அமெரிக்கா, சோவியத் ஒன்றியம் மற்றும் மேற்கு நாடுகளைத் தனியாக நின்று தோற்கடித்தது ஈரான்

 During the Sacred Defense, Iran single-handedly defeated the US, the USSR and the West

புனித பாதுகாப்பு (சதாம் ஈரான் மீது திணித்த போர்) தொடங்கிய 40 வது ஆண்டு நிறைவை முன்னிட்டு, புனித போரில் பங்குபற்றிய வீரர்களை கௌரவிக்கும் நிகழ்வில் இஸ்லாமிய புரட்சியின் உச்ச தலைவரான இமாம் காமனெய்:

 

தனது உரையில், "ஈராக்கின் பாத்திஸ்ட் ஆட்சிக்கு உலகின் பல நாடுகள் முழு வீச்சுடன் ஆதரவளித்த போதிலும், ஈரான் இறைவனின் அருளால் போரில் வெற்றிபெற முடிந்தது," என்று இஸ்லாமிய புரட்சியின் உச்ச தலைவர் மீண்டும் வலியுறுத்தினார்,

ஈரான் மீது சதாம் மேற்கொண்ட தாக்குதலின் 40 ஆண்டு நிறைவை முன்னிட்டு, புனித பாதுகாப்பு நடவடிக்கைகளில் ஈடுபட்ட வீரர்களுக்கு மரியாதை செலுத்தும் நோக்கத்துடன் கடந்த செவ்வாயன்று (22-09-2020) நடைபெற்ற வைபவத்தில் தலைவர் அவர்கள் உரையாற்றுகையில், “அமெரிக்காவும் பிற சக்திகளும் இஸ்லாமிய குடியரசு ஆட்சி முறையை தூக்கியெறியும் நோக்கத்துடன் ஒரு போரைத் தொடங்கின. ஆனால் அவர்களே தோற்கடிக்கப்பட்டனர்; இந்த போரில் ஈரானின் வெற்றி சூரியனின் இருப்பைப் போலவே தெளிவாக உள்ளது. முழு உலகமும் சதாமுக்கு ஆதரவாக அதனால் முடிந்த அனைத்தையும் செய்தது, ஆனால் இறுதியில் அவர்கள் இலக்கை அடையத் தவறிவிட்டனர் என்று குறிப்பிட்டு, இதை விட சிறந்த வெற்றி ஏதேனும் உண்டா?” என்று கேள்வி எழுப்பினார்.

"கடந்த ஒன்று அல்லது இரண்டு நூற்றாண்டுகளில் ஈரான் ஈடுபட்டிருந்த போர்களில் தோல்வியை சந்தித்தது மற்றும் அதன் பிரதேசங்களின் ஒரு பகுதியை இழந்தது, ஆயினும் ஈரானுக்கு எதிராக சதாம் திணித்த போரில் (1980-1988), அமெரிக்கா, சோவியத் யூனியன் மற்றும் நேட்டோ ஆகியவை அவருக்கு ஆதரவளித்திருந்தாலும் ஈரானின் ஒரு அங்குல நிலத்தை கூட அவரால் வெற்றி கொள்ள முடியவில்லை," என்றார்.

“ஈராக்கிற்கும் ஈரானுக்கும் இடையிலான போர் இரண்டு அண்டை நாடுகளுக்கு இடையிலான சாதாரண யுத்தம் அல்ல என்பதை எங்கள் மறைந்த இமாம் ஆரம்பத்தில் இருந்தே அறிந்திருந்தார் என்று இமாம் காமனெய் வலியுறுத்தினார். “போரில் முக்கிய எதிரி யார் என்பதையும் சதாம் வெறும் கருவி மட்டுமே என்பதையும் மறைந்த இமாம் வலியுறுத்தினர்.” அமெரிக்கா சோவியத் யூனியனை விட மோசமானது, சோவியத் யூனியன் அமெரிக்காவை விட மோசமானது, இங்கிலாந்து இரண்டையும் விட மோசமானது என்று இமாம் கொமெய்னி எப்போதும் கூறி வந்தார். வேறு வார்த்தைகளில் கூறுவதானால், இந்த சக்திகள் போரின் திரைக்குப் பின்னால் செயல்படும் முக்கிய கூறுகள் என்பதை அவர் புரிந்து கொண்டார்,” என்பதையும் தலைவர் ஞாபகமூட்டினார்.

