இஸ்லாத்தில் சிறுபான்மையினர் உரிமைகள்...!

How did the prophet of Islam treat minorities?

What does Quran command?

(Part 1)

திருத் தூதர் (ஸல்) சிறுபான்மையினரை எவ்வாறு நடத்தினார்?

அது தொடர்பாக குர்ஆன் என்ன கூறுகிறது?

(பகுதி 1)

சமகால சகாப்தம் என்பது கருத்து சுதந்திரம் மற்றும் நம்பிக்கையின் சகாப்தமாகும். சிறுபான்மையினரின் மத நம்பிக்கைகள் அல்லது சடங்குகளுக்காக யாரையும் கொடுமைப்படுத்தவோ அல்லது தொந்தரவு செய்யவோ யாருக்கும் உரிமை இல்லை, மேலும் உலகில் எங்கும் எவரும் அவர்களின் நம்பிக்கைகள், மற்றவர்களுக்கு தீங்கு விளைவிக்காத வரை, அவர்களின் மதத்தின்படி வாழ சுதந்திரம் உள்ளது. இருப்பினும், இன்று உலகின் பல பகுதிகளில், மக்கள் தங்கள் மதம் மற்றும் மத நம்பிக்கைகளுக்காக தாக்கப்பட்டு, பல இன்னல்களுக்கு உள்ளாக்கப்பட்டு கொடூரமாக கொலை செய்யப்படுவதை நாம் காண்கிறோம்.

ISIS இனால் ஈராக்கில் மேற்கொள்ளப்பட்ட யெஸ்திகள் மற்றும் கிறிஸ்தவர்களின் படுகொலைகள்; ஐக்கிய ராஜ்ஜியம், பிரான்ஸ் மற்றும் ஐக்கிய அமெரிக்காவில் முஸ்லிம் பெண்களை தலை மறைப்பதற்காக துன்புறுத்துதல் மற்றும் கொலை செய்தல்; மற்றும் மியான்மரில் பௌத்த தீவிரவாதிகளால் முஸ்லிம்கள் மீதான காட்டுமிராண்டித்தனமான படுகொலை; இந்தியாவில் இந்துத்துவா வெறியர்களால் மேற்கொள்ளப்பட்டுவரும் முஸ்லிம்கள் மற்றும் கிறிஸ்தவர்களின் படுகொலைகள் போன்றன இதில் அடங்கும். இச்சம்பவங்கள் 'மத சுதந்திரம்' என்ற உயரிய பண்பை யாரும் செயலில் கடைப்பிடிப்பதில்லை என்பது மட்டுமல்லாமல் அதை ஓர் அடிப்படையற்ற கூற்றாகவும் மாற்றியுள்ளன.

இக்கட்டுரையானது, இஸ்லாமிய எதிர்ப்பாளர்கள் கூறுவது போலல்லாமல், ஐஎஸ்ஐஎஸ் போன்ற இஸ்லாமிய அமைப்புகளின் போலிப் பிரதிகள் உலகிற்குக் காட்டியதைப் போலன்றி, இஸ்லாம் ஏனைய மதங்களைப் பின்பற்றுபவர்களை மிகவும் மதிக்கும் மற்றும் கண்ணியப்படுத்தும் ஒரு மதம் என்பதைக் காட்ட விரும்புகிறது.

உண்மையில், இஸ்லாமிய தேசம் என்பது மத சிறுபான்மையினர் வாழ்வதற்கு உலகின் பாதுகாப்பான இடமும் மற்றும் பிராந்தியமுமாகும்.

இஸ்லாத்தின் தீர்க்கதரிசியின் சீரா (இறை தூதரின் வாழ்க்கை முறை) எவ்வாறு இஸ்லாத்தின் சரியான பாதையையும் தூய்மையான வடிவத்தையும் குறிக்கிறது என்பதற்கு பதிலளிக்க இந்தக் கட்டுரையின் மூலம் முயற்சிப்போம். இதன்போது, குர்ஆன் மற்றும் இஸ்லாமிய சட்டத்தின் பார்வையில் இருந்து முஸ்லிம்கள் மற்றும் முஸ்லிமல்லாதவர்களிடையே இருந்து வந்த பல்வேறு தொடர்புகளை ஆராய்வோம்.

முஸ்லிமல்லாதவர்களுடனான தொடர்பு

கிறிஸ்தவம் மற்றும் யூத மதத்தின் மகத்துவமிக்க தீர்க்கதரிசிகளுக்குப் பிறகு இஸ்லாத்தின் நபி (ஸல்) தீர்க்கதரிசியாக தேர்ந்தெடுக்கப்பட்டார். அந்த நேரத்தில், அரபு தீபகற்பத்தில் வசிப்பவர்கள் பல தெய்வ கொள்கை கொண்டவர்களாகவோ, பல கடவுள்கள் மற்றும் சிலைகளை வணங்குவோராகவோ அல்லது கிறிஸ்தவம் மற்றும் யூத மதத்தைப் பின்பற்றுபவர்களாகவோ இருந்தனர். அவர்கள் மத்தியில் நபி இப்ராஹிம் (அலை) அவர்களின் மதத்தை தொடர்ந்து நம்பியவர்களும் இருந்தனர். இத்தகைய சூழ்நிலைகளின் போதுதான் இஸ்லாத்தின் நபி முஹம்மத் (ஸல்) அவர்கள், ஏக இறை கொள்கையான இஸ்லாம் மார்க்கத்தை அறிமுகப்படுத்தினார், அதே சமயம் அதை ஏற்றுக் கொள்ளுமாறு உலகளாவிய மற்றும் பரவலான அழைப்பை முன்வைத்தார்.

நபித்துவத்தின் முதல் ஆண்டுகளில், இஸ்லாத்தின் பால் மக்களை அழைக்கும் பணியில் ஈடுபட்டபோது அவரது நெருங்கிய குடும்ப உறவினர்கள் அவரது அழைப்பை நிராகரித்தது மட்டுமல்லாமல், அவரைத் துன்புறுத்தி மிக மோசமாக நடத்தினார்கள். ரஸூலுல்லாஹி (ஸல்) அவர்களும் மற்றும் அவரது சீடர்களும், அவரது உற்றார் உறவினர்களாலேயே பொருளாதார மற்றும் அரசியல் தடைகளுக்கு உட்படுத்தப்பட்டனர்; மேலும், அவர்கள் அபு-தாலிப் பள்ளத்தாக்கில் கிட்டத்தட்ட மூன்று ஆண்டுகள் நாடுகடத்தப்பட்டவர்களாக, கடுமையான பொருளாதார முற்றுகைக்கு முகம்கொடுத்தவர்களாக இருந்தனர். அந்தத் தடைகள் எவ்வளவு கடுமையாக இருந்ததென்றால், அது றஸூலுல்லாஹ்வுக்கு மிக நெருக்கமான துணையான அவரது மனைவி கதீஜா நாயகியின் உயிரைப் பறித்தது.

ஆயினும்கூட, எவ்வளவு துன்புறுத்தல்கள், கொடுமைகள் மற்றும் துன்பங்கள் இழைக்கப்பட்ட போதிலும், இறைத் தூதர் தனது அழைப்பை மேம்படுத்த ஒருபோதும் வன்முறை வழிகளைப் பயன்படுத்தவில்லை: அவரது சமூக இயக்கத்தின் வெற்றிக்குப் பிறகும், அரபு தீபகற்பத்தின் அதி பலம்வாய்ந்த சக்தியாக இஸ்லாம் மாறிய பிறகும் கூட, அவர் பழிவாங்கல் நடவடிக்கைகளில் ஈடுபட நினைத்ததில்லை என்று சரித்திரவியலாளர்கள் சாட்சியமளிக்கிறார்கள்.

