பாரசீக இலக்கிய மரபின் ஜாம்பவான்களில் ஒருவரான கவிஞர் நிஸாமி கஞ்சவி

 One of the greats of the Persian literary tradition is the poet Nezami Ganjavi

12 ஆம் நூற்றாண்டின் புகழ்பெற்ற பாரசீக முஸ்லிம் கவிஞரான நிஸாமி கஞ்சவி அவர்களின் இயற் பெயர் ஜமால் அத்-தீன் அபு முஹம்மத் இப்னு-யூசுஃப் இப்னு-ஸாக்கி என்பதாகும். இவர் பாரசீக இலக்கியத்தில் மிகப்பெரிய காதல் காவியக் கவிஞராகக் கருதப்படுகிறார்..

பாரசீக இலக்கிய மரபின் ஜாம்பவான்களில் ஒருவரான கவிஞர் நிஸாமி கஞ்சவி, கோஸ்ரோ மற்றும் ஷிரின் கவிதைத் தொகுப்பில் மெல்லிசை காதல் மற்றும் பாடல் வரிகளை எழுதியவர்.

அவரது வலுவான சமூக உணர்வு மற்றும் வாய்மொழி மற்றும் எழுதப்பட்ட வரலாற்று பதிவுகள் பற்றிய அறிவு, அத்துடன் அவரது செழுமையான பாரசீக கலாச்சார பாரம்பரியம், இஸ்லாத்திற்கு முந்தைய மற்றும் இஸ்லாமிய ஈரானை ஒன்றிணைத்து ஒரு புதிய இலக்கிய சாதனையை உருவாக்குகிறது. அக்கால ஈரானிய கலாச்சாரத்தின் விளைபொருளாக இருந்து, அவர் இஸ்லாத்திற்கு முந்தைய மற்றும் இஸ்லாமிய ஈரானுக்கு இடையே ஒரு பாலத்தை உருவாக்கினார், அதுமட்டுமல்லாமல் ஈரானுக்கும் முழு பண்டைய உலகத்திற்கும் இடையே ஓர் உறவை உருவாக்கினார்.

அவர் பாரசீக காவியத்திற்கு ஒரு புதிய பேச்சுவழக்கு மற்றும் யதார்த்தமான பாணியைக் கொண்டு வந்தார், மேலும் அவரது பாரம்பரிய முறை ஈரான், ஆப்கானிஸ்தான், அஜர்பைஜான், குர்திஸ்தான் மற்றும் தஜிகிஸ்தான் ஆகியவற்றால் பரவலாகப் பின்தொடரப்பட்டு பகிர்ந்து கொள்ளப்பட்டது.

ஒரு கதைக் கவிஞராக அவர் ஈரானின் வீர பாரம்பரியத்தின் கவிஞரும், 'ஷாஹ்னமா' (அரசர்களின் புத்தகம்) ஆசிரியருமான அபுல்-காசிம் பிர்தௌஸி துசி (சுமார் 940-ca. 1020) மற்றும் திவான்-இ கபீர் (கிரேட் திவான்) மற்றும் கிதாப்-ஐ மஸ்னவி ம’னவி (ஆன்மீக ஈரடி கவிதை) மற்றும் ஆன்மீக கதைக் கவிதையின் வடிவங்களை நடைமுறையில் வரையறுத்த ஜலாலுதீன் ரூமி (1207-1273) ஆகியோருக்கு இடைப்பட்டவராக நிஸாமி கஞ்சவி கருதப்படுகிறார்..

பிர்தௌஸி மற்றும் ரூமி ஆகியோரைவிட விட நிஸாமியின் கதைக் கவிதை மிகவும் விரிவானது. அது மனித உறவுகளின் காதல் பரிமாணங்களையும் வீரத்தையும் உள்ளடக்கியதாக அமைந்துள்ளது. நிச்சயமாக, ஆழ்ந்த ஆன்மிக உணர்வு அவரது கவிதைகளில் பரவியுள்ளதைக் காணலாம், இருந்தாலும் அவரது ஆக்கங்கள் ரூமியைப் போல, அவர் தனது படைப்பின் முழு கவனத்தையும் இருப்பின் ஆழ்நிலை பரிமாணத்தின் தூண்டுதலாக இருக்கவில்லை என்பது உண்மையே.

