அமெரிக்க நலன்களுக்கு ஈரானியர்கள் சேவை செய்ய வேண்டுமாம்

US and West ‘waged decades of war on Iran by other means’: Analyst

அமெரிக்கா மற்றும் மேற்கு 'ஈரான் மீது பல தசாப்த காலப் போரை வேறு வழிகளில் நடத்திவருகின்றன': ஆய்வாளர்

“அமெரிக்காவும் மேற்கு நாடுகளும் ஈரானின் மீது பல தசாப்தங்களாக வேறு வழிகளில் போர் தொடுத்துள்ளன” அமெரிக்க எழுத்தாளரும் அரசியல் வர்ணனையாளருமான ஸ்டீபன் லெண்ட்மன் கருத்து தெரிவித்துள்ளார்.

2015ல் கையெழுத்திடப்பட்ட ஈரான் அணுசக்தி ஒப்பந்தத்தில் (JCPOA) அமெரிக்கா மீண்டும் இணைவதற்கான பேச்சுக்கள் "நன்றாக நடக்கவில்லை" என்று கடந்த வெள்ளியன்று அமெரிக்க தேசிய பாதுகாப்பு ஆலோசகர் ஜேக் சல்லிவன் வெளியிட்ட அறிக்கை குறித்து கருத்து தெரிவிக்கும் போது, சனிக்கிழமையன்று பிரஸ் டிவிக்கு அளித்த பேட்டியில் லென்ட்மன் இந்த கருத்துக்களை தெரிவித்தார்.

வெளிநாட்டு உறவுகளுக்கான கவுன்சில் நடத்திய நிகழ்வில் சல்லிவன் கூறுகையில், "நாம் விரும்பும் விதத்தில் பேச்சுவார்த்தை செல்லாததால் [கூட்டு விரிவான செயல் திட்டத்திற்கு (JCPOA)] திரும்புவதற்கான பாதையில் நாம் இன்னும் இல்லை என்று கூறியிருந்தார்.

வியன்னாவில் மற்றொரு சுற்று பேச்சுவார்த்தை முடிவடைந்த நிலையில், கடந்த சில நாட்களாக பேச்சுவார்த்தை மேசையில் "சில முன்னேற்றம்" ஏற்பட்டுள்ளதாக சல்லிவன் கூறினார், ஆனால் 2018 ஆம் ஆண்டில் அப்போதைய அமெரிக்க ஜனாதிபதி டொனால்ட் டிரம்ப் இந்த ஒப்பந்தத்தில் இருந்து வெளியேறியதிலிருந்து ஈரான் தனது அணுசக்தி திட்டத்தை "முன்னோக்கி" நகர்த்தியுள்ளது.

"JCPOA உடன்படுக்கைக்கு திரும்புவது பரஸ்பர இணக்கத்திற்கு திரும்புவதன் மூலம் அந்த திட்டத்தை மீண்டும் ஒரு கட்டத்திற்குள் கொண்டுவருவது, இந்த ஆண்டு முழுவதும் நாங்கள் பார்க்க விரும்புவதை விட கடினமானது நிரூபிக்கப்பட்டுள்ளது," என்று சல்லிவன் கூறினார். "2018 இல் ஒப்பந்தத்தை விட்டு வெளியேறுவது என்ற (புத்திசாலித்தனமற்ற) பேரழிவு முடிவின் பிரதிபலனையே நாங்கள் அனுபவிக்கின்றோம்"

JCPOA வில் இருந்து மே 2018 இல் ட்ரம்ப் வெளியேறினார். டிரம்ப் பின்னர் ஈரானின் பொருளாதாரத்தை குறிவைத்து "அதிகபட்ச அழுத்தம்" பிரச்சாரம் ஒன்றை அமுல்படுத்தினார், இது ஈரானின் நிலையை மேலும் கடினமாக்கியது, ஒரு "புதிய ஒப்பந்தத்தை" செய்வதற்கு ஈரானை இணங்கச்செய்து,  பேச்சுவார்த்தைக்கு கட்டாயப்படுத்தத் தவறியது.

ஈரான் மற்றும் JCPOA வில் மீதமுள்ள ஐந்து தரப்பினர் - ஜெர்மனி, பிரிட்டன், பிரான்ஸ், ரஷ்யா மற்றும் சீனா - ஆகியவற்றுடன் அமெரிக்க ஜனாதிபதி ஜோ பிடன் ஒப்பந்தத்திற்குத் திரும்புவதற்கு விருப்பம் தெரிவித்ததை அடுத்து, பொருளாதாரத் தடைகளை அகற்றும் நோக்கத்துடன் ஏப்ரல் மாதம் ஆஸ்திரிய தலைநகரில் பேச்சுவார்த்தை தொடங்கியது.

இதற்கிடையில், ஈரானின் சார்பில் பேச்சுவார்த்தைகளை முன்னெடுத்துச்செல்லும் தலைவர் அலி பாக்கரி கானி கடந்த வெள்ளிக்கிழமை 2015 அணுசக்தி ஒப்பந்தத்தின் மூன்று ஐரோப்பியத் தரப்பினரும், "தீவிரமான, முடிவு சார்ந்த" பேச்சுக்களுக்கு தெஹ்ரானின் கண்ணோட்டத்தை அடிப்படையாக ஏற்க ஒப்புக்கொண்டதாக தெரிவித்தார்.

ஆஸ்திரிய தலைநகர் வியன்னாவில் ஏழாவது சுற்று பேச்சுவார்த்தையின் முடிவில், தெஹ்ரான் மீது விதிக்கப்பட்ட அமெரிக்க தடைகளை நீக்கி ஒப்பந்தத்தை காப்பாற்றும் நோக்கத்துடன் பலதரப்பு அணுசக்தி ஒப்பந்தத்தில் கையெழுத்திட்ட மீதமுள்ள ஐந்து நாடுகள் உடன் இடம்பெற்ற பேச்சுவார்த்தைகள் தொடர்பாக வெள்ளிக்கிழமை செய்தியாளர்களிடம் விளக்குகையிலேயே பாக்கரி கானி மேற்கண்டவாறு கூறினார்.

ஒரு உடன்பாட்டை எட்டுவதற்கான வேகம் எதிர் தரப்பின் விருப்பத்தைப் பொறுத்தது. "ஈரான் இஸ்லாமிய குடியரசின் நியாயமான கருத்துக்கள் மற்றும் நிலைப்பாடுகளை மறுபுறம் ஏற்றுக்கொண்டால், புதிய சுற்று பேச்சுவார்த்தை பயனளிப்பதாக இருக்கும், மேலும் குறுகிய காலத்தில் நாம் ஒரு ஒப்பந்தத்தை அடைய முடியும்." என்றார்.