இஸ்லாமிய புரட்சியின் உச்ச தலைவர் காமனெய் ஈரானின் புனித தேசிய பாதுகாப்புத் திட்டம், மனித வளங்களை வளப்படுத்தியதாக வலியுறுத்தினார், மேலும், “அந்த நாட்களில் புனித பாதுகாப்பில் ஈடுபட்ட எண்ணற்ற மக்கள், இன்றும் நாட்டின் பல்வேறு பகுதிகளில் தொடர்ந்து சேவைகளை வழங்கி வருகின்றனர் என்றும் இறைவனின் கிருபையுடன் தொடர்ந்து எதிர்காலத்திலும் இதைத் தொடர்வர் என்றும் கூறினார். மேலும் இதற்கு தியாகி சுலைமானி ஒரு நல்ல உதாரணம் என்றும் அவரது செயல்பாடுகளின் அளவை இதுவரை யாரும் முழுமையாக புரிந்து கொள்ளவில்லை என்றும் அவர் செய்தவை பற்றி எதிர்காலத்தில் நாம் அனைவரும் படிப்படியாக அறிந்து கொள்வோம்,” என்றும் இமாம் காமனெய் குறிப்பிட்டார்.

https://english.khamenei.ir/news/7970/During-the-Sacred-Defense-Iran-single-handedly-defeated-the

 

ஈரான்-ஈராக் போர்

ஈராக் 1980 ஆண்டு செப்டம்பர் மாதம் 22 ஆம் திகதி ஈரான் மீது திடுதிப் என்று படையெடுத்து, கசப்பான போரைத் திணித்தது. இதனால் அந்நிய சக்திகள் உள்ளே புகவும் பிராந்தியத்தின் ஸ்திரமின்மைக்கு காரணமாகவும் அமைந்தது மட்டுமல்லாமல் இரு நாடுகளையும் பேரழிவிற்கு உட்படுத்தியது.

ஈரானில் இமாம் கொமெய்னி அவர்களின் வழிநடத்தலில் வெற்றி பெற்ற இஸ்லாமிய புரட்சி, அரபு ஆட்சியாளர்களுக்கு கலக்கத்தை ஏற்படுத்தியது. முஸ்லிம் உலகின் தலைமைத்துவ கனவில் மிதந்து கொண்டிருந்த சத்தாம், சூழவுள்ள அரபு ஆட்சியாளர்களினால் தூண்டப்பட்டார். இரு நாடுகளுக்கும் இடையிலான எல்லை நீர்வழிப்பாதையான ஷட் அல்-அராப் தொடர்பாக தொடர்ந்த ஒரு பிராந்திய தகராறுக்கு, பேச்சுவார்த்தை மூலமாக அல்லாது, படையெடுப்பின் மூலம் விடை தேட முயன்றார் அப்போதைய ஈராக் தலைவர் சதாம் உசேன்.

இஸ்லாத்தின் விரோதிகளான அமேரிக்கா, சோவியத் ஒன்றியம் உட்பட மேற்குலக நாடுகள் அனைத்தும் இந்த போரில் சதாமுக்கு ஆதரவாக செயல்பட்டன; அரபு நாடுகள் சதாமின் யுத்தத்திற்கு பணத்தை வாரி இறைத்து, பக்க பலமாய் இருந்தன.

யுத்தத்தைத் தொடங்கிய சதாம் ஹுசைன் கண்மூடித்தனமான பாலிஸ்டிக்-ஏவுகணை தாக்குதல்கள், இரசாயன ஆயுதங்களை விரிவாகப் பயன்படுத்தியது மட்டுமல்லாமல் பாரசீக வளைகுடாவில் ஈரானில் இருந்து எரிபொருள் ஏற்றிச்செல்லும் மூன்றாம் நாட்டு எண்ணெய் டேங்கர்கள் மீதான தாக்குதல்களை மேற்கொண்டார்.

மத்திய கிழக்கில், இரு அண்டை நாடுகளுக்கிடையில் எட்டாண்டுகளாக தொடர்ந்த இந்த போரில் இருதரப்பிலும் குறைந்த பட்சம் அரை மில்லியனுக்கும் அதிகமான வீரர்கள் கொல்லப்பட்டனர்,  கிட்டத்தட்ட அதே அளவிலானோர் நிரந்தர முடமாயினர். சுமார் 228 பில்லியன் டாலர்கள் நேரடியாக செலவிடப்பட்டன, மேலும் 400 பில்லியன் டாலர்களுக்கும் அதிகமான சேதம் ஏற்பட்டது என்று அறிக்கைகள் தெரிவிக்கின்றன.

போர் ஆரம்பிக்கையில் ஈரான் இருந்த நிலை

இஸ்லாமிய புரட்சியின் பின், நாட்டை வழிநடத்தக் கூடிய பல தலைவர்களும் அறிஞர்களும் புரட்சியின் எதிரிகளால் கொல்லப்பட்டிருந்த நிலையில்,

ஷாவின் காலத்தில் ராணுவத்தில் சேவையாற்றிய உயர் அதிகாரிகள் நாட்டைவிட்டு தப்பி ஓடியிருந்த நிலையில்,

ஈரானில் இஸ்லாமிய ஆட்சி ஸ்தாபிக்கப்பட்டு இரண்டு ஆண்டுகள் கூட பூர்த்தி அடையாத நிலையில்,

அமேரிக்கா உட்பட மேற்குலக நாடுகளினால் பொருளாதாரத் தடை விதிக்கப்பட்டுள்ள நிலையில், சந்தர்ப்பத்தை பயன்படுத்திக் கொண்டு, மாபெரும் ஆக்கிரமிப்பு யுத்தமொன்றை, அமெரிக்க அடிமை அரபிகளின் துணையுடன், சத்தாம் ஆரம்பித்தார்.  

