ஈரான் இஸ்லாமிய புரட்சி "நூற்றாண்டின் அதிசயம்"

 Islamic Revolution PROMOTES Love, Peace, Unity, Harmony, Islamic Brotherhood & Hope for Oppressed People of World

இஸ்லாமியப் புரட்சி உலகில் ஒடுக்கப்பட்ட மக்களுக்கான அன்பு, அமைதி, ஒற்றுமை, நல்லிணக்கம், சகோதரத்துவம் மற்றும் நம்பிக்கையை ஊக்குவிக்கிறது

ஈரானின் இஸ்லாமியப் புரட்சி 1979 பிப்ரவரி 11, அன்று வெற்றி பெற்றது, இது றஸூலுல்லாஹ்வின் மாபெரும் புரட்சியை அடுத்து 1400 வருடங்களில் இடம்பெற்றிராத முன்னோடியற்ற புரட்சியாகும். இப்புரட்சி ஈரானில் குறிப்பிடத்தக்க மாற்றத்தை உருவாக்கியதோடு மட்டுமல்லாமல், பிராந்திய மற்றும் சர்வதேச பரிணாம வளர்ச்சிக்கான ஒரு பெரிய ஆதாரமாகவும் இருந்தது. இதை இமாம் கொமெய்னி (ரஹ்) அவர்கள், ஈரான் இஸ்லாமிய புரட்சி "நூற்றாண்டின் அதிசயம்" மற்றும் "தீப்பொறி" என்று வர்ணித்திருந்தார்கள்.

ஈரான் இஸ்லாமியப் புரட்சி ஈரானில் முடியாட்சி முறையின் 2500 ஆண்டு வரலாற்றை முடிவுக்கு கொண்டுவந்து, அது மட்டுமல்லாமல் இஸ்லாத்தின் போதனைகளை அடிப்படையாகக் கொண்ட ஓர் அரசாங்கத்தை ஸ்தாபித்தாபித்தது.

அரசியல் இஸ்லாத்திற்கு புத்துயிர் அளித்து, அதை தூய முகமதிய இஸ்லாம் என்று அழைத்த இமாம் கொமேனி (ரஹ்) அவர்கள், அரசியலுக்கும் மார்க்கத்துக்கும் இடையே இணக்கத்தை ஏற்படுத்தி இஸ்லாத்தை சமூகம் மற்றும் அரசியலின் இதயத்திற்கு மீண்டும் கொண்டு வந்தார். இதன் விளைவாக, தியாகம், இறைவனுக்கான போராட்டம், தீமை எதிர்ப்பு மற்றும் கொடுங்கோன்மைக்கு எதிரான போராட்டம் போன்ற கைவிடப்பட்ட இஸ்லாமிய கலாச்சாரத்தை, ஒதுக்கப்பட்டிருந்த இலக்கியத்தை அவர் மீண்டும் உயிர்ப்பித்தார். ஈரான் இஸ்லாமியப் புரட்சி நவீன உலகில் ஒரு வியத்தகு நிகழ்வு ஆகும், இது இஸ்லாமிய உலகில் இஸ்லாத்தின் கண்ணியத்தை புதுப்பிக்கும் நோக்கத்தில் மேற்கொள்ளப்பட்டது.

மக்களின் ஆணை பெறப்பட்டு இஸ்லாமிய குடியரசு நிறுவப்பட்டது. ஈரானியப் புரட்சியின் வெற்றிக்கும் தொடர்ச்சிக்கும் மக்களும் தலைமையும் உறுதுணையாக இருந்தனர். ஈரான் மக்களுக்கும் புரட்சியை வழிநடத்திய மாபெரும் தலைவருக்கும் இடையிலான உறவு, சமகால உலகில் எங்கும் கண்டுகொள்ள முடியாத வகையில், அன்பான, நேர்மையான மற்றும் பரஸ்பர உறவாக இருந்தது. இஸ்லாமியப் புரட்சியின் வெற்றியின் போதும், ஈரானுக்கு இமாம் கொமெய்னி (ரஹ்) வருகை தந்த போதும், 33 கி.மீ பாதையில் ஆறு மில்லியன் மக்கள் அவரை வரவேற்று 11 ஆண்டுகளுக்குப் பிறகு அவரது இறுதி ஊர்வலத்தில் 10 மில்லியனுக்கும் அதிகமான மக்கள் கலந்துகொண்டதைச் சுட்டிக்காட்டுதல் மக்கள் அவர் மெது வைத்திருந்த அன்பை, மதிப்பு மரியாதையை விளக்க போதுமானது. எனவே, ஈரானியப் புரட்சியின் 43 ஆண்டுகளுக்குப் பிறகு, ஈரான் இஸ்லாமியக் குடியரசின் அமைப்பு, ஆயதுல்லா செய்யதலி காமனேயின் சிறந்த தலைமையின் கீழ் மற்றும் மக்களின் ஆணையுடன் நிறுவப்பட்ட, அதிகாரம் பெற்ற மற்றும் தனித்துவமான அமைப்பாக மாறியுள்ளது.

ரொஜர் கரூடி, ஒரு பிரபலமான பிரெஞ்சு முஸ்லிம் அறிஞர், ஈரான் இஸ்லாமியப் புரட்சியை பின்வருமாறு விவரிக்கிறார்:

“நிச்சயமாக, இமாம் கொமெய்னி (ரஹ்) தலைமையிலான இஸ்லாமிய புரட்சி கடந்த காலத்தில் எந்த முன்னுதாரணத்தையும் கொண்டிருக்கவில்லை. கடந்த காலப் போக்கில் உலகின் பல்வேறு பகுதிகளில் நிகழ்ந்த பல்வேறு சமூகப் புரட்சிகள் சில குறிப்பிட்ட அரசியல் அமைப்புகளை மட்டுமே மாற்றுவதை நோக்கமாகக் கொண்டிருந்தன. அந்த புரட்சிகளில் பெரும்பாலானவை வறுமை மற்றும் பொருளாதார பிரச்சனைகளில் இருந்து உருவானவை. தேசிய புரட்சிகள் பெரும்பாலும் சுரண்டல்வாதிகள் மற்றும் கொள்ளையர்களிடமிருந்து நாட்டை காக்க மக்களின் கோபத்தால் தூண்டப்பட்டவை ஆகும். ஆனால் ஈரானின் இஸ்லாமியப் புரட்சி இந்த அனைத்து காரணங்களையும் உள்ளடக்கி இருந்ததாயினும்  அது புதிய கருத்துகளையும் அர்த்தங்களையும் கொண்டிருந்தது. இந்த புதிய கருத்துக்கள் சுரண்டுபவர்களின் அரசாங்கத்தை தூக்கி எரிந்தது மட்டுமல்லாமல், ஒரு குறிப்பிட்ட உலகக் கண்ணோட்டத்தை முன்வைத்து, மதத்திற்கும் அறிவியலுக்கும் இடையிலான மோதல் கோட்பாட்டில் புரட்சியை ஏற்படுத்தியது”.

பல வல்லுநர்கள் மற்றும் ஆய்வாளர்களின் கூற்றுப்படி, இஸ்லாமியப் புரட்சி என்பது முஸ்லிம்களின் விழிப்புணர்வில் தாக்கத்தை ஏற்படுத்திய முக்கிய நிகழ்வுகளில் ஒன்றாகும் மற்றும் பல்வேறு முஸ்லிம் சமூகங்களில் இஸ்லாமிய செயல்பாடுகளை மேம்படுத்தியது. முஸ்லிம் சமூகங்களின் போக்கு 1980கள் மற்றும் 1990களில் மேற்கு மற்றும் அதன் கூட்டாளிகளுக்கு எதிரான மோதல் மற்றும் எதிர்ப்பில் கவனம் செலுத்தியது. இந்த முன்னேற்றங்கள் மறுமலர்ச்சி இயக்கங்களின் இயல்பான விளைவுகளாகவும், முஸ்லிம் உலகிற்கு எதிரான மேற்குலகின் மோதல் கொள்கைகளின் விளைவுகளாகவும் கையாளப்பட வேண்டும்.

இஸ்லாமிய சிந்தனைகளுக்கு புத்துயிர் அளித்த இந்தப் புரட்சி, பல்வேறு சமூகத் தளங்களில் இஸ்லாம் மற்றும் முஸ்லிம்களின் பங்கை முக்கியப்படுத்தியதுடன், இஸ்லாமிய அடையாளத்தின் கூறுகளை மேற்கத்திய அடையாளத்திற்கு எதிராக ஏற்றுக்கொள்ளப்பட்ட யதார்த்தமாக நிலைநிறுத்தியுள்ளது.

