Burning of the Holy Quran in Sweden
Strong condemnation from Muslim world
 |
| Photo credit CNN |
ஸ்வீடனில் முஸ்லிம்களுக்கு எதிரான வெறுப்புப் பேச்சு ஜனநாயக சமுதாயத்தின் ஒற்றுமை, மனித உரிமைகள் பாதுகாப்பு மற்றும் சட்டத்தின் ஆட்சிக்கு பெரும் ஆபத்தை ஏற்படுத்துகிறது.
வெறுப்பு செயல்பாடு பல்வேறு காரணங்களுக்காக ஒரு நபர் அல்லது நபர்களின் குழுவிற்கு எதிராக வெறுப்பு, வன்முறை மற்றும் பாகுபாடு ஆகியவற்றைத் தூண்டும், ஊக்குவிக்கும் அல்லது நியாயப்படுத்தும் பல வகையான வெளிப்பாடுகளை உள்ளடக்கியது.
ஸ்வீடனின் தீவிர வலதுசாரி, குடியேற்ற எதிர்ப்பு, இஸ்லாமிய எதிர்ப்பு குழுவான ஸ்ட்ராம்
குர்ஸ், ரஸ்மஸ் பலுடான் தலைமையிலான குழு, ரமலான் மாதத்தில் குர்ஆனை எரிக்க கோரிக்கை விடுத்ததானது, இறையாண்மை கொண்ட நாட்டின் சிவில் சட்டங்களுக்கும் அதன் மதிப்புகளுக்கும் எதிரானது.
கருத்து சுதந்திரம், பேச்சு சுதந்திரம் என்ற போர்வையில் ஒரு மதத்துக்கு எதிராக செயல்படுவது, அம்மதத்தை பின்பற்றுவோர் உணர்வுகளை காயப்படுத்தும் வகையில் செயல்படுவது நாகரீக
உலகில் ஏற்றுக்கொள்ள முடியாத விடயமாகும்.
இது தொடர்பாக ஈரான் இஸ்லாமிய குடியரசு கடந்த வாரம் சுவீடனின் தூதுவரை வெளியுறவு
அமைச்சுக்கு அழைத்து இஸ்லாமிய குடியரசின் கடும் கண்டனத்தை சுவீடிஷ் அரசுக்கு தெரியப்படுத்தியது.
சவூதி அரேபியாவின் நிலைப்பாடு
இவ்விடயம் தொடர்பாக சவூதி அரேபியாவின் வெளியுறவு அமைச்சும் முஸ்லிம்களுக்கு எதிராக வேண்டுமென்றே தூண்டிவிட்டு வெறுப்பைத் தூண்டும் சுவீடனின் தீவிர வலதுசாரிக் குழுவின் நடவடிக்கைகளுக்கு தனது கடுமையான எதிர்ப்பையும் கண்டனத்தையும் தெரிவித்துள்ளது.
உரையாடலின் மதிப்புகளைப் பரப்புவதற்கு ஒருங்கிணைந்த முயற்சிகளின் முக்கியத்துவத்தை சவூதி அரேபியா வலியுறுத்தும் அதேவேளை வெறுப்பு, தீவிரவாதம் மற்றும் ஒதுக்கலை நிராகரித்தது, சகிப்புத்தன்மை மற்றும் சகவாழ்வு, அனைத்து மதங்களின் புனிதங்கள் மதிக்கப்படும் அவசியத்தை வலியுறுத்தியுள்ளது.
ஏனைய முஸ்லிம் நாடுகளும் இது தொடர்பாக தமது கண்டனத்தை வெளியிட்டுள்ளன.
கலாசாரம் மற்றும் மதங்களுக்கிடையில் புரிந்துணர்வு
பல மதங்கள் மற்றும் கலாச்சாரங்களைப் பின்பற்றுபவர்களிடையே உரையாடல் மற்றும் புரிதல் செயல்முறையை மேம்படுத்த முயற்சிகள் எடுக்கப்பட்டு வருகின்றன; இதற்கென பல மன்றங்கள் உலகில் உருவாக்கப்பட்டுள்ளன. இது பன்முகத்தன்மையை மதிக்கும் கலாச்சாரத்தை ஊக்குவிக்கிறது மற்றும் நாடுகள் மற்றும் மக்களிடையே நீதி மற்றும் அமைதிக்கான விதிகளை நிறுவுகிறது. அதன் இயக்குநர்கள் குழுவில் முஸ்லிம்கள், கிறிஸ்தவர்கள், யூதர்கள், பௌத்தர்கள் மற்றும் இந்துக்கள் உட்பட மதத் தலைவர்கள் உள்ளனர்.
இஸ்லாமோபோபியா
பாரம்பரிய ஊடகங்கள் மூலமாகவோ அல்லது நவ ஊடகங்கள் மூலமாகவோ, முஸ்லிம்களைக் குறைமதிப்பிற்கு உட்படுத்தும் ஒரு கடுமையான பிரச்சாரத்தை நாம் கடந்த காலங்களில், பார்த்திருக்கிறோம்; உலக மக்கள் தொகையில் சுமார் 2 பில்லியன் மக்களை முஸ்லிம்கள் பிரதிநிதித்துவப்படுத்துகின்றனர் என்பதை கருத்தில்கொள்ள வேண்டும்.