லேண்ட்மன் "JCPOA பேச்சுக்கள் வியன்னாவில் எங்கும் இலக்கை நோக்கி செல்வதாகத் தெரியவில்லை, அது ஈரான் மீதான நீண்டகால அமெரிக்க/மேற்கத்திய விரோதப் போக்கை பிரதிபலிக்கிறது. இந்த ஆட்சிகள் எல்லாவற்றையும் கோருகின்றன, பதிலுக்கு எதையும் வழங்கவில்லை, ஆனால் இவர்களது வெற்று வாக்குறுதிகள் மீறப்படும்" என்று கூறினார்

“ஈரானின் 1979 இஸ்லாமியப் புரட்சியின் பின்னர், நாட்டையும் அதன் மக்களையும் அமெரிக்காவின் ஆதிக்கக் கட்டுப்பாட்டில் இருந்து விடுவித்ததில் இருந்து இவ்வாறுதான் இருந்து வருகிறது. போரை விரும்பும் இரு வலதுசாரி கட்சிகளும் ஈரானில் தாம் இழந்ததை மீண்டும் பெற விரும்புகின்றன. அவர்கள் ஈரானின் அபரிமிதமான எண்ணெய் மற்றும் எரிவாயு இருப்புக்களைக் கட்டுப்படுத்த விரும்புகிறார்கள். அமெரிக்க நலன்களுக்கு சேவை செய்ய சாதாரண ஈரானியர்கள் சுரண்டப்படுவதை அவர்கள் விரும்புகிறார்கள். அவர்கள் ஈரான் மீது பல தசாப்தங்களாக பல்வேறு வழிகளில் போரை நடத்தி வருகின்றனர்,” என்று அவர் மேலும் கூறினார்.

"JCPOA ஏற்றுக்கொள்ளப்பட்ட உடனேயே ஒபாமா / பிடென் ஆட்சி அதை மீறியது," என்று அவர் கூறினார்.

"வெள்ளை மாளிகையில் வஞ்சகத்தைக் கட்டுப்படுத்தும் கடும்போக்குவாதிகளுக்கு, பாதுகாப்பு கவுன்சில் 2231 தீர்மானத்தினால் கட்டளையிடப்பட்டதை நிறைவேற்றும் எண்ணம் இல்லை. — அதன் மேலாதிக்கப் பிரிவின் கீழ் ஒப்பந்தம் சர்வதேச மற்றும் அமெரிக்க அரசியலமைப்புச் சட்டம் பிணைக்கப்படுவதைப் புறக்கணிக்கிறது" என்று ஆய்வாளர் கூறினார்.

"வியன்னா பேச்சுக்களில் எட்டப்படும் முடிவு என்னவாக இருந்தாலும் ஈரானில் ஆட்சி மாற்றத்திற்கான வாஷிங்டனின் நீண்டகால நோக்கத்தை மாற்ற முடியாது. இஸ்லாமிய குடியரசின் மீதான போர் சாத்தியமில்லை என்றாலும், அது தற்செயலாக அல்லது வடிவமைப்பால் இடம்பெறக்கூடும், ஏனெனில் அமெரிக்காவின் அடக்கி ஆளும் கொள்கை அதை நோக்கியே தள்ளும்” என்று அவர் கூறினார்.

https://www.presstv.ir/Detail/2021/12/18/672940/US-and-West-%E2%80%98waged-decades-of-war-on-Iran-by-other-means%E2%80%99

பாரசீக சிற்றோவியம் : ஓர் அற்புத கலைப்படைப்பு

Persian Miniature: A wonderful work of art

ஒரு பாரசீக சிற்றோவியம் என்பது, தற்போது ஈரான் என்று அழைக்கப்படும் மத்திய கிழக்கின் பகுதியிலிருந்து மத அல்லது புராணக் கருப்பொருள்களை சித்தரிக்கும் ஒரு துல்லியமான ஓவிய வடிவமாகும். பாரசீக சிற்றோவியக் கலை 13 முதல் 16 ஆம் நூற்றாண்டு வரை செழித்து வளர்ந்தது, இன்றுவரை தொடர்கிறது, பல சமகால கலைஞர்கள் குறிப்பிடத்தக்க பாரசீக சிற்றோவியங்களை உருவாக்குகின்றனர். இந்த நுட்பமான, பசுமையான ஓவியங்கள் நிபுணத்துவமிக்க கைகளினால் மற்றும் மிக நுண்ணிய தூரிகை மூலம் மட்டுமே அடையக்கூடிய துல்லியமான விவரங்களின் நிலை, பொதுவாக பார்ப்பவரை பிரமிக்க வைக்கும்,

இந்த ஓவியம் ஒரு புத்தக விளக்கப்படமாக இருந்தாலும் அல்லது அத்தகைய படைப்புகளின் ஆல்பத்தில் வைக்கப்படும் ஒரு தனி கலைப் படைப்பாக இருந்தாலும் சரி, அது பாரசீக பாரம்பரியத்தின் தோற்றத்தில் தாக்கத்தை ஏற்படுத்திய ஒளியேற்றப்பட்ட கையெழுத்துப் பிரதிகளில் உள்ள சிற்றோவியங்கள் மேற்கத்திய மற்றும் பைசண்டைன் மரபுகளுடன் இந்த நுட்பங்கள் பரவலாக ஒப்பிடப்படுகின்றன.

சுவர் ஓவியம் பாரசீக பாரம்பரியத்தில் சமமாக நன்கு நிறுவப்பட்ட ஒன்றாக இருந்தாலும், சிற்றோவியங்கள் நீண்ட காலம் நீடித்து, பாதுகாப்பாக இருக்கும் நிலை இன்னும் சிறப்பாக உள்ளது, இதன் காரணமாக, பாரசீக சிற்றோவியங்கள் மேற்குலகில் மிகவும் பிரபலமான கலை வடிவமாகும்.

பாரசீக சிற்றோவியங்கள் பல அம்சங்களில் தனித்துவமானவையாகும். முதலாவது விவரத்தின் அளவு மற்றும் நிலை; இந்த ஓவியங்களில் பல மிகச் சிறியவை, ஆனால் அவை வியத்தகு, சிக்கலான காட்சிகளைக் கொண்டுள்ளன, அவை பார்வையாளரை மணிக்கணக்கில் வசீகரிக்கும். பாரம்பரியமாக, ஒரு பாரசீக சிற்றோவியம் தங்கம் மற்றும் வெள்ளி தகடுகளில் உயிர்துடிப்புள்ளவையாக வரையப்பட்டு இருக்கும், மேலும் கண்கவர் வண்ணங்கள் மிகவும் நேர்த்தியாக பயன்படுத்தப்பட்டவையாகவும் இருக்கும்.

ஆரம்பத்தில், பாரசீக சிற்றோவியங்கள் கையெழுத்துப் பிரதிகளுக்கான புத்தக ஒளியேற்றப்பட்ட விளக்கப்படங்களாகவே அமைந்திருந்தன. ஒரு பாரசீக சிற்றோவியம் சொல்லும் விடயம் மிகவும் புதிரானதாக இருக்கும், மேற்கத்திய கலையின் தோற்றத்திற்கும் உணர்விற்கும் பழக்கப்பட்டவர்களுக்கு சில சமயங்களில் புரிவதற்கு சங்கடமாக உணரும் விதங்களில் கூறுகள் ஒன்றுடன் ஒன்று பின்னிப்பிணைந்து மேலெழுதப்பட்டவையாக அமைந்திருக்கும்.

