூடிய ஈரான், அது இல்லாமல் இருப்பதை விட மிகவும் வலிமையானது. மற்றும் அல்-அசாத்தை ஆதரிப்பது அத்தகைய அணுகலை வழங்குகிறது.

இன்று தெஹ்ரானில் உள்ள அரசாங்கம், 1979 க்கு முன் இருந்ததைப் போலவே, நட்பு வலையமைப்பை உருவாக்குகிறது, சில சமயங்களில் அரசாங்கங்கள் உடன்படவில்லை என்றால் அரசு அல்லாத மற்றவர்களுடனும் தொடர்பை ஏற்படுத்துகிறது.

அதிக நண்பர்கள் என்றால் குறைவான எதிரிகள், இது ஒரு நியாயமான அரசியல் நோக்கமாகும்.

அரேபியர்கள் ஈரான் மீதான தங்கள் கொள்கையை ஒரு எளிய இலாப நட்ட பகுப்பாய்வு செய்வதன் மூலம் மறுபரிசீலனை செய்ய வேண்டும், அடுத்த மாதம் டியூனிசியாவால் நடத்தப்படும் அரபு உச்சிமாநாடு அதைச் செய்வதற்கான சரியான வாய்ப்பாகும். ஈரான் ஒரு விருந்தினராக உச்சிமாநாட்டிற்கு அழைக்கப்பட வேண்டும், மேலும் அரபு-ஈரானிய உரையாடல் மூலம் இரு தரப்பிலும் உள்ள சந்தேகங்களை, குறைகளையும் தீர்க்க வேண்டும்.

ஒன்றுபடுதல் வெற்றி-வெற்றி சூழ்நிலையை உருவாக்கும்; பிளவுபட்டால், அரேபியர்களும் ஈரானியர்களும் நஷ்டமடைந்தவர்களாக இருப்பார்கள் என்பது சகல தரப்பினராலும் புரிந்துகொள்ளப்பட வேண்டும்.

https://messageofwisdom.blogspot.com/2022/02/an-arab-perspective-on-irans-islamic.html?fbclid=IwAR3hUqlkJfJmFbKIlbhPVG9U_gw-FE0MVRlP9gKq3TPf8RfJjd4beEi-_zA

முஸ்லிம் உலகை பெருமைப்படுத்தும் இஸ்லாமிய ஈரான்

Iran’s Achievements Since the 1979 Revolution: Islam as a Source and Stimulant of Knowledge - Kevin Barrett

நாடுகடத்தப்பட்ட  நிலையில் இமாம் ருஹுல்லா கொமேனி, பிப்ரவரி 1, 1979 இல், வெற்றிகரமான இஸ்லாமியப் புரட்சிக்கு வழிகாட்ட ஈரானுக்குத் திரும்பி, சமகால வரலாற்றில் உலகின் முதல் இஸ்லாமியக் குடியரசை ஸ்தாபித்தார்.

மேற்கத்திய அரசியல் தத்துவம் மற்றும் அதன் ஏகாதிபத்திய உலக ஒழுங்கில் இருந்து தீவிரமாக முறித்துக் கொள்ளும் ஒரு நவீன, முன்னோக்கு இஸ்லாமிய சமுதாயத்தை உருவாக்குவதில் இமாம் கொமெய்னி தீவிரமாக இருந்தார் என்பது தெளிவாகியது.

மேற்கத்திய ஆய்வாளர்கள் இஸ்லாமிய குடியரசு ஒரு குறுகிய கால பரிசோதனையாக, நீண்ட ஆயுளற்ற ஒன்றாக இருக்கும் என்று கணித்தனர். அவர்கள் இஸ்லாமிய ஆட்சி மிகவும்குறுகிய காலத்தில் வீழ்ந்துவிடும் என்ற தங்கள் தீர்க்கதரிசனம் யதார்த்தமாக மாறுவதை உறுதிசெய்ய முயற்சிசெய்தார்கள்.

ஏகாதிபத்திய புவி மூலோபாயவாதிகள் முதலில் ஈரான் மீது படையெடுப்பதற்கு சதாம் ஹுசைனின் ஈராக்கைத் தூண்டுவதன் மூலம் "புரட்சிகர குழந்தையை அதன் தொட்டிலிலேயே கழுத்தை நெரிக்க" முயற்சித்தனர்.