நட்பும் சகிப்புத்தன்மையும் புனித நபி (ஸல்) அவர்கள் கடைபிடித்த சமூக வாழ்வியல் முறையானது, உள்நாட்டு மற்றும் சர்வதேச அம்சங்களில் அதிக முக்கியத்துவம் வாய்ந்த ஒன்றாகக் கருதப்படுகின்றது. இது சமூக உறவுகள் மற்றும் மக்கள் தொடர்புடைய விவகாரங்களில் சீர்திருத்தத்திற்கு வழிவகுத்தது. அவ்வாறில்லாமல் ரஸூலுல்லாஹி (ஸல்) அவர்கள் கடின போக்கைக் கடைப்பிடித்திருந்தால், தூதை எடுத்துச் சொல்வதற்கும் பிரச்சாரம் செய்வதற்குமான களம் அமைந்திருக்காது.

சர்வவல்லமையுள்ள அல்லாஹ் புனித தூதரின் நல்ல குணத்தையும் சகிப்புத்தன்மையையும் பின்வருமாறு குறிப்பிடுகின்றான்:

فَبِمَا رَحْمَةٍ مِّنَ اللَّهِ لِنتَ لَهُمْ ۖ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ ۖ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ ۖ فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ

அல்லாஹ்வுடைய ரஹ்மத்தின் (அருளின்) காரணமாகவே நீர் அவர்களிடம் மென்மையாக (கனிவாக) நடந்து கொள்கிறீர்; (சொல்லில்) நீர் கடுகடுப்பானவராகவும், கடின சித்தமுடையவராகவும் இருந்திருப்பீரானால், அவர்கள் உம் சமூகத்தை விட்டும் ஓடிப்போயிருப்பார்கள்; எனவே அவர்களின் (பிழைகளை) அலட்சியப்படுத்திவிடுவீராக; அவ்வாறே அவர்களுக்காக மன்னிப்புத் தேடுவீராக………..” [குர்ஆன் 3:159]

மானுடர் மீதான அவரது காருண்யமும் அன்பும் அனைத்தையும் உள்ளடக்கியதாக இருந்தது; பல ஆண்டுகளாக தனக்கு எதிரான விரோதப் போக்கைக் கடைப்பிடித்த மக்கத்து காபிர்ளைக் கூட கருணையுடன் நடத்தினார், அவர்களுக்கு மன்னிப்பு வழங்கினார். இரத்தம் சிந்தாமல், வன்முறை அற்ற முறையில் அமைதியாக மக்கா வெற்றி பெற்ற நாளில், றஸூலுல்லாஹ்வின் தோழர் ஒருவர் “இன்றைய நாள் கொலைக்கு கொலை, போருக்கு போர் மற்றும் பழிக்கு பழிவாங்கும் நாள் ஆகும்; இது எல்லைகளை உடைக்கும் நாள்." என்று உரக்க சத்தமிட்டார். கருணையே உருவானரஸூலுல்லாஹி (ஸல்) அவர்கள் அந்த நபரின் முழக்கத்தை உடனடியாக கண்டித்து, "இன்று கருணையின் நாள்", "இது கருணை மற்றும் இரக்கத்தின் நாள்." என்று கூறினார்:

இவ்வாறு றஸூலுல்லாஹி (ஸல்) அவர்கள் இஸ்லாத்தை  எதிர்த்தவர்களை எந்த விதமான பழிவாங்களுக்கும் உட்படுத்தவில்லை; அவர்களுக்கு எதிரான எவ்வித ஆக்கிரமிப்பு மற்றும் தீவிரவாத செயல்களையும் தடுப்பவராகவே இருந்தார்கள்; மேலும் அவர் பலதெய்வ கொள்கையுடைய குறைஷிகளை நோக்கி "நீங்கள் அனைவரும் இப்போது இருப்பது போல் சுதந்திரமாக இருக்கலாம்" என்று உத்தரவாதமளித்தார்கள்.

இறைவன் அவனுடைய மகத்துவமிக்க தூதர் முஹம்மது (ஸல்) அவர்களை முஸ்லிமல்லாதவர்களுக்கும் கனிவான மற்றும் அன்பு செலுத்தும் ஒருவராக அறிமுகப்படுத்தினான்.

  وَمَا أَرْسَلْنَاكَ إِلَّا رَحْمَةً لِّلْعَالَمِينَ

(நபியே!) நாம் உம்மை அகிலத்தாருக்கு எல்லாம் ரஹ்மத்தாக - ஓர் அருட் கொடையாகவேயன்றி அனுப்பவில்லை. [குர்ஆன் 21:107]

உண்மையில், முஹம்மத் (ஸல்) அவர்களின் இஸ்லாத்திற்கான அழைப்புப் பணி, எவரையும் வற்புறுத்துவதாகவோ அல்லது கட்டாயப்படுத்தி அடிபணியச் செய்யும் வகையிலோ இருக்கவில்லை. இஸ்லாம் அதிகாரம் செலுத்தும் சக்தியாக ஆன பின்னும் கூட, எந்த சமயத்திலும் ரஸூலுல்லாஹி (ஸல்) அவர்கள் தனக்கு இன்னல் விளைவித்த எதிரிகளைக் அடிபணியச் செய்தோ அல்லது வற்புறுத்தியோ இஸ்லாத்தை ஏற்றுக்கொள்ள செய்யவில்லை; மாறாக, அவர்கள் தொடர்ந்து இஸ்லாம் விரோத நடவடிக்கைகளை மேற்கொள்வதைத் தடுப்பதற்காக ரஸூலுல்லாஹி (ஸல்) அவர்கள் எதிரிகளை இஸ்லாமிய பிரதேசத்திற்கு வெளியே சென்று வாழுமாறு மட்டும் பணித்தார்கள்.

சிறிது காலத்திற்குப் பிறகு, அரபு உலகம் முழுவதும் ஒரு புதிய மார்க்கத்தின் வருகை பற்றிய செய்தி காட்டுத் தீ போல் பரவியது, அண்டைய நாடுகளிலும் இது முக்கிய பேசுபொருளானது. இஸ்லாத்தைப் பின்பற்றுபவர்களின் எண்ணிக்கை நாளுக்கு நாள் அதிகரித்து வந்தது; அதேசமயம், புதிய தீர்க்கதரிசி முஹம்மத் (ஸல்) மற்றும் அவரது புதிய மார்க்கம் பற்றிய வாத விவாதங்களும் பரவலாக இடம்பெற்றன. பல இடங்களில் இருந்து வந்த பல்வேறு தனிநபர்கள் மற்றும் மத அமைப்புகள், முஹம்மத் (ஸல்) அவர்களின் இஸ்லாமிய தூதை விமர்சிக்கவும் செய்தனர் என்பது மட்டுமல்லாது சவாலுக்கும் உட்படுத்தினர் என்பது குறிப்பிடத்தக்கது.

பிறமதத்தவர்களை, பல தெய்வ வழிபாட்டில் ஈடுபட்டு வந்தவர்களையும், கூட தன்னிடம் சுதந்திரமாகவும் பாதுகாப்பாகவும் வர அனுமதிக்குமாறு இறைத்தூதர் (ஸல்) அவர்களுக்கு குர்ஆனில் அல்லாஹ் கட்டளையிடுகின்றான்.