இமாம் கொமெய்னி (ரஹ்) அவர்கள் முஸ்லிம்களை நோக்கி இவ்வாறு கூறினார்கள். "முஸ்லிம்கள் தங்கள் அடையாளத்தைக் கண்டறிய வேண்டும், மேலும் அவர்களுக்கு ஒரு சுதந்திரமான கலாச்சாரம் இருப்பதை அவர்கள் புரிந்து கொள்ள வேண்டும். சுரண்டுபவர்கள் நமக்கென்று ஒரு கலாச்சாரத்தை வளர்த்தெடுத்துள்ளனர், அதனால் நம்மை நாமே அறியாமல் இருக்கிறோம். இது நமது உடைமைகளை கொள்ளையடிக்கவும், நமது ஆளுமைகளை குறைமதிப்பிற்கு உட்படுத்தவும் அவர்களுக்கு வாய்ப்பளித்தது.”

இஸ்லாமிய நாகரிகத்தின் ஆற்றல்களை வெளிப்படுத்துவதன் மூலம், இஸ்லாமியப் புரட்சியானது, சமய, அரசியல், பொருளாதார, சமூக மற்றும் கலாச்சாரப் பகுதிகளில் ஒரு விரிவான மற்றும் பல பரிமாண அமைப்பை முன்வைக்கிறது, மேலும் உள்நாட்டு மற்றும் சர்வதேச அரங்கில் ஒரு சித்தாந்தம் மற்றும் சரியான அரசியல் மாதிரியையும் வழங்குகிறது. ஒடுக்கப்பட்ட மற்றும் தாழ்த்தப்பட்ட மக்களிடையே விழிப்புணர்வை ஏற்படுத்தியதுடன், முஸ்லிம் நாடுகளிடையே சுய விழிப்புணர்வு, தன்னம்பிக்கை, மற்றும் இஸ்லாமிய விழிப்புணர்விற்கான பொருத்தமான விதைகளை விதைத்துள்ளது. சர்வதேச அமைப்பில் புதிய செயல்பாட்டாளர்களாக காலனித்துவ எதிர்ப்பு போராட்டங்கள் உட்பட சுதந்திர இயக்கங்களின் முக்கியத்துவத்தையும் இஸ்லாமிய புரட்சி வலியுறுத்துகிறது. இது சுதந்திர இலட்சியங்கள், சமூக நீதி, வெளிப்புற தலையீட்டை மறுப்பது மற்றும் அரசியல் மற்றும் சமூக மாற்றங்களைக் கையாளும் ஆற்றல்மிக்க நிர்வாகத்தின் அவசியத்தையும் வலியுறுத்துகிறது.

இஸ்லாமியப் புரட்சியின் சில அம்சங்கள் பின்வருமாறு:

1.      சுதந்திரம் மற்றும் மக்கள் ஆதரவு மார்க்க அமைப்பு

இமாம் கொமெய்னி (ரஹ்) அவர்களின் கூற்றுப்படி, ஒடுக்குமுறையிலிருந்து விடுதலை தேடுவதும், விடுதலைக்கு உத்தரவாதம் அளிக்கக்கூடிய நிறுவனங்களை உருவாக்குவதும், அவர்களின் அரசியல் தலைவிதியை நிர்ணயிப்பதில் பொதுப் பங்களிப்பை வழங்குவதும் இஸ்லாமியப் புரட்சியின் முக்கிய நோக்கங்களாகும். எனவே, இமாம் கொமெய்னியின் இலட்சியங்களை அடிப்படையாகக் கொண்டு, ஈரானின் இஸ்லாமியப் புரட்சி மக்களின் விருப்பங்களையும் தேர்வுகளையும் எடுத்துக்காட்டுகிறது.

இஸ்லாமியப் புரட்சியின் தலைவரான இமாம் கொமெய்னி (ரஹ்), ஷாவின் ஆட்சிக்கு எதிரான நமது போராட்டத்திற்குக் காரணம், ஷாவுடைய தவறான இஸ்லாமிய எதிர்ப்பு நிகழ்ச்சிநிரல், சட்டபூர்வமற்ற தன்மை மற்றும் பொதுமக்கள் மத்தியில் செல்வாக்கு இல்லாமையே காரணம் என்று தனது புரட்சிக்கு முந்தைய உரைகளிலும், நேர்காணல்களிலும், கடிதங்களிலும் அடிக்கடி வலியுறுத்தினார். ஈரானிய தேசம் இஸ்லாமிய அரசாங்கத்தை அமைப்பதற்கு மட்டுமல்ல, சுதந்திரம் மற்றும் ஜனநாயக அரசாங்கத்தை அணுகுவதற்கும் இஸ்லாமிய இயக்கத்தில் இணைந்துள்ளது என்று அவர் கூறினார்.

ஈரானிய மக்கள், தங்களின் முழு சக்தியுடன், ஷா ஆட்சியின் அடக்குமுறை மற்றும் ஒடுக்குமுறையிலிருந்து தங்களை விடுவித்துக் கொள்ள எண்ணினர், மேலும் உண்மையான நடைமுறை சுதந்திரத்தை அணுகவும் தேசிய இறையாண்மையை அனுபவிக்கவும் விரும்பினர். எனவே, “சுதந்திரம், விடுதலை மற்றும் இஸ்லாமிய குடியரசு” போன்ற முழக்கங்களை மக்கள் ஒரு பேரணியில் கூட மறக்கவில்லை. இந்த கோஷங்கள் அனைத்திலும் சுதந்திரத்தை வலியுறுத்துவதும் ஜனநாயக இஸ்லாமிய அரசாங்கத்தை அமைப்பதும் பொதுவான கோரிக்கையாக இருந்தது. நிச்சயமாக, இஸ்லாமிய அரசாங்கத்தை நிறுவுவதன் மூலம் மட்டுமே இவை அனைத்தும் சாத்தியம் என்று மக்கள் கருதினர்.

2.      ஒற்றுமையை வலுப்படுத்துதல்

ஈரான் இஸ்லாமிய புரட்சியின் எதிர்பார்க்கப்பட்ட விளைவுகளில் ஒன்று அனைத்து முஸ்லிம்களுக்கும் இடையே சகோதரத்துவத்தை வலுப்படுத்துவதாகும். இஸ்லாமியப் புரட்சியின் தொடக்கத்திலிருந்தே, இமாம் கொமெய்னி (ரஹ்) முஸ்லிம் உலகம் முழுவதும் உள்ள மக்களை தங்கள் எதிரிகளுக்கு எதிராக ஒன்றுபடுமாறு அழைப்பு விடுத்தார். முஸ்லிம் நாடுகளின் மரியாதை மற்றும் விடாமுயற்சியின் உத்தரவாதமாக அவர் ஒற்றுமையைக் கருதினார். அவர் தனது அறிக்கை ஒன்றில் கூறியிருப்பதாவது:

“ஓ, உலக முஸ்லிம்களே! இஸ்லாத்தின் யதார்த்தத்தில் நம்பிக்கை உள்ளவர்களே, ஏகத்துவக் கொடியின் கீழ், இஸ்லாத்தின் போதனைகளின் கீழ் எழுந்து ஒன்றுபடுங்கள், வேறுபாடுகள் மற்றும் சுயநலத்திற்கு முடிவு கட்டி, உங்கள் நாடுகளின் வளங்களை சுரண்டும் வல்லரசுகள் என்று அழைக்கப்படும் எதிரிகளின் துரோகக் கரங்களை அறுத்து, இஸ்லாத்தை உயிர்ப்பிக்க ஒன்றுபடுங்கள்"

3.      நீதிக்கான போராட்டம்

நீதியை நிலைநாட்டுதல், தனிநபர் மற்றும் சமூக நீதியை விரிவுபடுத்துதல், சர்வாதிகார அமைப்பிலிருந்து விடுவித்தல், சட்டத்தின் ஆட்சியை உருவாக்குதல் மற்றும் நீதி அடிப்படையிலான ஒழுங்குமுறைகளை கட்டமைத்தல் ஆகியவை இஸ்லாமியப் புரட்சியின் முக்கிய நோக்கங்களாக இமாம் கொமேனி (ரஹ்) கருதினார். அதே அடிப்படையின் மூலம், இமாம் மஹ்தி (அல்லாஹ் அவரது வருகையை விரைவுபடுத்தட்டும்) அவர்களின் நியாயமான மற்றும் ஒடுக்கப்பட்ட மக்கள் சார்பு அரசாங்கமாகவும் உலகளாவிய அரசாங்கமாகவும் அமையும் என்று இமாம் கொமெய்னி (ரஹ்) கருதினார். ஒடுக்கப்பட்ட மக்களுக்கு உதவியையும் ஆதரவையும் வழங்குதல், அவர்களுக்கு சேவைசெய்தல் மற்றும் ஒடுக்குமுறையாளர்களின் பிடியில் இருந்து அவர்களை விடுவித்தல், வறுமையை ஒழித்தல், பணக்காரர் மற்றும் ஏழைகளுக்கு இடையேயான இடைவெளியைக் குறைத்தல் ஆகியவை நீதியை நடைமுறைப்படுத்துவதற்கும் ஒடுக்கப்பட்ட மக்களுக்கு உண்மையான உரிமைகளை பெறுவதற்கும் அணுகுவதற்கும் முக்கியமான படிகளாகும்.