ஒரு சிற்றோவியம் வரைந்து முடிப்பதற்கு சில சமயங்களில் ஒரு வருடம் வரை எடுத்துக்கொள்வதால், அதிக விலைக்கு விலைபோகும்; செல்வந்த புரவலர்களால் மட்டுமே இந்த சிற்றோவிய விளக்கப்படங்களை வாங்க முடியும். காலப்போக்கில், மக்கள் இந்த கலைப் படைப்புகளை தாங்களாகவே சேகரிக்கத் தொடங்கினர், அவற்றை தனித்தனி புத்தகங்களாக பாதுகாத்து வைக்கலாயினர். இந்த சேகரிப்புகளில் பல, ஈரானின் புகழ்பெற்ற கம்பளங்கள் போன்று, பாரசீக கலையின் எடுத்துக்காட்ட்டாக அதிர்ஷ்டவசமாக இன்றுவரை உயிர்வாழ்கின்றன,

பாரசீக சிற்றோவியங்கள் அநேகமாக சீனக் கலையால் ஈர்க்கப்பட்டிருக்கலாம், ஆரம்ப உதாரணங்களில் காணப்படும் பாரசீக சிற்றோவியங்கள் சில சீனக் கருப்பொருள்கள் கொண்டுள்ளதை அவதானிக்கலாம். ஆரம்பகால பாரசீக கலையில் சித்தரிக்கப்பட்ட பல புராண உயிரினங்கள், உதாரணமாக, சீன புராணத்தில் உள்ள விலங்குகளுடன் ஒரு குறிப்பிடத்தக்க ஒற்றுமையைக் கொண்டுள்ளன. இருப்பினும், காலப்போக்கில், பாரசீக கலைஞர்கள் தங்கள் சொந்த பாணி மற்றும் கருப்பொருள்களை உருவாக்கினர், மேலும் பாரசீக சிற்றோவியங்கள் அண்டை நாடுகளிலும் தாக்கத்தை ஏற்படுத்தின.

பல ஆசிய கலை அருங்காட்சியகங்கள் தங்கள் சேகரிப்பில் பாரசீக சிற்றோவியங்களைக் கொண்டுள்ளன, மேலும் இந்த தனித்துவமான கலை வடிவத்தின் எடுத்துக்காட்டுகளை நேரில் கண்ணால் பார்ப்பது அரிதாக கிடைக்கும் வாய்ப்பாகும். பாரசீக சிற்றோவியம் ஒன்றை ஒருவர் எவ்வளவு நேரம் பார்க்கின்றாரோ அவ்வளவு விவரங்களும் கருப்பொருள்களும் வெளிப்படும். ஒரு சிற்றோவியத்தைப் பற்றிய ஆய்விற்கு ஒரு நாள் முழுவதும் எடுக்கும், பல விவரங்களை அறிய கிடைக்கும், மேலும் பல அருங்காட்சியகங்கள் அவற்றின் பாரசீக சிற்றோவியங்களில் உள்ள புள்ளிவிவரங்கள் மற்றும் கருப்பொருள்களுக்கான விரிவான வழிகாட்டிகளை வசதியாகக் கொண்டுள்ளன, இதனால் பார்வையாளர்கள் தாங்கள் பார்ப்பதைப் பற்றி மேலும் அறியக்கூடிதாய் இருக்கும்.

கமால் உத்-தின் பெஹ்சாத் ஹெராவி, கமால் அல்-தின் பிஹ்சாத் அல்லது கமாலுத்தீன் பெஹ்சாத் (c. 1450 - c. 1535) என்றும் அழைக்கப்படுபவர், பாரசீக சிற்றோவிய கலைஞர். இவர் ஆரம்பகால சஃபாவிட் ஆட்சியின்போது ஹெராட் மற்றும் தப்ரிஸில் உள்ள அரச கலையகங்களின் தலைவராவார்.

பெஹ்சாத் பாரசீக சிற்றோவிய கலைஞர்களில் மிகவும் பிரபலமானவர், அவர், அவரது சொந்த சிந்தனை பாணியில் கையெழுத்துப் பிரதிகளை உருவாக்கும் ‘கிதாப்கானா எனப்படும்’ ஒரு பயிற்சி பட்டறையின் இயக்குனராகவும் இருந்தார். அந்த கால பாரசீக ஓவிய வடிவியல் கட்டிடக்கலை கூறுகளின் அமைப்பை பொதுவாக பயன்படுத்தியதாய் அமைந்திருந்தது.

பெஹ்சாத் பெரும்பாலும் திறந்த, வடிவமற்ற வெற்றுப் பகுதிகளைப் பயன்படுத்தினார். அதைச் சுற்றியே அவரது கற்பனை செயல் நகர்கிறது. மேலும் அவர் தனது படைப்பை சுற்றி ஒரு பார்வையாளரின் கண்ணை நகர்த்துவதில் மிகவும் தேர்ச்சி பெற்றவராக இருந்தார். உருவங்கள் மற்றும் பொருட்களின் அசைவுகள் தனித்துவமானதாகவும் இயற்கையாகவும், வெளிப்பாடாகவும், உயிரோட்டம் உள்ளதாகவும் இருப்பதோடு மட்டுமல்லாமல், அவை படத் தளம் முழுவதும் ஒருவரின் கண்ணை நகர்த்திக் கொண்டே இருக்கும்.

https://www.tasnimnews.com/en/news/2018/02/12/1652847/persian-miniature-a-richly-detailed-miniature

Iran - UAE உறவில் புது அத்தியாயம்

 UAE, Iran Hope to Turn Page in Bilateral Ties

பாரசீக வளைகுடா அரபு நாட்டைச் சேர்ந்த உயர் அதிகாரி ஒருவரின் அரிய விஜயத்தை அடுத்து ஈரான் ஐக்கிய அரபு எமிரேட்ஸுடனான அதன் உறவுகளில் நம்பிக்கை தெரிவித்துள்ளது.

ஐக்கிய அரபு எமிரேட்ஸின் தேசிய பாதுகாப்பு ஆலோசகர் ஷேக் தஹ்னூன் பின் சயீத் அல்-நஹ்யான் ஈரானின் உச்ச தேசிய பாதுகாப்பு கவுன்சிலின் செயலாளர் அலி ஷம்கானியின் அழைப்பின் பேரில் கடந்த திங்கள்கிழமை ஈரான் நாட்டிற்கு விஜயமொன்றை மேற்கொண்டிருந்தார். இவ்விஜயத்தின் போது ஈரான் ஜனாதிபதி இப்ராஹிம் ரயீசியையும் சந்தித்தார்.

2016ஆம் ஆண்டு இரு நாடுகளுக்கும் இடையிலான உறவுகள் குறைக்கப்பட்டதன் பின்னர் எமிரேட்ஸின் உயர் அதிகாரி ஒருவரால் மேற்கொள்ளப்படும் முதலாவது பயணம் இதுவாகும்.

மதிப்பிற்குரிய ஷியா உலமா ஒருவருக்கு ரியாத் மரணதண்டனை விதித்ததற்கு எதிராக ஆத்திரமடைந்த ஈரானிய எதிர்ப்பாளர்கள் சவூதி இராஜதந்திர அலுவலகத்திற்கு முன் ஆர்ப்பாட்ட பேரணி நடத்தியதை அடுத்து, சவுதி அரேபியா இஸ்லாமிய குடியரசுடனான உறவை துண்டித்தது. அதைத்தொடர்ந்து ஐக்கிய அரபு எமிரேட்சும் ஈரானுடனான அதன் தொடர்பை துண்டித்தது.