போரின் ஆம்ப காலங்களில் ஈரான் பாரிய சேதங்களையும் இழப்புகளையும் சந்திக்க நேர்ந்தது. சதாமின் ராணுவம் எண்ணெய் வளம் மிக்க ஈரானின் மேற்கில் பல பிரேதங்களை ஆக்கிரமித்துக்கொண்டது.

ஈரான் அப்போதிருந்த குழப்பமான சூழ்நிலையைப் பயன்படுத்தி துரிதமாக தனது இலக்கை அடைந்துகொள்ளலாம் என்று சதாம் கனக்குப் போட்டார்; ஆனால் போட்ட கணக்கு தப்பு என்பதை அவர் உணர கொஞ்சம் காலம் எடுத்தது.

ஈரான் கொடுத்த பதிலடியினால் சதாம் மட்டுமல்ல சூழ இருந்த அரபு ஆட்சியாளர்கள் அனைவரும் கதிகலங்கிப் போயினர். ஈரான், அது இழந்த பிரதேசங்கள் அனைத்தையும் மீட்டது மட்டுமல்லாமல் ஈராக்குக்குள் புகுந்து தாக்க ஆரம்பித்தனர்: போரில் ஈரானின் கை ஓங்கி வருவதை உணர்ந்த சதாம், போவோர் வருவோரிடமெல்லாம் சமாதான பிச்சை கேட்கும் பரிதாப நிலைக்கு ஆளானார்.

இஸ்லாமிய அரசு முறையை அகற்றுவதற்கான முயற்சியில், சதாமுடன் சேர்ந்து, உலக வல்லாதிக்க சக்திகளும் தோல்வியடைந்தன. இது இஸ்லாத்திற்கு கிடைத்த மாபெரும் வெற்றியே அன்றி வேறில்லை.

சர்வ வல்லமையுள்ள இறைவன் மீது ஈரானிய மக்கள் வைத்திருந்த அசைக்க முடியாத நம்பிக்கை கிட்டத்தட்ட முழு உலகின் அதிநவீன இராணுவ தொழில்நுட்பத்தை, பயங்கர ஆயுதங்களை வெற்றிபெறச் செய்தது, ஆக்கிரமிப்பாளரிடம் ஒரு அங்குல நிலப்பரப்பை கூட ஈரான் இழக்கவில்லை.

அமெரிக்காவினத்தும் மேற்கு நாடுகளினதும் ஈரான் மீதான  அதிகரித்து வரும் பொருளாதாரத் தடைகளுக்கு தொடர்ந்து முகம்கொடுத்துள்ள நிலையிலும், இஸ்லாமிய குடியரசின் தலைவர்கள் மனம் தளரவில்லை. 

இந்த வெற்றிகளுக்கு உண்மையில், ஈரானும் ஈரானிய மக்களும் இஸ்லாமியப் புரட்சியின் தந்தை, வரலாற்று நாயகன் இமாம் கொமெய்னி (ரஹ்) அவர்களின் சீரிய வழிகாட்டலுக்கு கடன்பட்டிருக்கிறார்கள்.

இமாம் கொமெய்னி (ரஹ்) அவர்கள் இந்த 8 ஆண்டுகால புனித பாதுகாப்பு யுத்தத்தை, தேச மக்களை ஒன்றாக அணிவகுக்கச் செய்து, தியாகங்களை வழங்குவதற்காக மறைமுகமாகக் கிடைத்த ஒர் ஆசீர்வாதம் என்று நம்பினார்கள்.

அவர்களின் நம்பிக்கை வீண்போகவில்லை. இஸ்லாமிய அரசியல் முறைமையை பாதுகாப்பதற்காகவும், தேசிய பாதுகாப்பு மற்றும் பிற அதிநவீன ராணு தொழில்நுட்பங்கள் உட்பட அனைத்து துறைகளிலும் இஸ்லாமிய குடியரசை தன்னிறைவு அடையச் செய்ய, ஈரானிய மக்களிடம் மறைந்திருக்கும் திறமைகளை வெளிக்கொண்டுவரவும் இந்த யுத்தம் ஒரு வாய்ப்பை ஏற்படுத்திக் கொடுத்தது எனலாம்..

பின்விளைவுகளுக்கு ஐக்கிய அரபு எமிரேட்ஸ், பஹ்ரைன் பொறுப்பு - ரூஹானி எச்சரிக்கை

Rouhani Warns UAE, Bahrain of ‘Consequences’

ஈரான் ஜனாதிபதி ஹசன் ரூஹானி புதன்கிழமை இஸ்ரேலின் ஆக்கிரமிப்பு ஆட்சியுடனான உறவுகளை இயல்பாக்குவதன் விளைவாக ஏற்படும் எந்தவொரு "விளைவுகளுக்கும்" ஐக்கிய அரபு எமிரேட்ஸ் மற்றும் பஹ்ரைன் ஆகியவை பொறுப்பாகும் என்று கூறினார்.