4.      சுதந்திரத்திற்கான போராட்டம்

மறைந்த இமாமின் கூற்றுப்படி, சுதந்திரம் இரண்டு பரிமாணங்களைக் கொண்டுள்ளது. இவற்றில் முதலாவது காலனித்துவ கூறுகளை ஒழிப்பது மற்றது ஒரு அரசாங்கத்தின் சுதந்திர செயல்திறனுக்கான முன்முயற்சி, அதாவது அது கிழக்கு அல்லது மேற்குலகில் தங்கியிராமை.

இஸ்லாமிய அரசுகளின் எதிரிகளின் கைகளை துண்டித்தல், ஆணவ சக்திகளுடன் நட்பைக் கைவிடுதல், காலனித்துவ சக்திகளின் ஆதிக்கத்தை அகற்றுதல், சோம்பல் மற்றும் பலவீனத்தை இந்த சக்திகளுக்கு எதிராக செயல்படும் நோக்கத்தில் கைவிடுதல் போன்ற விழுமியங்களைப் பயன்படுத்தி கண்ணியமிக்க இமாம் இந்த மாபெரும் நோக்கங்களை எடுத்துக்காட்டுகிறார்.

மேற்கூறிய விழுமியங்ககள் காலனித்துவ சக்திகளுக்கு எதிரான சுதந்திர உணர்வை பிரதிபலிக்கின்றன. ஏகாதிபத்தியத்துடனான தொடர்பில் இருந்து நாட்டை விடுவித்து, வல்லரசுகளின் நோக்கங்களை முறியடிப்பதே இஸ்லாமியப் புரட்சியின் நோக்கம் என்று இமாம் கொமெய்னி (ரஹ்) நம்பினார். வன்முறை சக்திகளின் கைகளை துண்டிப்பதற்கும் அவர்களை தனிமைப்படுத்துவதற்கும் அவர் சிறப்பு முக்கியத்துவம் கொடுத்தது மட்டுமல்லாமல் ஏகாதிபத்தியத்தின் பிராந்திய முகவர்களை எதிர்க்கவும் வலியுறுத்தினார்.

கிழக்கும் வேண்டாம் மேற்கும் வேண்டாம் என்ற ஒரு சுயாதீன அடையாளம்

இமாம் கொமெய்னி (ரஹ்) இஸ்லாமியப் புரட்சியின் சுயாதீன அடையாளம் ஏனைய இயக்கங்களிலிருந்து அதை வேறுபடுத்துகிறது என்று நம்பினார். இஸ்லாமியப் புரட்சியானது கிழக்கு அல்லது மேற்கின் அதிகார முகாம்களுடன் தொடர்புபடுத்தப்படவில்லை. இராணுவ கருவிகள் மற்றும் .ஆயுதங்களின் பற்றாக்குறை இருந்தபோதிலும் சர்வவல்லமையுள்ள இறைவனை நம்பியதன் மூலம் அனைத்து தீய சக்திகளையும் எதிர்க்க முடியும் என்று உறுதியாக நம்பினார்.

இது தொடர்பாக கண்ணியத்துக்குரிய இமாம் அவர்கள் கூறியதாவது: "ஏனைய புரட்சிகள் கிழக்கு அல்லது மேற்குடன் தொடர்புடையவையாக இருந்தன, ஆனால் ஈரானின் இஸ்லாமிய புரட்சி இஸ்லாத்தை நம்பியிருந்தது மற்றும் தீர்க்கதரிசிகளின் வழிகாட்டல்களை செயல்படுத்தியது மற்றும் இறைவனைத் தவிர வேறு எந்த சக்தியுடனும் தொடர்புபடுத்தப்படவில்லை."

இஸ்லாமியப் புரட்சி பெரும் சாதனைகளைப் அடைந்துள்ளது மட்டுமல்லாமல் உள்நாட்டு மற்றும் சர்வதேச அரங்கில் பெரும் தாக்கத்தையும் ஏற்படுத்தியுள்ளது. அது முடியாட்சியை அகற்றி இஸ்லாத்தின் அடிப்படையிலான சுதந்திரம், நீதி, ஜனநாயகம் மற்றும் அதன் சொந்த மக்களுக்கான குடியரசு ஆகியவற்றை ஸ்தாபித்துள்ளது.. இஸ்லாமிய புரட்சி இஸ்லாமிய உலகின் பல்வேறு பகுதிகளில் இஸ்லாமிய இயக்கத்தை புத்துயிர் ஊட்டி ஊக்கப்படுத்தியது. இஸ்லாமியப் புரட்சி இமாமின் இலட்சியங்களை நிறைவேற்றியது, அது மதவெறி மற்றும் இனப் பதட்டங்களை அகற்றி, அதற்கு பதிலாக இஸ்லாமிய உலகம் முழுவதும் உள்ள முஸ்லிம்களிடையே விழிப்புணர்வை ஏற்படுத்தியது.

அதேசமயம், மத்திய கிழக்கு பிராந்தியத்தின் சில நாடுகளில், ஆட்சியில் எந்தப் பங்கும் இல்லாத நிலையில் மக்கள், பரம்பரை மற்றும் மன்னராட்சி முறைமையின் வடிவில் இன்னும் ஆளப்படுகின்றனர், ஈரான் இஸ்லாமியக் குடியரசு கடந்த காலத்தில் 30 க்கும் மேற்பட்ட தேர்தல்களை நடத்தியதில் பெருமிதம் கொள்கிறது. 43 ஆண்டுகள்; ஜனநாயகத்தின் இறையாண்மையையும், ஆட்சியில் மக்களின் பங்கேற்பையும் காட்டுகிறது.

ஈரான் இஸ்லாமியக் குடியரசு கொண்டுள்ள தற்போதைய அதிகாரம் எளிதாகவும் மலிவாகவும் அடையப்படவில்லை. ஈரான் இஸ்லாமிய புரட்சி, அதன் இருப்பு காலத்தில், பல நாசவேலைகள், சதிகள் மற்றும் சூழ்ச்சிகளை எதிர்கொண்டது மற்றும் இஸ்லாமிய புரட்சியை தோல்வியுறச் செய்வதற்கும் குறைமதிப்பிற்கு உட்படுத்துவதற்கும் வெளிநாட்டு சக்திகள் பல நடவடிக்கைகளை எடுத்தன; தொடர்ந்தும் எடுத்து வருகின்றன. ஆனால் இந்த விரோதமான வெளிநாட்டுச் செயல்கள் எதுவும் இந்த மக்களின் மாபெரும் புரட்சிக்கு இடையூறாக இருக்க முடியாது, ஈரானின் இறையாண்மை தொடர்ந்து மலர்கிறது.

சதித்திட்டங்கள் மற்றும் அநியாயத் தடைகள் போன்ற பல நெருக்கடிகளுக்கு மத்தியிலும் ஈரான் தனது உறுதியான நிலைப்பாட்டைக் காட்டியுள்ளது மற்றும் அசாதாரண வீரியத்துடனும் அதிகாரத்துடனும் அனைத்தையும் முறியடித்துள்ளது.

அமெரிக்கா மற்றும் பிராந்தியத்தின் பல நாடுகளின் ஆதரவுடன் சதாம் ஹுசைனால் தொடங்கப்பட்ட எட்டு வருட திணிக்கப்பட்ட போரை ஈரான் எதிர்கொள்ள வேண்டியிருந்தது. இருப்பினும், தனியாக இருந்தபோதிலும், மற்றவர்களின் ஆதரவு இல்லாமல் ஈரான் படையெடுப்பிற்கு முகம்கொடுத்து, அதன் கொள்கை உறுதிகொண்ட மக்களின் சக்தியின் உதவியுடன், திணிக்கப்பட்ட போரில் வெற்றி பெற்றது.

பொருளாதாரத் தடைகளுக்குப் பிந்தைய காலத்தில், ஈரான் இஸ்லாமியக் குடியரசு அனைத்து அண்டை நாடுகளுடனும் வர்த்தகம், தொழில்துறை மற்றும் பொருளாதார உறவுகளை மேம்படுத்துவதையும், அரசியல் மற்றும் பலதரப்பு ஒத்துழைப்பையும் அதன் முன்னுரிமைகளாக மாற்றியுள்ளது.