அதன் பிறகு எமிரேட்ஸின் உயர் அதிகாரி ஒருவரால் ஈரானுக்கு மேற்கொள்ளப்படும் முதலாவது பயணம் இதுவாகும்.

"இந்த பிராந்தியத்தின் நாடுகளுடன் நல்லுறவு புதிய அரசாங்கத்தின் வெளியுறவுக் கொள்கையின் முன்னுரிமைகளில் ஒன்றாகும்" என்று சந்திப்பின் போது ஈரான் ஜனாதிபதி இப்ராஹிம் ரயீசி கூறினார் என்று அதிகாரப்பூர்வ செய்தி நிறுவனமான IRNA தெரிவித்துள்ளது. 

"எனவே ஐக்கிய அரபு எமிரேட்ஸுடனான உறவுகளின் வளர்ச்சியை நாங்கள் வரவேற்கிறோம்," என்று அவர் கூறினார்.

"வெளிநாட்டினரின் தலையீட்டால் இரண்டு முஸ்லிம் நாடுகளுக்கு இடையிலான உறவுகள் பாதிக்கப்படக்கூடாது" என்று ரயீசி மேலும் கூறினார்.

ஈரான் மற்றும் சவூதி அரேபியா வும் பாரசீக வளைகுடா ஒத்துழைப்பு கவுன்சிலில் அங்கம்வகிக்கும் அதன் ஆறு நட்பு நாடுகளுடன் சேர்ந்து, பிராந்தியத்தில் பல்வேறு ஆயுத மற்றும் அரசியல் மோதல்களில், குறிப்பாக யெமன் மற்றும் சிரியாவில் எதிரெதிர் பக்கங்களில் நின்றன.

ஆனால் கடந்த மாதங்களில் சவூதி அரேபியாவும் ஈரானும் உறவுகளை மேம்படுத்தும் நோக்கில் பல சுற்றுப் பேச்சுக்களை நடத்தியதால் நல்லுறவுக்கான அறிகுறிகள் தென்பட்டன.

ஈரான் இஸ்லாமிய குடியரசில் இப்ராஹிம் ரயீஸி நிர்வாகம் அதன் கோட்பாடு மற்றும் நடைமுறையில் அண்டை நாடுகளுடனும் பிராந்திய நாடுகளுடனும் உறவுகளை மேம்படுத்துவதற்கான தீவிர விருப்பத்தைக் கொண்டுள்ளது என்பதைக் காட்டுகிறது. இந்த கொள்கை, ஏனைய தரப்பினரிலும் தீவிர விருப்பம் இருந்தால், பிராந்தியத்தில் நீடித்த நிலைத்தன்மையையும் பாதுகாப்பையும் நிலைநாட்ட வழிவகுக்கும்.

"ஈரான் இஸ்லாமிய குடியரசு அண்டை நாடுகளை அதன்  'உறவினர்கள்'  என்று கருதுகிறது மற்றும் அண்டை நாடுகளுடனான உறவை மேம்படுத்துவது அதன் வெளியுறவுக் கொள்கையின் மிக முக்கியமான மற்றும் முக்கிய முன்னுரிமையாகக் கருதுகிறது மற்றும் அவர்களின் கண்ணியத்தையும் மரியாதையையும் விரும்புகிறது" என்று ஜனாதிபதி வலியுறுத்தினார்.

ஷேக் தஹ்னூன் “இந்தப் பயணம் இரு நாடுகளுக்கும் இடையிலான உறவுகளின் ஒரு புதிய அத்தியாயத்தின் தொடக்கமாக இருக்கும் என்று நம்பிக்கை தெரிவித்தார்”, என்று அதிகாரப்பூர்வ அறிக்கை ஒன்று கூறியது.

மேலும், இருதரப்பு உறவுகளை ஒருங்கிணைப்பதற்கும் ஒட்டுமொத்த விரிவாக்கத்துக்கும் இது வழி வகுக்கும் என அவர் நம்புவதாகவும் அவர் கூறினார்.

80 ரஃபேல் போர் விமானங்களை வழங்குவதற்காக ஐக்கிய அரபு எமிரேட்ஸுடன் 14 பில்லியன் யூரோ ஒப்பந்தத்தை பாரிஸ் செய்துகொண்டது. அதற்கு சில நாட்களுக்குப் பிறகு, பாரசீக வளைகுடா நாடுகளுக்கு ஆயுதங்களை விற்பனை செய்வதன் மூலம் பிராந்தியத்தை "ஸ்திரமின்மைக்கு ஆளாக்கியதற்காக" தெஹ்ரான் பிரான்ஸைத் குற்றம்சாட்டியது.

வெளியுறவு அமைச்சகத்தின் செய்தித் தொடர்பாளர் சயீத் கதிப்சாதே பிரான்சை "இன்னும் பொறுப்புடன் நடந்து கொள்ள வேண்டும்" என்று வலியுறுத்தினார் மற்றும் "எங்கள் பிராந்தியத்தை இராணுவமயமாக்குவதை" விமர்சித்தார்.

ஈரானின் ஏவுகணைத் திட்டத்தைப் பற்றிக் குறிப்பிடுகையில், "பிராந்திய நாடுகள் எங்கள் ஏவுகணைகளைப் பற்றி பல கூட்டங்களை நடத்தினாலும், பல பில்லியன் டாலர்கள் பெறுமதியான ஆயுத விற்பனையை நாங்கள் காண்கிறோம்" என்று காதிப்சாதே கூறினார். "இந்த நடவடிக்கைகளின் காரணமாக, நாங்களும் எங்கள் பாதுகாப்புக் கவசத்தை இன்னும் பலமானதாக மாற்றுவதில் நாங்கள் உறுதியாக இருக்கிறோம்."

ஐக்கிய அரபு எமிரேட்ஸ் பாதுகாப்பு ஆலோசகரின் வருகையும் சிரிய வெளியுறவு மந்திரி பைசல் அல்-மெக்தாத் மற்றும் ஈரானிய வெளியுறவு மந்திரி ஹுசைன் அமீர்-அப்துல்லாஹியான் சந்திப்பும் ஒரே சமயத்தில் இடம்பெற்றது குறிப்பிடத்தக்கது.

"நாங்கள் ஒரு நல்ல இருதரப்பு பேச்சுவாத்தைகளில் ஈடுபட்டோம்" என்று அமீர்-அப்துல்லாஹியன் ஒரு கூட்டு செய்தி மாநாட்டில் கூறினார்.

ஷம்கானி, நாடுகளுக்கிடையேயான "இணக்கமான மற்றும் நட்பான" உறவுகளுக்கு முன்னுரிமை அளிக்க வேண்டும் என்றும் மற்ற நாடுகளால் அவை பாதிக்கப்படக்கூடாது என்றும் கூறினார் (இது அமெரிக்கா மற்றும் இஸ்ரேலின் ஆக்கிரமிப்பு ஆட்சியைக் குறிக்கும்).