وَإِنْ أَحَدٌ مِّنَ الْمُشْرِكِينَ اسْتَجَارَكَ فَأَجِرْهُ حَتَّىٰ يَسْمَعَ كَلَامَ اللَّهِ ثُمَّ أَبْلِغْهُ مَأْمَنَهُ ۚ ذَٰلِكَ بِأَنَّهُمْ قَوْمٌ لَّا يَعْلَمُونَ

"(நபியே!) முஷ்ரிக்குகளில் யாரேனும் உம்மிடம் புகலிடம் தேடி வந்தால், அல்லாஹ்வுடைய வசனங்களை அவர் செவியேற்கும் வரையில் அவருக்கு அபயமளிப்பீராக; அதன் பின் அவரை அவருக்குப் பாதுகாப்புக் கிடைக்கும் வேறு இடத்திற்கு (பத்திரமாக) அனுப்புவீராக - ஏனென்றால் அவர்கள் நிச்சயமாக அறியாத சமூகத்தினராக இருக்கிறார்கள்". [குர்ஆன் 9:6]

நபிகள் நாயகம் (ஸல்) அவர்கள் அவ்வாறு வருவோரை சந்தித்து உபசரிப்பதற்காக மதீனாவில் ஒரு வீட்டை ஒதுக்கி இருந்தார்கள் என்பது குறிப்பிடத்தக்கது; சிலர் றஸூலுல்லாஹ்வின் பரிந்துரையின் பேரில் நபித் தோழர்களால் உபசரிக்கப்பட்டனர்.

கிறிஸ்தவர்கள் வருகைத்தரும் போது, நபி (ஸல்) அவர்கள் தமது போர்வையை அவர்கள் அமருவதற்காக விரிப்பார்கள். ரஸூலுல்லாஹி (ஸல்) அவர்கள் அவ்வாறு வருவோரை கண்ணியமாக நடத்துவார்கள்; உதாரணமாக, நஜ்ரான் தேச கிறிஸ்தவ சமூகத்தின் பிரதிநிதிகளை வரவேற்று உரையாடியபோது, ​முஹம்மத் (ஸல்) அவர்கள் ஈஸா (அலை) தொடர்பாக அவர்கள் கொண்டிருந்த தெய்வீக நம்பிக்கையை விமர்சித்து மற்றும் இஸ்லாத்தை பின்பற்ற அவர்களை அழைத்தார்கள். எனினும், அவர் அவர்களை இஸ்லாத்தை ஏற்கும்படி கட்டாயப்படுத்தவில்லை; மாறாக, கிறிஸ்தவர்கள் தமது வழிபாட்டுச் சடங்குகளை செய்வதற்காக மதீனா பள்ளிவாசலை பயன்படுத்தவும் அனுமதித்தார்.

முஹம்மது (ஸல்) அவர்கள் பைஸாந்திய பேரரசர் மற்றும் பாரசீக பேரரசர் உட்பட பிற நாடுகளின் ஆட்சியாளர்களுக்கு அழைப்பிதழ்களை அனுப்ப முடிவு செய்தபோதும், அவர் இஸ்லாத்தை ஏற்றுக்கொள்ளுங்கள் அல்லது (இஸ்லாமியர்) வழியிலிருந்து விலகி இருங்கள் என்று தான் கேட்டுக் கொண்டார். அதனால் குறிப்பிட்ட தேசங்கள் புதிய மார்க்கத்தை அறிந்துகொள்ளவும் தங்கள் மதத்தை சுதந்திரமாக தேர்ந்தெடுக்கவும் அவர்களால் முடியுமாக இருந்தது.

முகம்மது நபியின் அமைதியான அணுகுமுறை, இஸ்லாமிய அழைப்பை நிராகரித்த பல தனிநபர்கள், குழுக்கள் மற்றும் மத அமைப்புகளை சுதந்திரமாக மதீனாவிற்கு குடிபெயர தூண்டியது. மதீனாவுக்கு வந்த இந்த குழுக்களில் சில எத்தியோப்பியாவினது மற்றும் ஹிம்யாட் போன்ற மன்னர்களை பிரதிநிதித்துவப்படுத்தின. சுமார் நாற்பது மத மற்றும் அரசியல் அமைப்புகள் புதிய தூதை பற்றி அறிந்துகொள்வதற்காக நபிகள் நாயகத்தின் காலத்தில் மதீனாவிற்கு வருகை தந்ததாக வரலாறு கூறுகிறது.

எந்த ஒரு தேச மக்களும் தங்கள் எண்ணங்கள் மற்றும் சித்தாந்தத்தின் அடிப்படையில் முடிவுகளை எடுக்கக்கூடிய சூழ்நிலைகளை ஏற்படுத்த இறைத்தூதர் முயன்றார். சத்தியத்தின் மீது ஒளி பாய்ச்சப்பட்டால் அந்த மக்கள் இறை கட்டளைகளைத் தவிர வேறு எந்த கட்டளைகளுக்கும் அடிபணியாமல், தாம் கடவுளாக நினைத்து வணங்குவதை நிறுத்தி ஏகத்துவ நம்பிக்கையை ஏற்கலாம் என்ற அடிப்படையிலேயே அவ்வாறு செய்தார்கள்.

இந்தப் பொறுப்பை நிறைவேற்றும் வகையில், சமூகங்கள் சுதந்திரமாக கற்றுக்கொள்ளவும், ஆய்வு செய்வதற்கும், இறைவேதத்தை ஏற்றுக்கொள்ளவும் தடைபோடும் சக்திகளுக்கு எதிராக போராட வேண்டியது அவசியமாகும். இஸ்லாத்தை ஏற்றுக்கொள்ள எந்த நிர்பந்தமும் இல்லை, ஆனால் அதை கற்றுக்கொள்வதற்கு யாரும் தடை போட முடியாது என்பதுவே இதற்கு காரணமாகும்.

https://english.khamenei.ir/news/4606/How-did-the-prophet-of-Islam-treat-minorities-What-does-Quran

ஒடுக்கப்பட்ட நிலையில் வெற்றியடைவது எப்படி என்பதை நான் ஹுசைனிடம் இருந்து கற்றுக்கொண்டேன் - மகாத்மா காந்தி

 Imam Hussein (AS) from the perspective of Muslim and non-Muslim scholars, and thinkers:

முஸ்லிம் மற்றும் முஸ்லிம் அல்லாத அறிஞர்கள் மற்றும் சிந்தனையாளர்களின் கண்ணோட்டத்தில் இமாம் ஹுசைன் (அலை):

சத்தியம், சுதந்திரம், நீதி, அமைதி, இரக்கம், நேர்மை, விசுவாசம் மற்றும் அன்பு போன்ற மனித விழுமியங்களைத் தேடிக் கொண்டிருக்கும் கோடிக்கணக்கான மக்கள் உலகெங்கிலும் உள்ளனர் என்பதில் சந்தேகமில்லை.

இஸ்லாத்தின் வரலாற்றை நீங்கள் ஆராய்ந்தால், இறைத்தூதர் முஹம்மது (ஸல்) அவர்களின் வாழ்க்கை முறை மற்றும் அஹ்ல் அல்-பைத் (றஸூலுல்லாஹ்வின் குடும்பம்) அனைத்து மனிதர்களுக்கும் உயர்ந்த தார்மீக விழுமியங்களையும் கருத்துக்களையும் அடைய சிறந்த முன்மாதிரியாக இருப்பதை நீங்கள் காணலாம்.

கர்பலாவின் சோகம் மற்றும் முஹம்மது நபி (ஸல்) அவர்களின் பேரன் இமாம் ஹுசைன் (அலை), மற்றும் விசுவாசிகளான அவரது தோழர்கள் 72 பேர் ஆஷுரா நாளில் கர்பலா களத்தில் உயிர் தியாகம் செய்ததில் இத்தகைய உயர்ந்த மதிப்புகள் அனைத்தையும் காணலாம்.