1980 செப்டம்பர் 22, இல், ஈராக் ஈரானிய பிரதேசத்தை நிரந்தரமாக ஆக்கிரமிக்கும் நோக்கத்துடன் இஸ்லாமிய குடியரசின் மீது முழு அளவிலான படையெடுப்பைத் தொடங்கியது, குறிப்பாக ஷட் அல்-அரப் மற்றும் எண்ணெய் வளம் நிறைந்த மாகாணமான குசெஸ்தான் ஆகிய பிரதேசங்களை ஆக்கிரமிக்கும் எண்ணம் கொண்டது. ஒரு வெற்றிகரமான ஈராக்கிய ஆக்கிரமிப்பு மற்றும் ஈரானிய பிரதேசத்தை ஈராக்குடன் இணைத்தல், இஸ்லாமிய அரசாங்கத்தை பலவீனமடையச் செய்யும் என்றும் அதை கவிழ்க்க வழிவகுக்கும் என்றும் அவர்கள் தப்புக்கணக்கு போட்டனர்.

"திணிக்கப்பட்ட போர்" மூலம் ஈரானை விரைவாக தோற்கடித்து இழிவுபடுத்துவதை நோக்கமாகக் கொண்டிருந்தது. ஆனால் போரை திணித்தவர்கள் ஈரானியர்களின் மத உறுதியை கருத்தில் கொண்டிருக்கவில்லை, ஈரானியர்கள் மேற்கு ஆதரவு மதச்சார்பற்ற ஈராக்கியர்களை விட, இஸ்லாமிய புரட்சியை காக்க தங்கள் உயிரைக் தியாகம் செய்ய தயாராக இருந்தனர். உயர்ந்த மன திடம் மற்றும் நியாயமான காரணத்திற்காக தியாகம் செய்ய தூண்டும் குர்ஆன் கட்டளை அவர்களுக்கு உரமூட்டியது. ஈரானியர்களின் இந்த மன உறுதி உள்ள ஈரானின் பணம் மற்றும் ஆயுதங்களில் இருந்த குறைபாடுகளை ஈடுகட்டியது, ஈரானியர்கள் வசம் பாக்தாத் வீழும் அபாயத்தைத் தடுக்க மேற்குலகம் முன்வரவில்லை என்றால் ஈராக்கை தோற்கடித்து பாக்தாத்தை கைப்பற்றியிருக்கும்.

திணிக்கப்பட்ட போர் ஈரான் இஸ்லாமிய குடியரசை வீழ்த்துவதற்கு பதிலாக, அவர்களது கை மேலோங்கி இருக்கிறது என்பது தெளிவாகத் தெரிந்ததால், கம்யூனிசத்தின் பரவலைக் கட்டுப்படுத்துவதற்காக ஜார்ஜ் கென்னனின் புகழ்பெற்ற இரண்டாம் உலகப் போருக்குப் பிந்தைய மூலோபாயத்தின் மாதிரியான கட்டுப்பாட்டுக் கொள்கைக்கு மேற்கு நாடு மாறியது.

பொருளாதாரத் தடைகள் மற்றும் நாசவேலைகள் மூலம் ஈரானின் பொருளாதாரத்தை கழுத்தை நெரித்து, அதன் வளர்ச்சியைத் தடுப்பதன் மூலம், பிராந்தியத்தில் மேற்கத்திய கைப்பாவை (அரபு) ஆட்சிகளை பலப்படுத்துவதன் மூலம், இஸ்லாமிய புரட்சிகர சித்தாந்தம் மற்றும் நடைமுறை மற்ற நாடுகளுக்கு பரவுவதைத் தடுக்க முடியும் என்று ஏகாதிபத்திய மூலோபாயவாதிகள் நம்பினர்.

ஈரானின் பொருளாதாரம் மற்றும் தொழில்நுட்பத்தை நிரந்தரமாக முடக்க முடியுமாயின், இஸ்லாமிய குடியரசு மற்ற மக்களுக்கு ஒரு தோல்வியடைந்த முன்மாதிரியாக அமையும் அதேநேரம் ஈரானியர்களும் விரைவில் தங்கள் புரட்சிகர சிந்தனைக்கு முற்றுப்புள்ளி வைக்க முடிவு செய்வார்கள் என்றும் ஏகாதிபத்தியவாதிகள் நம்பினர்,

இஸ்லாமிய புரட்சிகர சித்தாந்த மானது சர்வதேச மாதிரியாக வியாபிக்கும் வேகத்தை கட்டுப்படுத்துவதில் திட்டத்தின் மூலகர்த்தாக்கள் ஒரு குறிப்பிட்ட அளவிற்கு வெற்றி பெற்றனர் என்பது உண்மையே என்றாலும் அவர்கள் வன்முறையின் மூலம் அதைச் செய்தார்கள்- அதற்காக அவர்கள் பயங்கரவாத வழிமுறையையே கையாண்டார்கள்.