ஒரு பிரச்சனைக்குரிய விடயம் துர் பிரச்சாரங்கள் மூலம் வெளிப்படையாக விரோதமான முறையில் மேற்கொள்ளப்படுகின்றன, மேலும் பல சந்தர்ப்பங்களில்அது ஜனநாயகம் அல்லது கருத்து சுதந்திரம் என்ற போர்வையில் மேற்கொள்ளப்படுகிறது என்பது கவலைக்குரியதாகும்.
பேச்சு சுதந்திரம் என்பது மனிதகுலத்தின் நலனுக்காக இருக்க வேண்டும் மற்றும் பிறரையும் அவர்களின் மதத்தையும் மதிக்கும் நாகரீக விழுமியங்களை அடிப்படையாகக் கொண்டதாகவும் இருக்கவேண்டும், இனங்களுக்கு எதிரான வேறுபாடு அல்லது பாரபட்சம், அல்லது மத சின்னங்களை குறைமதிப்பிற்கு உட்படுத்துதல் அல்லது கேலிக்கு உள்ளாக்குதல், வன்மத்தின் வெளிப்பாடே அல்லாது, நிச்சயமாக பேச்சு சுதந்திரம் ஆகாது.
பிற மதங்கள் மற்றும் கலாச்சாரங்களை மதிக்காத பயங்கரவாதிகள் மற்றும் குற்றவாளிகள் மக்கள் மத்தியில் வேறுபாடுகளைத் தூண்டி, உலகை மதப் போர்களுக்கு இட்டுச்செல்ல முற்படுபவர்கள், தங்கள் செயல்களின் விளைவுகளை சிறிதும் பொருட்படுத்தாமல் தங்கள் தீய எண்ணங்களை, பேச்சு சுதந்திரம் என்ற பேரில் வெளிப்படுத்த இடம் கொடுக்கக்கூடாது.
2006 ஜனவரி 10, அன்று, நோர்வே செய்தித்தாள் மேகசினெட், ஜெர்மன் செய்தித்தாள் டை வெல்ட், பிரெஞ்சு செய்தித்தாள் பிரான்ஸ் சோயர் மற்றும் ஐரோப்பாவில் உள்ள பிற செய்தித்தாள்கள் றஸூலுல்லாஹ்வை இழிவுபடுத்தும் விதத்தில் கேலிச்சித்திரங்களை மறுபிரசுரம் செய்தன என்பது ஞாபகம் இருக்கலாம். அவர்களின் வெளியீடு பெரும்பான்மையான முஸ்லிம்களின் உணர்வுகளை புண்படுத்தியது மற்றும் முஸ்லிம் உலகின் பல்வேறு அரசியல் மட்டங்களில் பெரும் கண்டன அலைகளையும் அது சந்தித்தது.
இத்தகைய துர் நடவடிக்கைகள் அமைதி, சகவாழ்வு மற்றும் நாகரீக உலகத்தின் மதிப்புகளுக்கு ஒருபோதும் பங்களிப்பு செய்யாது. மாறாக, கருத்துச் சுதந்திரம் என்ற சாக்குப்போக்கில் நம்மை மீண்டும் இருண்ட காலத்திற்கே அழைத்துச் செல்லும் என்பது புரிந்துகொள்ளப்பட வேண்டும்
இதன் எதிர்வினையாக 2015 இல் பாரிஸில் சார்லி ஹெப்டோ அலுவலகங்கள் மீது தாக்குதல் நடத்தப்பட்டது, எதிர்வினைகள் மற்றும் கலவரங்களுக்கு வழிவகுக்கும் அல்லது அதைவிட மோசமான விளைவுகளுக்கு இட்டுச் செல்லவும் கூடும்.
மத உணர்வுகளை புண்படுத்தும் செயல்களை குற்றமாக்கும் விதிமுறைகள் மற்றும் சட்டங்கள்
இருந்தால் இது போன்ற அட்டூழியங்கள் இடம்பெறுவதற்கு வாய்ப்பு இருக்காது.
இது இவ்வாறு இருக்கையில்
புனித மஸ்ஜிதுல் அக்ஸாவில் சியோனிச வெறியாட்டம்
வெள்ளிக்கிழமை காலை அல்-அக்ஸா மசூதியில் இஸ்ரேலியப் படைகள் தங்கள் வன்முறையை விரிவுபடுத்தியது, மசூதியின் முற்றங்களைத் தாக்கி வழிபாட்டாளர்களைத் தாக்கியது, 150 பாலஸ்தீனியர்களைக் காயப்படுத்தியது மற்றும் 400 பேரை தடுத்து வைத்தது.