இமாம் ஹுசைன் (அலை) தனது காலத்தின் கொடுங்கோல் ஆட்சியாளருக்கு விசுவாசபிரமாணம் வழங்க மறுத்து, "நீங்கள் மதத்தை நம்பவில்லை என்றாலும் அல்லது மறுமையை பயப்படாவிட்டாலும், குறைந்த பட்சம் கொடுங்கோன்மை மற்றும் ஆணவத்திலிருந்து விடுபடுங்கள்" என்று பாடம் கற்பித்ததால் தியாகி ஆனார்.

இந்த மாபெரும் இமாம் முழு மனிதகுலத்திற்கும் ஒருபோதும் மறக்க முடியாதது ஒரு முன்மாதிரியை விட்டுச் சென்றார், அதாவது, இது ஒடுக்குமுறைக்கு எதிராக போராடுதல் என்பது இஸ்லாமிய மற்றும் மனிதகுல வரலாற்றில் ஒரு கொள்கையாக இருக்கும்.

அறிவுஜீவிகள் இஸ்லாத்தின் வரலாற்றையும், இமாம் ஹுசைன்(அலை) அவர்களின் தியாக வரலாற்றையும் அறிந்துகொள்ளும் போது, அவர்கள் மனமுறுகிப்போகின்றனர் என்பதை நாம் காண்கிறோம்..

முஸ்லிம் மற்றும் முஸ்லிம் அல்லாத அறிஞர்கள் மற்றும் சிந்தனையாளர்களின் கண்ணோட்டத்தில் இமாம் ஹுசைன் (அலை):

பல்வேறு முஸ்லிம் அல்லாத அறிஞர்கள் இமாம் ஹுசைன் (அலை) அவர்களுக்கு கீழ்க்கண்டவாறு புகழாரம் சூட்டுகின்றனர்:

பிரபல பிரிட்டிஷ் எழுத்தாளர் எட்வர்ட் ஜி. பிரவுன், A Literary History of Persia என்ற புத்தகத்தில் இவ்வாறு எழுதுகிறார், "இமாம் ஹுசைன் 72 தோழர்களுடன் கர்பலா நோக்கி சென்றார்கள். மேலும் கர்பலா களத்தில் சத்தியத்திற்கான போராட்டத்தில் அனைவரும் கொல்லப்பட்டனர். இமாம் ஹுசைன் தன்னை அர்ப்பணித்தது மட்டுமல்லாமல், அவருடைய ஆறு மாத குழந்தை அலி அல் அஸ்கரையும் இழந்தார், மற்றும் தளராத உறுதியுடன் இறைவனின் பாதையில் சாத்தியமான அனைத்தையும் தியாகம் செய்தார்."

தாமஸ் கார்லைல், ஒரு ஸ்காட்டிஷ் வரலாற்றாசிரியர் மற்றும் தத்துவஞானி இவ்வாறு விளக்குகிறார், "கர்பலாவின் சோகத்திலிருந்து நாம் பெறும் சிறந்த பாடம் என்னவென்றால், ஹுசைனும் அவரது தோழர்களும் இறைவன் மீது உறுதியான நம்பிக்கை கொண்டவர்கள். உண்மையும் பொய்யும் என வரும்போது எண்ணியல் மேன்மை (சிறுபான்மை, பெரும்பான்மை) என்பதை கணக்கில் எடுத்துக்கொள்ளாது போராடும் அவசியம் பற்றி அவர்கள் வலியுறுத்தினார்,  சிறுபான்மையினராக இருந்தாலும் ஹுசைனின் தியாகத்தின் வெற்றி என்னை வியக்க வைக்கிறது!"

"ஹுசைன் தனது உலக ஆசைகளுக்காகப் போராடியிருந்தால்... அவரது சகோதரி, மனைவி மற்றும் குழந்தைகள் ஏன் அவருடன் சென்றார்கள் என்று எனக்குப் புரியவில்லை. எனவே, அவர் முற்றிலும் இஸ்லாத்திற்காகவே தியாகம் செய்தார் என்று ஏற்றுக்கொள்வதே அறிவுபூர்வமானது " என்கிறார் பிரபல ஆங்கில நாவலாசிரியர் சார்லஸ் டிக்கன்ஸ்.

வங்காளக் கவிஞர் ரவீந்திரநாத் தாகூர் கூறுகிறார், "ஹுசைனின் தியாகம் ஆன்மீக விடுதலையைக் குறிக்கிறது. நீதியையும் உண்மையையும் உயிர் வாழச் செய்ய, இராணுவம் அல்லது ஆயுதங்களுக்குப் பதிலாக, இமாம் ஹுசைன் (அலை) செய்ததைப் போலவே உயிர் தியாகம் செய்வதன் மூலம் வெற்றியை அடைய முடியும்."

இந்தியாவின் இரண்டாவது ஜனாதிபதியாக பணியாற்றிய இந்திய தத்துவஞானியும் அரசியல்வாதியுமான சர்வபள்ளி ராதாகிருஷ்ணன் கூறுகிறார், "இமாம் ஹுசைன் பல நூற்றாண்டுகளுக்கு முன்பு தனது உயிரைக் தியாகம் செய்திருந்தாலும், அவரது அழியாத ஆன்மா இன்றும் மக்களின் இதயங்களை ஆளுகிறது."

இந்திய அரசியல் மற்றும் விடுதலைப் போராளியான மகாத்மா காந்தி எழுதுகிறார், "ஒடுக்கப்பட்ட நிலையில் வெற்றியடைவது எப்படி என்பதை நான் ஹுசைனிடம் இருந்து கற்றுக்கொண்டேன். இஸ்லாத்தின் வளர்ச்சி அதன் விசுவாசிகள் வாளைப் பயன்படுத்துவதைப் பொறுத்தது அல்ல, ஆனால் உத்தம புருஷரான ஹுசைனின் உன்னத தியாகத்தின் விளைவுதான் அது."

அவரது காலத்தின் சிறந்த பிரிட்டிஷ் வரலாற்றாசிரியராகக் கருதப்படும் எட்வர்ட் கிப்பன், The Decline and Fall of the Roman Empire என்று புத்தகத்தில் எழுதுகிறார், "தொலைதூர யுகத்திலும் காலநிலையிலும் ஹுசைனின் மரணத்தின் சோகமான காட்சி மரத்துப்போன வாசகரின் உள்ளத்திலும் அனுதாபத்தை எழுப்பும்."

"இமாம் ஹுசைன் மறுமை நாள் வரை சர்வாதிகாரத்தை நிலைக்க விடாமல் என்றென்றும் வேரோடு பிடுங்கி எறிந்தார். வறண்ட சுதந்திர தோட்டத்திற்கு அவர் பொங்கியெழும் தனது குருதியை பாய்ச்சினார், உண்மையில் அவர் தூங்கிக் கொண்டிருந்த முஸ்லிம் சமுதாயத்தை தட்டி எழுப்பினார்" என்று பாகிஸ்தானின் சிறந்த கவிஞரும் தத்துவஞானியுமான அல்லாமா முகமது இக்பால் கூறுகிறார்.

ஹங்கேரிய அறிஞர் இக்னாஸ் கோல்ட்ஜிஹர் Ignaz Goldziher எழுதுகிறார் "கர்பலா அநீதிக்கு எதிரான போராட்டத்தின் உண்மையான முகத்தை குறிக்கிறது - அகிம்சை வழி எதிர்ப்பு; அரவழிப் போராட்டம். பிறர் உயிரைப் பறிக்காமல், இஸ்லாத்திற்காக உயிரைத் தியாகம் செய்தல்.