எடுத்துக்காட்டாக, மொராக்கோவில், இஸ்லாமிய இயக்கமான அல் அத்ல் வல் இஹ்சானேயின் தலைமை, வரலாற்று ரீதியாக, இஸ்லாமிய குடியரசுக் கட்சியினை ஒத்த மாதிரி ஒன்றை ஓரளவுக்கு பின்பற்ற விரும்பியது. ஆனால் 1990 களில் அல்ஜீரிய அனுபவம், மேற்கத்திய ஆதரவு அரசாங்கத்தின் கொலைப் படைகள் (பெரும்பாலும் "இஸ்லாமியர்கள்" போல் மாறுவேடமிட்டு) ஒரு மில்லியனுக்கும் அதிகமான மக்களைக் கொன்றது. மேற்குலகம் இஸ்லாமிய குடியரசுவாதத்தின் பரவலைத் தடுக்க வரம்பற்றவிதத்தில் அப்பாவி மக்களின் இரத்தத்தை சிந்த தயங்காது என்பதை காட்டியது என்று அல் அத்ல் வல் இஹ்சானேயின் குழுவின் தலைவர்களான ஷேக் அப்தெஸ்ஸலாம் யாசின் மற்றும் அவரது மகள் மற்றும் வாரிசு நதியா ஆகியோர் பலமுறை விளக்கியுள்ளனர்.

அத்தகைய இரத்தக்களரியைத் தவிர்ப்பதற்காக, அல் அத்ல் வல் இஹ்சான் இயக்கத்தவர்கள், மொராக்கோவை இஸ்லாமிய ஆளுகை மற்றும் மேற்கத்திய நவ-ஏகாதிபத்திய ஆக்கிரமிப்பிலிருந்து சுதந்திரம் பெறுவதற்கான பாதையில் ஈரானைப் பின்தொடர்வதில் இருந்து பின்வாங்கினர். இதேபோன்ற சூழ்நிலைகளே பல முஸ்லிம்கள் பெரும்பான்மையாக உள்ள நாடுகளில் உள்ளன. ஆனால் மேற்கத்திய மூலோபாயம் முஸ்லிம் கிழக்கிலிருந்து ஆங்கிலோ-சியோனிசப் பேரரசை வெளியேற்றுவதற்கு அர்ப்பணிக்கப்பட்ட ஏகாதிபத்திய எதிர்ப்பின் அச்சு உருவாவதைத் தடுக்கத் தவறிவிட்டது.

இன்று, அந்த அச்சு, அதாவது அநியாயத்தை எதிர்க்கும் சக்தி, யெமன், லெபனான், சிரியா மற்றும் ஈராக் ஆகிய நாடுகளில் தொடர்ந்தும் வலுப்பெற்று வருகிறது, அதே சமயம் ஈராக், சிரியா, லெபனான், ஆப்கானிஸ்தான் மற்றும் யெமன் ஆகிய நாடுகளில் தோற்கடிக்கப்பட்ட ஏகாதிபத்திய பேரரசு பலவீனமடைந்து வருகிறது. விரைவில் அல்லது கொஞ்ச காலத்திற்கு பின்னர், மேற்கு ஆசியாவில் இருந்து ஏகாதிபத்திய சக்திகள் தவிர்க்க முடியாதபடி வெளியேறும், பிராந்திய நாடுகள் உண்மையான சுதந்திரம் மற்றும் இஸ்லாமிய ஆட்சியை அடைவதற்கான வழி திறந்துவிடும்.

அந்த நாள் வரும்போது, இன் ஷா அல்லாஹ், மேற்கத்திய நாசகாரர்கள் மற்றும் பயங்கரவாதிகளின் கடும் முயற்சிகள் இருந்தபோதிலும், ஈரான் இஸ்லாமிய குடியரசு தொடர்ந்தும் உயிர் வாழும்.

உண்மையில், நான்கு தசாப்தங்களுக்கும் மேலாக எந்தவொரு நாட்டின் மீதும் இதுவரை விதிக்கப்பட்டிராத கடுமையான பொருளாதாரத் தடைகளிலிருந்து ஈரான் வெளிவரும்போது அது செழிப்பான நாடாக வளர்ந்திருக்கும்.

இஸ்லாமிய ஈரான் பொருளாதார ரீதியிலும் தொழில்நுட்ப ரீதியிலும் தொடர்ந்து முன்னேறி வருவதன் மூலம் அழிவை எதிர்வுகூறி, பொருளாதாரத் தடைகள்-விதித்தவர்களை திகைக்க வைத்துள்ளது. வரலாற்றில் மிகவும் சக்திவாய்ந்த ஏகாதிபத்திய சாம்ராஜ்யத்தின் தீவிர எதிர்ப்பையும் மீறி, மனித வளர்ச்சிக் குறியீட்டில் ஈரான் வேகமாக உயர்ந்து வருகிறது.