நிஸாமி கவிதை மொழியின் ஒப்பீட்டு விரிவாக்கத்தையும் கொண்டு வந்தார். ஈரானில் அரசவைக் கவிதையின் பாடல் வரிகளை, அதன் சொல்லாட்சி நுணுக்கம் மற்றும் உருவக அடர்த்தியுடன், கதை வடிவத்துடன் வழங்கிய முதல் கவிஞர்களில் அவரும் ஒருவர், மேலும் அவரது கதை மொழி மேடையில் அது சித்தரிக்கும் கதாபாத்திரங்கள் மற்றும் நிகழ்வுகளைப் போலவே உள்ளது.

நிஸாமியைப் பொறுத்தவரை, பிரசங்கம் அல்லது சொல்லாக்கம் அல்லது குறிப்பாக, கவிஞரின் துல்லியமான, அழகான மற்றும் சுட்டும் மொழி, அவரது பிரதான அல்லது முக்கிய அக்கறை கிட்டத்தட்ட தெய்வீக கவியின் அந்தஸ்தில்  உள்ளது.

அவர் தனது புத்தகங்களில் உரைநடை வடிவமைத்தல் மற்றும் கல்வி செயல்பாடு குறித்து மீண்டும் மீண்டும் கவனத்தை ஈர்க்கிறார் மற்றும் அவரது கவிதைகள் தெளிவான ஒழுக்க வழிகாட்டுதலின் ஆதாரமாக உள்ளது மட்டுமல்லாமல் அவரது காலத்திற்கு ஏற்ற ஒரு புரட்சிகரமான மொழியை வலியுறுத்துகிறார். மக்ஸான் அல்-அன்சார் (ஆன்மிக இல்லத்தின் பொக்கிஷம்) நூலில் "இருப்பின் முதல் வெளிப்பாடு பேச்சு .... பேச்சு இல்லாமல் உலகத்திற்கு குரல் இல்லை." என்று அவர் எழுதுகிறார்,

ஐந்து பொக்கிஷங்கள்

பன்னிரண்டாம் நூற்றாண்டின் பிற்பகுதியில் நிஸாமியால் இயற்றப்பட்ட கம்சே (ஐந்து பொருள்கள் கொண்ட தொகுதி) அல்லது பாஞ் Gகஞ்சி (ஐந்து பொக்கிஷங்கள்) என அறியப்படும் ஐந்து நீண்ட கவிதைகள், நேர்த்தி, குணாதிசயத்தின் செழுமை மற்றும் விவரிப்பு ஆகியவற்றிற்கு தங்கள் காலத்திலேயே புதிய தரங்களை அமைத்தன. பல நூற்றாண்டுகளாக பாரசீக மொழியில் எழுதும் கவிஞர்களாலும் பாரசீக மொழியினால் ஆழமாக தாக்கம் பெற்ற உருது மற்றும் ஒட்டோமான் துருக்கியம் போன்ற மொழிகளில் அவை பரவலாகப் பின்பற்றப்பட்டன.

பெற்றோர்

நிஸாமி ஆரம்பத்தில் அனாதையாக இருந்தார் மேலும் அவரது தாய் மாமா குவாஜா உமரால் வளர்க்கப்பட்டார், அவர் அவருக்கு பொறுப்பேற்று சிறந்த கல்வியை வழங்கினார். இவரது தாயார் ரைசா குர்திஷ் வம்சாவளியைச் சேர்ந்தவர் ஆவார். யூசுஃப் என்ற பெயருடைய அவரது தந்தையை நிஸாமி தனது கவிதைகளில் ஒருமுறை குறிப்பிடுகிறார். அதே வசனத்தில், நிஸாமி தனது தாத்தாவின் பெயரை ஸக்கி என்று குறிப்பிடுகிறார். அதே வசனத்தின் ஒரு பகுதியில், சிலர் முஅய்யாத் என்ற வார்த்தையை ஸக்கிக்கான தலைப்பாக எடுத்துக்கொண்டனர் மற்றவர்கள் அதை அவரது கொள்ளுத் தாத்தாவின் பெயராக விளக்கியுள்ளனர். அவரது தந்தை கும் நகரை சேர்ந்தவராக இருக்கலாம் என்று சில ஆதாரங்கள் கூறுகின்றன. 