ஷேக் தஹ்னூனின் சகோதரர் ஷேக் முஹம்மது பின் சயீத் அல் நஹ்யான், அபுதாபியின் சக்திவாய்ந்த முடிக்குரிய இளவரசர் மற்றும் ஏழு அமீரகங்களின் கூட்டமைப்பான எமிரேட்ஸின் நீண்ட கால ஆட்சியாளர். ஷேக் முஹம்மதுவின் கீழ், ஐக்கிய அரபு எமிரேட்ஸ் தனது இராணுவப் படைகளின் துரித விரிவாக்கத்தில் இறங்கியுள்ளது. எமிரேட்ஸ் அமெரிக்க மற்றும் பிரெஞ்சுப் படை தளங்களை வழங்குகிறது மற்றும் அதன் ஜெபல் அலி துறைமுகம் அமெரிக்காவிற்கு வெளியே அமெரிக்க கடற்படையின் மிகவும் சுறுசுறுப்பான துறைமுகமாகும்.

ஆனால் யெமன் மீதான போரில் சவுதி தலைமையிலான கூட்டணியில் இருந்து ஐக்கிய அரபு அமீரகம் இப்போது பின்வாங்கியுள்ளது. அரசியல் சர்ச்சையின் காரணமாக பல ஆண்டுகளாக ஐக்கிய புறக்கணித்து வந்த துருக்கி மற்றும் கத்தாருடனான இராஜதந்திர உறவுகளை சீர்செய்ய இப்போது எமிரேட்ஸ்  முயன்று வருகின்றது.

https://kayhan.ir/en/news/97452/uae-iran-hope-to-turn-page-in-bilateral-ties 

ஈரானில் ஜின்கள் உருவாக்கிய பள்ளத்தாக்கு

Kal-e Jeni Canyon, a Natural Attraction in Iran

கல்-இ ஜெனி பள்ளத்தாக்கு, ஈரானில் ஒரு இயற்கை ஈர்ப்பு

தபாஸில் உள்ள கல்-இ ஜெனி பள்ளத்தாக்கு ஈரானுக்கான உங்கள் சுற்றுப்பயணத்தில் நீங்கள் காணக்கூடிய மிக அழகான இயற்கை அதிசயங்களில் ஒன்றாகும். இந்த பள்ளத்தாக்கு தெற்கு-கொராசன் மாகாணத்தில் அமைந்துள்ளது மற்றும் பல நூற்றாண்டுகளாக நீர் இயக்கம் மற்றும் மண் அரிப்பு ஆகியவற்றால் வடிவமைந்துள்ளது.

கல்-இ ஜெனியின் நீர், கால்வாய் மூலம் தாஷ்குனி என்ற கிராமத்திற்கு மாற்றப்படுகிறது, இது சைரஸ் தி கிரேட் தனது வாழ்க்கையின் முதல் 16 ஆண்டுகளை கழித்த கிராமம் என்று வரலாற்றாசிரியர்கள் நம்புகிறார்கள். கல்-இ ஜெனி என்பது ஜின் கால்வாய் என்று பொருள்படும் மற்றும் அப்பகுதியின் உள்ளூர் மக்களிடையே ஒரு மர்மமான இடமாக அறியப்படுகிறது.

இந்த பள்ளத்தாக்குக்கு ஜின் கால்வாய் என்று பெயரிடுவதற்கு மூன்று காரணங்கள் இருப்பதாக வரலாற்றாசிரியர்கள் நம்புகின்றனர்.

முதலாவது அதன் மர்மமான தோற்றம் கொண்ட துாண்கள், வளைவுகள் மற்றும் சுவர்கள் காரணமாக இது ஜின்கள் மற்றும் வேற்றுகிரக உயிரினங்களின் வீடு என்று மக்கள் நம்புகிறார்கள்.

இரண்டாவது காரணம், பலமான காற்று வீசும் நாளில் நீங்கள் பள்ளத்தாக்கில் நின்றால், ஜின்கள் உங்கள் மீது கூழாங்கற்களை வீசும்! கூழாங்கற்கள் உங்களைத் தாக்குவதற்கான உண்மையான காரணம், காற்று வீசும் போது, ​​அது பள்ளத்தாக்கின் மென்மையான சுவர்களில் உள்ள மணல் மற்றும் கூழாங்கற்கள் உங்கள் உடலைத் தாக்கும், ஆனால் உள்ளூர்வாசிகள் ஜின்கள் அதைச் செய்கிறார்கள் என்று நம்புகிறார்கள்.

மூன்றாவது காரணம், பள்ளத்தாக்கின் சுவர்களில் செதுக்கப்பட்ட அறைகள் உள்ளன, அவற்றின் உண்மையான செயல்பாடு இன்னும் கண்டுபிடிக்கப்படவில்லை, ஆனால் வரலாற்றாசிரியர்கள் மித்ராயிசத்தைப் பின்பற்றுபவர்கள் இந்த அறைகளை நாற்பது நாட்கள் தன்மையில் தங்கியிருக்க பயன்படுத்தியதாக நம்புகிறார்கள். ஒரு குறுகிய பாதை உங்களை ஒரு குறுகிய மண்டபத்திற்கு இட்டுச்செல்லும்; செங்குத்து சுரங்கப்பாதை உள்ளது. அதன் முடிவில் பத்து அறைகள் நீங்கள் காண்பீர்கள். செலே என்பது ஒரு மதச் சடங்கு, அதில் சிலர் நாற்பது இரவுகள் ஒரே இடத்தில் தங்களைத் தனிமைப்படுத்திக் கொள்வார்கள். எனவே இந்த சடங்கைப் பாதுகாப்பதற்காக, மித்ராவைப் பின்பற்றுபவர்கள் மக்களை பயமுறுத்துவதற்கும், அவர்களால் எந்த இடையூறும் ஏற்படாமல் இருக்கவும் இந்த பள்ளத்தாக்குக்கு கல்-இ ஜெனி என்ற பெயரைத் தேர்ந்தெடுத்தனர் என்று கூறப்படுகிறது,

இந்த அழகிய பள்ளத்தாக்குக்கு நீங்கள் செல்லும்போது, சூட்டப்பட்டுள்ள பெயர் முற்றிலும் பொருத்தமானது என்பதை நீங்கள் புரிந்துகொள்வீர்கள், இது ஒரு சக்திவாய்ந்த மர்மமான மற்றும் வளிமண்டல சுற்றுப்புறமாகும்.