இஸ்லாத்தை ஏற்றுக்கொண்ட ஆங்கிலேயத் தொழிலதிபரான காலித் ஷெல்ட்ரேக் எழுதுகிறார், "ஆண்களும் பெண்களும் அடங்கிய அந்த துணிச்சலான குழு, சுற்றியிருந்த எதிரிப் படைகள் கொடூரமானவை என்பதை அறிந்திருந்தனர், மேலும் சண்டையிடுவதற்கு மட்டுமல்ல, கொல்லவும் தயாராக இருந்தன. குழந்தைகளுக்கு தண்ணீர் கூட மறுக்கப்பட்டு, அவர்கள் சுட்டெரிக்கும் வெயிலிலும், கனல் பறக்கும் மணலிலும் வறண்டு கிடந்தனர், இருப்பினும் ஒரு கணம் கூட தயங்கவில்லை. ஹுசைன் தனது சிறிய கூட்டத்துடன் அணிவகுத்துச் சென்றது, சுய புகழுக்காக அல்ல, செல்வத்தை வெற்றிகொள்ளவும் அல்ல, ஆனால் ஒரு. "உயர்ந்த தியாகத்திற்காக ஹுஸைனும் மேலும் அவர்பக்கம் நின்ற ஒவ்வொரு உறுப்பினரும் தைரியமாக மிகப்பெரிய படையை சளைக்காமல் எதிர்கொண்டனர்."

முன்னாள் இந்தியப் பிரதமரும் அறிஞருமான பண்டிட் ஜவஹர்லால் நேரு, "இமாம் ஹுசைனின் (அலை) தியாகம் அனைத்துக் குழுக்களுக்கும் சமூகங்களுக்கும், நீதியின் பாதைக்கு ஓர் எடுத்துக்காட்டு" என்கிறார்.

இந்தியாவின் முன்னாள் குடியரசுத் தலைவர் ராஜேந்திர பிரசாத் எழுதுகிறார், "இமாம் ஹுசைன் (அலை) அவர்களின் தியாகம் ஒரு நாடு அல்லது தேசத்திற்கு மட்டுமல்ல, இது அனைத்து மனிதகுலத்திற்குமான முன்மாதிரி, சகோதரத்துவத்தின் பரம்பரை நிலை."

சரோஜினி நாயுடு, இந்திய அரசியல் ஆர்வலரும், கவிஞருமான சரோஜினி நாயுடு கூறுகையில், "அனைத்து சமூகத்தினராலும் மதிக்கப்படும் மற்றும் கௌரவிக்கப்படும் ஒரு சிறந்த மனிதர் ஹுசைன் முஸ்லிம்கள் மத்தியில் இருந்து பிறந்தார் என்பதையிட்டு நான் வாழ்த்துகிறேன்"

"கர்பலா களத்தில் ஹுசைனின் தியாகத்தை விட மனிதகுலத்தின் நவீன மற்றும் கடந்தகால வரலாற்றில் எந்த நிகழ்வும் கூடுதலான அனுதாபத்தையும் போற்றுதலையும் பெற்றிருக்கவில்லை" என்று குவைத்தை தளமாகக் கொண்ட சிரிய கிறிஸ்தவ எழுத்தாளர் "கிறிஸ்தவ சித்தாந்தத்தில் இமாம் ஹுசைன்" நூலை எழுதிய அன்டோயின் பாரா கூறிப்பிடுகின்றார்.”

கர்பாலாவின் சோகம், இமாம் ஹுசைன் (அலை) அவர்களின் தியாகம் மிகவும் முக்கியத்துவம் வாய்ந்த நிகழ்வுகளில் ஒன்றாகும். அதன் படிப்பினைகள் மனிதர்களின் ஒரு குழுவையும் உலகத்துடனான அவர்களின் உறவை மட்டுமல்லாது, அனைத்து மனிதகுலத்தையும் பற்றியது. இது ஒரு தார்மீக முன்னுதாரணமாகும். இந்த தியாகம் அநீதிக்கான எதிர்ப்பைக் கற்பிக்கிறது: இது நோக்கத்தின் ஒருமைப்பாட்டுடன், குடும்பத்தின் மீதான அன்பு, மென்மை மற்றும் துணிச்சலைக் கற்பிக்கிறது. உண்மையில், இமாம் ஹுசைனின் உயிர் தியாகத்தில், அனைத்து அறநெறி நற்பண்புகளும் படிப்பினைகளும் உள்ளன.

தொகுப்பு: மர்ழியே ரஹ்மானி

அடக்குமுறைக்கு எதிரான உச்சமட்ட போராட்டமே முஹர்ரம் புகட்டும் பாடம்

The Immortal Message of Muharram

- மூலம்: செய்யத் அலி ஷாபாஸ்

உலகம் இதுவரை கண்டிராத மிகப்பெரிய சோகத்தின் நினைவுகளுடன் முஹர்ரம் மாதம் மீண்டும் ஒருமுறை வந்துவிட்டது. எதிர்காலத்தில் இது போன்ற இதுபோன்ற தியாக சம்பவத்தை காண முடியாது.

6 மாத சிறுவனின் செங் குருதி, கூர் வாள்களை வெற்றி கொண்ட மாதம் இது. ஒவ்வொரு ஆண்டும், மனித மனசாட்சியை உலுக்கி, மதம் மற்றும் சமூகத்தின் மீதான மனிதகுலத்தின் கடமைகளை நினைவூட்டும் மாதம் இது.

முஹர்ரம் முதல் நாள் கொண்டாட்டத்திற்குரிய நாள் அல்ல, ஆனால் நபிகள் நாயகம் (ஸல்) அவர்களின் பேரனின் மகத்தான தியாகத்தை மறக்கடிக்கும் விதத்தில், துரதிர்ஷ்டவசமாக சில அரபு/முஸ்லிம் நாடுகளில் இது கொண்டாடப்படுகிறது.

மக்காவிலிருந்து மதீனாவுக்கு நபிகள் நாயகம் (ஸல்) அவர்களின் ஹிஜ்ரத் எனும் புனிதமான இடம்பெயர்வு முஹர்ரம் தினத்தன்று நிகழ்ந்த ஒன்றல்ல, மாறாக, ஹிஜ்ரத் இடம்பெற்றது ரபி அல்-அவ்வல் மாத ஆரம்பத்தில். புத்தாண்டு என்று அழைக்கப்படுவதைக் காரணம் காட்டி இத்தினத்ததை கொண்டாடுகின்றனர்.

இத்தகைய கொண்டாட்டங்கள் ஜாஹிலிய்யா காலங்களில் இடம்பெற்ற நடைமுறைகளை ஒத்ததே தவிர வேறில்லை. எனவே இத்தகைய அற்பத்தனமான கொண்டாட்டங்கள் நபிகள் நாயகம் (ஸல்) அவர்களாலும், அஹ்ல் அல்-பைத்துகளின் போதனை மற்றும் புனித இரத்தத்தால் போஷிக்கப்பட்ட இஸ்லாத்தின் சாரத்திலிருந்து முஸ்லிம்களை தூர விலக்குவதற்கான சதிகளே தவிர வேறில்லை.

ஆண் / பெண் கலப்பு நடனம், மது அருந்துதல் போன்ற கொண்டாட்டங்களில் முஸ்லிம்கள் ஈடுபட இஸ்லாம் அனுமதிப்பதில்லை. தக்ஃபிரி பயங்கரவாதிகள் மற்றும் பிற வழிகெட்ட குழுக்கள் செய்வது போல், முஸ்லிம்கள் சக முஸ்லிம்களின் இரத்தத்தை சிந்துவதையும் இஸ்லாம் அனுமதிக்கவில்லை. இது ஜாஹிலிய்யத்தாகும்; நிச்சயமாக காருண்ய தூதர் இதை நமக்குக் கற்றுத்தரவில்லை.