குடும்பம்

நிஸாமி மூன்று முறை திருமணம் செய்து கொண்டார். அவரது முதல் மனைவி கிப்ஸக் என்ற அடிமைப் பெண் ஆவார், அவர் தர்பந்தின் ஆட்சியாளரான ஃபக்ர் அல்-தின் பஹ்ரம்ஷாவால் ஒரு பெரிய பரிசின் ஒரு பகுதியாக அவருக்கு அனுப்பப்பட்டவர். ஈராஜ் பஷிரியின் கூற்றுப்படி, அவர் நிஸாமியின் "மிகவும் பிரியமான" மனைவியானார். இந்த மனைவி மூலம் பிறந்த ஒரே மகன் முகமது.

கஞ்சவில் நகர்ப்புற பின்னணியில் பிறந்த நிஸாமி தனது முழு வாழ்க்கையையும் அதே பிராந்தியத்தில் கழித்ததாக தெரிகிறது, ஏறக்குறைய எழுபத்தைந்து ஆண்டுகளுக்குப் பிறகு அங்கேயே உயிர் நீத்தார். ஈரான் அல்லது மத்திய தரைக்கடல் முதல் மத்திய ஆசியா வரையிலான இஸ்லாமிய உலகம் பெரும் கலாச்சார மறுமலர்ச்சி காலகட்டத்தை அனுபவித்துக் கொண்டிருந்த காலத்தில் நிஸாமி வாழ்ந்தார்.

அரேபிய மற்றும் பாரசீக இலக்கியங்கள் மற்றும் வாய்மொழி மற்றும் எழுதப்பட்ட பிரபலமான மற்றும் உள்ளூர் மரபுகளை அவர் முழுமையாக அறிந்திருந்தார் என்பது மட்டுமல்லாமல், கணிதம், வானியல், ரசவாதம், மருத்துவம், தாவரவியல், குர்ஆன் விளக்கவுரை போன்ற பல்வேறு துறைகளிலும் அவர் பாண்டித்தியம் பெற்றிருந்தார் என்பதை அவரது கவிதைகள் காட்டுகின்றன. மற்றும் இஸ்லாமிய கோட்பாடு மற்றும் சட்டம், ஈரானிய தொன்மங்கள் மற்றும் புனைவுகள், வரலாறு, நெறிமுறைகள், தத்துவம் மற்றும் ஆழ்ந்த சிந்தனை, இசை மற்றும் காட்சி கலைகள் ஆகியவற்றிலும் நிபுணத்துவம் பெற்றிருந்தார்.

நிஸாமி பெரும்பாலும் "கம்சே" (ஐந்து பொருள்கள் கொண்ட தொகுதி)க்காக அறியப்படுகிறார், அதன் இரண்டு பிரதிகள் ஈரானில் பாதுகாக்கப்பட்டு வருவது மட்டுமல்லாமல் 2011 இல் யுனெஸ்கோவின் உலகப் பதிவேட்டின் நினைவகப் பட்டியலில் பொறிக்கப்பட்டுள்ளன.

"கம்சே" என்பது மஸ்னவி செய்யுள் வடிவில் எழுதப்பட்ட மொத்தம் 30,000 ஜோடிகளுடன் எழுதப்பட்ட கவிதைகளின் தொகுப்பு ஆகும்.

இந்த கவிதைகளில் மக்ஸான் அல்-அஸ்ரார் என்ற உபதேசப் படைப்பு அடங்கும். குஸ்ரோ மற்றும் ஷிரின், லைலா  மற்றும் மஜ்னுன் மற்றும் ஹப்ட் பைகார் ஆகிய மூன்று பாரம்பரிய காதல் கதைகள்; அத்தோடு எஸ்கந்தர்-நாமே, இது அலெக்சாண்டரின் சாகசங்களைப் பதிவு செய்கிறது.

ஈரானிய நூலகங்களில் "கம்சே" இன் பல்வேறு பதிப்புகள் இருந்தபோதிலும் தெஹ்ரான் பல்கலைக்கழகத்தின் மத்திய நூலகத்தில் வைக்கப்பட்டுள்ள இரண்டு பதிப்புகள் மற்றும் தெஹ்ரானில் உள்ள ஷஹீத் முதஹ்ஹரி பள்ளி மற்றும் மசூதியின் நூலகம் ஆகியவற்றில் உள்ளவை யுனஸ்கோவால் பதிவு செய்யப்பட்டவை.