உள்ளூர்வாசிகள் கல்-இ ஜென்னியை ஒரு ரகசிய இடமாக பாதுகாத்து வந்ததால், ஈரானியர்களினதோ  அல்லது ஈரானுக்கு வரும் சுற்றுப்பயணிகளினதோ கவனத்தை ஈர்த்திருக்கவில்லை. ஆனால் இன்று அதிகமான ஈரானியர்கள் இயற்கை அன்னையின் கைகளால் செய்யப்பட்ட இந்த அற்புதமான இடத்தை அறியத் தொடங்கியுள்ளனர். விடுமுறை நாட்களில் பலர் இந்த பிரமிக்க வைக்கும் பள்ளத்தாக்கைப் பார்வையிடுவதற்காக தபாஸ் நகருக்கு செல்கின்றனர்.

https://irandoostan.com/kal-e-jeni-canyon-a-natural-attraction-in-iran/

Iran seeks UNESCO tag for gigantic geopark

பிரமாண்டமான நிலப்பரப்புக்கான யுனெஸ்கோ அந்தஸ்தை கோரல்

ஈரான் இஸ்லாமிய குடியரசு தபாஸில் (மத்திய ஈரானில்) உள்ள இந்த தபாஸ் புவி பூங்காவை (ஜியோபார்க்) பிரமாண்டமான நிலப்பரப்புக்கான யுனெஸ்கோ அந்தஸ்தை வெல்லும் நம்பிக்கையில் அது தொடர்பாக அனைத்தையும் உள்ளடக்கிய ஆவணத்தை ஐக்கிய நாடுகளின் கல்வி, அறிவியல் மற்றும் கலாச்சார அமைப்பிற்கு சமர்ப்பித்துள்ளது.

நான்கு வருட கடின உழைப்பு மற்றும் தேவையான உள்கட்டமைப்பை மேம்படுத்திய பிறகு, இந்த ஆவணம் சாத்தியமான பதிவுக்காக யுனெஸ்கோவிடம் சமர்ப்பிக்கப்பட்டது,

மத்திய ஈரானில் அமைந்துள்ள குறிப்பிட்ட நிலப்பரப்பை கள ஆய்வு மற்றும் மதிப்பீடு செய்ய யுனெஸ்கோ நிபுணர்கள் அடுத்த கோடையில் அங்கு செல்ல உள்ளனர்.

தெற்கு கொராசன் மாகாணத்தில் அமைந்துள்ள தபாஸ் ஜியோபார்க்கில் 50 புவிசார் தளங்கள் மற்றும் பலவிதமான இயற்கைக் காட்சிகள் மற்றும் அஸ்மிகன் கிராமத்தில் அமைந்துள்ள மர்மமான கல்-இ ஜெனி (ஜின் பள்ளத்தாக்கு) கொண்டகளங்கப்படுத்தப்படாத நிலப்பரப்புகள் உள்ளன. தபாஸ் ஜியோபார்க் பற்றிய ஆரம்ப ஆய்வுகள் அதன் பல்வேறு தளங்களைக் கண்டறிந்து அவற்றுக்கான பெயர்களைத் தேர்ந்தெடுக்கும் பணியுடன் 2011 இல் தொடங்கப்பட்டன.

ஜியோபார்க்கின் சிறப்பம்சங்களில் ஒன்றான கல்-இ ஜெனி இன்னும் அது போன்ற பல சாத்தியமான இடங்கள் பயணிகள் மற்றும் சாகசக்காரர்களால் ஆராயப்படவில்லை என்பது ஆச்சர்யமானது, அவர்கள் பூமியில் அத்தகைய அற்புதமான ஈர்ப்புக்குரிய இடமொன்று இருப்பதைக் கூட அறிந்திருக்க மாட்டார்கள்!

புவியியல் பூங்கா என்பது ஒரு ஒருங்கிணைந்த பகுதியாகும், இது புவியியல் பாரம்பரியத்தின் பாதுகாப்பையும் பயன்பாட்டையும் நிலையான வழியில் முன்னேற்றி அங்கு வாழும் மக்களின் பொருளாதார நல்வாழ்வை மேம்படுத்துகிறது. உலகளாவிய புவிசார் பூங்காவின் யுனெஸ்கோ வரையறையானது சர்வதேச முக்கியத்துவம் வாய்ந்த புவியியல் பாரம்பரியத்துடன் ஒரு ஒருங்கிணைந்த பகுதி ஆகும். ஜியோபார்க்ஸ் நாம் வாழும் புவியின் சூழலில் சமூகம் எதிர்கொள்ளும் முக்கிய பிரச்சனைகள் பற்றிய விழிப்புணர்வை மேம்படுத்த குறிப்பிட்ட பாரம்பரியத்தை பயன்படுத்துகிறது.

எரிமலைகள், பூகம்பங்கள் மற்றும் சுனாமிகள் உள்ளிட்ட புவியியல் அபாயங்கள் பற்றிய விழிப்புணர்வை மேம்படுத்த பெரும்பாலான புவிசார் பூங்காக்கள் உதவுகின்றன என்று நிபுணர்கள் நம்புகின்றனர். ஜியோபார்க்குகள் கடந்த கால காலநிலை மாற்றங்களின் பதிவுகளை உள்ளடக்கியுள்ளது என்பதால் தற்போதைய காலநிலை மாற்றங்களின் குறிகாட்டிகளாகும்.

யுனெஸ்கோ குளோபல் ஜியோபார்க் சமூக-பொருளாதார வளர்ச்சியை தூண்டுகிறது மேலும் இது கலாச்சார ரீதியாகவும் சுற்றுச்சூழல் ரீதியாகவும் நிலையானது, மனித வாழ்க்கை நிலைமைகள் மற்றும் கிராமப்புற சூழலை மேம்படுத்துவதன் மூலம் மக்கள் வாழ்வில் நேரடியாக தாக்கம் செலுத்துகிறது. இது உள்ளூர் மக்களுக்கு அவர்களின் பிராந்தியத்தின் பெருமையை உரித்தாக்குகிறது, அப்பகுதியின் பொது அடையாளத்தை வலுப்படுத்துகிறது, மேலும் அப்பகுதியின் புவியியல், இயற்கை சூழல், தொல்பொருள், கலாச்சாரம் மற்றும் தொழில்துறை பாரம்பரியத்தைப் பற்றிய சிறந்த புரிதலை ஊக்குவிக்கிறது.

ஐ.நா அமைப்பின் கூற்றுப்படி, யுனெஸ்கோ குளோபல் ஜியோபார்க்ஸ் அதன் பிராந்திய புவிசார் பாரம்பரியத்தை பாதுகாத்தல், பராமரித்தல் மற்றும் அப்பகுதியின் கலாச்சார மற்றும் சுற்றுச்சூழல் ரீதியாக நிலையான வளர்ச்சியை உள்ளடக்கிய பல நோக்கங்களைக் கொண்டுள்ளது.

"யுனெஸ்கோ குளோபல் ஜியோபார்க்ஸ் ஆனது அடிப்படையில் மக்களைப் பற்றியது மற்றும் நமது சமூகங்களுக்கும் பூமிக்கும் இடையிலான தொடர்புகளை ஆராய்வது மற்றும் (அவற்றை வியந்து) கொண்டாடுவது. நாம் யார் என்பதை பூமி வடிவமைத்துள்ளது: அது நமது விவசாய நடைமுறைகள் என்ன என்பதையும், கட்டுமானப் பொருட்கள் யாவை என்பது பற்றியும் மற்றும் அவை நமது வீடுகளுக்குப் பயன்படுத்திய முறைகள் பற்றியும், நமது புராணங்கள், நாட்டுப்புறக் கதைகள் மற்றும் நாட்டுப்புற மரபுகளையும் வடிவமைத்துள்ளன. எனவே, யுனெஸ்கோ குளோபல் ஜியோபார்க்ஸ், இந்த இணைப்புகளைக் கொண்டாடும் வகையில் பல்வேறு நடவடிக்கைகளில் ஈடுபட்டுள்ளது. பல யுனெஸ்கோ குளோபல் ஜியோபார்க்குகள் கலை சமூகங்களுடன் வலுவான தொடர்புகளைக் கொண்டுள்ளன, அங்கு அறிவியலையும் கலைகளையும் ஒன்றாகக் கொண்டுவருவதன் மூலம் ஆச்சரியமான முடிவுகளைத் தரும்.