முஹர்ரம் என்பது முஸ்லிம்களின் நிலை தொடர்பாக சிந்திக்க வேண்டிய காலம் ஆகும். இவற்றைப் பற்றி சிந்திக்க சிறந்த வழி, இமாம் ஹுசைன் (அலை) மற்றும் கர்பலா தியாகிகளுக்கான நினைவுச் சடங்குகள் ஆகும், இது உண்மையில் நபியின் “சுன்னா” (நடைமுறை) மற்றும் “சீரா” ( நடத்தை)..

இவ்வாறு, முஹர்ரம் மாதம் நமது கண்களை ஈரமாக்குகிறது, நம் இதயங்களை துக்கத்தில் ஆழ்த்துகிறது மற்றும் நமது சமூகங்களை சோகத்தில் ஆழ்த்துகிறது, கர்பலாவின் அழியாத தியாகி இமாம் ஹுசைன் (அலை) அவர்களின் வாழ்க்கை யஸீதின் சட்டவிரோத ஆட்சியை நிராகரிக்கிறது. இஸ்லாம் மற்றும் அனைத்து மனிதாபிமான விழுமியங்களையும் பாதுகாப்பதற்காகத் துணிச்சலுடன் போராடிய தனது நண்பர்கள், அவரது சகோதரர்கள், அவரது உறவினர்கள், அவரது மருமகன்கள் ஆகியோர் தமது இன்னுயிர்களை தியாகம் செய்தனர். நடப்பது என்னவென்று அறியாது சிரித்து விளையாடிக்கொண்டிருந்த பச்சை பாலகன்களான அலி அக்பர் மற்றும் 6-மாத குழந்தை அலி அஸ்கர் ஆகியோரையும் யஸீதின் படையில் இருந்த பொல்லாத பாவிகள் குறிவைத்துக் கொன்றனர்.

மனித வாழ்க்கையை நெறிப்படுத்தும் சமூக, பண்பாட்டு, அரசியல் மற்றும் பிற பிரச்சினைகளுக்கான தீர்வுகளை தனக்கு எல்லாம் தெரியும் என்று பாசாங்கு செய்யும் ஒருவனில் கைகளில் விட்டுவிட்டு, மேம்போக்கான வழிபாட்டு முறைகளில் மட்டும் ஈடுபடுவது சன்மார்க்கம் எதிர்பார்க்கும் ஒன்றல்ல. அதேபோல், இறை சட்டத்தை புறக்கணிப்பது மற்றும் தவறான ஒருவனின் விசித்திரமான யோசனைகளுக்கு ஆட்சேபனையின்றி கட்டுப்படுவது என்பது தம்மைத் தாமே ஏமாற்றிக்கொள்வதாகும். இவ்வாறான கண்மூடித்தனமாக பின்பற்றுதல் தான் மக்களின் தலைவிதியை சமூக அநீதி நிலைக்கு நழுவ அனுமதிக்கிறது, மேலும் இதுவே யஸீத் போன்ற சண்டாளர்கள் உருவாவதற்கான இடமாக உள்ளது.

இதுவே முஹர்ரம் மாதத்தின் எழுச்சியூட்டும் செய்தியாகும். வேறு வார்த்தைகளில் கூறுவதானால், முஹர்ரம் தொடக்கத்தில் இமாம் ஹுசைனின் (அலை) இரத்தம் புதியதாக மாறுகிறது, ஈராக்கில் உள்ள கர்பலாவை நோக்கி விசுவாசிகளின் இதயங்கள் திரும்புகின்றன, தியாகிகளின் ஒன்றுகூடலின் போது கொடிய உமையாக்களின் பாசாங்குத்தனம் அவர்களுக்குக் காட்டப்பட்டது. அங்கே அரபிகளின் உண்மையான ஜாஹிலி நிறங்கள் தெளிவாக வெளிப்பட்டன.

இஸ்லாத்தின் மனிதாபிமான பிம்பத்தைக் கெடுக்க முயற்சிக்கும் பயங்கரவாதத்தின் வேர்களை அம்பலப்படுத்த மனித மனசாட்சியை உலுக்கிய மாதமே முஹர்ரம். இஸ்லாத்தின் சமத்துவச் சட்டங்களுடன் இந்த நவ யஸீதிகளுக்கு நடைமுறையில் எந்தத் தொடர்பும் இல்லை என்றாலும், தங்களை முஸ்லிம்கள் என்று அழைத்துக் கொள்ளும் இந்த தக்பீரி ISIS மற்றும் அதுபோன்ற குழுக்களின் மிருகத்தனமான நடவடிக்கைகளால் இது தெளிவாகிறது.

இஸ்லாம் என்பது அதன் உயிரோட்டத்துடன் புனித குர்ஆனின் போதனைகளை முற்றுமுழுதாக கடைபிடிப்பது, மேலும் நபி (ஸல்) அவர்களின்  அஹ்ல் அல்-பைத் மீது அன்பு, பாசம் மற்றும் கீழ்ப்படிதல் ஆகியவற்றைக் குறிக்கிறது. மேலும் இஸ்லாம் ஒடுக்குமுறையாளர்களுக்கு எதிரான எதிர்ப்பையும், இமாம் ஹுசைன் (அலை) கற்பித்தபடி மனிதாபிமான விழுமியங்களைப் பாதுகாப்பதற்காக உயிர் தியாகத்திற்குத் தயாராக இருப்பதையும் குறிக்கிறது.

இதுவே இமாம் ஹுசைன் (அலை) அவர்களின் செய்தியாகும். ஒடுக்குமுறை மற்றும் ஊழல் சக்திகளுக்கு எதிராக மனிதகுலம் ஒவ்வொரு காலகட்டத்திலும் ஒரு தகுதியான முன்மாதிரியைப் பின்பற்ற வேண்டும் என்பதற்காக முஹம்மது நபி (ஸல்) அவர்களின் பேரன் தனது இன்னுயிரை அர்ப்பணித்தார்.

முஸ்லிம்கள் என்று கூறிக்கொண்டு, சக மனிதர்களுக்கு எதிரான மனிதாபிமானமற்ற செயல்களில் ஈடுபடும் நவ யஸீதுகள், முஹர்ரம் வருகையை பண்டிகைத் தினமாக கொண்டாடி, மனித குலத்தின் பரம விரோதிகளான சட்ட விரோதமான சியோனிச அமைப்பு மற்றும் தற்போதைய உலகின் பிரச்சினைகள் பலவற்றுக்கு காரணமான அமெரிக்க ஆட்சி போன்றவற்றுடன் வெளிப்படையாக உறவுகொண்டுள்ள இவர்களுக்கு கேடுதான்.

உண்மையான அஹ்லுஸ்ஸுன்னா முஸ்லிம்கள் இமாம் ஹுசைன் (அலை) அவர்களுக்கு உயர் கௌரவம் வழங்கும் போது, நமது ஷியா அல்லாத முஸ்லிம் சகோதரர்களின் பல ஆதாரபூர்வமான பதிவுகளைக் கொண்ட  நூல்களில் குறிப்பிடப்பட்டுள்ளது படி, அவர் சிறப்புகளை கொண்டாடி, அவரைக் கொன்றவர்களை சபிக்கும்போது, போலி முல்லாக்கள், ஷைத்தானிய ஃபத்வாக்களால் முஸ்லிம்களை தவறாக வழிநடத்த முயற்சிக்கிறார்கள், மொத்தத்தில் அவர்கள் சுன்னிகளாக நடிப்போரே அன்றி வேறில்லை.