 

எதிரிகள் கற்பனை செய்து பார்க்க முடியாத பல ஆச்சரியங்கள் எம் வசம்

Yemen holds cards up its sleeves, ready to shock the enemy: Al-Houthi

யெமன் அன்சார் அல்லாஹ் தலைவர் சையத் அப்துல்-மாலிக் அல்-ஹூதி காஸாவுடனான தமது ஒருமைப்பாட்டை உறுதிப்படுத்துகிறார், வெளிநாட்டு ஆக்கிரமிப்பாளர்களுக்கு எதிரான பாதுகாப்பு நடவடிக்கைகள் நிறுத்தப்பட மாட்டாது என்று சூளுரைத்தார்.

யெமன் தலைவர் சையத் அப்துல்-மாலிக் அல்-ஹூதி பிப்ரவரி 29, 2024

யெமன் அன்சார் அல்லாஹ் தலைவர் சையத் அப்துல்-மாலிக் பத்ருதீன் அல்-ஹூதி கடந்த வியாழக்கிழமை காஸா பகுதியில் உள்ள எதிர்ப்பு போராளிகள் இஸ்ரேலிய எதிரிகளுடன் "தைரியமாகவும், திறமையாகவும், தாக்கத்துடனும்" சண்டையிட்டு வருவதாகவும், ஐந்து மாதங்களாக போர் மற்றும் முற்றுகை நீடித்த போதிலும் சியோனிச ஆக்கிரமிப்பாளர்களுக்கு இழப்புகளை ஏற்படுத்தி வருவதாகவும் குறிப்பிட்டார்.

தனது வாராந்திர தொலைக்காட்சி உரையின் போது, அல்-ஹூதி, "பலஸ்தீனின் கட்டுப்பாடு இனி ஒருபோதும் சினிஸ்ட்டுகளிடம் இருக்கப்போவதில்லை, அவர்கள் எவ்வளவு தான் அழிவு, குற்றம் மற்றும் கொலைகளைச் செய்தாலும் அவர்களின் தவிர்க்க முடியாத விதி, அழிவு. தோல்வி, மற்றும் அவமானம் மட்டுமே." என்று கூறினார்.

"அல்-அக்ஸா என்ற புனிதமான பெயரின் கீழ் போராட்டம் தொடரும், அதன் உண்மையான விளைவு எதிரியின் நிச்சயமான தோல்வியாகவே இருக்கும்."

உம்மத்தின் இருப்பானது பாலஸ்தீனிய விடயத்தின் பொறுப்பான வழிநடத்தலில் தங்கியுள்ளது என்று வலியுறுத்திய அவர், அரேபியர்கள் அதை எவ்வளவு நிராகரிக்க முயற்சித்தாலும், தங்கள் கடமைகளிலிருந்து தப்பிக்க முடியாது; அதன் விளைவுகள் அவர்களுக்கு மிகவும் கடுமையானவையாக இருக்கும்" என்று எச்சரித்தார்..

அல்-அக்ஸாவை அழித்து அதற்குப் பதிலாக கோயிலைக் கட்டுவது "இஸ்ரேலின்" முதன்மை இலக்காக இன்னும் உள்ளது என்று அல்-ஹூதி கூறினார், "பல அரேபிய நிலங்களின் சியோனிச ஆக்கிரமிப்பும் அவ்வாறே" என்றார்.

நைல் நதியிலிருந்து அல்-புராத் நதி வரை தங்களது நேரடிக் கட்டுப்பாட்டைக் கொண்ட ஒரு அகண்ட இஸ்ரேலை உருவாக்குவதை இஸ்ரேலியர்கள் அவர்களது லட்சியமாக கொண்டுள்ளார்கள். அவர்கள் ஏற்கனவே ஆக்கிரமித்துள்ள நிலத்தில் இருந்து மற்ற பகுதிகளுக்கு மேலும் முன்னேற திட்டமிட்டுள்ளார்கள், அங்கு வாழும் மக்களையும் அதன் வளங்களை அபகரிக்க விரும்புகிறார்கள்," என்று ஹூதி தலைவர் கூறினார்.