பாலஸ்தீனர்களின் நியாயமான போராட்டத்திற்கு ஆதரவாக முஸ்லிம்கள் ஒன்றுபட வேண்டும் என்று ஈரான் அழைப்பு விடுத்துள்ளது
ஈரானின் வெளியுறவு அமைச்சின் செய்தித் தொடர்பாளர் சயீத் கதிப்சாதே , பாலஸ்தீனர்களின் நியாயமான போராட்டத்திற்கு ஆதரவாக முஸ்லிம்கள் ஒன்றிணைய வேண்டும் என்று வலியுறுத்தினார்.
அல்-அக்ஸா பள்ளிவாசலில் இஸ்ரேலிய சியோனிச ஆட்சியின் தொடர்ச்சியான அட்டூழியங்கள்
மீது காதிப் ஸாதே தனது கோபத்தை வெளிப்படுத்தினார், மேலும் டெல் அவிவ் சியோனிச ஆட்சியுடன்
உறவுகளை புதுப்பிக்க சில அரபு நாடுகளின் விருப்பத்தின் தாக்கங்களுக்கு எதிராக அவர்
எச்சரித்தார்.
“இஸ்ரேலிய ஆட்சியின் தொடர்ச்ச்சியான அட்டூழியங்களால் ஆழ்ந்த சீற்றம் அடைந்துள்ள நாம் அல்-அக்ஸா மசூதி இழிவுபடுத்தப்பட்டதை நாங்கள் வன்மையாகக் கண்டிக்கிறோம்" என்று கதீப்சாதே தெரிவித்துள்ளார்.
"இஸ்ரேலின் இனவெறி ஆட்சியுடன் உறவுகள் இயல்பாக்கப்படுவது ஒடுக்குமுறையாளரை அதன்
மிருகத்தனத்தை இரட்டிப்பாக்க ஊக்குவிக்கிறது என்பதை நினைவூட்டினார்.
"பாலஸ்தீன பிரச்சினைக்கு தீர்வு ஏற்படும் வரை முஸ்லிம்கள் ஒன்றுபட்டு நிற்க வேண்டும்," என்று அவர் பரிந்துரைத்தார்.
"இஸ்லாமிய நாடுகளின் அமைதி மற்றும் வெளிப்படையான துரோகங்களுக்கு மத்தியில் இறைதூதர் விண்ணுலக யாத்திரை மேற்கொண்ட புனித தளம் அசிங்கப்படுத்தப்படுகிறது, இதை பார்த்துக்கொண்டு அமைதி காப்பது வெட்கக்கேடானது," என்று அவர் மேலும் கூறினார்.
வெள்ளிக்கிழமை காலை அல்-அக்ஸா மசூதியில் இஸ்ரேலியப் படைகள் தங்கள் வன்முறையை விரிவுபடுத்தியது, மசூதியின் முற்றங்களைத் தாக்கி வழிபாட்டாளர்களைத் தாக்கியது, 150 பாலஸ்தீனியர்களைக் காயப்படுத்தியது மற்றும் 400 பேரை தடுத்து வைத்தது.
வெள்ளியன்று, ஈரானிய வெளியுறவு மந்திரி ஹொசைன் அமீர் அப்துல்லாஹியன் அல்-அக்ஸா மசூதி மீதான இஸ்ரேலிய ஆட்சியின் தாக்குதலை வன்மையாக கண்டித்ததுடன் ஹமாஸின் அரசியல் பணியகத்தின் தலைவரான இஸ்மாயில் ஹனியேவுடன் தொலைபேசியில் தொடர்புகொண்டு பலஸ்தீன் விடுதலைக்கான தமது நாட்டின் தொடர்ச்சியான ஆதரவை உறுதிசெய்தார்.
நிராயுதபாணிகளான தொழுகையாளிகளை வெட்கம் கெட்டத்தனமாக தாக்கும் அளவுக்கு சியோனிச ஆட்சி பலவீனமாகிவிட்டது. அல்-அக்ஸா மசூதியில் ஈனச்செயல்களை செய்வதன் மூலம் இஸ்ரேலிய இனவெறி ஆட்சி மனித உரிமைக் கோட்பாடுகளையும் சர்வதேச சட்டங்களையும் வெட்கக்கேடான முறையில் மீறுகிறது என்று காதிப்சாதே மேலும் கூறினார்.
பாலஸ்தீனத்தில் புனிதஸ்தலங்களுக்கு எதிராகவும், பள்ளிவாசலில் நோன்பு இருப்பவர்கள் மற்றும் வழிபாட்டாளர்களுக்கு எதிராகவும் சியோனிஸ்டுகளின் "வெட்கமற்ற" வன்முறைச் செயல்களை அவர் கடுமையாக சாடினார்.
முஸ்லிம் உலகம் முழுவதும் ஒடுக்கப்பட்ட பாலஸ்தீன மக்களுக்கு ஆதரவாக பாரிய போராட்டங்கள் நடத்தப்பட வேண்டும் என்றும் அவர் வலியுறுத்தினார்.