ஈரான் இஸ்லாமிய குடியரசு உலகின் எந்த நாடுகளுடனும், குறிப்பாக அண்டை நாடுகளுடன் பதற்றத்தை விரும்பவில்லை. இன்று, ஈரான் "போருக்கான கூட்டணி" என்ற எதிரிகளின் காரணமற்ற குற்றச்சாட்டுக்கு பதிலாக உலக சமூகத்தை பல்வேறு துறைகளில் நட்புறவு மற்றும் ஒத்துழைப்பை நோக்கி முன்னேறுமாறு அழைக்கிறது

ஈரான் எப்போதுமே பயங்கரவாதத்திற்கு எதிரானது மற்றும் "தீவிரவாதம் மற்றும் வன்முறை இல்லாத உலகம்" ஒன்றை விரும்புகிறது. [அதன் வெளியுறவுக் கொள்கையின் முன்னுரிமைகளில் ஒன்றாக உலக நாடுகள் மற்றும் பிராந்தியத்துடன், குறிப்பாக அண்டை நாடுகளுடன் நெருங்கிய ஒத்துழைப்பைக் கொண்டிருக்கத் தயாராக உள்ளது என்பதை பிரகடனப்படுத்த உள்ளது..

ஈராக், சிரியா, லெபனான், பாலஸ்தீனம் முதல் பாகிஸ்தான் ஆப்கானிஸ்தான், யெமன் வரையிலான பிராந்திய முஸ்லிம்கள் தீவிரவாதம், வன்முறை, பயங்கரவாதம் ஆகியவற்றுக்கு எதிராக நின்று ஒவ்வொரு நாளும் புதிய சாதனைகளை படைத்து வருவது ஈரானுக்கு மகிழ்ச்சியான விஷயம்.

ஈரான் இஸ்லாமிய குடியரசு உலக வல்லரசுகளுடனான தனது அணுசக்தி பிரச்சினையை தீர்ப்பதில் தனது இராஜதந்திர சக்தியை வெளிப்படுத்தியுள்ளது. சந்தேகத்திற்கு இடமின்றி, மத்திய கிழக்கில் அமைதி, ஸ்திரத்தன்மை, அபிவிருத்தி, வளர்ச்சி மற்றும் மேம்பாட்டை நிறுவுவதற்கு இந்த மென்மையான சக்தியைப் பயன்படுத்த விரும்புகிறது. .பிராந்திய மோதல்களைத் தீர்ப்பதிலும், அமைதி மற்றும் பாதுகாப்பை நிலைநாட்டுவதிலும் ஈரானுக்கு கணிசமான பங்கு இருக்கிறது என்பது சொல்ளித்தான் புரியவேண்டும் என்பதில்லை.

கட்டுரையாளர்: ரஷீத் அஹ்மத் சுக்தாய், பாகிஸ்தானின் இஸ்லாமிய ஐக்கிய கவுன்சில் தலைவர் மற்றும் "சர்வதேச பக்கம்"  தலைமை ஆசிரியர்.

 http://echoofislam.itfjournals.com/article_4149.html

தமிழில் - தாஹா முஸம்மில்

 

இஸ்லாமியப் புரட்சி"ஒரு புதிய விடியல் மற்றும் ஒரு புதிய சகாப்தம் - யசீர் அரபாத்

 Islamic Revolution "A New Dawn and a New Era - Yasser Arafat

An Arab perspective on Iran's Islamic Revolution at 43

43வது வருட நிறைவில் ஈரானின் இஸ்லாமியப் புரட்சி தொடர்பாக அரபுக் கண்ணோட்டம்

-          டாக்டர் முஸ்தபா ஃபெடோரி

புரட்சிக்கு ஏறக்குறைய இரண்டு ஆண்டுகளுக்கு முன்னர் ஈரான் முழுவதும் பொது ஆர்ப்பாட்டங்கள் மற்றும் வேலைநிறுத்தங்கள் என ஆரம்பித்த போராட்டம் 11 பிப்ரவரி 1979 அன்று உச்சத்தை எட்டியது,

ஈரானின் இஸ்லாமியப் புரட்சி ஷா முகமது ரேஸா பஹ்லவியின் கீழ் பல தசாப்த அடக்குமுறை முடியாட்சிக்கு முடிவுகட்டியது.

அமெரிக்காவினதும் இஸ்ரேலினதும் சதி திட்டங்களை முறியடித்து, இஸ்லாமிய குடியரசு ஈரான் பிறந்தது மட்டுமல்லாமல் பாரசீக வளைகுடா நாடுக்ளின் ஆட்சியாளர்களை நடுநடுங்கச் செய்தது.

பிராந்திய அரசியலில் ஏற்பட்ட இந்த நில அதிர்வு மாற்றம் ஈரானின் அரபு அண்டை நாடுகளை ஆச்சரியத்தில் ஆழ்த்தியது. பல அரபு நாடுகள், குறிப்பாக வளைகுடாவில், புரட்சியை அச்சுறுத்தலாகக் கண்டன. அமெரிக்கா அப்படிப் பார்த்தது என்பதே அதற்கு காரணம்.

சிரியா, லிபியா மற்றும் பாலஸ்தீன விடுதலை அமைப்பு (பிஎல்ஓ) தவிர, பெரும்பாலான அரபு ஆட்சியாளர்கள் ஈரானை ஒரு நட்பு நாடாகப் பார்ப்பதற்கு பதிலாக ஒரு எதிரியாகப் பார்க்கத் தொடங்கினர், அதுவும் தவறான காரணங்களுக்காக.

ஈரான் இஸ்லாமிய புரட்சியின் 43 ஆண்டு நிறைவைக் கொண்டாடும் இவ் வேளையில், அரேபியர்கள் புரட்சிகர ஈரானைத் நட்பு நாடாக இல்லாமல் எதிரியாக கருதினார்கள் இது ஏன் என்று ஆராய்வது சிறந்தது. புரட்சிக்குப் பிந்தைய ஈரானில் உண்மையில் என்ன மாற்றம் ஏற்பட்டது, பல அரேபியர்கள் தங்கள் வரலாற்று எதிரியான இஸ்ரேலை விட ஈரானை ஆபத்தான எதிரியாகக் கருத வைத்தது எது?

1979 க்கு முன், ஷியா பெரும்பான்மை முஸ்லிம் நாடாக இருந்த ஈரான், அமெரிக்கா மற்றும் இஸ்ரேலின் மிக நெருங்கிய நட்பு நாடாக இருந்தது. ஈரானின் ஷா "வளைகுடாவின் போலீஸ்காரர்" என்று செல்லப்பெயர் பெற்றிருந்தார். சோவியத் செல்வாக்கை எதிர்ப்பதற்கான அமெரிக்காவின் மத்திய கிழக்குக் கொள்கையின் புறக்காவல் நிலையமாகவும், இஸ்ரேலின் முக்கிய நட்பு நாடாகவும் ஈரான் மூலோபாய ரீதியாக பார்க்கப்பட்டது.

அப்போது, தொழில்நுட்பம் மற்றும் பாதுகாப்பு அறிவுக்கு ஈடாக இஸ்ரேலின் எண்ணெய் தேவையில் 60 சதவீதத்தை ஈரான் வழங்கியது. எடுத்துக்காட்டாக, SAVAK எனப்படும் ஷாவின் பயங்கரமான உள் பாதுகாப்பு கருவியை உருவாக்க இஸ்ரேல் உதவியது, இது மறைந்த ஆயதுல்லாஹ் ரூஹுல்லா கொமைனியை நாடுகடத்தியது. நாடுகடத்தப்பட்ட இமாம் மக்களை வழிநடத்தி ஷாவின் ஆட்சியை முடிவுக்குக் கொண்டு வருவார் என்று ஷாவோ அல்லது அவரது இஸ்ரேலிய நண்பர்களோ ஒருபோதும் நினைத்திருக்கவில்லை.

ஈராக் கூட ஈரானுடனான அதன் பிராந்திய மோதல்களைத் தீர்க்க 1975 இல் அல்ஜியர்ஸ் உடன்படிக்கையில் கையெழுத்திட்டது, லிபியா, சிரியா மற்றும் பலஸ்தீன விடுதலை அமைப்பு மட்டுமே, இஸ்ரேலுக்கு அமெரிக்க ஆட்சியாளகள் மற்றும்  ஷா வழங்கிவந்த ஆதரவின் காரணமாக ஷாவை வீழ்த்துவதற்கான அவரது முயற்சிகளில் நாடுகடத்தப்பட்ட இமாம் கொமைனியை  ஆதரித்தன.