இந்த பேராசை கொண்ட லட்சியத்தை அவர்கள் ஒரு சித்தாந்தமாகவும், அரசியல் நோக்காகவும் மாற்றியுள்ளனர், தங்கள் இலக்குகளை அடைய நீண்டகால வேலைத்திட்டத்தை பின்பற்றி அணிதிரண்டுள்ளதாகவும் அவர் தெளிவுபடுத்துகிறார்.

"அரேபியர்கள் ஒவ்வொரு ஆக்கிரமிப்பையும் சுயாதீனமாக எதிர்கொண்டனர் என்றாலும் அதை அதன் நச்சு வேர்களிலிருந்து துண்டிக்கப்பட்ட ஒரு எழுச்சி நிகழ்வாகக் கருதினர், மேலும் விஷயம் தற்காலிகமாக தீர்க்கப்பட்டவுடன் நச்சு வேறை பிடுங்கி எறியவேண்டிய அவசியத்தை மறந்தனர்”. சியோனிஸ்டுகளின் முதன்மை இலக்கு அரேபியர்கள் என்பதையும் குறிப்பாக அரபு முஸ்லிம்கள் என்பதையும் தெளிவுபடுத்தி சியோனிஸ்டுகள் கொண்டுள்ள விரோதத்திற்கு எதிராக உடனடியாக அணிதிரளுமாறு அரேபியர்களை வலியுறுத்தினார்.

நமது நாடுகள் மற்றும் மக்கள் மீது மிகவும் விரோதமான பார்வையைக் கொண்ட சியோனிஸ்டுகளுக்காக உலக அரங்கை வளர்த்து வருபவர்களை அல்-ஹூதி சாடினார், "தங்களுக்கு எதிராக பின்னப்பட்ட சதித்திட்டங்கள் குறித்து அரேபியர்கள் மத்தியில் துரதிர்ஷ்டவசமான பரந்த கவனக்குறைவு மற்றும் மயக்க நிலை" இருப்பதாக வருத்தம் தெரிவித்தார்.

"இஸ்லாமிய தேசம் குறிப்பாக எங்கள் அரபு நிலங்கள், அனைத்து மட்டங்களிலும் திட்டமிட்டு குறிவைக்கப்படுகிறன்றன, மேலும் உள்நாட்டு மோதல்கள் மற்றும் சச்சரவுகளின் கட்டுக்கதைகளுக்கு உள்ளாக்கப்படுகின்றன" என்று கூறிய அவர், மேலும் எமது தேசத்தில் ஊழலைப் பரப்புவதற்கும், அதன் கண்ணியத்தையும் வீரத்தையும் அழிப்பதற்கும், உள்நாட்டு குழப்பங்களை ஏற்படுத்தி மக்களை ஒருவருக்கொருவர் எதிரிகளாக மாற்றுவதற்கும் முயற்சிகள் நடைபெற்று வருகின்றன என்றும்  குறிப்பிட்டார்.

காஸாவில் இஸ்ரேலிய ஆக்கிரமிப்பின் இனப்படுகொலைக்கு எதிரான லெபனானின் ஆதரவு முன்னணி குறித்து பேசிய அல்-ஹூதி, "ஹிஸ்புல்லாவின் நடவடிக்கைகள் மூலம், இஸ்ரேலிய எதிரியை எதிர்கொள்வதில் அதன் பெரும் தாக்கத்தை நிரூபித்துள்ளது" என்று கூறினார்.

இஸ்ரேலுடன் தொடர்புபட்ட 54 கப்பல்கள் மீது தாக்குத நடத்தப்பட்டுள்ளது

அன்சார் அல்லாஹ்வின் நடவடிக்கைகள் குறித்து குறிப்பிடுகையில், யெமன் தலைவர் இதுவரை 54 கப்பல்கள் இலக்கு வைக்கப்பட்டுள்ளதாக தெரிவித்தார். இது பாப் அல்-மண்டப் ஜலசந்தி வழியாக இஸ்ரேலுடன் தொடர்புபட்ட கப்பல் கடந்து செல்வது எளிதான காரியமல்ல என்பதை உறுதிப்படுத்தியுள்ளது.