1979 ஆம் ஆண்டு முதல் அறிவியல் மற்றும் தொழில்நுட்பத்தில் ஈரானின் பாரிய முன்னேற்றம் மேற்கத்திய நோக்கர்களை அதிர்ச்சிக்குள்ளாக்கியுள்ளது, அவர்களில் பலர் இஸ்லாமிய அடிப்படையிலான சமூகம் அந்தகாரத்தில் மூழ்கிவிடும் என்று கற்பனை செய்தனர்; பாவம் அவர்கள்.

உண்மையில், ஈரானின் அரசியல் ஸ்தாபனம், சன்மார்க்க பள்ளிகளின் பயிற்சியுடன் வேகமாக முன்னேறுகிறது. இது உலகில் உள்ள உயர்ந்த கல்வி பெற்ற குழுவாக கூட இருக்கலாம்.

உண்மையில், செம்மொழிக் கல்வியை மதிக்கும் மக்களால் ஆளப்படும் ஒரே நாடு இஸ்லாமிய ஈரான் மட்டுமே!

எனவே, ஈரானின் பல்கலைக்கழக அமைப்பு 1979 முதல் செழித்தோங்கியது, கல்வி நிலைகள் (குறிப்பாக பெண்கள் மத்தியில்) பாரிய வளர்ச்சி கண்டுள்ளது, மேலும் ஈரானிய விஞ்ஞானிகள் மற்றும் பொறியாளர்கள் தங்கள் நாடு பொருளாதார ரீதியாகவும் தொழில்நுட்ப ரீதியாகவும் பல முன்னேற்றங்களை அடைந்துள்ளனர். இவை கடுமையான பொருளாதார தடைகளின் மத்தியில் நிகழ்ந்துள்ளது என்பது வியக்க வைக்கிறது.

வளரும் நாடுகளில், மனித வளர்ச்சிக் குறியீட்டின் (HDI) அடிப்படையில் ஈரான் முதலிடத்தை நெருங்கி உள்ளது. ஐக்கிய நாடுகளின் மனித மேம்பாட்டுத் திட்டத்தின்படி, 1990 முதல் மூன்று தசாப்தங்களில் ஈரானின் HDI ஏறக்குறைய 40% வளர்ந்தது - இது எந்த நாட்டிலும் இல்லாத சிறந்த பதிவுகளில் ஒன்றாகும், மேலும் மனிதாபிமானமற்ற தடைகள் விதித்த சக்திகளுக்கு கொடுக்கப்பட்ட ஓர் அதிர்ச்சி தரும் அதிசயம் என்று கூட கூறலாம்.

அந்தக் காலகட்டத்தில், மனித ஆயுட்காலம் 12 ஆண்டுகளுக்கும் மேலாகவும், பள்ளிப்படிப்பின் ஆண்டுகள் ஆறு ஆண்டுகளாகவும், தனிநபர் வருமானம் 60% ஆகவும் உயர்ந்தது. ஈரானிய மக்களைக் கடுமையான வறுமை மற்றும் பின்தங்கிய நிலைக்குக் தள்ளி,அவர்களின் மன உறுதியை நசுக்கும் மேற்கத்திய முயற்சி முற்றிலும் தோல்வியடைந்துள்ளது.

ஈரானிய மருத்துவம் ஆயுட்காலம் கூர்மையான உயர்வுக்கு பங்களித்துள்ளது. 1990 களில் ஈரான் தனது சுகாதாரப் பாதுகாப்பு முறையைப் புரட்சிகரமாக மாற்றி கிராமப்புற மக்களில் 90% க்கும் அதிகமான மக்களுக்கு சுகாதார சேவையை வழங்குவதில் வெற்றி பெற்றது.

மேற்கத்திய பொருளாதாரத் தடைகள், மரணம் மற்றும் துன்பங்களுக்கு காரணமாக இருப்பதால், ஈரான் தனது சொந்த மருத்துவப் பொருட்களைத் தயாரிக்கக் கற்றுக் கொள்ளும் நிர்பந்தம். இது வருடத்திற்கு $750 மில்லியனைச் சேமிப்பது மட்டுமல்லாமல், உலக சந்தையில் ஈரான் தன்னை ஒரு முக்கிய போட்டியாளராக மாற்றியது. இன்று, ஈரான் அதன் சொந்த மருந்துப்பொருட்களில் 97% க்கும் அதிகமானவற்றை உற்பத்தி செய்கிறது மற்றும் மருத்துவ உயிரி தொழில்நுட்பத்தில் முன்னணியில் உள்ளது.