மேலும், மாணவர்கள், ஆசிரியர்கள், உள்ளூர் அதிகாரிகள் மற்றும் பொதுமக்களுக்கு புவியியல் பாரம்பரியத்தின் முக்கியத்துவத்தை தெரிவிப்பதன் மூலம் உள்ளூர் சமூகங்கள் மற்றும் பார்வையாளர்களுக்கு புவி அறிவியல் கல்வியை மேம்படுத்துவது முதன்மை நோக்கங்களில் ஒன்றாகும்.

https://www.tehrantimes.com/news/467743/Iran-seeks-UNESCO-tag-for-gigantic-geopark

ஈரானின் பதில் தாக்குதலால் அதிரப்போகும் இஸ்ரேல்

Israel must realize its true capacities before threatening to attack nuclear sites: Iran's nuclear chief

ஈரானின் அணுசக்தி அமைப்பின் தலைவர் முகமது எஸ்லாமி, ஈரானிய அணுசக்தி தளங்களைத் தாக்கும் அச்சுறுத்தலுக்கு எதிராக இஸ்ரேலிய ஆட்சியை ககுமையாக எச்சரித்துள்ளார், தெஹ்ரானை அச்சுறுத்துவதற்கு முன் டெல் அவிவ் அதன் மோசமான நிலையை முதலில் கருத்தில் கொள்ள வேண்டும் என்றார்.

சனிக்கிழமையன்று (27/11/2021) யேமனின் அல்-மசிரா தொலைக்காட்சி நெட்வொர்க்குடன் பேசிய எஸ்லாமி, ஈரானிய அணுசக்தி தளங்களைத் தாக்கப்போவதாக அச்சுறுத்தல்களுக்கு முன் இஸ்ரேலிய ஆட்சி கண்ணாடி முன் நின்று அதன் திறன்களைச் சரிபார்க்க வேண்டும் என்றார்.

முன்னதாக, தி டைம்ஸ் ஆஃப் இஸ்ரேல், சேனல் 12 வெளியிட்ட ஒரு அறிக்கையை மேற்கோள் காட்டி, ஈரானிய அணுசக்தி நிலையங்களுக்கு எதிரான சாத்தியமான தாக்குதலுக்குத் தயாராகும் வகையில் அதிக சக்தி வாய்ந்த ஆயுதங்கள் மற்றும் உபகரணங்களை வாங்குவதற்கு ஐந்து பில்லியன் ஷேக்கல்கள் ($1.5 பில்லியன்) வரவு செலவுத் திட்டத்தில் ஒடுக்குவதற்கு  இஸ்ரேலிய அதிகாரிகள் ஒப்புதல் அளித்துள்ளனர் என்று தெரிவித்தது.

இதைத் தொடர்ந்து ஈரானின் உச்ச தேசிய பாதுகாப்பு கவுன்சிலின் செயலாளர் அலி ஷம்கானி கடுமையாக எச்சரித்தார். அத்தகைய நடவடிக்கை ஒன்று மேற்கொள்ளப்பட்டால் தெஹ்ரானின் "அதிர்ச்சியூட்டும்" பதிலடிக்கு பிறகு ஏற்படும் பாரிய அழிவை சீர்செய்ய பன்மடங்கு செலவுசெய்ய வேண்டியிருக்கும் என்பதை  இஸ்ரேல் கருத்தில் கொள்ள வேண்டும் என்று கூறினார்.

ஈரானுக்கு எதிரான அட்டூழியங்களுக்காக 1.5 பில்லியன் டாலர் பட்ஜெட்டை ஒதுக்குவதற்குப் பதிலாக, ஈரானின் அதிர்ச்சியூட்டும் பதிலடியால் ஏற்படப்போகும் சேதத்தை சரிசெய்ய பல்லாயிரக்கணக்கான பில்லியன் டாலர்களை ஒதுக்குவதில் சியோனிச ஆட்சி கவனம் செலுத்த வேண்டும்” என்று அக்டோபர் 24 அன்று ஷம்கானி தனது ட்வீட்டில் தெரிவித்துள்ளார்.

ஈரானை தாக்கும் திட்டங்களை முடுக்கிவிட்டதாக இஸ்ரேலிய இராணுவத்தின் கூற்றுக்கள், சியோனிச ஆட்சிக்கும் அதன் ஆட்சியாளர்களுக்கும் விழும் மரண அடியாகவே அமையும் ஈரானின் இராணுவத் தளபதி கூறியுள்ளார்.

சர்வதேச சட்டத்திற்கு கட்டுப்படாத வண்ணம் இஸ்ரேலிய ஆட்சி அணு ஆயுதங்களை வைத்திருக்கிறது மற்றும் தீவிர இராணுவ அணுசக்தி திட்டத்தை தொடர்கிறது. இஸ்ரேல் IAEA இன்ஸ்பெக்டர்களை அதன் அணுசக்தி நிலையங்களை ஆய்வு செய்ய அனுமதிப்பதில்லை மற்றும் அணு ஆயுத பரவல் தடை ஒப்பந்தம் (NPT) அல்லது அதன் அணு ஆயுதங்கள் தொடர்பான வேறு எந்த ஒப்பந்தத்திலும் சேர தெடர்ந்து மறுத்து வருகிறது. அதாவது ஒரு மாஃபியா முதலாளி ஒழுங்கமைக்கப்பட்ட குற்றங்களுக்கு எதிராக பிரசாரம் செய்வது போலவே அணுவாயுத பரம்பல் தொடர்பாக இஸ்ரேல் நடந்துகொள்கிறது.

இஸ்ரேலின் அணு ஆயுதத் திட்டத்தைக் கையாள்வதில் மேற்கத்திய நாடுகள் இரட்டை வேடம் போடுவதாக ஈரான் பலமுறை விமர்சித்துள்ளது, அமெரிக்காவும் இஸ்ரேலிய ஆட்சியும் அணு ஆயுத சூன்ய பிராந்தியமாக மத்திய கிழக்கு பிராந்தியத்தை நிறுவுவதைத் தொடர்ந்தும் தடுக்கின்றன என்று ஈரான் குற்றம்சாட்டுகிறது.

அதன் தேசிய மூலோபாயத்திற்கு இணங்க, ஈரான் ஒருபோதும் அணு ஆயுதங்களை பெற்றுக்கொள்ள முற்படவில்லை, முயலவும் இல்லை, நாடு எப்போதும் தரநிலைகளின்படி மற்றும் சர்வதேச அணுசக்தி முகமையின் (IAEA) கட்டமைப்பிற்குள் முழுமையாக செயல்படுகிறது என்பதை இஸ்லாமி வலியுறுத்தினார். .