அனைத்திற்கும் மேலாக, செங்கடல் வழியாக இஸ்ரேலிய ஆக்கிரமிப்பு பிரதேசத்தை நோக்கிச் செல்லும் கப்பல்கள் மீது 384 ஏவுகணைகள் மற்றும் ஆளில்லா விமானங்கள் கொண்டும் தாக்குதல்கள் நடத்தப்பட்டுள்ளன. எமது இந்த நடவடிக்கை இஸ்ரேலிய படுகொலைகளை தடுத்து நிறுத்தும் நோக்கம் கொண்டது. ஆனால் செங்கடலை இராணுவமயமாக்கும் மற்றும் கடல்சார் பாதுகாப்பை ஆபத்திற்கு உட்படுத்தும் தரப்பாக அமெரிக்கா உள்ளது என்பதை வலியுறுத்தினார்.

"நாம் ஒருபோதும் தடுமாற மாட்டோம், ஏனென்றால் யெமன் ஆயுதப் படைகளின் செயல்பாடுகள் திறமையானவை, தாக்கம் மிக்கவை மற்றும் நிரந்தரமானவை, மேலும் எங்களது மக்கள் இயக்கங்கள் அவர்களின் உண்மையான விசுவாசத்தை வெளிப்படுத்துகின்றன."

அமெரிக்கா இஸ்ரேலிய எதிரிக்கு ஏராளமான இராணுவ மற்றும் அரசியல் ஆதரவை அளித்து இனப்படுகொலை நீடிக்க அனுமதித்தது மற்றும் சர்வதேச கோரிக்கைக்கு மாறாக போர்நிறுத்தத்தை அடையும் அனைத்து முயற்சிகளையும் தடுத்து நிறுத்தியது என்று அவர் கூறினார்.

"காஸா மீதான ஆக்கிரமிப்பு நிறுத்தப்பட்டு, முற்றுகை அகற்றப்படும் வரை பாப் அல்-மண்டாப் ஜலசந்தி வழியாக இஸ்ரேலிய ஆக்கிரமிப்பு பகுதிக்குச் செல்லும் கப்பல்களை யெமன் மக்கள் தொடர்ந்து தடை செய்து வருகின்றனர். எங்கள் நடவடிக்கைகள் செங்கடலில் நடந்து கொண்டிருக்கின்றன, வளர்ந்து கொண்டிருக்கின்றன, எதிரிகள் கற்பனை செய்து பார்க்க முடியாத பல ஆச்சரியங்களை நாங்கள் தயாரித்துள்ளோம், அவற்றை விரைவில் செயல்படுத்துவோம்."

காஸா மீதான ஆக்கிரமிப்பு நிறுத்தப்படும் வரை ஆக்கிரமிக்கப்பட்ட பகுதிகளை நோக்கி பயணம் செய்வதை தவிர்ப்பது மட்டுமே எந்தவொரு நாட்டிற்கும் கடல்சார் பாதுகாப்பிற்கு உத்தரவாதம் அளிக்கும் ஒரே விஷயம் என்று அல்-ஹூதி மேலும் கூறினார்.

YAF (Yemani Air Force) அதன் நடவடிக்கைகளை செங்கடல் மற்றும் அரேபிய கடல்களிலும், ஏடன் வளைகுடாவிலும் தொடர்கிறது, காஸா ஆக்கிரமிப்புக்கு ஆதரவாக இஸ்ரேலிய ஆக்கிரமிப்பு துறைமுகங்களுக்கு செல்லும் கப்பல்களை இலக்கு வைத்துள்ளது, மேலும் யெமனுக்கு எதிரான தொடர்ச்சியான தாக்குதல்களுக்கு விடையிறுப்பாக அமெரிக்க மற்றும் பிரிட்டிஷ் கப்பல்களையும் குறிவைக்கிறது.

அமெரிக்க-பிரிட்டிஷ் ஆக்கிரமிப்பு குறித்து

"அமெரிக்கா மக்களையும் நாடுகளையும் மதிக்கவில்லை, காசாவுக்கு எதிரான ஆக்கிரமிப்பை ஆதரிக்கிறது, எனவே யெமனுக்கு எதிரான ஆக்கிரமிப்பை தீவிரப்படுத்துகிறது" என்று தலைவர் அல்-ஹூதி தனது நாட்டிற்கு எதிரான ஆக்கிரமிப்பு குறித்து கருத்து தெரிவித்தார்.