இவ்வாறு இமாம் ஹுசைன் (அலை) அவர்களின் செய்தியும் முஹர்ரம் மாத ஞாபகார்த்த சடங்குகளும் மனிதகுலத்தின் பாரம்பரியம் ஆகும். ஆகவே கர்பலாவின் அழியாத உயர் நோக்கத்தின் முக்கியத்துவத்தை மனிதகுலம் உணராத வரை நீதி ஒருபோதும் உணரப்பட மாட்டாது.

https://kayhan.ir/en/news/105251/the-immortal-message-of-muharram

இது தான் அமெரிக்காவுக்கு விழும் மரண அடியாக இருக்கப்போகிறது.

 Dollar must be removed from global transactions

உலகளாவிய பரிவர்த்தனைகளில் இருந்து டாலர் அகற்றப்பட வேண்டும்

ரஷ்ய ஜனாதிபதி விளாடிமிர் புடின் மற்றும் அவரது பரிவாரங்கள் இஸ்லாமிய புரட்சியின் தலைவர் இமாம் கமேனியை இன்று மதியம், ஜூலை 19, 2022 அன்று சந்தித்தனர். ஜனாதிபதி ரைசியும் கலந்து கொண்ட கூட்டத்தில் பேசிய தலைவர் இரு நாடுகளுக்கு இடையேயான ஒப்பந்தங்களை அமல்படுத்த வேண்டும். மேற்குலகின் ஏமாற்றும் கொள்கைகளுக்கு எதிராக விழிப்புடன் இருக்க வேண்டியதன் அவசியத்தையும் அவர் எடுத்துரைத்தார். மேலும், "ஈரானுக்கும் ரஷ்யாவுக்கும் இடையிலான நீண்ட கால ஒப்பந்தங்கள் இரு நாடுகளுக்கும் ஆழ்ந்த நன்மை பயக்கும்" என்று அவர் கூறினார்.

ஈரானுக்கும் ரஷ்யாவுக்கும் பரஸ்பர ஒத்துழைப்பை தொடர்ந்து அதிகரிக்க வேண்டியதன் அவசியத்தை உலக நிகழ்வுகள் காட்டுகின்றன என்று இமாம் கமேனி வலியுறுத்தினார், மேலும், “எண்ணெய் மற்றும் எரிவாயு துறைகள் உட்பட இரு நாடுகளுக்கும் இடையிலான பல புரிந்துணர்வு ஒப்பந்தங்கள் பின்பற்றப்பட வேண்டும். மற்றும் இறுதிவரை செயல்படுத்தப்பட வேண்டும்", என்றார்.

ஈரானுக்கும் ரஷ்யாவிற்கும் இடையிலான பொருளாதார ஒத்துழைப்பை சிலாகித்துப் பேசிய இஸ்லாமியப் புரட்சியின் தலைவர், குறிப்பாக மேற்கு நாடுகளால் விதிக்கப்பட்டுள்ள பொருளாதாரத் தடைகளைத் தொடர்ந்து, இரு நாடுகளுக்கும் இடையிலான ஒத்துழைப்பு இன்றியமையாதது மற்றும் நன்மை பயக்கக்கூடியது என்றும் குறிப்பிட்டார். உக்ரைனில் ஏற்பட்டுள்ள நிலைமையை தொட்டுகாட்டி, “போர் என்பது ஒரு அழிவை ஏற்படுத்தக்கூடிய கடுமையான ஒன்று, சாதாரண மக்கள் போர்களால் பாதிக்கப்படுவதை இஸ்லாமியக் குடியரசு ஒருபோதும் விரும்புவதில்லை. இருப்பினும், உக்ரைன் பிரச்சினையில், ரஷ்யா நடவடிக்கை எடுக்கவில்லை என்றால், மறுபக்கம் போரைத் தொடங்கியிருக்கும்.

ஒரு வலுவான, சுதந்திரமான ரஷ்யா இருப்பதை மேற்கு நாடுகள் எதிர்க்கின்றன என்று புரட்சித் தலைவர் வலியுறுத்தினார். நேட்டோவை ஒரு ஆபத்தான நிறுவனம் என்றும் அவர் விவரித்தார் மேலும், “நேட்டோவிற்கு வழி திறக்கப்பட்டால், அது வரம்புகளை மதிக்காது. இது உக்ரைனில் நிறுத்தப்படாவிட்டால், அது பின்னர் கிரிமியாவிலும் இதேபோன்ற போரைத் தொடங்கியிருக்கும்.

“நிச்சயமாக, இன்று அமெரிக்காவும் மேற்கு நாடுகளும் முன்பை விட பலவீனமாகிவிட்டன என்று விளக்கிய இமாம் கமேனி, பெரும் சிரத்தையெடுத்து பணத்தையும் செலவழித்த போதிலும், நமது பிராந்தியத்தில் - சிரியா, ஈராக், லெபனான் மற்றும் பாலஸ்தீனம் உட்பட - அவர்களின் கொள்கைகளின் செல்வாக்கு கணிசமாகக் குறைந்துள்ளது", என்றார்.

சிரிய பிரச்சினை மிகவும் முக்கியமானது என்று விவரித்த இமாம் கமேனி, ஈரானின் நிலைப்பாடு சிரியா மீதான இராணுவத் தாக்குதலுக்கு எதிரானது என்றும், அத்தகைய நடவடிக்கை தடுக்கப்பட வேண்டும் என்றும் அவர் கூறினார். மேலும், “சிரியாவில் மற்றொரு முக்கியமான பிரச்சினை, யூப்ரடீஸின் கிழக்கே உள்ள வளமான, எண்ணெய் வளம் நிறைந்த பகுதிகளை அமெரிக்கர்கள் அபகரித்துள்ளனர். அவர்களை அப்பகுதியில் இருந்து வெளியேற்றுவதன் மூலம் இதற்கு தீர்வு காண வேண்டும்” என்றும் அவர் வலியுறுத்தினார்.

பிராந்திய பிரச்சினைகளில் சியோனிச ஆட்சியின் தலையீட்டை இஸ்லாமிய புரட்சியின் தலைவர் கடுமையாக கண்டித்தார், மேலும் சியோனிஸ்டுகளுக்கு எதிரான ரஷ்ய ஜனாதிபதியின் சமீபத்திய நிலைப்பாட்டை அவர் பாராட்டினார்.

"ஈரான்-ஆர்மேனியா எல்லையை மூடுவதற்கு வழிவகுக்கும் கொள்கைகள் அல்லது திட்டங்களை இஸ்லாமிய குடியரசு பொறுத்துக்கொள்ளாது" என்றும் அவர் வலியுறுத்தினார்.

ஈரானுக்கும் ரஷ்யாவுக்கும் இடையிலான நீண்டகால ஒத்துழைப்பை இரு நாடுகளுக்கும் பெரிதும், ஆழமாகப் பலனளிப்பதாக புரட்சித் தலைவர் குறிப்பிட்டார். திரு. புடினை நோக்கி “நீங்களும் எங்கள் ஜனாதிபதியும் நடவடிக்கை எடுப்பவர்கள் மற்றும் அதைப் பின்பற்றுபவர்கள். எனவே, இந்த காலகட்டத்தில் இரு நாடுகளுக்கும் இடையிலான ஒத்துழைப்பு உச்சத்தை எட்ட வேண்டும்” என்றார்.

ஈரான் மற்றும் ரஷ்யா ஆகிய நாடுகளுக்கு இடையிலான ரஷ்ட்-அஸ்டாரா ரயில் பாதையைத் தொடங்குவதன் அவசியம் குறித்து ரஷ்ய ஜனாதிபதியின் அறிக்கைகளுடன் தனது உடன்பாட்டை வெளிப்படுத்திய இமாம் கமேனி, இது வடக்கு-தெற்கு போக்குவரத்து பாதையை பூரணப்படுத்தி முடிக்க உதவும் என்றும் இரு நாடுகளுக்கும் சாதகமாக இருக்கும் என்றும் கூறினார்.