ஈரானின் அணுசக்தித் தளங்களில் இதுவரை நடத்தப்பட்ட அனைத்து பரிசோதனை நடைமுறைகளிலும் நாட்டின் அணுசக்தி திட்டத்தில் விலகல் எதுவும் ஏற்பட்டதற்கான எந்த அறிகுறியும் கண்டறியப்படவில்லை என்று ஈரானிய அணுசக்தி தலைவர் வலியுறுத்தினார்.

இரகசிய அணு ஆயுதத் திட்டத்தைக் கொண்டுள்ள இஸ்ரேல், அதன் அணுமின் நிலையங்களை ஆய்வு செய்வதை அனுமதிக்காது என்று தொடர்ந்து கூறிவருக்கறது. ஈரானின் அணுமின் நிலையங்கள் மீது தாக்குதல் நடத்தப் போவதாகவும் மிரட்டிவருகிறது. . கடந்த இரண்டு ஆண்டுகளில் ஈரானின் உயர்மட்ட அணு விஞ்ஞானி மொஹ்சென் ஃபக்ரிசாதேவை இஸ்ரேல் படுகொலை செய்து, ஈரானிய அணு ஆயுத தளங்களில் நாசவேலைகளை எந்தத் நடத்தியது. சர்வதேச இதற்காக இஸ்ரேலை தண்டிக்கவுமில்லை, கண்டிக்கவுமில்லை.

மேலும், டெல் அவிவ் ஈரானுக்கும் உலக வல்லரசுகளுக்கும் இடையிலான வியன்னா பேச்சுக்களை தடம் புரளச்செய்ய முற்படுகிறது.

ஈரானும் ஆறு உலக சக்திகளும் வரலாற்று சிறப்புமிக்க அணுசக்தி ஒப்பந்தத்தில் அதன் அணுசக்தி திட்டத்தின் அமைதியான தன்மையை உலகிற்கு உறுதிப்படுத்த 2015 இல் கையெழுத்திட்டன, இது அதிகாரப்பூர்வமாக கூட்டு விரிவான செயல் திட்டம் (JCPOA) என அழைக்கப்படுகிறது, இருப்பினும், இஸ்லாமிய குடியரசிற்கு எதிரான "அதிகபட்ச அழுத்தம்" கொடுக்க வேண்டும் என்பதற்காக 2018 இல் முன்னாள் அமெரிக்க ஜனாதிபதி டொனால்ட் டிரம்ப் இந்த ஒப்பந்தத்தில் இருந்து வெளியேறினர்.

அணுசக்தி ஒப்பந்தத்துடன் ஈரானின் முழு ஒத்துழைப்பு வழங்கியதாக ஐநா அணுசக்தி கண்காணிப்பு அமைப்பு 15 அறிக்கைகளில் சரிபார்த்து தெரிவித்திருக்கையில் அமெரிக்கா ஒப்பந்தத்தில் இருந்து ஒருதலைப்பட்சமாக விலகியது,

ஈரானிய அணு விஞ்ஞானியைக் கொலை செய்வதன் மூலம் இஸ்லாமியப் புரட்சிக்கு ஒரு அடியைத் தங்களால் தர முடியும் என்று திமிர்பிடித்த சக்திகள் நினைத்தன், ஆனால் அத்தகைய நடவடிக்கைகள் எதிர்மறையானவை மற்றும் ஈரானின் அமைதியான அணுசக்தி திட்டத்தை பலவீனப்படுத்தத் தவறியது மட்டுமல்லாமல், அதன் வலுப்படுத்துவதற்கும் வளர்ச்சிக்கும் வழிவகுத்தது.என்று மற்றொரு இடத்தில் எஸ்லாமி கூறினார்.

இஸ்ரேலின் உளவு அமைப்பான மொசாட், கடந்த ஆண்டு ஈரானின் உயர்மட்ட அணு விஞ்ஞானி மொஹ்சென் ஃபக்ரிசாதேவை படுகொலை செய்ய ரிமோட் கண்ட்ரோல் செய்யப்பட்ட "ரோபோ கொலைக்கருவி" பயன்படுத்தியதாக அமெரிக்க NYT ஊடக அறிக்கை கூறுகிறது.

AEOI தலைவர் மேலும் கூறுகையில், JCPOA உடன் கையெழுத்திட்ட பிற நாடுகள் அணுசக்தி ஒப்பந்தத்தில் குறிப்பிடப்பட்ட தங்கள் கடமைகளை நிறைவேற்றவில்லை, இது ஈரானுக்கு எதிரான எதிர்மறையான ஊடகப் பிரச்சாரத்தின் காரணத்தை விளக்குகிறது என்றார்.

ஈரான் மற்றும் P4+1 குழு நாடுகளுக்கு இடையே ஆஸ்திரிய தலைநகர் வியன்னாவில் நடக்கவிருக்கும் பேச்சுவார்த்தைகள் JCPOA இன் படி மற்ற கட்சிகள் தங்கள் உறுதிமொழிக்கு திரும்புவதில் கவனம் செலுத்தும் என்றும் அணுசக்தி பிரச்சினைகளுடன் எந்த தொடர்பும் இருக்காது என்றும் எஸ்லாமி வலியுறுத்தினார்.

ஈரான் மற்றும் பி4+1 - பிரிட்டன், பிரான்ஸ், ஜெர்மனி, ரஷ்யா மற்றும் சீனா ஆகிய நாடுகளின் தூதர்கள் ஏழாவது சுற்று விவாதத்தை வியன்னாவில் நடத்துவார்கள் என்று எதிர்பார்க்கப்படுகிறது.

கடந்த ஜூன் மாதம் ஈரான் ஜனாதிபதித் தேர்தல் நிமித்தம் பேச்சுவார்த்தைகள் இடைநிறுத்தப்பட்டன. அதன் பின்னர், புதிய ஈரானிய நிர்வாகம், முந்தைய நிர்வாகத்தின் கீழ் நடைபெற்ற ஆறு சுற்று விவாதங்களின் விவரங்களை ஆய்வு செய்து வருகிறது.

வெள்ளிக்கிழமையன்று, ஐரோப்பிய ஒன்றிய வெளியுறவுக் கொள்கைத் தலைவர் ஜோசப் பொரெலுடன் தொலைபேசி அழைப்பில், ஈரானிய வெளியுறவு அமைச்சர் ஹொசைன் அமீர்-அப்துல்லாஹியன், அமெரிக்கா மீண்டும் ஒருதலைப்பட்சமாக ஜேசிபிஓஏவை விட்டு வெளியேறாது என்பதற்கு "தீவிரமான மற்றும் போதுமான" உத்தரவாதங்களை வழங்க வேண்டும் என்றார்.

வியன்னா பேச்சுவார்த்தையில் பங்கேற்பாளர்கள் JCPOA இன் படி தங்கள் கடமைகளுக்கு முழு இணக்கத்திற்குத் திரும்பினால் மட்டுமே "நல்ல மற்றும் உடனடி உடன்பாட்டை" எட்ட முடியும் என்றும் அமீர்-அப்துல்லாஹியன் கூறினார்.

https://www.presstv.ir/Detail/2021/11/27/671494/Eslami-Iran-AEOI-nuclear-al-Masirah-Israel-US-JCPOA-Vienna-talks-scientist-assassination