பல துறைகளில், ஈரானிய அறிவியல் உலக அளவில் போட்டி நிலைகளை எட்டியுள்ளது. விண்வெளி மற்றும் விமான போக்குவரத்து, வேதியியல், கணினி அறிவியல், உயிரி தொழில்நுட்பம் மற்றும் மருத்துவ அறிவியல், இயற்பியல் மற்றும் பொருட்கள் அறிவியல், அணு அறிவியல் மற்றும் நனோ தொழில்நுட்பம் ஆகியவை எடுத்துக்காட்டுகளாகும். ஆச்சரியப்படும் விதமாக, கடுமையான பொருளாதாரத் தடைகள் விதிக்கப்பட்டுள்ள நிலையிலும் கூட அமெரிக்க தேசிய அறிவியல் நிறுவனம், சமீபத்திய ஆண்டுகளில், அறிவியல் மற்றும் தொழில்நுட்ப வளர்ச்சியில் உலகளவில் ஈரானுக்கு முதலிடம் கொடுத்துள்ளது.

தி டைம்ஸ் உயர் கல்வி சுட்டின் படி, ஈரானின் அறிவியல் மற்றும் தொழில்நுட்ப வெளியீடுகள் 1970 முதல் 2008 வரை 340,000 சதவீதம் வளர்ச்சியடைந்து, உலகின் மொத்த வெளியீட்டில் 1% க்கும் அதிகமாக உள்ளது, இது சீனா, இந்தியா மற்றும் பிரேசில் தவிர அனைத்து வளரும் நாடுகளை விட ஈரானை மிகவும் முன்னிலைப்படுத்தியது.

தொழில்நுட்ப உற்பத்தியில் ஈரானின் வளர்ச்சியானது பல்வேறு அளவீடுகளின்படி (உலக சராசரியை விட மிக அதிகமாக) ஆண்டுக்கு 10% முதல் 25% வரை ஈர்க்கக்கூடிய விகிதத்தில் தொடர்கிறது, அதன் அணுசக்தித் துறை உலக வளர்ச்சியான  34%.விகிதத்துடன் ஒப்பிடும்போது அதிர்ச்சியூட்டும் வகையில் 8400% முன்னேறியுள்ளது.

ஈரானின் மிகப்பெரிய முன்னேற்றங்கள் சில ராக்கெட் தொழில்நுட்பம் மற்றும் விண்வெளி அறிவியல் வியக்கத்தக்க அளவில் வந்துள்ளன. ஈரானிய விண்வெளி ஏஜென்சி ISA யின் அர்ப்பணிப்பு காரணமாக, ஈரான் இஸ்லாமிய குடியரசு 2009 இல் உலகின் 11 செயற்கைக்கோள் சுற்றுப்பாதை-ஏவுதல் திறன் கொண்ட நாடுகளில் ஒன்றாக மாறியது. இன்று, விரிவுபடுத்தக்கூடிய செயற்கைக்கோள் வாகனம் (SLV) ஸுல்ஜானா 200 கிலோ எடையுள்ள வாகனம் 500 கிமீ சுற்றுப்பாதையில் கொண்டு செல்கிறது, அதே நேரத்தில் அதன் பின்னால் வரவிருக்கும் Souroush SLV விரைவில் 8-15 டன் எடையுள்ள வாகனம் விண்வெளிக்கு எடுத்துச் செல்லும்.

ஈரானிய இராணுவம், ஒப்பீட்டளவில் குறைந்த நிதியில் இயங்கிய போதிலும், எதிரிகள் ஈரான் மீது ஒரு பெரிய தாக்குதலை நடத்தும் முடிவில்லா அச்சுறுத்தல்களை தொடர்ந்து, இஸ்ரேலிய இராணுவ தளங்கள், நகரங்கள் மற்றும்/ அமெரிக்க கப்பல்கள் மற்றும் தளங்கள் மீது நினைத்துப்பார்க்க முடியாத அளவிலான சேதத்தை ஏற்படுத்தக்கூடிய தற்காப்பு ராக்கெட்டுகளின் ஈர்க்கக்கூடிய வரிசையை சேகரிக்க முடிந்தது.