மேற்குலகின் ஏமாற்றத்திற்கு எதிராக விழிப்புணர்வைக் காட்ட வேண்டியதன் அவசியத்தை எடுத்துக்காட்டிய இஸ்லாமியப் புரட்சியின் தலைவர் “அமெரிக்கர்கள் (ஆட்சியாளர்கள்) ஆக்கிரமிப்பு மற்றும் ஏமாற்றுக்காரர்கள். முன்னாள் சோவியத் ஒன்றியத்தின் வீழ்ச்சிக்கு வழிவகுத்த காரணிகளில் ஒன்று அவர்கள் அமெரிக்க கொள்கைகளால் ஏமாற்றப்பட்டது. நிச்சயமாக, உங்கள் ஆட்சிக் காலத்தில் ரஷ்யா தனது சுதந்திரத்தை பாதுகாத்துள்ளது, என்றார்.

டாலருக்குப் பதிலாக தேசிய நாணயங்களுக்கு மாற்றுவது மற்றும் மற்ற நாணயங்களைப் பயன்படுத்துவதற்கான கொள்கையை தலைவர் தொட்டுகாட்டி, "உலகளாவிய பரிவர்த்தனைகளில் இருந்து டாலர் படிப்படியாக அகற்றப்பட வேண்டும், மேலும் இது காலப்போக்கில் சாத்தியமாகும்" என்றும் கூறினார்.

 

அமெரிக்க சேவகர்கள் என்று முத்திரை குத்தப்பட்டிருந்த அரபு நாடுகள் கூட டொலரை புறக்கணித்து ரியால், ரூபல், யுவான், திர்ஹம் என்று மாற தொடங்கி இருப்பதும் ரஷ்யா மற்றும் சீனாவுடன் உறவுகளை வளர்க்க தொடங்கியிருப்பதும் உலக அரசியல் அரங்கில் பேசுபொருளாக ஆகியுள்ளது.

 

ரஷ்ய அதிபர் விளாடிமிர் புடின் இங்கு உரையாற்றுகையில் உக்ரைனின் நிலைமை குறித்துப் பேசினார், “யாரும் போரை ஆதரிப்பதில்லை, சாதாரண மக்களின் மரணம் ஒரு பெரிய சோகம். எவ்வாறாயினும், மேற்குலகின் தீய நடவடிக்கைகளை தடுப்பதற்கு பதிலளிப்பதைத் தவிர எங்களுக்கு வேறு வழியில்லை என்றார்.

ரஷ்யாவிற்கும் உக்ரைனுக்கும் இடையிலான வேறுபாடுகளின் காரணங்கள் மற்றும் வேர்களை ரஷ்ய ஜனாதிபதி பட்டியலிட்டார். குறிப்பாக உக்ரேனில் ஆட்சி மாற்றம் ஒன்றை ஏற்படுத்தி  ரஷ்யாவை நோக்கி முன்னேறுவதைத் தடுப்பதற்காகவும் முந்தைய வாக்குறுதிகளை மீறி நேட்டோவை விரிவுபடுத்தும் கொள்கை உட்பட சமீபத்திய ஆண்டுகளில் மேற்கு மற்றும் அமெரிக்கா எடுத்த ஆத்திரமூட்டும் நடவடிக்கைகள் எம்மை இந்த நிலைக்குத் தள்ளின. மேலும், “சில ஐரோப்பிய நாடுகள் நேட்டோவில் உக்ரைன் உறுப்புரிமையை எதிர்ப்பதாகவும், ஆனால் அமெரிக்காவின் அழுத்தத்தின் பேரில் அதற்கு சம்மதித்ததாகவும் கூறியுள்ளனர். இது அவர்களின் அதிகாரமின்மை மற்றும் சுதந்திரமின்மையையே எடுத்துக்காட்டுகிறது".

ஜெனரல் சுலைமானியின் தியாகம் அமெரிக்காவின் வில்லத்தனத்திற்கு மற்றொரு உதாரணம் என்று விளாடிமிர் புடின் குறிப்பிட்டார்.

ரஷ்யாவிற்கு எதிராக மேற்கத்திய நாடுகள் விதித்துள்ள பொருளாதாரத் தடைகள் அவர் தனது அறிக்கைகளில், “இந்தத் தடைகள் மேற்கத்திய நாடுகளுக்கு பாதகமாகவே அமையும், மேலும் அவை எண்ணெய் விலை உயர்வு, உணவு நெருக்கடி போன்ற பிரச்சனைகளுக்கு முகம்கொடுக்க வழிவகுக்கும்."

மற்ற நாடுகளை கொள்ளையடிப்பதற்கும் அவர்கள் மீது பொருளாதாரத் தடைகளை விதிப்பதற்கும் டாலரை ஒரு கருவியாக அமெரிக்கா பயன்படுத்திக் கொள்கிறது என்று அவர் சுட்டிக்காட்டினார். இந்த நாணயத்தின் மீதான உலகளாவிய நம்பிக்கையை குறைமதிப்பிற்கு உட்படுத்துவதற்கு இது காரணமாய் அமையும், நிச்சயமாக இது அவர்களுக்கு பாதகமான விளைவையே ஏற்படுத்தும் என்று அவர் கூறினார், மேலும் இது மற்ற நாடுகளை மற்ற நாணயங்களைப் பயன்படுத்த ஊக்குவிக்கும். மேலும், அவர் விளக்கினார், "ரஷ்யாவும் ஈரானும் தங்கள் சொந்த நாட்டு நாணயங்களை தங்கள் உறவுகளில் பயன்படுத்த புதிய முறைகளை வகுத்து வருகின்றன."

காகசஸ் தொடர்பான இஸ்லாமியப் புரட்சித் தலைவரின் கருத்துக்களுடன் தனது உடன்பாட்டை வெளிப்படுத்தீய ரஷ்ய அதிபர் வடக்கு சிரியா மீதான எந்தவொரு தாக்குதலுக்கும் எதிர்ப்பு உட்பட, சிரியா விவகாரத்தில் ஈரான் மற்றும் ரஷ்யா ஆகிய இரு நாடுகளின் நிலைப்பாடுகள் ஒன்றுக்கொன்று முற்றிலும் இணக்கமானவை என்று ரஷ்ய ஜனாதிபதி கூறினார். "யூப்ரடீஸின் கிழக்கே உள்ள பகுதி சிரிய இராணுவப் படைகளின் கட்டுப்பாட்டிலேயே இருக்க வேண்டும்" என்று அவர் வலியுறுத்தினார்.

ஈரானுக்கும் ரஷ்யாவுக்கும் இடையிலான ஒத்துழைப்பு அனைத்து துறைகளிலும் முன்னேறி வருவதாகத் தெரிவித்த ரஷ்ய அதிபர்  “சிரியாவில் பயங்கரவாதத்துக்கு எதிராக ஈரானும் ரஷ்யாவும் இணைந்து போராடி வருகின்றன. இராணுவத் துறையிலும் இரு நாடுகளுக்கு இடையேயான ஒத்துழைப்பின் அளவை அதிகரிக்க முயற்சிப்போம், மேலும் சீனாவுடனான முத்தரப்பு ஒத்துழைப்பையும், ராணுவ ஒத்துழைப்பையும் அதிகரிக்க முயற்சிப்போம்”, என்று கூறினார்.

https://english.khamenei.ir/news/9089/Dollar-must-be-removed-from-global-transactions