லிபியாவின் முயம்மர் கடாபி அமெரிக்க பிராந்திய மேலாதிக்கத்திற்கு மற்றொரு அடியாக இஸ்லாமியப் புரட்சியை கண்டு வரவேற்றார், மேலும் 1979 இல் தெஹ்ரானில் புதிய தலைமைக்கு வாழ்த்து தெரிவிக்க உடனடியாக தனது பிரதிநிதியை தெஹ்ரானுக்கு அனுப்பினார்.

அன்று, இன்று போல், ஈரான் ஒரு பெரிய பிராந்திய சக்தியாக இருந்தது. ஷாவின் காலத்திலும், புரட்சிக்குப் பிந்திய முதல் தசாப்தத்திலும், ஈரானின் பிராந்தியக் கொள்கையில் ஷியா கொள்கை ஒரு முக்கிய காரணியாக இருக்கவில்லை.

பிப்ரவரி, 1979 இல், அரேபியர்களின் இதயங்களின் மையமான பாலஸ்தீனத்திற்கு ஈரான் வலுவான ஆதரவாளராக மாறியது. ஷா ஆட்சி கவிழ்ந்து ஒரு மாதத்திற்குள், PLO தலைவரான மறைந்த யசீர் அரபாத், தெஹ்ரானில் புரட்சிகர தலைமையால் வரவேற்கப்பட்ட முதல் வெளிநாட்டுத் தலைவர் ஆவார். அவரது வருகையின் போது மூடப்பட்ட இஸ்ரேலிய தூதரகத்தின் திறவுகோல் அவருக்கு வழங்கப்பட்டது, அதே இஸ்ரேலிய தூதரக கட்டிடம் ஈரானிய தலைநகரில் உள்ள பலஸ்தீன் விடுதலை அமைப்பு அலுவலகமாக மாறியது.

இஸ்லாமியப் புரட்சி என்பது பிராந்தியத்தில் "ஒரு புதிய விடியல் மற்றும் ஒரு புதிய சகாப்தம்" என்று இந்த நிகழ்வைப் பற்றி மகிழ்ச்சியுடன் அரபாத் கூறினார்.

இது அரேபியர்களுக்கும் ஈரானியர்களுக்கும் இடையிலான உறவின் ஒரு நல்ல வளர்ச்சியாக இருந்திருக்கலாம், ஆனால் அரஃபாத்தின் அரபு சகாக்கள் பலர் ஈரானை எதிரியாக சித்தரித்து அதன் ஷியா கோட்பாட்டை பரப்புவதாக குற்றம் சாட்டி ஒரு மூலோபாய பிழையை செய்தனர்.

அரேபிய குரோதத்தின் முதல் செயல்பாடு

செப்டம்பர் 1980 இல் ஈராக், ஈரானின் புரட்சிக்கு பிந்தைய குழப்ப சூழ்நிலையை பயன்படுத்திக்கொள்ள முயற்சித்தது, அல்ஜியர்ஸ் உடன்படிக்கைகளை தூக்கியெறிந்து, முடிந்தவரை அதிகமான நிலப்பரப்பைப் ஆக்கிரமிக்கும் நோக்கத்துடன் ஈரான் மீது படையெடுத்தது. பெரும்பாலான அரேபிய தலைவர்கள், குறிப்பாக வளைகுடா நாடுகள், மோதலை முடிவுக்குக் கொண்டுவர சமரசம் செய்வதற்குப் பதிலாக (அமெரிக்காவும் அதன் கூட்டாளிகளும் செய்தது போல்) சதாம் ஹுசைனின் ஆக்கிரமிப்பை ஆதரித்தன.

இரத்தம் தோய்ந்த எட்டு ஆண்டுகள் மற்றும் கிட்டத்தட்ட இரண்டு மில்லியன் உயிரிழப்புகள் மற்றும் இரு நாடுகளுக்கும் பெரும் பொருளாதாரச் சேதத்திற்கு பிறகு போர் முடிவுக்கு வந்தது. ஈராக் அடைந்தது எதுவுமில்லை. ஈரானில் இருந்தது இஸ்லாமிய அரசை வீழ்த்தும் அரபிகளின் நோக்கமும் நிறைவேறவில்லை.

உண்மையில், ஈராக் கிட்டத்தட்ட அனைத்தையும் இழந்தது, ஈரான், இழப்புகள் இருந்தபோதிலும், போரில் வெற்றி பெற்றதாகக் கூறலாம்.

2003ல் ஜார்ஜ் டபுள்யூ புஷ்ஷின் ஈராக் மீதான அமெரிக்காவின் வெட்கக்கேடான ஆக்கிரமிப்பைத் தொடர்ந்து, பெரும் செல்வாக்குடன் ஈரான் ஒரு முக்கிய சக்திவாய்ந்த நாடாக மாறியது. ஈராக்கின் பெரும்பான்மையான ஷியா மக்கள் திடீரென தங்கள் நாட்டின் அரசியலில் ஆதிக்கம் செலுத்துவோராக ஆகினர்.

புரட்சிகர ஈரான் பிராந்திய விவகாரங்கள் தொடர்பாக அளித்த வாக்குறுதிகளில் பெரும்பாலானவற்றை நிறைவேற்றியது. இது பாலஸ்தீனியர்களுக்கு, குறிப்பாக ஹமாஸுக்கு உதவியது; இஸ்ரேலை அங்கீகரிப்பதில்லை என்ற நிலைப்பாட்டில் உறுதியாக இருந்தது; மற்றும் சியோனிச அரசைக் கண்டிக்கும் வகையில் சர்வதேச குத்ஸ் தினத்தை வருடாந்திர பொது நிகழ்வாக இமாம் கொமெய்னி பிரகடனப்படுத்தினார். அந்த நாள் இன்றும் பல அரபு மற்றும் முஸ்லிம் நாடுகளில் ரமலான் மாதத்தின் கடைசி வெள்ளி அன்று கடைபிடிக்கப்படுகிறது.

தெற்கு லெபனானை இஸ்ரேலிய ஆக்கிரமிப்பிலிருந்து விடுவிக்க பெய்ரூட்டில் உள்ள அரசாங்கத்திற்கு ஈரானிய ஆதரவு கணிசமாக உதவியது. 1973 அரபு-இஸ்ரேல் போருக்குப் பிறகு, எந்த ஒரு சமாதான ஒப்பந்தமும் இல்லாமல் அரபு நிலத்தை விட்டு வெளியேற இஸ்ரேல் தள்ளப்பட்டது இதுவே முதல் முறை என்பது குறிப்பிடத்தக்கது.

சுன்னிகளைக் கொண்ட ஹமாஸுக்கு ஈரான் வழங்கிவரும் தொடர்ச்சியான ஆதரவு, பிராந்தியத்திலும் அதற்கு அப்பாலும் ஷியா இயக்கங்களை மட்டுமே ஈரான் ஆதரிக்கிறது என்ற கூற்றை பொய்யாக்கியுள்ளது. ஷியா மற்றும் சுன்னி முஸ்லிம்களுக்கு இடையேயான பிணக்கு, தெஹ்ரான் மற்றும் ரியாத்தை எதிரெதிர் பக்கங்களில் வைப்பது இஸ்லாத்தின் எதிரிகளின் திட்டமாகும், நிச்சயமாக அது புரட்சிகர ஈரானின் பிராந்திய லட்சியங்களில் ஒன்றல்ல.

உண்மையில், இத்தகைய மோதல்கள் இஸ்ரேல் பிரதிநிதித்துவப்படுத்தும் பிராந்தியத்திற்கு மூலோபாய அச்சுறுத்தலில் இருந்து கவனத்தைத் திசைதிருப்ப வாஷிங்டனால் ஊக்குவிக்கப்பட்டு, ரியாத் மற்றும் பிற அரேபியர்களால் ஏற்றுக்கொள்ளப்பட்ட கொள்கையாகும்.

இப்போதுஅந்த பிரிவு பாலஸ்தீனியர்கள் மற்றும் பிற அரேபிய உலகின் இழப்பில் சியோனிச அரசுடன் அதிக உறவுகளை உருவாக்க சவூதி அரேபியாவால் மறைமுகமாகப் பயன்படுத்தப்படுகிறது.

எப்போதுமே அரேபியர்களின் அண்டை நாடாகவே இருக்கும் ஈரானை பகைத்துக்கொள்வதால் எந்த அரபு நாட்டிற்கும் எந்த பயனும் ஏற்படப்போவதில்லை, ஆனால் அண்டை நாடுகள் புறக்கணிக்கப்படும்போதும், இழிவுபடுத்தப்படும்போதும், அவர்கள் எதிர்காலத்தில் அச்சுறுத்தலாக மாறும் திறனை வளர்த்துக் கொள்கிறார்கள்.