சியோனிச பிரதமர் பெஞ்சமின் நெதன்யாகு மற்றும் ஐக்கிய அரபு எமிரேட்ஸ் மற்றும் பஹ்ரைன் வெளியுறவு அமைச்சர்கள் வெள்ளை மாளிகையில் ஒப்பந்தங்களில் கையெழுத்திட்ட மறுநாள் ரூஹானி இந்த கருத்துக்களை தெரிவித்தார்.

அமைச்சரவைக் கூட்டத்தில் பேசிய ரூஹானி, சியோனிச ஆட்சி “ஒவ்வொரு நாளும் பாலஸ்தீனத்தில் அதிக குற்றங்களைச் செய்து கொண்டு இருக்கையில் இவ்வாறு நிகழ்வது பலஸ்தீனர்களுக்கு செய்யப்படும் மாபெரும் துரோகமாகும்" என்றும் அவர் கூறினார்.

"பிராந்திய நாடுகளில் வாழும் மக்கள் இறையச்சம் கொண்ட உண்மையான முஸ்லிம்கள், ஆனால் அவர்களின் ஆட்சியாளர்களால் இஸ்லாத்தையோ அல்லது ஒரே மொழிபேசும் தங்கள் பலஸ்தீன் சகோதர இனத்தவர்கள் தொடர்பாக செய்ய வேண்டிய அவர்களின் கடமையையோ புரிந்து கொள்ள முடியவில்லை..." என்றும் அவர் கூறினார்

"நீங்கள் சியோனிச பயங்கரவாதிகளுக்கு உங்கள் நட்புக் கரங்களை எவ்வாறு நீட்ட முடியும்? தொடர்ந்து நீங்கள் அவர்களுக்கு பிராந்தியத்தில் ராணுவ தளங்களை கொடுக்க விரும்புகிறீர்களா? இதிலிருந்து எழும் கடுமையான விளைவுகள் அனைத்துக்கும் நீங்களே பொறுப்பு."

கடந்த செவ்வாயன்று இடம்பெற்ற கையெழுத்திடும் வைபவத்தில் உரையாற்றிய ஜனாதிபதி டொனால்ட் டிரம்ப் இதேபோன்ற வாஷிங்டன் தரகு ஒப்பந்தங்கள் இஸ்ரேலின் ஆட்சிக்கும் சவுதி அரேபியா உட்பட பல அரபு நாடுகளுக்கும் இடையே இடம்பெறும் நாள் வெகு தொலைவில் இல்லை என்று கூறினார்.

"பல தசாப்தங்களாக தொடர்ந்த பிளவு மற்றும் மோதல்களுக்குப் பிறகு நாங்கள் ஒரு புதிய மத்திய கிழக்கின் விடியலைக் காண்கிறோம்" என்று டிரம்ப் கூறினார்.

http://kayhan.ir/en/news/82901/rouhani-warns-uae-bahrain-of-%E2%80%98consequences%E2%80%99

இது நியாயமான பாலஸ்தீன விடுதலை போராட்டத்திற்கு விழுந்த மரண அடி என்பதை ஏன் இந்த அராபுத் தலைவர்களால் புரிந்துகொள்ள முடியவில்லை...?

ஈரான் முன்னர் பஹ்ரைனை, அதன் ஒப்பந்தம் இஸ்ரேலின் "குற்றங்களுக்கு" ஒரு அதை பங்காளியாக்கிவிட்டது என்றும் மற்றும் ஐக்கிய அரபு அமீரகம் முஸ்லிம் உலகத்தை எதிரிகளுக்கு காட்டிக் கொடுத்ததாகவும் குற்றம் சாட்டியது. இவர்களது இந்த துரோகச் செயலுக்கு எதிராக உலக முஸ்லிம்கள் கொதித்தெழுந்துள்ளனர்.

 

முஸ்லிம் உலகை அழிப்பதற்காக அரங்கேற்றப்பட்ட  செப்டம்பர் 11 சம்பவ ஞாபகார்த்த அதே தினத்தில், இஸ்ரேலிய ஆட்சி மற்றும் பஹ்ரைன் உறவுகளை சீராக்க ஒப்புக்கொண்ட செய்தி வெளியானது குறிப்பிடத்தக்கது. இஸ்ரேலிய ஆட்சி மற்றும் ஐக்கிய அரபு எமிரேட்ஸ் இடையே அமெரிக்காவால் தரகு செய்யப்பட்ட இதேபோன்ற ஒப்பந்தம் இடம்பெற்ற ஒரு மாதத்திற்குப் பிறகு இராஜதந்திர உறவுகளை ஏற்படுத்த இவ்விரு நாடுகளும் முடிவு செய்தன. இஸ்ரேலிய ஆட்சியை அங்கீகரித்த நான்காவது அரபு நாடாக பஹ்ரைன் உள்ளது. 1979 ல் எகிப்து மற்றும் 1994 இல் ஜோர்டான் ஆகியன முதல் இரண்டு நாடுகளாகும்.