ஈரானிய விஞ்ஞானிகள் மற்றும் மூலோபாயவாதிகளின் அர்ப்பணிப்புமிக்க செயற்பாட்டின் காரணமாக, வல்லாதிக்க சக்திகள் இராணுவத்திற்காக செலவழித்த பணத்தில் ஒரு சிறிய பகுதியை மட்டுமே செலவுசெய்து ஈரான் தற்காப்பு உயர்நிலையை அடைந்துள்ளது.

மேற்கூறிய துறைகளில் மற்றும் பலவற்றில் இஸ்லாமியக் குடியரசின் முன்னேற்றம், மதச்சார்பின்மையை அறிவுடனும், மதத்தை அறியாமையுடனும் சமன்படுத்தும் இஸ்லாமிய வெறுப்பு பிரச்சாரத்தை பொய்யாக்கி உள்ளது.

1979 இல் இஸ்லாமியக் குடியரசின் பிறப்பிலிருந்து வியக்கத்தக்க வெற்றிகளை திரும்பிப் பார்க்கும்போது, எதிர்கால வரலாற்றாசிரியர்கள் ஒரு புதிய தத்துவக் கண்ணோட்டத்தில் அணுகினால், முழு விவரங்கள் அறியப்படுவதை வேண்டுமென்றே தடுபோராக அல்லாமல், மதத்தை ஒரு ஆதாரமாகவும் அறிவின் தூண்டுதலாகவும் அங்கீகரிக்கலாம்,

https://crescent.icit-digital.org/articles/iran-s-achievements-since-the-1979-revolution-islam-as-a-source-and-stimulant-of-knowledge

முஸ்லிம் உலக வளங்கள் எவ்வாறு வீணடிக்கப்படுகின்றன

How the resources of the Muslim world are being wasted

முஸ்லிம் நாடுகளை இஸ்லாத்தின் எதிரிகள், குறிப்பாக மேற்குலக நாடுகள் மற்றும் சியோனிச சக்திகள் ஒன்றிணைந்து குத்திக் குதறி துவம்சம் செய்துள்ள நிலையை நாம் பாலஸ்தீனில், ஆஃகானிஸ்தானில், ஈராக்கில், லிபியாவில், சிரியாவில் கண்டுகொண்டு இருக்கின்றோம்.

இவ்வாறான ஒரு நிலையில், ஒன்றுபட்டு செயல்படவேண்டிய முக்கியமான காலகட்டத்தில் முஸ்லிம் நாடுகள் அற்ப விடயங்களை காரணம் காட்டி, தமக்குள்s சண்டையிட்டுக்கொண்டு, தமது செல்வம் மற்றும் வளம் அனைத்தையும் வீணடித்துக்கொண்டு இருப்பதை காண மிகவும் கவலையாய் இருக்கிறது.

ஒரு சகோதர நாட்டை அழித்தொழிப்பதில் சவூதி அரேபிய பல பில்லியன் டாலர்களை செலவு செய்துள்ளது; இதுவரை பல்லாயிரம் அப்பாவி பொதுமக்கள் அநியாயமாக கொல்லப்பட்டுள்ளனர். செலவு செய்த இந்தப் பணத்தின் பாதியளவு பணத்தை வறுமையில் வாடிய யெமனின் அபிவிருத்திக்காக செலவு செய்திருப்பின் அந்த நாட்டு மக்கள் என்றென்றும் சவுதிக்கு நன்றிக்கடன் பட்டவர்களாய் இருந்திருப்பர்.

ஈரான் இஸ்லாமிய குடியரசு எப்போதும் பிராந்தியத்தில் சமாதானத்தையே வலியுறுத்தி வருகிறது. இதற்காக தன்னால் இயன்ற அனைத்தையும் அந்நாடு செய்து வருகிறது என்பதை அனைவரும் அறிவர்.

யெமன் நெருக்கடிக்கு அமைதியான தீர்வை வரவேற்கிறோம்,

இந்த வறிய அரபு நாட்டின் மீது சவுதி திணித்துள்ள ஏழு ஆண்டுகால போரை முடிவுக்கு கொண்டு வரக்கூடிய எந்த முயற்சியையும் தெஹ்ரான் வரவேற்கிறது.

"முற்றுகையிட்டு, பொருளாதார தடைகளை விதித்து மற்றும் இராணுவத் தாக்குதல் மேற்கொண்டு யெமன் நெருக்கடியைத் தீர்க்க முடியாது, மாறாக அவ்வாறான வன்முறை செயல்கள் பிராந்தியத்தில் பதட்டத்தையே விரிவுபடுத்தும்" என்று அண்மையில் ஒரு வைபவத்தில் உரையாற்றும் போது வெளியுறவு அமைச்சக செய்தித் தொடர்பாளர் சயீத் கதிப்சாதே குறிப்பிட்டார். யெமனின் உள்நாட்டு விவகாரங்களில் ஏனைய நாடுகளின் தலையீட்டை முடிவுக்குக் கொண்டு வரக்கூடிய மற்றும் அதன் பிராந்திய ஒருமைப்பாட்டைப் பாதுகாக்கும் நடவடிக்கைகளுக்கு ஈரான் எப்போதும் ஆதரவளிக்கிறது என்றும் அவர் கூறினார்.