சவூதி தலைமையிலான கத்தார் புறக்கணிப்பு மற்றும் யெமன் போர் ஆகியவை தோஹாவில் உள்ள அரசாங்கம் தெஹ்ரானின் ஆதரவை பெற்றுக்கொண்டது, அதே நேரத்தில் பிராந்திய ரீதியாக தீங்கு விளைவிக்கும் யெமன் போர் அரேபிய தீபகற்பத்தில் ஈரானின் நிலையை மேலும் வலுப்படுத்துகிறது.

அண்டை மாநிலங்களில் உள்ள ஷியா முஸ்லிம்கள் தங்கள் சொந்த நாடுகளில் பொதுவாக ஒடுக்கப்பட்டு ஓரங்கட்டப்பட்டுள்ளனர் என்பதன் காரணமாக ஈரானை பார்த்து உத்வேகம் அடைந்துள்ளனர் என்பது உண்மையே, ஏனெனில் அவர்கள். உதாரணமாக, சவூதி அரேபியாவில் உள்ள ஷியா பிரிவினர், தங்கள் சொந்த நாட்டை விட ஈரானுக்கு விசுவாசமாக இருக்க வேண்டியதில்லை.

ஈராக் மற்றும் பஹ்ரைனிலும் இதே நிலைதான். ஒடுக்கப்பட்ட மற்றும் புறக்கணிக்கப்பட்ட சமூகங்கள் பொதுவாக எந்த மூலத்திலிருந்தும் ஆதரவை வரவேற்கின்றன. அத்தகைய பிரச்சினையை, ஈரானை எதிரியாய் பார்ப்பதை விட ஈரானுடன் இணைந்து, எளிதாக தீர்க்க முடியும்.

சிரிய ஜனாதிபதி பஷர் அல்-அசாத்துக்கு ஈரானின் ஆதரவு கூட அவர் ஒரு ஷியா என்பதை விட மூலோபாய நோக்கங்களால் இயக்கப்படுகிறது. அல்-அசாத் ஒரு ஷியாவாக இருக்கலாம் ஆனால் சிரியாவில் நடந்த போர் மதபிரிவு பற்றியது அல்ல. மத்தியதரைக் கடலுக்கு நேரடியாக அணுகக்கூடிய ஈரான், அது இல்லாமல் இருப்பதை விட மிகவும் வலிமையானது. மற்றும் அல்-அசாத்தை ஆதரிப்பது அத்தகைய அணுகலை வழங்குகிறது.

இன்று தெஹ்ரானில் உள்ள அரசாங்கம், 1979 க்கு முன் இருந்ததைப் போலவே, நட்பு வலையமைப்பை உருவாக்குகிறது, சில சமயங்களில் அரசாங்கங்கள் உடன்படவில்லை என்றால் அரசு அல்லாத மற்றவர்களுடனும் தொடர்பை ஏற்படுத்துகிறது.

அதிக நண்பர்கள் என்றால் குறைவான எதிரிகள், இது ஒரு நியாயமான அரசியல் நோக்கமாகும்.

அரேபியர்கள் ஈரான் மீதான தங்கள் கொள்கையை ஒரு எளிய இலாப நட்ட பகுப்பாய்வு செய்வதன் மூலம் மறுபரிசீலனை செய்ய வேண்டும், அடுத்த மாதம் டியூனிசியாவால் நடத்தப்படும் அரபு உச்சிமாநாடு அதைச் செய்வதற்கான சரியான வாய்ப்பாகும். ஈரான் ஒரு விருந்தினராக உச்சிமாநாட்டிற்கு அழைக்கப்பட வேண்டும், மேலும் அரபு-ஈரானிய உரையாடல் மூலம் இரு தரப்பிலும் உள்ள சந்தேகங்களை, குறைகளையும் தீர்க்க வேண்டும்.

ஒன்றுபடுதல் வெற்றி-வெற்றி சூழ்நிலையை உருவாக்கும்; பிளவுபட்டால், அரேபியர்களும் ஈரானியர்களும் நஷ்டமடைந்தவர்களாக இருப்பார்கள் என்பது சகல தரப்பினராலும் புரிந்துகொள்ளப்பட வேண்டும்.

https://messageofwisdom.blogspot.com/2022/02/an-arab-perspective-on-irans-islamic.html?fbclid=IwAR3hUqlkJfJmFbKIlbhPVG9U_gw-FE0MVRlP9gKq3TPf8RfJjd4beEi-_zA

முஸ்லிம் உலகை பெருமைப்படுத்தும் இஸ்லாமிய ஈரான்

Iran’s Achievements Since the 1979 Revolution: Islam as a Source and Stimulant of Knowledge - Kevin Barrett

நாடுகடத்தப்பட்ட  நிலையில் இமாம் ருஹுல்லா கொமேனி, பிப்ரவரி 1, 1979 இல், வெற்றிகரமான இஸ்லாமியப் புரட்சிக்கு வழிகாட்ட ஈரானுக்குத் திரும்பி, சமகால வரலாற்றில் உலகின் முதல் இஸ்லாமியக் குடியரசை ஸ்தாபித்தார்.

மேற்கத்திய அரசியல் தத்துவம் மற்றும் அதன் ஏகாதிபத்திய உலக ஒழுங்கில் இருந்து தீவிரமாக முறித்துக் கொள்ளும் ஒரு நவீன, முன்னோக்கு இஸ்லாமிய சமுதாயத்தை உருவாக்குவதில் இமாம் கொமெய்னி தீவிரமாக இருந்தார் என்பது தெளிவாகியது.

மேற்கத்திய ஆய்வாளர்கள் இஸ்லாமிய குடியரசு ஒரு குறுகிய கால பரிசோதனையாக, நீண்ட ஆயுளற்ற ஒன்றாக இருக்கும் என்று கணித்தனர். அவர்கள் இஸ்லாமிய ஆட்சி மிகவும்குறுகிய காலத்தில் வீழ்ந்துவிடும் என்ற தங்கள் தீர்க்கதரிசனம் யதார்த்தமாக மாறுவதை உறுதிசெய்ய முயற்சிசெய்தார்கள்.

ஏகாதிபத்திய புவி மூலோபாயவாதிகள் முதலில் ஈரான் மீது படையெடுப்பதற்கு சதாம் ஹுசைனின் ஈராக்கைத் தூண்டுவதன் மூலம் "புரட்சிகர குழந்தையை அதன் தொட்டிலிலேயே கழுத்தை நெரிக்க" முயற்சித்தனர்.

1980 செப்டம்பர் 22, இல், ஈராக் ஈரானிய பிரதேசத்தை நிரந்தரமாக ஆக்கிரமிக்கும் நோக்கத்துடன் இஸ்லாமிய குடியரசின் மீது முழு அளவிலான படையெடுப்பைத் தொடங்கியது, குறிப்பாக ஷட் அல்-அரப் மற்றும் எண்ணெய் வளம் நிறைந்த மாகாணமான குசெஸ்தான் ஆகிய பிரதேசங்களை ஆக்கிரமிக்கும் எண்ணம் கொண்டது. ஒரு வெற்றிகரமான ஈராக்கிய ஆக்கிரமிப்பு மற்றும் ஈரானிய பிரதேசத்தை ஈராக்குடன் இணைத்தல், இஸ்லாமிய அரசாங்கத்தை பலவீனமடையச் செய்யும் என்றும் அதை கவிழ்க்க வழிவகுக்கும் என்றும் அவர்கள் தப்புக்கணக்கு போட்டனர்.

"திணிக்கப்பட்ட போர்" மூலம் ஈரானை விரைவாக தோற்கடித்து இழிவுபடுத்துவதை நோக்கமாகக் கொண்டிருந்தது. ஆனால் போரை திணித்தவர்கள் ஈரானியர்களின் மத உறுதியை கருத்தில் கொண்டிருக்கவில்லை, ஈரானியர்கள் மேற்கு ஆதரவு மதச்சார்பற்ற ஈராக்கியர்களை விட, இஸ்லாமிய புரட்சியை காக்க தங்கள் உயிரைக் தியாகம் செய்ய தயாராக இருந்தனர். உயர்ந்த மன திடம் மற்றும் நியாயமான காரணத்திற்காக தியாகம் செய்ய தூண்டும் குர்ஆன் கட்டளை அவர்களுக்கு உரமூட்டியது. ஈரானியர்களின் இந்த மன உறுதி உள்ள ஈரானின் பணம் மற்றும் ஆயுதங்களில் இருந்த குறைபாடுகளை ஈடுகட்டியது, ஈரானியர்கள் வசம் பாக்தாத் வீழும் அபாயத்தைத் தடுக்க மேற்குலகம் முன்வரவில்லை என்றால் ஈராக்கை தோற்கடித்து பாக்தாத்தை கைப்பற்றியிருக்கும்.