பாலஸ்தீனிய ஆணையம் ஐக்கிய அரபு எமிரேட் மற்றும் பஹ்ரைன் தலைவர்களின் துரோகச் செயலை வன்மையாகக் கண்டித்துள்ளது. அமெரிக்க சமாதான முன்முயற்சிகளை சியோனிச ஆட்சிக்கு ஆதரவானது என்று கண்டனம் செய்ததோடு, ஐக்கிய அரபு எமிரேட் மற்றும் பஹ்ரைன் பொதுவான அரபு நிலைப்பாட்டை பலமிளக்கச் செய்கிறது என்று விமர்சித்தது.

இது பல லட்சம் மக்களின் உயிர்களை பறித்து, புனித பூமியையும் பலஸ்தீன் தாயகத்தையும் அபகரித்த பயங்கரவாத ஆட்சியின் சட்டவிரோத செயலை அங்கீகரிக்கும் செயல் என்று பலஸ்தீனர்கள் கூறுகின்றனர்.

முஸ்லிமல்லாத பல நாடுகள் இஸ்ரேலின் சட்டவிரோத ஆக்கிரமிப்பை அங்கீகரிக்க முடியாது என்ற நிலைப்பாட்டில் சியோனிச அரசுடனான தமது தொடர்புகளை அறுத்துள்ள நிலையில் இந்த அரபு ஆட்சியாளர்களின் செயல் ஆச்சர்யத்தை ஏற்படுத்துகிறது.

"இஸ்ரேலுடனான ஐக்கிய அரபு எமிரேட்ஸ் மற்றும் பஹ்ரைனின் சமாதான ஒப்பந்தங்கள் அவர்களுக்கு இஸ்ரேலுடன் மேலும் இராஜதந்திர, வர்த்தக மற்றும் மூலோபாய உறவுகளைத் திறப்பதற்கான ஒரு கதவு மட்டுமே. இந்த ஒப்பந்தத்தில் சேர பல நாடுகளான ஓமான், சூடான், மொராக்கோ மற்றும் சவுதி அரேபியா போன்றவை காத்திருக்கின்றன,” என்று பிரிட்டிஷ்-பாகிஸ்தான் ஆய்வாளர் நூர் தஹ்ரி குறிப்பிடுகின்றார். இந்த அலையில் கட்டார் அரசும் பாகிஸ்தான் அரசும் கூட அள்ளுண்டு செல்லலாம் என்றும் அவர் தெரிவித்துள்ளார்.

பாலஸ்தீனியர்களின் எதிர்ப்பு மற்றும் யூத அரசுடன் எந்தவொரு சமரசத்திற்கும் முயல்வது தொடர்பாக ஈரான் தனது அண்டை நாடுகளுக்கு எதிராக வெளிப்படையான  எச்சரிக்கையை மீறி, இரு உடன்படிக்கைகளாலும் ஏற்பட்ட தாக்கம் இப்பகுதி முழுவதும் தொடரும் என்று ஜெருசலேம் நம்பிக்கை தெரிவித்துள்ளது.

 

 

அரபுத் தலைவர்கள் பலஸ்தீனர்களுக்கு செய்துவரும் வரலாற்றுத் துரோகம்

The historical betrayal of the Palestinians by Arab leaders

பாலஸ்தீனிய நிலங்கள் மீது இஸ்ரேல் அதன் இராணுவ ஆக்கிரமிப்பைத் தொடரும் அதே வேளையில், அரபு நாடுகள் இஸ்ரேலுடனான உறவை இயல்பாக்குவதாக பாலஸ்தீனிய தலைவர்கள் விமர்சித்துள்ளனர், இதுபோன்ற ஒப்பந்தங்கள் இஸ்ரேலின் ஆக்கிரமிப்பு நிலைமையை உறுதிப்படுத்துகின்றன என்று கூறியுள்ளனர்.

பாலஸ்தீன விடுதலை அமைப்பு (பி.எல்.ஓ) பஹ்ரைன்-இஸ்ரேல் ஒப்பந்தம் "பலஸ்தீனிய விடுதலை போராட்டத்தில் மேற்கொள்ளப்பட்ட மற்றொரு துரோக குத்து" என்று கூறியது.

பஹ்ரைன் கடந்த வெள்ளிக்கிழமையன்று விடுத்த அறிவிப்பை பாலஸ்தீனியர்கள் வன்மையாகக் கண்டிக்கின்றனர்  என்று அல் ஜசீரா நிருபர் நிதா இப்ராஹிம், ஆக்கிரமிக்கப்பட்ட மேற்குக் கரையில் உள்ள ரமல்லாவில் இருந்து  அறிக்கையிட்டுள்ளார்.