அமெரிக்கர்கள் இதில் மூக்கை நுழைத்து, பிரிட்டிஷாரை அவர்களுடன் இணைத்துக்கொண்டு ஆக்கிரமிப்பில் ஈடுபட்டுள்ளது. இதனால் யெமனியர்களிடமிருந்து பெரும் அடிகளை வாங்கிக்கொண்டு இருக்கிறது பிரிட்டன் என்று கூறிய அவர், "அமெரிக்க-பிரிட்டிஷ் ஆக்கிரமிப்பு காரணமாக பிராந்தியத்தில் பதற்றமே அதிகரித்து வருகின்றது, அது யெமனின் இராணுவத் திறன்களை ஒருபோதும் பாதிக்காது," என்றும் விளக்கினார்.

"அமெரிக்க மற்றும் பிரிட்டிஷ் தாக்குதல்கள் யெமன் மக்களின் விருப்பத்தையும் மன உறுதியையும் முறித்துவிடாது; ஆக்கிரமிக்கப்பட்ட பாலஸ்தீனத்தை விடுவிப்பதற்கான அவர்களின் விசுவாசத்தையும் பாதிக்காது. அமெரிக்கர்கள் எம்மை தாக்கி, அவர்களது வழிக்குக் கொண்டுவரலாம் என்று நினைத்தனர். இப்போது எங்கள் நாட்டிற்கு எதிரான அவர்களின் ஆக்கிரமிப்பின் இலக்குகளை அடையத் தவறிவிட்டதை ஒப்புக்கொள்கிறார்கள், மேலும் அவர்கள் எங்கள் வலிமையைப் பற்றி தங்கள் ஆச்சரியத்தையும் வெளிப்படுத்துகிறார்கள்.

எமது எதிரிகளின் ராணுவ நடவடிக்கைகள் யெமனின் திறன்களையோ, மன உறுதியையோ அல்லது வீதிகளில் மக்கள் பிரசன்னத்தையோ பாதிக்க மாட்டா என்று வலியுறுத்திய அவர், "எதிரிகள் ஆச்சரியப்படும் வழிகளில், நமது இராணுவ திறன்களை மேம்படுத்துகிறார்கள்" என்பதை எடுத்துக்காட்டினார்.

காஸா மீதான ஆக்கிரமிப்பை முடிவுக்குக் கொண்டுவரக் கோரி யெமன் மக்கள் இயக்கத்தை அல்-ஹூதி ஆதரித்ததுடன், அது மேலும் தொடர்ந்து நீடிக்க வேண்டும் என்றும் அழைப்பு விடுத்தது.

சில இஸ்லாமிய நாடுகளின் வெட்கக்கேடான நிலைப்பாடு குறித்து விரிவான இயக்கங்கள், நடவடிக்கைகள் மற்றும் போராட்டங்கள் அவசியம் என்று அவர் வலியுறுத்தினார்.

தனது நாட்டு மக்களை குறிப்பிட்டு பேசுகையில் "மற்ற அரபு நாடுகளில் இதுபோன்ற நிலைப்பாடுகள் இல்லாத நிலையில், பாலஸ்தீனத்துடனான உங்கள் வெகுஜன ஒற்றுமை ஒரு ஆசீர்வாதம்" என்று அல்-ஹூதி கூறினார்.

பலஸ்தீனர்களை நோக்கி பேசுகையில் "நீங்கள் தனியாக இல்லை, எங்கள் மக்கள் எப்போதும் உங்களுடன் இருப்பார்கள், நாங்கள் சோர்வடைய மாட்டோம், நாங்கள் தடுமாற மாட்டோம், நாங்கள் பின்வாங்க மாட்டோம், நம்பிக்கை மற்றும் உள உறுதியுடன், ஒடுக்கப்பட்ட பாலஸ்தீனிய மக்களை இறைவன் விடுவிக்கும் வரை நாங்கள் பயணத்தைத் தொடர்வோம்." அல்-ஹூதி அறிவித்தார்,

https://english.almayadeen.net/news/politics/yemen-holds-cards-up-its-sleeves--ready-to-shock-the-enemy