திணிக்கப்பட்ட போர் ஈரான் இஸ்லாமிய குடியரசை வீழ்த்துவதற்கு பதிலாக, அவர்களது கை மேலோங்கி இருக்கிறது என்பது தெளிவாகத் தெரிந்ததால், கம்யூனிசத்தின் பரவலைக் கட்டுப்படுத்துவதற்காக ஜார்ஜ் கென்னனின் புகழ்பெற்ற இரண்டாம் உலகப் போருக்குப் பிந்தைய மூலோபாயத்தின் மாதிரியான கட்டுப்பாட்டுக் கொள்கைக்கு மேற்கு நாடு மாறியது.

பொருளாதாரத் தடைகள் மற்றும் நாசவேலைகள் மூலம் ஈரானின் பொருளாதாரத்தை கழுத்தை நெரித்து, அதன் வளர்ச்சியைத் தடுப்பதன் மூலம், பிராந்தியத்தில் மேற்கத்திய கைப்பாவை (அரபு) ஆட்சிகளை பலப்படுத்துவதன் மூலம், இஸ்லாமிய புரட்சிகர சித்தாந்தம் மற்றும் நடைமுறை மற்ற நாடுகளுக்கு பரவுவதைத் தடுக்க முடியும் என்று ஏகாதிபத்திய மூலோபாயவாதிகள் நம்பினர்.

ஈரானின் பொருளாதாரம் மற்றும் தொழில்நுட்பத்தை நிரந்தரமாக முடக்க முடியுமாயின், இஸ்லாமிய குடியரசு மற்ற மக்களுக்கு ஒரு தோல்வியடைந்த முன்மாதிரியாக அமையும் அதேநேரம் ஈரானியர்களும் விரைவில் தங்கள் புரட்சிகர சிந்தனைக்கு முற்றுப்புள்ளி வைக்க முடிவு செய்வார்கள் என்றும் ஏகாதிபத்தியவாதிகள் நம்பினர்,

இஸ்லாமிய புரட்சிகர சித்தாந்த மானது சர்வதேச மாதிரியாக வியாபிக்கும் வேகத்தை கட்டுப்படுத்துவதில் திட்டத்தின் மூலகர்த்தாக்கள் ஒரு குறிப்பிட்ட அளவிற்கு வெற்றி பெற்றனர் என்பது உண்மையே என்றாலும் அவர்கள் வன்முறையின் மூலம் அதைச் செய்தார்கள்- அதற்காக அவர்கள் பயங்கரவாத வழிமுறையையே கையாண்டார்கள்.

எடுத்துக்காட்டாக, மொராக்கோவில், இஸ்லாமிய இயக்கமான அல் அத்ல் வல் இஹ்சானேயின் தலைமை, வரலாற்று ரீதியாக, இஸ்லாமிய குடியரசுக் கட்சியினை ஒத்த மாதிரி ஒன்றை ஓரளவுக்கு பின்பற்ற விரும்பியது. ஆனால் 1990 களில் அல்ஜீரிய அனுபவம், மேற்கத்திய ஆதரவு அரசாங்கத்தின் கொலைப் படைகள் (பெரும்பாலும் "இஸ்லாமியர்கள்" போல் மாறுவேடமிட்டு) ஒரு மில்லியனுக்கும் அதிகமான மக்களைக் கொன்றது. மேற்குலகம் இஸ்லாமிய குடியரசுவாதத்தின் பரவலைத் தடுக்க வரம்பற்றவிதத்தில் அப்பாவி மக்களின் இரத்தத்தை சிந்த தயங்காது என்பதை காட்டியது என்று அல் அத்ல் வல் இஹ்சானேயின் குழுவின் தலைவர்களான ஷேக் அப்தெஸ்ஸலாம் யாசின் மற்றும் அவரது மகள் மற்றும் வாரிசு நதியா ஆகியோர் பலமுறை விளக்கியுள்ளனர்.

அத்தகைய இரத்தக்களரியைத் தவிர்ப்பதற்காக, அல் அத்ல் வல் இஹ்சான் இயக்கத்தவர்கள், மொராக்கோவை இஸ்லாமிய ஆளுகை மற்றும் மேற்கத்திய நவ-ஏகாதிபத்திய ஆக்கிரமிப்பிலிருந்து சுதந்திரம் பெறுவதற்கான பாதையில் ஈரானைப் பின்தொடர்வதில் இருந்து பின்வாங்கினர். இதேபோன்ற சூழ்நிலைகளே பல முஸ்லிம்கள் பெரும்பான்மையாக உள்ள நாடுகளில் உள்ளன. ஆனால் மேற்கத்திய மூலோபாயம் முஸ்லிம் கிழக்கிலிருந்து ஆங்கிலோ-சியோனிசப் பேரரசை வெளியேற்றுவதற்கு அர்ப்பணிக்கப்பட்ட ஏகாதிபத்திய எதிர்ப்பின் அச்சு உருவாவதைத் தடுக்கத் தவறிவிட்டது.

இன்று, அந்த அச்சு, அதாவது அநியாயத்தை எதிர்க்கும் சக்தி, யெமன், லெபனான், சிரியா மற்றும் ஈராக் ஆகிய நாடுகளில் தொடர்ந்தும் வலுப்பெற்று வருகிறது, அதே சமயம் ஈராக், சிரியா, லெபனான், ஆப்கானிஸ்தான் மற்றும் யெமன் ஆகிய நாடுகளில் தோற்கடிக்கப்பட்ட ஏகாதிபத்திய பேரரசு பலவீனமடைந்து வருகிறது. விரைவில் அல்லது கொஞ்ச காலத்திற்கு பின்னர், மேற்கு ஆசியாவில் இருந்து ஏகாதிபத்திய சக்திகள் தவிர்க்க முடியாதபடி வெளியேறும், பிராந்திய நாடுகள் உண்மையான சுதந்திரம் மற்றும் இஸ்லாமிய ஆட்சியை அடைவதற்கான வழி திறந்துவிடும்.

அந்த நாள் வரும்போது, இன் ஷா அல்லாஹ், மேற்கத்திய நாசகாரர்கள் மற்றும் பயங்கரவாதிகளின் கடும் முயற்சிகள் இருந்தபோதிலும், ஈரான் இஸ்லாமிய குடியரசு தொடர்ந்தும் உயிர் வாழும்.

உண்மையில், நான்கு தசாப்தங்களுக்கும் மேலாக எந்தவொரு நாட்டின் மீதும் இதுவரை விதிக்கப்பட்டிராத கடுமையான பொருளாதாரத் தடைகளிலிருந்து ஈரான் வெளிவரும்போது அது செழிப்பான நாடாக வளர்ந்திருக்கும்.

இஸ்லாமிய ஈரான் பொருளாதார ரீதியிலும் தொழில்நுட்ப ரீதியிலும் தொடர்ந்து முன்னேறி வருவதன் மூலம் அழிவை எதிர்வுகூறி, பொருளாதாரத் தடைகள்-விதித்தவர்களை திகைக்க வைத்துள்ளது. வரலாற்றில் மிகவும் சக்திவாய்ந்த ஏகாதிபத்திய சாம்ராஜ்யத்தின் தீவிர எதிர்ப்பையும் மீறி, மனித வளர்ச்சிக் குறியீட்டில் ஈரான் வேகமாக உயர்ந்து வருகிறது.

1979 ஆம் ஆண்டு முதல் அறிவியல் மற்றும் தொழில்நுட்பத்தில் ஈரானின் பாரிய முன்னேற்றம் மேற்கத்திய நோக்கர்களை அதிர்ச்சிக்குள்ளாக்கியுள்ளது, அவர்களில் பலர் இஸ்லாமிய அடிப்படையிலான சமூகம் அந்தகாரத்தில் மூழ்கிவிடும் என்று கற்பனை செய்தனர்; பாவம் அவர்கள்.

உண்மையில், ஈரானின் அரசியல் ஸ்தாபனம், சன்மார்க்க பள்ளிகளின் பயிற்சியுடன் வேகமாக முன்னேறுகிறது. இது உலகில் உள்ள உயர்ந்த கல்வி பெற்ற குழுவாக கூட இருக்கலாம்.

உண்மையில், செம்மொழிக் கல்வியை மதிக்கும் மக்களால் ஆளப்படும் ஒரே நாடு இஸ்லாமிய ஈரான் மட்டுமே!

எனவே, ஈரானின் பல்கலைக்கழக அமைப்பு 1979 முதல் செழித்தோங்கியது, கல்வி நிலைகள் (குறிப்பாக பெண்கள் மத்தியில்) பாரிய வளர்ச்சி கண்டுள்ளது, மேலும் ஈரானிய விஞ்ஞானிகள் மற்றும் பொறியாளர்கள் தங்கள் நாடு பொருளாதார ரீதியாகவும் தொழில்நுட்ப ரீதியாகவும் பல முன்னேற்றங்களை அடைந்துள்ளனர். இவை கடுமையான பொருளாதார தடைகளின் மத்தியில் நிகழ்ந்துள்ளது என்பது வியக்க வைக்கிறது.