அரபு நாடுகளுக்கும் இஸ்ரேலுக்கும் இடையிலான சமாதானம் "பாலஸ்தீனிய பிரச்சினை தீர்க்கப்படாமல் நடக்காது" என்று முன்னர் கூறியிருந்த பாலஸ்தீனிய ஆணையத்தின் தலைவர் மஹ்மூத் அப்பாஸுடன் அல் ஜசீரா ஊடக நிருபர் இப்ராஹிம் பேசியதாக கூறினார்.

பஹ்ரைன் மற்றும் ஐக்கிய அரபு எமிரேட்ஸுடனான இஸ்ரேலின் ஒப்பந்தங்கள் "பிராந்திய ஆதரவு இல்லாமல்" (அதாவது சவூதி அரேபியாவின் ஆதரவின்றி) நடந்திருக்கும் என்று அவர்கள் நம்பவில்லை என்றும் அந்த அதிகாரி கூறினார்.

பஹ்ரைனின் அறிக்கை வெளிவந்த உடனேயே செய்தியாளர்களிடம் பேசிய ட்ரம்பின் மருமகனான குஷ்னர், ஐக்கிய அரபு எமிரேட்ஸ் மற்றும் பஹ்ரைன் ஒப்பந்தங்கள் "முஸ்லிம் உலகில் பதற்றத்தை குறைக்க உதவும் என்றும் பாலஸ்தீனிய (விடுதலை) பிரச்சினையை தங்கள் சொந்த தேசிய நலன்களிலிருந்தும் அவர்களின் வெளியுறவுக் கொள்கையிலிருந்தும் விடுவித்து, அவர்களின் உள்நாட்டு முன்னுரிமைகள் மீது கவனம் செலுத்தும் செயல்" என்றும் கூறினார்.

https://www.aljazeera.com/news/2020/09/israel-bahrain-agree-establish-full-diplomatic-ties-200911171014685.html?

பஹ்ரைன்-இஸ்ரேல் ஒப்பந்தத்தை ஈரான் கடுமையாக கண்டிக்கிறது

ஈரானின் வெளியுறவு அமைச்சகம் பஹ்ரைன் இராச்சியத்திற்கும் இஸ்ரேலுக்கும் இடையிலான அமெரிக்க-தரகு ஒப்பந்தத்தை மிகக் கடுமையாக கண்டனம் செய்தது, பாலஸ்தீனிய மக்களும் உலகெங்கிலும் உள்ள முஸ்லிம்களும் இஸ்ரேலுடனான உறவுகளை இயல்பாக்குவதை “ஒருபோதும் ஏற்றுக்கொள்ள மாட்டார்கள்” என்றும் அது கூறியது.

"சந்தேகத்திற்கு இடமின்றி, பாலஸ்தீனத்தின் ஒடுக்கப்பட்ட மக்களும் நீதியை நாடும் உலக மக்களும் உலகெங்கிலும் உள்ள சுதந்திர மக்களும் (நயவஞ்சக) அரபு ஆட்சியாளர்கள் இஸ்ரேலின் அபகரிப்பு மற்றும் முரட்டு சியோனிச ஆட்சியுடன் உறவுகளை இயல்பாக்குவதை ஒருபோதும் ஏற்றுக்கொள்ள மாட்டார்கள். பஹ்ரைனின் இந்த அவமானகரமான துரோகச் செயல் பாலஸ்தீனத்தின் அடக்கி ஒடுக்கப்பட்ட மக்கள் நினைவில் எப்போதும் நிலைத்திருக்கும்” என்று வெளியுறவு அமைச்சகம் சனிக்கிழமை வெளியிட்ட அறிக்கையில் தெரிவித்துள்ளது.

https://www.tehrantimes.com/news/452341/Iran-calls-Bahrain-s-move-to-establish-ties-with-Israel-disgraceful

சவுதி சியோனிச தொடர்பு

கடந்த வாரம் இஸ்லாத்தின் மிக புனிதத் தளமான மக்காவில் உள்ள புனித ஹரம் ஷரீபின் தலைமை இமாம் அப்துர்-ரஹ்மான்-சுதைஸ் நபிகள் நாயகம் (ஸல்) அவர்களின் ஹதீஸ்களின் கருத்தை சிதைத்து, சவுதி அரேபியா இஸ்ரேலுடன் இராஜதந்திர உறவுகளை வெளிப்படையாக நிறுவ வேண்டியதன் அவசியத்தை பரிந்துரைத்திருந்தார். இவரது குறிப்பிட்ட உரை ஊடகங்களில் ஒரு விவாதத்தை உருவாக்கியிருந்தாலும், வஹாபிகளையும் சியோனிஸ்டுகளையும் ஒன்றாக இணைக்கும் வரலாற்று உறவுகளை அறிந்த எவருக்கும் அது ஆச்சரியமான ஒன்றல்ல.