சவூதி அரேபியா அதனது 29 நட்பு நாடுகளை இணைத்துக்கொண்டு, 2015 மார்ச்சில் அரபு உலகின் மிகவும் வறிய நிலையில் இருந்த யெமன் தேசத்தின் மீது நியாயமற்ற போரைத் தொடங்கியது, சவுதியினதும் அமெரிக்காவினதும் நேசரான அப்தர் ரப்பு மன்சூர் ஹாதியை ஆட்சியில் மீண்டும் அமர்த்த வேண்டும் என்ற நோக்கத்தில் இந்த வேண்டாத போரை அந்த நாட்டின் மீது திணித்தது.

சவுதியின் இந்தச் செயல் பல்லாயிரக்கணக்கான அப்பாவி யெமன் மக்களைக் கொன்று, முழு நாட்டையும் உலகின் மிக மோசமான மனிதாபிமான நெருக்கடியின் காட்சியாக மாற்றியுள்ளது. இரண்டு வாரங்களுக்குள் போரின் நோக்கத்தை அடைந்து விடுவோம் என்று கூறி ஆரம்பித்த போர் ஏழாண்டுகளாக தொடர்கிறது;. சவுதியினால் இலக்கை அடைய முடியவில்லை.

இந்த ஆக்கிரமிப்பு கூட்டணி யெமன் மீது முழுமையான முற்றுகையைச் செயல்படுத்தி வருகிறது, நாட்டின் உயிர்நாடியான ஹுதைதா துறைமுகத்தை, மிகவும் அடிப்படைத் தேவை சரக்கு கப்பல்களைக் கூட நுழைய விடாது சகோதர மக்களை திணறடித்துக்கொண்டு இருக்கிறது.இதன் காரணமாக யெமனின் இன்றைய நிலை உலகின் பேரவலமாக மாறியுள்ளது.

"பிராந்தியத்தின் நெருக்கடிகள் எதற்கும் தீர்வு போர் மற்றும் வன்முறையை நாடுவதால் பெற்றுக்கொள்ள முடியாது" என்று கதீப்சாதே கூறினார், பிராந்திய அமைதி மற்றும் ஸ்திரத்தன்மை ஆகியவற்றை அமைதியை நிறுவுவதன் மூலமும் பதற்றத்தைத் தவிர்ப்பதன் மூலமும் மட்டுமே பெற்றுக்கொள்ள முடியும் என்றும் அவர் குறிப்பிட்டார். அதற்காக ஈரான் இஸ்லாமிய குடியரசு தன்னால் இயன்ற அனைத்தையும் செய்ய எப்பொழுதும் தயாராய் உள்ளது என்று அவர் மேலும் தெரிவித்தார்.

 

இது இவ்வாறிருக்க

யெமன் இப்போது 1,600 கிமீ தொலைவில் உள்ள இலக்கை தாக்கக்கூடிய வல்லமையைப் பெற்றுள்ளது

கடந்த வாரம் ஐக்கிய அரபு எமிரேட்ஸ் அபுதாபி மீதான யெமனின் பதிலடி தாக்குதல், சமீப ஆண்டுகளில் யெமன் படைகள் ராணுவ ரீதியில் அடைந்துள்ள முன்னேற்றங்களை வெளிப்படுத்தியது, இது மூர்க்கமான சவூதி தலைமையிலான போரை எதிர்கொள்வதில் அவர்களின் இராணுவ முன்னேற்றத்தின் மிகவும் வெளிப்படையான காட்சியாகும் என்று the Wall Street Journal கூறுகிறது.

தமது நாட்டுக்கு எதிராக தொடர்ச்சியாக நடத்தப்படும் தாக்குதல்களை அடுத்து அன்ஸாருல்லாஹ் போராளிகள் அபுதாபி மற்றும் சவுதி அரேபியாவின் சில பகுதிகளை குறிவைத்து பதிலடித் தாக்குதல்களை அவ்வப்போது நடத்தி வருகின்றனர்.