வளரும் நாடுகளில், மனித வளர்ச்சிக் குறியீட்டின் (HDI) அடிப்படையில் ஈரான் முதலிடத்தை நெருங்கி உள்ளது. ஐக்கிய நாடுகளின் மனித மேம்பாட்டுத் திட்டத்தின்படி, 1990 முதல் மூன்று தசாப்தங்களில் ஈரானின் HDI ஏறக்குறைய 40% வளர்ந்தது - இது எந்த நாட்டிலும் இல்லாத சிறந்த பதிவுகளில் ஒன்றாகும், மேலும் மனிதாபிமானமற்ற தடைகள் விதித்த சக்திகளுக்கு கொடுக்கப்பட்ட ஓர் அதிர்ச்சி தரும் அதிசயம் என்று கூட கூறலாம்.

அந்தக் காலகட்டத்தில், மனித ஆயுட்காலம் 12 ஆண்டுகளுக்கும் மேலாகவும், பள்ளிப்படிப்பின் ஆண்டுகள் ஆறு ஆண்டுகளாகவும், தனிநபர் வருமானம் 60% ஆகவும் உயர்ந்தது. ஈரானிய மக்களைக் கடுமையான வறுமை மற்றும் பின்தங்கிய நிலைக்குக் தள்ளி,அவர்களின் மன உறுதியை நசுக்கும் மேற்கத்திய முயற்சி முற்றிலும் தோல்வியடைந்துள்ளது.

ஈரானிய மருத்துவம் ஆயுட்காலம் கூர்மையான உயர்வுக்கு பங்களித்துள்ளது. 1990 களில் ஈரான் தனது சுகாதாரப் பாதுகாப்பு முறையைப் புரட்சிகரமாக மாற்றி கிராமப்புற மக்களில் 90% க்கும் அதிகமான மக்களுக்கு சுகாதார சேவையை வழங்குவதில் வெற்றி பெற்றது.

மேற்கத்திய பொருளாதாரத் தடைகள், மரணம் மற்றும் துன்பங்களுக்கு காரணமாக இருப்பதால், ஈரான் தனது சொந்த மருத்துவப் பொருட்களைத் தயாரிக்கக் கற்றுக் கொள்ளும் நிர்பந்தம். இது வருடத்திற்கு $750 மில்லியனைச் சேமிப்பது மட்டுமல்லாமல், உலக சந்தையில் ஈரான் தன்னை ஒரு முக்கிய போட்டியாளராக மாற்றியது. இன்று, ஈரான் அதன் சொந்த மருந்துப்பொருட்களில் 97% க்கும் அதிகமானவற்றை உற்பத்தி செய்கிறது மற்றும் மருத்துவ உயிரி தொழில்நுட்பத்தில் முன்னணியில் உள்ளது.

பல துறைகளில், ஈரானிய அறிவியல் உலக அளவில் போட்டி நிலைகளை எட்டியுள்ளது. விண்வெளி மற்றும் விமான போக்குவரத்து, வேதியியல், கணினி அறிவியல், உயிரி தொழில்நுட்பம் மற்றும் மருத்துவ அறிவியல், இயற்பியல் மற்றும் பொருட்கள் அறிவியல், அணு அறிவியல் மற்றும் நனோ தொழில்நுட்பம் ஆகியவை எடுத்துக்காட்டுகளாகும். ஆச்சரியப்படும் விதமாக, கடுமையான பொருளாதாரத் தடைகள் விதிக்கப்பட்டுள்ள நிலையிலும் கூட அமெரிக்க தேசிய அறிவியல் நிறுவனம், சமீபத்திய ஆண்டுகளில், அறிவியல் மற்றும் தொழில்நுட்ப வளர்ச்சியில் உலகளவில் ஈரானுக்கு முதலிடம் கொடுத்துள்ளது.

தி டைம்ஸ் உயர் கல்வி சுட்டின் படி, ஈரானின் அறிவியல் மற்றும் தொழில்நுட்ப வெளியீடுகள் 1970 முதல் 2008 வரை 340,000 சதவீதம் வளர்ச்சியடைந்து, உலகின் மொத்த வெளியீட்டில் 1% க்கும் அதிகமாக உள்ளது, இது சீனா, இந்தியா மற்றும் பிரேசில் தவிர அனைத்து வளரும் நாடுகளை விட ஈரானை மிகவும் முன்னிலைப்படுத்தியது.

தொழில்நுட்ப உற்பத்தியில் ஈரானின் வளர்ச்சியானது பல்வேறு அளவீடுகளின்படி (உலக சராசரியை விட மிக அதிகமாக) ஆண்டுக்கு 10% முதல் 25% வரை ஈர்க்கக்கூடிய விகிதத்தில் தொடர்கிறது, அதன் அணுசக்தித் துறை உலக வளர்ச்சியான  34%.விகிதத்துடன் ஒப்பிடும்போது அதிர்ச்சியூட்டும் வகையில் 8400% முன்னேறியுள்ளது.

ஈரானின் மிகப்பெரிய முன்னேற்றங்கள் சில ராக்கெட் தொழில்நுட்பம் மற்றும் விண்வெளி அறிவியல் வியக்கத்தக்க அளவில் வந்துள்ளன. ஈரானிய விண்வெளி ஏஜென்சி ISA யின் அர்ப்பணிப்பு காரணமாக, ஈரான் இஸ்லாமிய குடியரசு 2009 இல் உலகின் 11 செயற்கைக்கோள் சுற்றுப்பாதை-ஏவுதல் திறன் கொண்ட நாடுகளில் ஒன்றாக மாறியது. இன்று, விரிவுபடுத்தக்கூடிய செயற்கைக்கோள் வாகனம் (SLV) ஸுல்ஜானா 200 கிலோ எடையுள்ள வாகனம் 500 கிமீ சுற்றுப்பாதையில் கொண்டு செல்கிறது, அதே நேரத்தில் அதன் பின்னால் வரவிருக்கும் Souroush SLV விரைவில் 8-15 டன் எடையுள்ள வாகனம் விண்வெளிக்கு எடுத்துச் செல்லும்.

ஈரானிய இராணுவம், ஒப்பீட்டளவில் குறைந்த நிதியில் இயங்கிய போதிலும், எதிரிகள் ஈரான் மீது ஒரு பெரிய தாக்குதலை நடத்தும் முடிவில்லா அச்சுறுத்தல்களை தொடர்ந்து, இஸ்ரேலிய இராணுவ தளங்கள், நகரங்கள் மற்றும்/ அமெரிக்க கப்பல்கள் மற்றும் தளங்கள் மீது நினைத்துப்பார்க்க முடியாத அளவிலான சேதத்தை ஏற்படுத்தக்கூடிய தற்காப்பு ராக்கெட்டுகளின் ஈர்க்கக்கூடிய வரிசையை சேகரிக்க முடிந்தது.

ஈரானிய விஞ்ஞானிகள் மற்றும் மூலோபாயவாதிகளின் அர்ப்பணிப்புமிக்க செயற்பாட்டின் காரணமாக, வல்லாதிக்க சக்திகள் இராணுவத்திற்காக செலவழித்த பணத்தில் ஒரு சிறிய பகுதியை மட்டுமே செலவுசெய்து ஈரான் தற்காப்பு உயர்நிலையை அடைந்துள்ளது.

மேற்கூறிய துறைகளில் மற்றும் பலவற்றில் இஸ்லாமியக் குடியரசின் முன்னேற்றம், மதச்சார்பின்மையை அறிவுடனும், மதத்தை அறியாமையுடனும் சமன்படுத்தும் இஸ்லாமிய வெறுப்பு பிரச்சாரத்தை பொய்யாக்கி உள்ளது.

1979 இல் இஸ்லாமியக் குடியரசின் பிறப்பிலிருந்து வியக்கத்தக்க வெற்றிகளை திரும்பிப் பார்க்கும்போது, எதிர்கால வரலாற்றாசிரியர்கள் ஒரு புதிய தத்துவக் கண்ணோட்டத்தில் அணுகினால், முழு விவரங்கள் அறியப்படுவதை வேண்டுமென்றே தடுபோராக அல்லாமல், மதத்தை ஒரு ஆதாரமாகவும் அறிவின் தூண்டுதலாகவும் அங்கீகரிக்கலாம்,

https://crescent.icit-digital.org/articles/iran-s-achievements-since-the-1979-revolution-islam-as-a-source-and-stimulant-of-knowledge