உலகெங்கிலும் உள்ள அப்பாவி முஸ்லிம்களை ஏமாற்ற ‘இஸ்லாமிய’ போர்வையைப் பயன்படுத்தும் சவூதி அரசு, 'ஒரு மினி பாலஸ்தீனிய அரசுக்கு டெல் அவிவ் ஒப்புதல் அளித்தால் மட்டுமே இஸ்ரேலுக்கான அங்கீகாரம்' என்று கூறி அதன் வழக்கமான பாசாங்குத்தனத்தை வெளிப்படுத்தி இருக்கிறது.

பலஸ்தீன விடுதலை போராட்டத்தை நலிவடையச் செய்வதற்கு ஐக்கிய அரபு எமிரேட்ஸ் (இப்போது பஹ்ரைனும்) சட்டவிரோத சியோனிச நிறுவனத்துடன் இணைந்து, அதன் இரகசிய நடவடிக்கைகளை முன்னெடுப்பதற்கான ஒரு பினாமியாக செயல்பட இணங்கியுள்ளது. சவூதி அரேபியாவின் ஒப்புதல் இன்றி இது நடந்திருக்காது என்பது சிறு பிள்ளைக்கும் தெரியும்.

ஆரம்பத்தில் இருந்தே சவுதி அரேபியா இஸ்ரேலுடன் விரிவான இரகசிய உறவுகளைக் கொண்டிருந்தது என்பதற்கான ஆதாரங்கள் நிறைந்துள்ளன. அதுபோலவே  பெரும்பாலான பாரசீக வளைகுடா ஷேக் குட்டி ராஜ்ஜியங்களும் தொடர்புகளைக் கொண்டிருந்தன. மக்களின் அங்கீகாரமற்ற, இந்த சட்டவிரோத ஏகாதிபத்திய முகவர் ராஜ்ஜியங்கள் அனைத்தும், ஒருகாலத்தில் காலனித்துவ பிரிட்டனுக்கும் இப்போது அமெரிக்காவிற்கும் அடிமைப்பட்டுக் கிடக்கின்றன.

இஸ்லாத்தின் ஆரம்ப கால யூத பழங்குடியினரும், அரபு கோத்திரவாதிகளும் சர்வவல்லமையுள்ள இறைவனால் புனித இறை தூதர் முஹம்மத் (ஸல்) அவர்கள் ஊடாக அருளிய இஸ்லாத்தின் உலகளாவிய தூதுக்கும் எதிராக நெருக்கமாக ஒத்துழைத்தனர் என்பதை மறுக்கமுடியாது. முஸ்லிம் உம்மாவை பிரித்து பலவீனப்படுத்தவும் ஒன்றுபட்டிருந்த முஸ்லிம் உலகை துண்டு துண்டாக உடைத்து, அவற்றின் விவகாரங்களை சிக்கலாக்கி அடிமைப்படுத்தி வைத்திருப்பது காலனித்துவ சதித்திட்டத்தின் ஒரு பகுதியாகும்; இதற்காக 20 ஆம் நூற்றாண்டின் முற்பகுதியில் இருந்து சியோனிஸமும் வஹ்ஹாபிஸமும் கைகோர்த்து செயல்பட்டு வந்துள்ளன என்பது வெளிப்படை.

இவ்வாறு, சிரியா, ஈராக், லெபனான், யெமன், எகிப்து மற்றும் பாரசீக வளைகுடாவை சீர்குலைக்க இந்த இரண்டு மனிதாபிமானமற்ற சக்திகளும் கைகோர்த்து செயல்படும் அதேவேளை, ஈரான் இஸ்லாமிய குடியரசை தங்கள் பொதுவான எதிரியாக சித்தரிப்பதன் மூலம் அவை உண்மையில் இஸ்லாம்-விரோத முன்னோடிகளின் பழைய கொள்கைகளையே தொடர்கின்றன. சவுதியும் அதன் பிரதிநிதிகளும் முஸ்லிம்கள் என்ற போர்வைக்குள் மறைந்துகொண்டு இந்த இஸ்லாம் விரோத செயல்பாட்டில் ஈடுபட்டு வருகின்றன.

இதன் பொருள் என்னவென்றால், மேற்கில் உள்ள சியோனிச கிறிஸ்தவர்களைப் போலவே நமது பிராந்தியத்தில் சியோனிச முஸ்லிம் தலைவர்களின் கும்பல் ஒன்றே உள்ளது என்பதையே இது காட்டுகிறது.

டொனால்ட் டிரம்ப், மைக் பொம்பியோ மற்றும் அமெரிக்காவில் உள்ள மற்றவர்கள் தங்களை 'சியோனிச கிறிஸ்தவர்கள்' என்று அழைப்பதில் பெருமிதம் கொள்வதுபோல், அதே உற்சாகத்துடன் சவுதியின் மொஹமட் பின் சல்மான் அந்-நஜ்தி, அபுதாபியின் முகமது பின் சயீத், மற்றும் பஹ்ரைனின் ஹமாத் பின் ஈசா அல் கலீஃபா ஆகியோர் தம்மை 'சியோனிச முஸ்லிம்கள்' என்று வெளிப்படையாகவே காட்டி பெருமிதம் கொள்கின்றனர்.