யெமன் படைகள் "இதற்கு முன்னரும் ஐக்கிய அரபு எமிரேட்ஸைத் தாக்கியுள்ளன, ஆனால் எமிராட்டிகள் அதை ஒப்புக்கொள்வது இதுவே முதல் முறை" என்று அமெரிக்க நாளிதழ் The Wall Street Journal குறிப்பிட்டுள்ளது

சவூதி அரேபியா தலைமையிலான கூட்டணி உறுப்பினரின் தாக்குதலில் தொடங்கிய பல வருட யுத்தத்தில் இருந்து யெமன் படைகள் ராணுவ ரீதியாக எந்த அளவு வலுப்பெற்றுள்ளன என்பதை குறிப்பிட்ட பதில் தாக்குதல்கள் காட்டுகின்றன என்று தி வோல் ஸ்ட்ரீட் ஜர்னல் மேலும் கூறியது.

அபுதாபி விமான நிலையம் மற்றும் அரசுக்கு சொந்தமான எண்ணெய் ஆலை மீது அதன் தாக்குதல்கள் மூலம், யெமன் உள்நாட்டுப் போரில் சவூதி தலைமையிலான கூட்டணியில் தீவிரம் காட்டிய ஐக்கிய அரபு எமிரேட்ஸின் பங்களிப்புக்கு யெமனியர்கள் வெளிப்படையாக பதிலடி கொடுத்துள்ளனர்.

யெமனின் எதிர் தாக்குதல்கள் "ஒரு தசாப்தத்திற்கும் குறைவான காலத்திற்கு முன்னர் இயந்திர துப்பாக்கிகள் மற்றும் ராக்கெட் லாஞ்சர்களை நம்பியிருந்த" படைகளால் மேற்கொள்ளப்பட்ட இராணுவ முன்னேற்றங்களின் காட்சியாக இருந்தது.

இப்போது, அவர்கள் தங்கள் மலைபாங்கான பிரதேசங்களில் இருந்து "1,000 மைல்கள் (1,600 கிலோமீட்டர்) தொலைவில் உள்ள இலக்குகளை தாக்க முடியும்" என்று அந்த செய்தித்தாள் மேலும் கூறியது.

சவூதி மற்றும் அமெரிக்க நண்பரான அதன் முன்னாள் தலைவர் மன்சூர் ஹாதியை மீண்டும் ஆட்சியில் அமர்த்த சவூதி மற்றும் அதனுடன் இணைந்துள்ள நாடுகள் மேற்கொண்ட ராணுவ தாக்குதல்களால் பாரிய சேதங்களை ஏற்படுத்த முடிந்ததே அன்றி அவர்கள் போரினால் ஏற்படுத்த நினைத்த ஆட்சி மாற்றத்தை செய்ய முடியவில்லை.

போரின் தொடக்கத்தில், ராக்கெட் மற்றும் கிரெனேட் லாஞ்சர்கள் போன்ற இலகுரக ரக ஆயுதங்களை மட்டுமே கொண்டிடிருந்த யெமன் படைகள் உள்நாட்டில் பெற்றுக்கொள்ளக்கூடிய இயந்திரங்கள் மற்றும் எலக்ட்ரானிக்ஸ் போன்ற பொருட்களைப் பயன்படுத்தி ட்ரோன்கள், குறுகிய தூர ஏவுகணைகள் மற்றும் பிற ஆயுதங்களை உருவாக்கும் திறனை பெற்றுக்கொண்டுள்ளனர் என்று ஐக்கிய நாடுகளின் பாதுகாப்பு கவுன்சிலின் ரகசிய அறிக்கையின் அடிப்படையில் தி ஜர்னல் குறிப்பிட்டுள்ளது.

கடந்த வார எதிர்த்தாக்குதலை மேலும் விரிவாக விவரித்த தி ஜர்னல், பூர்வாங்க எமிராட்டி விசாரணையை மேற்கோள் காட்டி, குறிப்பிட்ட தாக்குதலில் "ட்ரோன்கள், ஏவுகணைகள் மற்றும் பாலிஸ்டிக் ஏவுகணைகள்" சம்பந்தப்பட்டிருந்ததாகக் கூறியது.

சகோதரர்களுக்கு மத்தியில் சமாதானமாக தீர்க்கப்பட வேண்டிய ஒரு பிரச்சனை எந்த அளவு அழிவுகளை ஏற்படுத்திக்கொண்டிருக்கிறது. அதேநேரம் இஸ்லாத்தின் எதிரிகள் தங்களது நவீன ஆயுதங்களை பரீட்சிக்கும் இடமாகவும் இப்பிராந்தியத்தை ஆக்கியுள்ளது.

- தாஹா முஸம்மில்