வேறு வார்த்தைகளில் கூறுவதானால், மொஹமட் பின் சல்மான் ஒரு சியோனிச வம்சத்திலிருந்து வந்தவர் என்பதை வரலாற்று உண்மைகள் சுட்டிக்காட்டுகின்றன. அவரது தந்தையான மன்னர் சல்மான், நஜ்திலிருந்து வந்த பாலைவன வழிப்பறி கும்பல் தலைவரான தாத்தா அப்துல்-அஜீஸ் ஆகியோர் வெய்ஸ்மான் போன்ற சியோனிச தலைவர்களின் நெருங்கிய நண்பர்கள் என்பதை சரித்திர சான்றுகள் நிரூபிக்கின்றன.

1917 ஆம் ஆண்டின் பால்ஃபோர் பிரகடனத்தை (Balfour Declaration) ஹிஜாஸின் கவர்னர் ஷெரீப் ஹுசைன் நிராகரித்த பின்னர், பிரிட்டிஷார் வழிப்பறி கொள்ளையரான சவுத் அப்துல் அஸீஸை கொண்டு ஷரீப் ஹுசைனுக்கு எதிராக கலகம் விளைவித்து, புனித நகரங்களான மக்கா மற்றும் மதீனாவிலும், தாயிப் மற்றும் மற்றும் ஜெத்தா போன்ற நகரங்களில் முஸ்லிம்களை கொண்றுகுவிக்கச் செய்ததுடன், பாலஸ்தீனத்தில் இஸ்ரேலை ஸ்தாபிக்கச் செய்வதற்கான லண்டனின் திட்டத்திற்கு ஒப்புதல் அளித்ததற்கான வெகுமதியாக 1932 இல் சவுத் அப்துல் அஸீஸை சவுதி அரேபியா என்று அழைக்கப்படும் ஒரு மோசமான அரசின் மன்னராக அறிவித்தது. இந்த விடயத்தில் எவருக்காவது சந்தேகம் இருப்பின் அரேபியா மற்றும் லெவண்டின் சமீபத்திய வரலாற்றைப் படித்தால் தெளிவு பெறலாம்.

லண்டனில் உள்ள வெளியுறவு அலுவலகத்தில் மத்திய கிழக்கு பிரிவில் பணிபுரிந்த ஜார்ஜ் ரெண்டெல் (George Rendel) என்ற ஒரு அதிகாரி, ‘சவுதி அரேபியா’ என்ற புதிய பெயரை தாமே உருவாக்கியதாக பெருமைப்பட்டிருந்தார்.

மேலும், ரஸூலுல்லாஹி (ஸல்) அவர்களின் சந்ததியினரின் பொறுப்பில் இருந்த ஆயிரம் ஆண்டுகால ஹிஜாஸின் ஆட்சியை முடிவுக்கு கொண்டுவந்த அப்துல்-அஸீஸ் பனீ சவ்த்,  பாலஸ்தீனத்தை "யூதர்களின் மூதாதையர் தாயகம்" என்று அழைத்ததோடு, 1948 இல் கிட்டத்தட்ட 800,000 பாலஸ்தீனியர்களின் இன அழிப்பு விடயத்தை கண்டும் காணாததுபோல இருந்து தம்மை ஆட்சியில் அமர்த்திய பிரிட்டிஷாருக்கு நன்றிக்கடன் செலுத்தினார்.

அதாவது, பாலஸ்தீனத்தில் சியோனிசத்தை திணிப்பதற்கான காலனித்துவ பிரிட்டனின் உந்துதல் சமகால சவுதி அரேபியாவின் நிறைந்த பங்களிப்புடனேயே இடம்பெற்றுள்ளது என்று கூறினால் மிகையாகாது.

சுவாரஸ்யமான விஷயம் என்னவென்றால், அமெரிக்காவின் ஃப்ரெண்ட்ஸ் ஆஃப் சியோன் (Friends of Zion) அருங்காட்சியகத்தின் நிறுவனர் மைக் எவன்ஸ் என்பவர் பல பாரசீக வளைகுடா நாடுகளுக்குச் விஜயம் செய்தபின் "[அங்குள்ள அரபு] தலைவர்கள் யூதர்களை விட இஸ்ரேலுக்கு ஆதரவானவர்கள்," என்று கூறியிருந்தார்.

எனவே, பாலஸ்தீனத்தின் சியோனிச அபகரிப்பை அங்கீகரிக்கும் சவுதி அரேபியா அதனை நிராகரிக்கும் நாடுகளுடன் போர்தொடுத்துள்ளதில் ஆச்சரியமில்லை.

http://kayhan.ir/en/news/82594/saudi-arabia%E2%80%99s-zionist-connection